ವಿಶ್ವದ 2024 ಟಾಪ್‌ 50 ಹೋಟೇಲ್‌ಗಳ ಪಟ್ಟಿ ಬಿಡುಗಡೆ, ಭಾರತದ ಒಂದು ಹೊಟೇಲ್‌ಗೂ ಸಿಕ್ಕಿದೆ ಸ್ಥಾನ; ಯಾವುದು, ಎಲ್ಲಿದೆ

ವಿಶ್ವದ ಟಾಪ್‌ 50 ಹೋಟೇಲ್‌ಗಳ ಪಟ್ಟಿ ಬಿಡುಗಡೆಯಾಗಿದೆ. ಲಂಡನ್‌ನ ಗಿಲ್ಡ್‌ಹಾಲ್‌ನಲ್ಲಿರುವ 'ದಿ ವರ್ಲ್ಡ್ಸ್2024ರ 50 ಬೆಸ್ಟ್ ಹೋಟೆಲ್ಸ್' ಈ ಪಟ್ಟಿಯನ್ನು ಪ್ರಕಟಿಸಿದೆ. ಇದರಲ್ಲಿ ವಿಶ್ವದ ಅತ್ಯುತ್ತಮ ಎನ್ನುವ ಹೊಟೇಲ್‌ಗಳು ಇವೆ. ಭಾರತದ ಒಂದು ಹೊಟೇಲ್‌ಗೂ ಇದರಲ್ಲಿ ಸ್ಥಾನ ದೊರಕಿದೆ. ರಾಜಸ್ಥಾನದ ಸುಜನ್ ಜವಾಯಿ ವಿಶ್ವದ ಅತ್ಯುತ್ತಮ ಐವತ್ತು ಹೋಟೆಲ್‌ಗಳ ಪಟ್ಟಿಯಲ್ಲಿ ಸ್ಥಾನ ಪಡೆದಿದೆ. ಚಿರತೆ ವೀಕ್ಷಣೆಗೆ ಜನಪ್ರಿಯವಾಗಿರುವ ರಾಜಸ್ಥಾನದ ಪಾಲಿಯಲ್ಲಿರುವ ಇದು ಪ್ರತಿಷ್ಠಿತ ಪಟ್ಟಿಯಲ್ಲಿ ಸ್ಥಾನ ಪಡೆದ ಏಕೈಕ ಭಾರತೀಯ ಹೋಟೆಲ್ ಹಾಗೂ ಇದು 43 ನೇ ಸ್ಥಾನದಲ್ಲಿರುವುದು ವಿಶೇಷ.

ಪಟ್ಟಿಯಲ್ಲಿ ಕಾಣಿಸಿಕೊಂಡಿರುವ ಇತರ ಹೋಟೆಲ್‌ಗಳಲ್ಲಿ ಮೊದಲ ಸ್ಥಾನದಲ್ಲಿರುವ ಕ್ಯಾಪೆಲ್ಲಾ ಬ್ಯಾಂಕಾಕ್, ಪ್ಯಾರಿಸ್‌ನ ಚೆವಲ್ ಬ್ಲಾಂಕ್, ರಾಫೆಲ್ಸ್ ಸಿಂಗಾಪುರ್, ಅಮನ್ ಟೋಕಿಯೊ, ದುಬೈನ ದಿ ಲಾನಾ ಮತ್ತು ಪ್ಯಾರಿಸ್‌ನ ಲೆ ಬ್ರಿಸ್ಟಲ್ ಸೇರಿವೆ.

ಪ್ರಪಂಚದಾದ್ಯಂತದ ಅನಾಮಧೇಯ ಮತದಾರರ ಪ್ರತಿಕ್ರಿಯೆಯ ಆಧಾರದ ಮೇಲೆ " ವಿಶ್ವದ 50 ಅತ್ಯುತ್ತಮ ಹೋಟೆಲ್‌ಗಳನ್ನು" ಆಯ್ಕೆ ಮಾಡಲಾಗಿದೆ. ಮತದಾರರಲ್ಲಿ ಪ್ರವಾಸಿ ಪತ್ರಕರ್ತರು, ಹೋಟೆಲ್ ಮಾಲೀಕರು ಮತ್ತು ಅನುಭವಿ ಪ್ರವಾಸ ತಜ್ಞರು ಸೇರಿದ್ದಾರೆ. ಒಟ್ಟು 600 ಮತದಾರರು "ವಿಶ್ವದ 50 ಅತ್ಯುತ್ತಮ ಹೋಟೆಲ್‌ಗಳು" ಪಟ್ಟಿ ರಚಿಸಲು ಸಹಕರಿಸಿದ್ದಾರೆ.

