ತೆಲುಗು ಬಿಗ್‌ಬಾಸ್ 7ರಲ್ಲಿ ಶಕೀಲಾ; ಕೊನೆವರೆಗೂ ಇದ್ದು ಗೆದ್ದು ಬನ್ನಿ ಎಂದು ಹಾರೈಸಿದ ಫ್ಯಾನ್ಸ್‌
Sep 04, 2023 03:23 PM IST
Share
ಅಕ್ಕಿನೇನಿ ನಾಗಾರ್ಜುನ ನಡೆಸಿಕೊಡುವ ಬಿಗ್‌ ಬಾಸ್‌ ತೆಲುಗು ಸೀಸನ್‌ 7ರಲ್ಲಿ ಶಕೀಲಾ
ಶಕೀಲಾ ಮೊದಲ ಬಾರಿಗೆ ಕನ್ನಡ ಬಿಗ್‌ ಬಾಸ್‌ನಲ್ಲಿ ಭಾಗವಹಿಸಿದ್ದರು. 2014 ಜೂನ್‌ನಲ್ಲಿ ಆರಂಭವಾಗಿದ್ದ ಸೀಸನ್‌ 2ರಲ್ಲಿ ಶಕೀಲಾ ಭಾಗವಹಿಸಿದ್ದರು. 27 ದಿನಗಳ ಕಾಲ ಮನೆಯೊಳಗೆ ಇದ್ದು ಎಲಿಮಿನೇಟ್‌ ಆಗಿದ್ದರು.
ಕಿರುತೆರೆಪ್ರಿಯರ ಮೆಚ್ಚಿನ ಶೋಗಳಲ್ಲಿ ಬಿಗ್‌ ಬಾಸ್‌ ಕೂಡಾ ಒಂದು. ಅಮೆರಿಕದ ಬಿಗ್‌ ಬ್ರದರ್‌ ಕಾರ್ಯಕ್ರಮದಿಂದ ಸ್ಫೂರ್ತಿ ಪಡೆದು ಹಿಂದಿಯಲ್ಲಿ ಆರಂಭವಾದ ಈ ಕಾರ್ಯಕ್ರಮ ಈಗ ಕನ್ನಡ, ತಮಿಳು, ತೆಲುಗು, ಮಲಯಾಳಂನಲ್ಲಿ ಕೂಡಾ ಪ್ರಸಾರವಾಗಿ ಜನಮನ್ನಣೆ ಪಡೆದಿದೆ.
ಕನ್ನಡದಲ್ಲಿ ಶೀಘ್ರವೇ ಬಿಗ್‌ ಬಾಸ್‌ ಸೀಸನ್‌ 9 ಆರಂಭವಾಗುತ್ತಿದೆ. ಅದಕ್ಕೂ ಮುನ್ನ ತೆಲುಗಿನಲ್ಲಿ ಬಿಗ್‌ ಬಾಸ್‌ ಶೋ ಆರಂಭವಾಗಿದೆ. ಸೆಪ್ಟೆಂಬರ್‌ 3 ರಿಂದ ತೆಲುಗು ಬಿಗ್‌ ಬಾಸ್‌ ಸೀಸನ್‌ 7 ಆರಂಭವಾಗಿದೆ. ತಮ್ಮ ಮೆಚ್ಚಿನ ಸೆಲೆಬ್ರಿಟಿಗಳನ್ನು ದೊಡ್ಮನೆಯಲ್ಲಿ ನೋಡಿದ ತೆಲುಗು ಮಂದಿ ಈ ಬಾರಿ ಟ್ರೋಫಿ ಯಾರ ಪಾಲಾಗಲಿದೆ ಎಂದು ಲೆಕ್ಕಾಚಾರ ಆರಂಭಿಸಿದ್ದಾರೆ. ಈ ಬಾರಿ ನಟಿಯರಾದ ಪ್ರಿಯಾಂಕಾ ಜೈನ್‌, ಶೋಭಾ ಶೆಟ್ಟಿ, ನಟ ಅಮರ್‌ ದೀಪ್‌ ಚೌಧರಿ, ಕೊರಿಯೋಗ್ರಾಫರ್‌ ಅಟಾ ಸಂದೀಪ್‌ ಸೇರಿ ಒಟ್ಟು 14 ಮಂದಿ ಸ್ಪರ್ಧಿಗಳು ಭಾಗವಹಿಸಿದ್ದಾರೆ.
