BTS Jungkook: ನಾಟು ನಾಟು ಹಾಡು ಹಾಡಿದ ಬಿಟಿಎಸ್‌ ಜಂಗ್‌ಕುಕ್‌; ತನ್ನ ಗರ್ಲ್‌ ಫ್ರೆಂಡ್‌ ಬಗ್ಗೆಯೂ ಬಾಯ್ಬಿಟ್ಟ ದಕ್ಷಿಣ ಕೊರಿಯಾದ ಗಾಯಕ
Dec 22, 2023 05:30 PM IST
Share
ಬಿಟಿಎಸ್‌ ಜಂಗ್‌ಕುಕ್‌
- BTS Jungkook: ಬಿಟಿಎಸ್‌ ಹಾಡುಗಾರ ಜಂಗ್‌ಕುಕ್‌ ಅವರು ಜಗತ್ತಿನ ವಿವಿಧೆಡೆ ಇರುವ ತನ್ನ ಅಭಿಮಾನಿಗಳಿಗಾಗಿ ಲೈವ್‌ ಸೆಸನ್‌ ನಡೆಸಿದ್ದರು. ಈ ಸಮಯದಲ್ಲಿ ಭಾರತಕ್ಕೆ ಭೇಟಿ, ತನ್ನ ಗರ್ಲ್‌ಫ್ರೆಂಡ್‌ ಇತ್ಯಾದಿ ಹಲವು ವಿಚಾರಗಳ ಕುರಿತು ಮುಕ್ತವಾಗಿ ಮಾತನಾಡಿದ್ದಾರೆ.
ಭಾರತ ಸೇರಿದಂತೆ ಜಗತ್ತಿನೆಲ್ಲೆಡೆ ತರುಣತರುಣಿಯರಿಗೆ ಬಿಟಿಎಸ್‌ ಎಂದರೆ ಏನೋ ಮೋಡಿ. ಬ್ಯಾಂಗ್ಟನ್‌ ಬಾಯ್ಸ್‌ ಎಂದೇ ಜನಪ್ರಿಯತೆ ಪಡೆದಿರುವ ಬಿಟಿಎಸ್‌ ಮ್ಯೂಸಿಕ್‌ ಬ್ಯಾಂಡ್‌ನಲ್ಲಿ ದಕ್ಷಿಣ ಕೊರಿಯಾದ ಏಳು ಯುವಕರು ಸಖತ್‌ ಮನರಂಜನೆ ನೀಡುತ್ತಾರೆ. ಹಿಪ್‌ಹಾಪ್‌ ಶೈಲಿಯಲ್ಲಿ ಈ ತಂಡ ಪ್ರಸ್ತುತ ಪಡಿಸುವ ಸಂಗೀತ ಮತ್ತು ನೃತ್ಯಕ್ಕೆ ಭಾರತದಲ್ಲಿಯೂ ಸಾಕಷ್ಟು ಅಭಿಮಾನಿಗಳಿದ್ದಾರೆ. ಇದೀಗ ಈ ಬಿಟಿಎಸ್‌ ತಂಡದ ಹುಡುಗರಲ್ಲಿ ಒಬ್ಬರಾದ ಜಂಗ್‌ಕುಕ್‌ ಸುದ್ದಿಯಲ್ಲಿದ್ದಾರೆ.
ಬಿಟಿಎಸ್‌ ಹಾಡುಗಾರ ಜಂಗ್‌ಕುಕ್‌ ಅವರು ಜಗತ್ತಿನಲ್ಲಿರುವ ತನ್ನ ಅಭಿಮಾನಿಗಳಿಗಾಗಿ ಲೈವ್‌ ಸೆಸನ್‌ ನಡೆಸಿದ್ದರು. ಜಗತ್ತಿನ ವಿವಿಧ ಮೂಲೆಗಳಲ್ಲಿರುವ ಜಂಗ್‌ಕುಕ್‌ ಅಭಿಮಾನಿಗಳು ಈತನ ಈ ಲೈವ್‌ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ಅಭಿಮಾನಿಗಳು ಕೇಳಿದ ಹಲವು ಪ್ರಶ್ನೆಗಳಿಗೆ ಇವರು ಉತ್ತರಿಸಿದ್ದಾರೆ. ತನ್ನ ವೈಯಕ್ತಿಕ ಜೀವನದ ಕುರಿತಾದ ಸಾಕಷ್ಟು ಪ್ರಶ್ನೆಗಳಿಗೆ ಉತ್ತರಿಸಿದ್ದಾರೆ. ಜತೆಗೆ, ಭಾರತದ ಅಭಿಮಾನಿಗಳ ಪ್ರಶ್ನೆಗೂ ಉತ್ತರಿಸಿದ್ದಾರೆ. ಅಭಿಮಾನಿಯ ವಿನಂತಿ ಮೇರೆಗೆ ಆರ್‌ಆರ್‌ಆರ್‌ ಸಿನಿಮಾದ ನಾಟು ನಾಟು ಹಾಡಿನ ಸಾಲನ್ನು ಹಾಡಿದ್ದಾರೆ.
