ಕರ್ನಾಟಕ ಶಿಲ್ಪಕಲಾ ಅಕಾಡೆಮಿಯ ಎರಡು ವರ್ಷಗಳ ಗೌರವ ಪ್ರಶಸ್ತಿ , ಶಿಲ್ಪಶ್ರೀ ಪ್ರಶಸ್ತಿ ಪ್ರಕಟ; ಆಯ್ಕೆಯಾದವರು ಯಾರು

Karnataka Shilpa Kala academy Awards:ಕರ್ನಾಟಕ ಶಿಲ್ಪಕಲಾ ಅಕಾಡೆಮಿಯ ಸರ್ವ ಸದಸ್ಯರ ಸಭೆಯಲ್ಲಿ ಶಿಲ್ಪಿಗಳನ್ನು 2022ನೇ ಮತ್ತು 2023ನೇ ಸಾಲಿನ ಗೌರವ ಪ್ರಶಸ್ತಿಗೆ ಹಾಗೂ 2023ನೇ ಸಾಲಿನ ಶಿಲ್ಪಶ್ರೀ ಪ್ರಶಸ್ತಿಗೆ ಸರ್ವಾನುಮತದಿಂದ ಆಯ್ಕೆ ಮಾಡಲಾಗಿದೆ. ಗೌರವ ಪ್ರಶಸ್ತಿ ಪುರಸ್ಕøತರಿಗೆ ತಲಾ ರೂ.50,000/-ಗಳ ನಗದು, ನೆನಪಿನ ಕಾಣಿಕೆ ಮತ್ತು ಪ್ರಶಸ್ತಿ ಪತ್ರ ನೀಡಿ ಗೌರವಿಸಲಾಗುವುದು. ಕರ್ನಾಟಕ ಶಿಲ್ಪಕಲಾ ಅಕಾಡೆಮಿಯ 2022ನೇ 2023ನೇ ಸಾಲಿನ ಗೌರವ ಪ್ರಶಸ್ತಿ ಮತ್ತು 2023ನೇ ಸಾಲಿನ ಶಿಲ್ಪಶ್ರೀ ಪ್ರಶಸ್ತಿ ಹಾಗೂ ಹದಿನೆಂಟನೇ ವಾರ್ಷಿಕ ಶಿಲ್ಪಕಲಾ ಪ್ರದರ್ಶನ-2024ರ ಬಹುಮಾನ ವಿತರಣಾ ಸಮಾರಂಭ ಹಾಗೂ ಶಿಲ್ಪಕಲಾ ಪ್ರದರ್ಶನವನ್ನು ಡಿಸೆಂಬರ್-2024ರ ಮಾಹೆಯಲ್ಲಿ ಏರ್ಪಡಿಸಲು ತೀರ್ಮಾನಿಸಲಾಗಿದೆ.

ಯಾರಿಗೆ ಪ್ರಶಸ್ತಿ

2022ನೇ ಸಾಲಿಗೆ ಗದಗ ಜಿಲ್ಲೆಯ ವೀರಭದ್ರಪ್ಪ ಕಾಳಪ್ಪ ಕವಲೂರು (ಸಂಪ್ರದಾಯ ಶಿಲ್ಪ), ಚಿಕ್ಕಮಗಳೂರು ಜಿಲ್ಲೆಯ ಎಸ್.ಪಿ. ಪಣಿಯಾಚಾರ್ (ಸಂಪ್ರದಾಯ ಶಿಲ್ಪ), ಯಾದಗಿರಿ ಜಿಲ್ಲೆಯ ಬನಪ್ಪ ಬಡಿಗೇರ (ಜಾನಪದ ಶಿಲ್ಪ), ಬೆಂಗಳೂರಿನ ಗೋಪಿನಾಥ್ ಎಸ್ (ಸಮಕಾಲೀನ ಶಿಲ್ಪ), ಶಿವಮೊಗ್ಗ ಜಿಲ್ಲೆಯ ಸಿ.ವಿ. ರಾಮಕೃಷ್ಣ (ಸಿಮೆಂಟ್ ಶಿಲ್ಪ) ಇವರು ಗೌರವ ಪ್ರಶಸ್ತಿ ಪುರಸ್ಕೃತರಾಗಿದ್ದಾರೆ.