ಕನ್ನಡ ಬಿಗ್‌ಬಾಸ್‌ನಲ್ಲೂ ಭಾಗವಹಿಸಿದ್ದ ಶಕೀಲಾ
ಹಾಗೇ ಈ ಬಾರಿ ಶಕೀಲಾ ಕೂಡಾ ತೆಲುಗು ಬಿಗ್‌ ಬಾಸ್‌ ಶೋನಲ್ಲಿ ಸ್ಪರ್ಧಿಯಾಗಿ ಹೋಗಿದ್ದಾರೆ. ಶಕೀಲಾ ಮೊದಲ ಬಾರಿಗೆ ಕನ್ನಡ ಬಿಗ್‌ ಬಾಸ್‌ನಲ್ಲಿ ಭಾಗವಹಿಸಿದ್ದರು. 2014 ಜೂನ್‌ನಲ್ಲಿ ಆರಂಭವಾಗಿದ್ದ ಸೀಸನ್‌ 2ರಲ್ಲಿ ಶಕೀಲಾ ಭಾಗವಹಿಸಿದ್ದರು. 27 ದಿನಗಳ ಕಾಲ ಮನೆಯೊಳಗೆ ಇದ್ದು ಎಲಿಮಿನೇಟ್‌ ಆಗಿದ್ದರು. ಶಕೀಲಾ ಅಷ್ಟೂ ದಿನಗಳಲ್ಲಿ ಯಾರಿಗೂ ತೊಂದರೆ ನೀಡದಂತೆ ತಮ್ಮ ಪಾಡಿಗೆ ತಾವು ಇದ್ದರು. ತಮ್ಮ ಜೀವನದಲ್ಲಿ ನಡೆದ ಕಥೆಯನ್ನು ಸಹಸ್ಪರ್ಧಿಗಳೊಂದಿಗೆ ಹಂಚಿಕೊಂಡಿದ್ದರು. ಆದರೆ ಅವರು ಎಷ್ಟು ಬೇಗ ಮನೆಯಿಂದ ಹೊರ ಹೋಗಿದ್ದು ಕೆಲವರಿಗೆ ಬೇಸರವಾಗಿತ್ತು. ಇದೀಗ ಶಕೀಲಾ ತೆಲುಗು ಬಿಗ್‌ಬಾಸ್‌ನಲ್ಲಿ ಕೂಡಾ ಭಾಗವಹಿಸುತ್ತಿದ್ದಾರೆ. ಇಲ್ಲಾದರೂ ಅವರು ಕೊನೆವರೆಗೂ ಇರಲಿ ಎಂದು ಅಭಿಮಾನಿಗಳು ಹಾರೈಸುತ್ತಿದ್ದಾರೆ.
ಶಕೀಲಾ ಹೊರತುಪಡಿಸಿ ಬೆಂಗಳೂರು ಹುಡುಗಿ ಶೋಭಾ ಶೆಟ್ಟಿ ಕೂಡಾ ತೆಲುಗು ಬಿಗ್‌ ಬಾಸ್‌ನಲ್ಲಿ ಸ್ಪರ್ಧಿಯಾಗಿದ್ದಾರೆ. 2013 ರಲ್ಲಿ ಪ್ರಸಾರವಾಗುತ್ತಿದ್ದ ಅಗ್ನಿಸಾಕ್ಷಿ ಧಾರಾವಾಹಿ ಮೂಲಕ ಶೋಭಾ ಬಣ್ಣದ ಲೋಕಕ್ಕೆ ಎಂಟ್ರಿ ಕೊಟ್ಟರು. ಧಾರಾವಾಹಿಯಲ್ಲಿ ನಟಿಸುತ್ತಿದ್ದಂತೆ ಅಂಜನಿಪುತ್ರ ಸಿನಿಮಾದಲ್ಲಿ ಪುನೀತ್‌ ರಾಜ್‌ಕುಮಾರ್‌ ತಂಗಿಯಾಗಿ ನಟಿಸುವ ಅವಕಾಶ ದೊರೆತಿದ್ದರಿಂದ 'ಅಗ್ನಿಸಾಕ್ಷಿ' ಧಾರಾವಾಹಿಯನ್ನು ಅರ್ಧಕ್ಕೆ ಬಿಟ್ಟರು. ಮತೆ ಕಿರುತೆರೆಗೆ ಬಂಧ ಶೋಭಾ ಶೆಟ್ಟಿ 'ಕಾವೇರಿ' ಹಾಗೂ 'ನಮ್ಮ ರುಕ್ಕು' ಧಾರಾವಾಹಿಗಳಲ್ಲಿ ನಟಿಸಿದರು. ಅಷ್ಟರಲ್ಲೇ ಅವರಿಗೆ ತೆಲುಗು ಕಿರುತೆರೆಯಲ್ಲಿ ಚಾನ್ಸ್‌ ದೊರೆಯಿತು.
ಶೋಭಾ ಶೆಟ್ಟಿಗೂ ಹಾರೈಸಿದ ಫ್ಯಾನ್ಸ್‌
2017 ರಲ್ಲಿ 'ಅಷ್ಟಚಮ್ಮಾ' ಧಾರಾವಾಹಿ ಮೂಲಕ ತೆಲುಗು ಕಿರುತೆರೆಗೆ ಎಂಟ್ರಿ ಕೊಟ್ಟ ಶೋಭಾ ನಂತರ 'ಕಾರ್ತಿಕ ದೀಪಂ' ಧಾರಾವಾಹಿಯಲ್ಲಿ ನಟಿಸಿ ಹೆಸರಾದರು. ತೆಲುಗಿನಲ್ಲಿ ಶೋಭಾಗೆ ಹೆಚ್ಚಿನ ಅಭಿಮಾನ ಬಳಗ ಇದೆ. ತಮ್ಮದೇ ಯೂಟ್ಯೂಬ್‌ ಚಾನೆಲ್‌ ಹೊಂದಿರುವ ಶೋಭಾ ಅದರಲ್ಲಿ ಬ್ಯೂಟಿ, ಕುಕಿಂಗ್‌, ಟಿಪ್ಸ್‌ ಸೇರಿದಂತೆ ವಿವಿದ ಕಂಟೆಂಟ್‌ಗಳನ್ನು ಹಂಚಿಕೊಳ್ಳುತ್ತಿದ್ದಾರೆ. ತೆಲುಗು ಬಿಗ್‌ಬಾಸ್‌ನಲ್ಲಿ ಸ್ಪರ್ಧಿಯಾಗಿರುವ ಶೋಭಾಗೆ ಅಭಿಮಾನಿಗಳು ಶುಭ ಕೋರುತ್ತಿದ್ದಾರೆ. ತೆಲುಗು ಬಿಗ್‌ಬಾಸ ಕಾರ್ಯಕ್ರಮವನ್ನು ಅಕ್ಕಿನೇನಿ ನಾಗಾರ್ಜುನ ನಿರೂಪಣೆ ಮಾಡುತ್ತಿದ್ದಾರೆ.