ಲೈವ್‌ಗೆ ಬಂದ ಜಂಗ್‌ಕುಕ್‌
"ಹಾಯ್‌ ನನಗೆ ಸುಸ್ತಾಗಿದೆ, ಈಗಷ್ಟೇ ಪ್ರ್ಯಾಕ್ಟಿಸ್‌ ಮುಗಿಸಿ ಬಂದೆ. ನಿಮ್ಮೆಲ್ಲರನ್ನೂ ನೋಡಲು ಖುಷಿಯಾಗುತ್ತಿದೆ" ಎಂದು ಅಭಿಮಾನಿಗಳಿಗೆ ತಿಳಿಸಿದ್ದಾರೆ. ಇವರು ಅಕ್ಟೋಬರ್‌ 13ರ ಶೋಗೆ ಪ್ರ್ಯಾಕ್ಟಿಸ್‌ ಮಾಡುವುದಾಗಿ ತಿಳಿಸಿದ್ದಾರೆ. ಇತ್ತೀಚೆಗೆ ಇವರು ಟಿಕ್‌ಟಾಕ್‌ಗೆ ಜಾಯಿನ್‌ ಆಗಿದ್ದಾರೆ. ಟಿಕ್‌ಟಾಕ್‌ನಲ್ಲೂ ನನ್ನ ವಿಡಿಯೋ ನೋಡಬಹುದು ಎಂದು ಹೇಳಿದ್ದಾರೆ. ಭಾರತದಲ್ಲಿ ಟಿಕ್‌ಟಾಕ್‌ ಲಭ್ಯವಿಲ್ಲದೆ ಇದ್ದರೂ ಜಗತ್ತಿನ ವಿವಿಧೆಡೆ ಟಿಕ್‌ಟಾಕ್‌ ಈಗಲೂ ಜನಪ್ರಿಯತೆ ಉಳಿಸಿಕೊಂಡಿದೆ.
ಈತ ಜಗತ್ತಿನಲ್ಲಿರುವ ವಿವಿಧ ಅಭಿಮಾನಿಗಳಿಗಾಗಿ ವಿವಿಧ ಭಾಷೆಗಳಲ್ಲಿ ಮಾತನಾಡಲು ಪ್ರಯತ್ನಿಸಿದ್ದಾನೆ. ಲೈವ್‌ನಲ್ಲಿ ಸಾಕಷ್ಟು ಅಭಿಮಾನಿಗಳು ಈತನಿಗೆ ಪ್ರೀತಿಯಿಂದ ಕಾಮೆಂಟ್‌ ಮಾಡಿದ್ದಾರೆ.
ಭಾರತಕ್ಕೆ ಬನ್ನಿ ಎಂದ ಅಭಿಮಾನಿ
ಜಂಗ್‌ಕುಕ್‌ಗೆ ಅಭಿಮಾನಿಗಳು ಹಲವು ಪ್ರಶ್ನೆಗಳನ್ನು ಕೇಳಿದ್ದಾರೆ. ನಿಮ್ಮ ಧ್ವನಿ ತುಂಬಾ ಮುದ್ದಾಗಿದೆ ಎಂದು ಅಭಿಮಾನಿಯೊಬ್ಬರು ಹೇಳಿದ್ದಾರೆ. ನನ್ನ ಬಾಯ್‌ ಫ್ರೆಂಡ್‌ ನಿಮ್ಮ ಕುರಿತು ಅಸೂಯೆ ಪಡುತ್ತಿದ್ದಾನೆ ಎಂದು ಇನ್ನೊಬ್ಬರು ಹೇಳಿದ್ದಾರೆ. ಭಾರತಕ್ಕೆ ಬನ್ನಿ ಎಂದು ಭಾರತದ ಅಭಿಮಾನಿಯೊಬ್ಬರು ಕೇಳಿಕೊಂಡಿದ್ದಾರೆ. ನನ್ನ ತಂಡ (ಆರ್ಮಿ) ಎಲ್ಲಿಗೆ ಹೋಗುತ್ತೋ ಅಲ್ಲೆಲ್ಲ ನಾನು ಹೋಗುವೆ" ಎಂದು ಬಿಟಿಎಸ್‌ ಜಂಗ್‌ಕುಕ್‌ ಉತ್ತರಿಸಿದ್ದಾರೆ.