2023ನೇ ಸಾಲಿಗೆ ಬಾಗಲಕೋಟೆ ಜಿಲ್ಲೆಯ ಅಲ್ಲಿಸಾಬ್ ಸೈ ನಧಾಪ್ (ಸಂಪ್ರದಾಯ ಶಿಲ್ಪ), ಹಾವೇರಿ ಜಿಲ್ಲೆಯ ಮಾನಪ್ಪ ಷಣ್ಮುಖಪ್ಪ ಬಡಿಗೇರ (ಸಂಪ್ರದಾಯ ಶಿಲ್ಪ), ಕಲಬುರಗಿ ಜಿಲ್ಲೆಯ ವೀರಣ್ಣ ಶಿಲ್ಪಿ (ಸಂಪ್ರದಾಯ ಶಿಲ್ಪ), ಬೆಂಗಳೂರಿನ ಶ್ರೀಮತಿ ಶಾಂತಮಣಿ ಎಂ (ಸಮಕಾಲೀನ ಶಿಲ್ಪ), ದಾವಣಗೆರೆ ಜಿಲ್ಲೆಯ ಟಿ ಶ್ರೀನಿವಾಸ್ (ಸಿಮೆಂಟ್ ಶಿಲ್ಪ) ಇವರು ಗೌರವ ಪ್ರಶಸ್ತಿ ಪುರಸ್ಕೃತರಾಗಿದ್ದಾರೆ.

ಸರ್ವ ಸದಸ್ಯರ ಸಭೆಯಲ್ಲಿ ಶಿಲ್ಪಿಗಳನ್ನು 2023ನೇ ಸಾಲಿನ ಶಿಲ್ಪಶ್ರೀ ಪ್ರಶಸ್ತಿ ಸರ್ವಾನುಮತದಿಂದ ಆಯ್ಕೆ ಮಾಡಲಾಗಿದೆ. ಗೌರವ ಪ್ರಶಸ್ತಿ ಪುರಸ್ಕøತರಿಗೆ ತಲಾ ರೂ.25,000/-ಗಳ ನಗದು, ನೆನಪಿನ ಕಾಣಿಕೆ ಮತ್ತು ಪ್ರಶಸ್ತಿ ಪತ್ರ ನೀಡಿ ಗೌರವಿಸಲಾಗುವುದು.

ಶಿಲ್ಪಶ್ರೀ ಪ್ರಶಸ್ತಿ ಯಾರಿಗೆ

2023ನೇ ಸಾಲಿಗೆ ವಿಜಯಪುರ ಜಿಲ್ಲೆಯ ಬಸವರಾಜ್ ಕೆ ಮಾಯಾಚಾರಿ, ಶಿವಮೊಗ್ಗ ಜಿಲ್ಲೆಯ ಶ್ರೀಧರಮೂರ್ತಿ.ಕೆ, ಕಲಬುರಗಿ ಜಿಲ್ಲೆಯ ಮಹೇಶ್‍ಕುಮಾರ್ ಡಿ ತಳವಾರ್, ಮಂಡ್ಯ ಜಿಲ್ಲೆಯ ಹೆಚ್ ಕೆ ಅಣ್ಣಯ್ಯಚಾರ್, ಧಾರವಾಡ ಜಿಲ್ಲೆಯ ಸುರೇಶ್ ಎಸ್ ಕಮ್ಮಾರ, ಬೆಂಗಳೂರಿನ ಆರ್ ವೇಣುಗೋಪಾಲ್, ಚಿತ್ರದುರ್ಗ ಜಿಲ್ಲೆಯ ಬಾಬುಚರಣ್ ಎನ್.ಕೆ, ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ ರಘು ಎಂ, ಹಾವೇರಿ ಜಿಲ್ಲೆಯ ಮರಿಯಪ್ಪ ಡಿ ಹೊನ್ನಮ್ಮನವರ್, ಮೈಸೂರು ಜಿಲ್ಲೆಯ ವಿಚಾರ್ ಬಿ.ಎನ್ ಇವರನ್ನು ಶಿಲ್ಪಶ್ರೀ ಪ್ರಶಸ್ತಿಗೆ ಆಯ್ಕೆ ಮಾಡಲಾಗಿದೆ.

ಕರ್ನಾಟಕ ಶಿಲ್ಪಕಲಾ ಅಕಾಡೆಮಿಯ ಹದಿನೆಂಟನೇ ವಾರ್ಷಿಕ ಶಿಲ್ಪಕಲಾ ಪ್ರದರ್ಶನ-2024ಕ್ಕೆ ರಾಜ್ಯದ ವಿವಿಧ ಭಾಗಗಳಿಂದ ಬಂದಂತಹ ಸಾಂಪ್ರದಾಯಿಕ ಮತ್ತು ಸಮಕಾಲೀನ, ಜಾನಪದ ಶೈಲಿಯ ಕಲಾಕೃತಿಗಳಲ್ಲಿ ಆಯ್ಕೆ ಮತ್ತು ನಿರ್ಣಾಯಕ ಸಮಿತಿಯು 06 ಶಿಲ್ಪಿಗಳ ಶಿಲ್ಪಕಲಾಕೃತಿಗಳನ್ನು ಅಕಾಡೆಮಿ ಬಹುಮಾನಕ್ಕೆ ಆಯ್ಕೆ ಮಾಡಲಾಗಿದ್ದು ಹಾಗೂ ಮೈಸೂರಿನ ರಾಮ್‍ಸನ್ಸ್ ಕಲಾ ಪ್ರತಿಷ್ಠಾನ, ಮನೋಹರ ಕಾಳಪ್ಪ ಪತ್ತಾರ, ವಿಜಯಪುರ ಇವರು ಶಿಲ್ಪಕಲಾ ಅಕಾಡೆಮಿಯು ಏರ್ಪಡಿಸುವ ವಾರ್ಷಿಕ ಶಿಲ್ಪಕಲಾ ಪ್ರದರ್ಶನಕ್ಕೆ ಬಂದಿರುವ ಶಿಲ್ಪಕಲಾಕೃತಿಗಳಲ್ಲಿ ತಲಾ ಒಂದೊಂದು ಶಿಲ್ಪಕಲಾಕೃತಿಗೆ ಬಹುಮಾನ ಮತ್ತು ನೆನಪಿನ ಕಾಣಿಕೆ ನೀಡಿ ಗೌರವಿಸಲಾಗುವುದು.

