Darshan: ದರ್ಶನ್‌ಗೆ ಜಾಮೀನು, ಮೈಸೂರಿನಲ್ಲಿ ಅಮ್ಮ ಮೀನಾ ತೂಗುದೀಪ ಖುಷಿಯ ಮಾತುಗಳು, ನಾಳೆ ಚಾಮುಂಡಿಬೆಟ್ಟಕ್ಕೆ ಭೇಟಿ ಸಾಧ್ಯತೆ

ಮೈಸೂರು: ಚಿತ್ರದುರ್ಗದ ರೇಣುಕಾಸ್ವಾಮಿ ಕೊಲೆ ಪ್ರಕರಣದಲ್ಲಿ ಸಿಲುಕಿ ನಾಲ್ಕು ತಿಂಗಳಿನಿಂದ ಬೆಂಗಳೂರು- ಬಳ್ಳಾರಿ ಜೈಲಿನಲ್ಲಿದ್ದ ನಟ ದರ್ಶನ್‌ ತೂಗುದೀಪಗೆ ಬುಧವಾರ ಕರ್ನಾಟಕ ಹೈಕೋರ್ಟ್‌ ಮಧ್ಯಂತರ ಜಾಮೀನು ಮಂಜೂರು ಮಾಡಿದೆ. ಇದರಿಂದ ದರ್ಶನ್‌ ಅವರ ತವರು ಮೈಸೂರಿನಲ್ಲೂ ಸಂಭ್ರಮ ಮನೆ ಮಾಡಿದೆ. ಮಗನಿಗೆ ಜಾಮೀನು ಸಿಗಲಿ, ಜೈಲಿನಿಂದ ಹೊರಗೆ ಬರಲಿ ಎಂದು ನಿತ್ಯ ಪ್ರಾರ್ಥಿಸುತ್ತಲೇ ಇದ್ದ ದರ್ಶನ್‌ ಅವರ ತಾಯಿ ಮೀನಾ ತೂಗುದೀಪ ಅವರು ಸಂತಸ ವ್ಯಕ್ತಪಡಿಸಿದ್ಧಾರೆ. ನಮ್ಮ ಪ್ರಾರ್ಥನೆ ಆ ಆ ತಾಯಿ ಚಾಮುಂಡೇಶ್ವರಿಗೆ ತಲುಪಿತು.ಸದ್ಯಕ್ಕೆ ಮಗ ಪಾರಾಗಿ ಬಂದಿದ್ದಾನೆ. ಜಾಮೀನು ಸಿಗುವ ನಿರೀಕ್ಷೆಯಿತ್ತು ಎಂದು ಮೀನಾ ತೂಗುದೀಪ ಅವರು ಖುಷಿಯಿಂದಲೇ ಹೇಳಿಕೊಂಡಿದ್ದು, ಆದಷ್ಟು ಬೇಗನೇ ಮಗನ ಬರುವಿಕೆಗಾಗಿ ಕಾದಿದ್ದಾರೆ.

ಕಳೆದ ಒಂದೂವರೆ ತಿಂಗಳಿನಿಂದಲೂ ದರ್ಶನ್‌ ಜಾಮೀನು ಅರ್ಜಿ ವಿಚಾರಣೆ ನಡೆದಿತ್ತು.ಬೆಂಗಳೂರಿನ ಸ್ಥಳೀಯ ನ್ಯಾಯಾಲಯದಲ್ಲಿ ಜಾಮೀನು ಅರ್ಜಿ ವಜಾಗೊಂಡಿದ್ದ ನಂತರ ಹೈಕೋರ್ಟ್‌ ಮೆಟ್ಟಿಲು ಏರಿತ್ತು. ಕೆಲವು ದಿನಗಳಿಂದ ಅಲ್ಲಿಯೂ ಜಾಮೀನು ಅರ್ಜಿಗೆ ಸಂಬಂಧಿಸಿ ವಿಚಾರಣೆ ನಡೆದು ಬುಧವಾರಕ್ಕೆ ಅಂತಿಮ ತೀರ್ಪು ಕಾಯ್ದಿರಿಸಲಾಗಿತ್ತು.