ಆರ್‌ಆರ್‌ಆರ್‌ ಹಾಡು ಹಾಡಿದ ಜಂಗ್‌ಕುಕ್‌
ನಿನ್ನೆ ಜಂಗ್‌ಕುಕ್‌ ಲೈವ್‌ಗೆ ಬಂದಾಗ ಅಭಿಮಾನಿಗಳ ಹಲವು ಪ್ರಶ್ನೆಗಳಿಗೆ, ವಿನಂತಿಗಳಿಗೆ ಉತ್ತರಿಸಿದ್ದಾರೆ. ನಾನು ನಿಮ್ಮೆಲ್ಲರ ಭಾಷೆಯಲ್ಲಿ ಮಾತನಾಡಲು ಪ್ರಯತ್ನಿಸುವೆ. "ನನಗೆ ಬೇರೆ ಭಾಷೆಗಳು ಗೊತ್ತಿಲ್ಲ, ಪ್ರಯತ್ನಿಸುವೆ" ಎಂದು ಹೇಳಿದ್ದಾರೆ. ಅಭಿಮಾನಿಯೊಬ್ಬರು ನಾಟು ನಾಟು ಹಾಡುವಂತೆ ವಿನಂತಿಸಿದ್ದಾರೆ. ಅದಕ್ಕೆ ಜಂಗ್‌ಕುಕ್‌ ಪ್ರತಿಕ್ರಿಯೆ ನೀಡಿದ್ದಾರೆ. ಅವರು ಹಾಡಿದ ಹಾಡು ಈ ಕೆಳಗಿದೆ.
ಆನ್‌ಲೈನ್‌ನಲ್ಲಿ ಜಂಗ್‌ಕುಕ್‌ ನಿಯಮಿತವಾಗಿ ತನ್ನ ಅಭಿಮಾನಿಗಳ ಜತೆ ಮಾತನಾಡುತ್ತ ಇರುತ್ತಾರೆ. ಈ ಹಿಂದಿನ ಲೈವ್‌ನಲ್ಲಿ ಅವರು ಆರ್‌ಆರ್‌ಆರ್‌ ಸಿನಿಮಾದ ನಾಟುನಾಟು ಹಾಡಿದ್ದರು. ಈ ಹಾಡು ನನಗೆ ತುಂಬಾ ಇಷ್ಟವಾಗಿದ್ದಾರೆ ಎಂದಿದ್ದಾರೆ.
ಗರ್ಲ್‌ಫ್ರೆಂಡ್‌ ಕುರಿತು ಜಂಗ್‌ಕುಕ್‌ ಮಾತು
ಅಭಿಮಾನಿಯೊಬ್ಬರು ಜಂಗ್‌ಕುಕ್‌ ಗರ್ಲ್‌ ಫ್ರೆಂಡ್‌ ಕುರಿತು ಪ್ರಶ್ನಿಸಿದ್ದಾರೆ. "ನಾನು ಆರ್ಮಿಯನ್ನು (ಮ್ಯೂಸಿಕ್‌ ತಂಡ) ಮಾತ್ರ ಹೊಂದಿದ್ದೇನೆ. ಆರ್ಮಿ ಕುರಿತು ಮಾತ್ರ ಯೋಚಿಸುತ್ತೇನೆ. ಆರ್ಮಿ ನನ್ನ ಗರ್ಲ್‌ ಫ್ರೆಂಡ್‌" ಎಂದಿದ್ದಾರೆ.