ಇತರೆ ಪ್ರಶಸ್ತಿ ವಿಜೇತರು

ಹದಿನೆಂಟನೇ ವಾರ್ಷಿಕ ಶಿಲ್ಪಕಲಾ ಪ್ರದರ್ಶನ-2024ಕ್ಕೆ ಬಹುಮಾನ ವಿಜೇತರಾದ ಮೈಸೂರು ಜಿಲ್ಲೆಯ ನಾರಾಯಣ ಹಂಸವಾಹಿನಿ ಶೀರ್ಷಿಕೆಯ ಕಲ್ಲು ಮಾಧ್ಯಮ, ದಕ್ಷಿಣ ಕನ್ನಡ ಜಿಲ್ಲೆಯ ಶಶಿಧರ ಆಚಾರ್ಯ ಕನ್ನಿಕಾ ಪರಮೇಶ್ವರಿ ಶೀರ್ಷಿಕೆಯ ಮರ ಮಾಧ್ಯಮ, ಮೈಸೂರು ಜಿಲ್ಲೆಯ ಎಸ್ ಮಹೇಶ್ ಬಾಲರಾಮ ಶೀರ್ಷಿಕೆಯ ಮರ ಮಾಧ್ಯಮ, ಬೆಂಗಳೂರಿನ ವಿನ್ಯಾಸ್ ಎಸ್ ಕಾಟೇನಹಳ್ಳಿ ನಮ್ಮ ಯಾತ್ರೆ ಶೀಷಿಕೆಯ ಟೆರ್ರಾಕೋಟಾ ಮಾಧ್ಯಮ, ವಿಜಯನಗರ ಜಿಲ್ಲೆಯ ಹರಾಳು ಪತ್ತಾರಿ ಪ್ರಮೋದ್‍ಕುಮಾರ್ ಗೋಲ್ಡನ್ ನಂದಿ ಶೀರ್ಷಿಕೆಯ ಕಂಚು ಮಾಧ್ಯಮ, ಉಡುಪಿ ಜಿಲ್ಲೆಯ ಚೇತನ್‍ಕುಮಾರ್ ಹಳ್ಳಿಹೊಳೆ ಮಧುರ ಶೀರ್ಷಿಕೆಯ ಕಲ್ಲು, ರಬ್ಬರ್ ಮಾಧ್ಯಮದಲ್ಲಿ ಆಯ್ಕೆಯಾಗಿದ್ದಾರೆ.

ರಾಮ್‍ಸನ್ಸ್ ಕಲಾ ಪ್ರತಿಷ್ಠಾನ ಮೈಸೂರು, ಇವರ ಬಹುಮಾನಕ್ಕೆ ಆಯ್ಕೆಯಾದ ಶಿಲ್ಪಕಲಾಕೃತಿ ತುಮಕೂರು ಜಿಲ್ಲೆಯ ಮಂಜುನಾಥ್ ಆರ್, ಹೊಯ್ಸಳ ಶೈಲಿ ಗಣಪತಿ ಶೀರ್ಷಿಕೆಯ ಕಲ್ಲು ಮಾಧ್ಯಮ ಹಾಗೂ ಮನೋಹರ ಕಾಳಪ್ಪ ಪತ್ತಾರ ವಿಜಯಪುರ ಇವರ ಬಹುಮಾನಕ್ಕೆ ಆಯ್ಕೆಯಾದ ಶಿಲ್ಪಕಲಾಕೃತಿಗೆ ಉಡುಪಿ ಜಿಲ್ಲೆಯ ಪ್ರಕಾಶ ಆಚಾರ್ಯ ಧನ್ವಂತರಿ ಶೀರ್ಷಿಕೆಯ ಮರ ಮಾಧ್ಯಮದಲ್ಲಿ ಆಯ್ಕೆಯಾಗಿದ್ದಾರೆ ಎಂದು ಕರ್ನಾಟಕ ಶಿಲ್ಪಕಲಾ ಅಕಾಡೆಮಿಯ ರಿಜಿಸ್ಟ್ರಾರ್ ತಿಳಿಸಿದ್ದಾರೆ.