ಇದನ್ನೂ ಓದಿರಿ: Breaking News: ನಟ ದರ್ಶನ್ ಗೆ 6 ವಾರಗಳ ಮಧ್ಯಂತರ ಜಾಮೀನು ನೀಡಿದ ಹೈಕೋರ್ಟ್, ಜೈಲು ವಾಸದ ನಂತರ ದಾಸನಿಗೆ ಬಿಡುಗಡೆ ಭಾಗ್ಯ

ಇದರಿಂದಾಗಿ ಮೈಸೂರಿನ ಸಿದ್ದಾರ್ಥನಗರದಲ್ಲಿರುವ ದರ್ಶನ್‌ ತೂಗುದೀಪ ಅವರ ಮೂಲ ಮನೆಯಲ್ಲಿ ನಿರೀಕ್ಷೆಗಳು ಮನೆ ಮಾಡಿದ್ದವು. ಮೈಸೂರಿನಲ್ಲಿಯೇ ಹಲವಾರು ವರ್ಷಗಳಿಂದ ನೆಲೆಸಿರುವ ದರ್ಶನ್‌ ತಾಯಿ ಮೀನಾ ತೂಗುದೀಪ ಅವರು ಕಾಯುತ್ತಲೇ ಇದ್ದರು. ಹೈಕೋರ್ಟ್‌ ದರ್ಶನ್‌ಗೆ ಮಧ್ಯಂತರ ಜಾಮೀನು ನೀಡಿದೆ ಎಂದ ತಕ್ಷಣ ಅಬ್ಬಾ ಎಂದು ಖುಷಿಯಾದರು. ಮನೆಯಲ್ಲಿದ್ದ ಮಗಳು. ಸಂಬಂಧಿಕರೊಂದಿಗೆ ಖುಷಿಯನ್ನು ಹಂಚಿಕೊಂಡರು.

ದರ್ಶನ್‌ಗೆ ಈ ಬಾರಿ ಮಧ್ಯಂತರ ಜಾಮೀನು ಸಿಗಬಹುದು ಎನ್ನುವ ನಿರೀಕ್ಷೆಯಲ್ಲಿದ್ದೆವು. ಅದರಂತೆ ಜಾಮೀನು ದೊರೆತು ಸಂತಸವಾಗಿದೆ ಎಂದು ನಿವಾಸದಲ್ಲಿ ಮೀನಾ ತೂಗುದೀಪ ಹೇಳಿದರು.

ಇದನ್ನೂ ಓದಿರಿ: ನಟ ದರ್ಶನ್‌ ತೂಗುದೀಪ್‌ಗೆ ಮಧ್ಯಂತರ ಜಾಮೀನು ನೀಡಿದ ನ್ಯಾಯಾಲಯ; ಅಭಿಮಾನಿಗಳಿಗೆ ದೀಪಾವಳಿ ಡಬಲ್‌ ಖುಷಿ

ಮೈಸೂರಿಗೆ ಆಗಮನ ಸಾಧ್ಯತೆ

ದರ್ಶನ್‌ ಅವರು ಬಳ್ಳಾರಿ ಜೈಲಿನಿಂದ ಬುಧವಾರ ಸಂಜೆ ಬಿಡುಗಡೆಯಾಗುವ ನಿರೀಕ್ಷೆಯಿದ್ದು, ರಾತ್ರಿಯೇ ಅಲ್ಲಿಂದ ಹೊರಟು ಮೈಸೂರಿಗೆ ಆಗಮಿಸಬಹುದು ಎನ್ನಲಾಗುತ್ತಿದೆ.

