Video: ಹ್ಯಾಂಡಲ್​​ ಮೇಲೆ ಕೈಯಿಲ್ಲ, ತಲೆ ಮೇಲೆ ಹೆಲ್ಮೆಟ್​ ಇಲ್ಲ; ಬುಲೆಟ್​ ಸವಾರಿ ಬಳಿಕ 'ಅಲ್ಲಿ ಯಾರೂ ಇರ್ಲಿಲ್ಲ' ಎಂದ ಕಾಂಗ್ರೆಸ್​ ಸಂಸದ

ಲೋಕಸಭೆಯ ಕಾಂಗ್ರೆಸ್ ನಾಯಕ ಹಾಗೂ ಸಂಸದ ಅಧೀರ್ ರಂಜನ್ ಚೌಧರಿ ಅವರ ಬುಲೆಟ್​ ಸವಾರಿ ವಿಡಿಯೋವೊಂದು ಸೋಷಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗಿದೆ. ಸುಮ್ನೆ ಬೈಕ್​ ರೈಡ್​ ಮಾಡಿದ್ರೆ ವೈರಲ್​ ಆಗುತ್ತಿರಲಿಲ್ಲವೇನೋ ಆದರೆ ಇವರು ತಲೆ ಮೇಲೆ ಹೆಲ್ಮೆಟ್ ಇಲ್ಲದೆ ಹ್ಯಾಂಡಲ್​ನಿಂದ ಕೈ ಬಿಟ್ಟು ಬೈಕ್​ ಓಡಿಸಿದ್ದಾರೆ.

ಪಶ್ಚಿಮ ಬಂಗಾಳದ ಬರ್ಹಾಂಪೋರ್‌ನಲ್ಲಿ ಬೈಪಾಸ್ ರಸ್ತೆಯ ಉದ್ಘಾಟನೆಗೆ ತೆರಳಿದ್ದ ಅಧೀರ್ ರಂಜನ್ ಚೌಧರಿ, ಅದೇ ರಸ್ತೆಯಲ್ಲಿ ರಾಯಲ್ ಎನ್‌ಫೀಲ್ಡ್ ಓಡಿಸಿದ್ದಾರೆ. ಅವರ​​ ಹಿಂದೆ ಅವರ ಅನೇಕ ಅನುಯಾಯಿಗಳು ಕೂಡ ಬೈಕ್​ ಸವಾರಿ ಮಾಡಿದ್ದಾರೆ. ತಲೆ ಮೇಲೆ ಕ್ಯಾಪ್​ ಧರಿಸಿದ್ದ ಕಾಂಗ್ರೆಸ್​ ನಾಯಕ ತಮ್ಮ ಬುಲೆಟ್​ ಸವಾರಿಯನ್ನು ಎಂಜಾಯ್​ ಮಾಡಿದ್ದಾರೆ.

ಆದರೆ ಅವರು ಸಂಚಾರ ನಿಯಮಗಳನ್ನ ಉಲ್ಲಂಘಿಸಿದ್ದಾರೆ. ಒಂದೆಡೆ ತಲೆ ಮೇಲೆ ಹೆಲ್ಮೆಟ್ ಧರಿಸಿಲ್ಲ. ಇನ್ನೊಂದೆಡೆ ಸವಾರಿಯ ಮಧ್ಯೆ ಮಧ್ಯೆ ಹ್ಯಾಂಡಲ್​​ ಬಿಟ್ಟು ಬೈಕ್​ ಓಡಿಸಿದ್ದಾರೆ. ಈ ವಿಡಿಯೋ ವೈರಲ್​ ಆಗಿ ಟೀಕೆಗಳು ವ್ಯಕ್ತವಾಗುತ್ತಿದ್ದಂತೆಯೇ ಪ್ರತಿಕ್ರಿಯೆ ನೀಡಿರುವ ಅಧೀರ್ ರಂಜನ್, "ಪೊಲೀಸರು ನನಗೆ ದಂಡ ವಿಧಿಸಿದರೂ ನೋ ಪ್ರಾಬ್ಲಮ್​, ಆದರೆ ನಾನು ಬೈಕ್ ಚಲಾಯಿಸುತ್ತಿದ್ದ ಸ್ಥಳದಲ್ಲಿ ಯಾರೂ ಇರಲಿಲ್ಲ" ಎಂದು ಹೇಳಿದ್ದಾರೆ.

ವರದಿಗಳ ಪ್ರಕಾರ ಸುಮಾರು 11 ಕಿಲೋ ಮೀಟರ್​ ದೂರ ಅಧೀರ್​ ಬೈಕ್​ ಓಡಿಸಿ ತಮ್ಮ ಸ್ಥಳವನ್ನು ತಲುಪಿದ್ದು, ರಸ್ತೆಯ ಸೈಡ್​​ನಲ್ಲಿ ಅವರನ್ನು ಸ್ವಾಗತಿಸಲು ಜನ ನಿಂತಿದ್ದರು ಎಂದು ಹೇಳಲಾಗಿದೆ.

ಅಧೀರ್ ರಂಜನ್​​ ಚೌಧರಿ ಯಾವಾಗಲೂ ವಿವಾದದ ಕೇಂದ್ರಬಿಂದುವಾಗಿರುತ್ತಾರೆ. ಕಳೆದ ಸಂಸತ್ತಿನ ಮಾನ್ಸೂನ್ ಅಧಿವೇಶನದಲ್ಲಿ, ಅಧೀರ್ ಅವರು ಮಣಿಪುರ ವಿಷಯದ ಬಗ್ಗೆ ಪ್ರಧಾನಿ ಮೋದಿಯನ್ನು ಟೀಕಿಸಿ ದುರ್ನಡತೆಯ ಆರೋಪದ ಮೇಲೆ ಅಧಿವೇಶನದಿಂದ ಅಮಾನತುಗೊಂಡಿದ್ದರು.

ಇದನ್ನೂ ಓದಿ: Video: ಶೌಚಾಲಯಗಳ ಮೇಲೆ ಗುಂಡು ಹಾರಿಸಿ ಯಾರೂ ಬದುಕುಳಿದಿಲ್ಲ ಎಂದು ಕನ್​ಫರ್ಮ್​ ಮಾಡಿಕೊಂಡ ಹಮಾಸ್​ ಉಗ್ರರು