ಮಧ್ಯಂತರ ಜಾಮೀನು ಸಿಕ್ಕ ಬೆನ್ನಲ್ಲೇ ಮೈಸೂರಿನಲ್ಲೇ ಚಿಕಿತ್ಸೆ ಪಡೆಯಲಿರುವ ನಟ ದರ್ಶನ್ ಅವರು ಇಲ್ಲಿಯೇ ಕೆಲ ದಿನ ಇರಲಿದ್ದಾರೆ.

ಈ ವೇಳೆ ದರ್ಶನ್ ಭೇಟಿಯಾಗಬಹುದು ಎಂಬ ನಿರೀಕ್ಷೆಯಲ್ಲಿ ಕುಟುಂಬಸ್ಥರು ಹಾಗೂ ಸ್ನೇಹಿತರು ಇದ್ದಾರೆ.

ಈ ವೇಳೆ ದರ್ಶನ್‌ ಕುಟುಂಬ ಸಮೇತರಾಗಿ ಮೈಸೂರಿನ ಚಾಮುಂಡಿ ಬೆಟ್ಟಕ್ಕೂ ದರ್ಶನ್ ಭೇಟಿ ಸಾಧ್ಯತೆಯೂ ಇದೆ.ಮೊದಲಿಗೆ ನಾಡಿನ ಅಧಿದೇವತೆ ಚಾಮುಂಡೇಶ್ವರಿ ದರ್ಶನ ಪಡೆಯಲಿರುವ ದರ್ಶನ್ ವಿಶೇಷ ಪೂಜೆ ಸಲ್ಲಿಸುವರು ಎಂದು ಕುಟುಂಬದ ಮೂಲಗಳು ತಿಳಿಸಿವೆ.

ಇದನ್ನೂ ಓದಿರಿ: ರೇಣುಕಾಸ್ವಾಮಿ ಕೊಲೆ ಪ್ರಕರಣ: ನಟ ದರ್ಶನ್ ಜಾಮೀನು ಅರ್ಜಿ ವಿಚಾರಣೆ ಪೂರ್ಣ, ನಾಳೆ ಮಹತ್ವದ ಆದೇಶ

ದರ್ಶನ್ ಹೊರ ತರಲಿಕ್ಕೆ ಚಾಮುಂಡೇಶ್ವರಿ ತಾಯಿಯ ಮೊರೆ ಹೋಗಿದ್ದ ಪತ್ನಿ ವಿಜಯಲಕ್ಷ್ಮಿ. ಈ ಹಿನ್ನೆಲೆಯಲ್ಲಿ ಪತ್ನಿ ವಿಜಯಲಕ್ಷ್ಮಿಯ ಜೊತೆ ಚಾಮುಂಡಿ ಬೆಟ್ಟಕ್ಕೆ ಭೇಟಿ ನೀಡಲಿರುವ ದರ್ಶನ್ ದೇಗುಲದಲ್ಲಿ ಕೆಲಹೊತ್ತು ಕಳೆಯಲಿದ್ಧಾರೆ.

ಇದೇ ಮೈಸೂರಿನ ನಿವಾಸಕ್ಕೂ ಭೇಟಿ ನೀಡಲಿರುವ ದರ್ಶನ್ ಅಮ್ಮನ ಆಶಿರ್ವಾದ ಪಡೆಯಲಿದ್ದಾರೆ. ದರ್ಶನ್‌ ಫಾರಂ ಹೌಸ್‌ ತಿ.ನರಸೀಪುರ ರಸ್ತೆಯಲ್ಲಿದೆ.

ಮೈಸೂರಿನ ಸಿದ್ದಾರ್ಥನಗರದಲ್ಲಿರುವ ನಿವಾಸದಲ್ಲಿ ತಾಯಿ ಮೀನಾ ತೂಗುದೀಪ ಶ್ರೀನಿವಾಸ್, ಸಹೋದರಿ ದಿವ್ಯಾ ಹಾಗೂ ಅಳಿಯ ಚಂದನ್ ವಾಸವಾಗಿದ್ದಾರೆ.