ರಾಜಸ್ಥಾನದ ಪಾಲಿಯಲ್ಲಿ ದಶಕದ ಹಿಂದೆ ನಿರ್ಮಾಣಗೊಂಡಿರುವ ಸುಜನ್ ಜವಾಯಿ ಹೊಟೇಲ್‌ ಅನ್ನು ಅರಣ್ಯದ ಹೊಟೇಲ್‌, ಚಿರತೆ ಹೊಟೇಲ್‌ ಎಂದೇ ಕರೆಯಲಾಗುತ್ತದೆ. ರಾಜಸ್ಥಾನದ ಖಾಸಗಿ ಅರಣ್ಯ ಪ್ರದೇಶಕ್ಕೆ ಹೊಂದಿಕೊಂಡಿರುವ ಸ್ಥಳದಲ್ಲಿ ಇದನ್ನು ನಿರ್ಮಿಲಾಗಿದೆ. ಇಲ್ಲಿ ಚಿರತೆಗಳ ಸಂಚಾರ ಸಾಮಾನ್ಯ, ಅಲ್ಲದೇ ಅರಣ್ಯದ ರುದ್ರ ರಮಣೀ ಸನ್ನಿವೇಶ, ಹಸಿರಿನ ವನರಾಶಿ ನಡುವೆ ರಾಜಸ್ಥಾನಿ ಶೈಲಿಯ ಊಟೋಪಚಾರ, ಸಂಸ್ಕೃತಿಯಿಂದಿಗೆ ಇದು ಗಮನ ಸೆಳೆದಿದೆ. ಜಗತ್ತಿನ ನಾನಾ ಭಾಗಗಳಿಂದ ಪ್ರವಾಸಿಗರು ಇಲ್ಲಿಗೆ ಬರುತ್ತಾರೆ.

2013 ರಲ್ಲಿ ಸುಜನ್ ಜವಾಯ್ ಅನ್ನು ಪತ್ನಿ ಅಂಜಲಿಯೊಂದಿಗೆ ಪ್ರಾರಂಭಿಸಿದ ಜೈಸಲ್ ಸಿಂಗ್ ಕನಸನ್ನು ಇಲ್ಲಿ ಸಾಕಾರಗೊಳಿಸಿದ್ದಾರೆ. ಇದು ಕೇವಲ ಸೊಗಸಾದ ಮತ್ತು ಐಷಾರಾಮಿ ಸಫಾರಿ ಶಿಬಿರವಲ್ಲ. ಬದಲಿಗೆ ಒತ್ತಡಗಳನ್ನು ದೂರವಿಟ್ಟು ಕೆಲ ಕ್ಷಣ ನಿರುಮ್ಮಳವಾಗಿ ಕಳೆಯುವ ತಾಣ ಎಂದು ಸಿಂಗ್‌ ಹೇಳುತ್ತಾರೆ. ಸ್ವತಃ ಭಾವೋದ್ರಿಕ್ತ ವನ್ಯಜೀವಿ ಪ್ರೇಮಿ ಮತ್ತು ಛಾಯಾಗ್ರಾಹಕರಾಗಿರುವ ಸಿಂಗ್, ಭಾರತದ ವನ್ಯಜೀವಿಗಳನ್ನು ರಕ್ಷಿಸುವ ದೃಷ್ಟಿಯೊಂದಿಗೆ ಅತ್ಯುತ್ತಮ ಭಾರತೀಯ ಆತಿಥ್ಯವನ್ನು ಸಂಯೋಜಿಸುವುದು ಕಲ್ಪನೆಯಾಗಿತ್ತು. ಸ್ಥಳೀಯ ಸಮುದಾಯಗಳಿಗೆ ಪ್ರಯೋಜನಕಾರಿಯಾದ ಪ್ರವರ್ತಕ ಸಂರಕ್ಷಣಾ ಪ್ರವಾಸೋದ್ಯಮ ಮಾದರಿಯನ್ನು ರಚಿಸುವುದು ಇದರಲ್ಲಿ ಸೇರಿತ್ತು. ಅದನ್ನು ಇಲ್ಲಿ ಸಾಕಾರಗೊಳಿಸಿದ್ದೇನೆ ಎನ್ನುತ್ತಾರೆ.

ಸ್ಥಳೀಯ ಸಮುದಾಯದೊಂದಿಗೆ ಬೆರೆತು ಹೋಗಿರುವ ಸಿಂಗ್‌ ಅವರು ಸುತ್ತಮುತ್ತಲಿನ ಶಾಲೆ ದತ್ತು ಪಡೆದಿದ್ದಾರೆ. ಐದು ಸಾವಿರ ಮಕ್ಕಳ ಶಿಕ್ಷಣಕ್ಕೆ ನೆರವಾಗುತ್ತಿದ್ದಾರೆ. ಇದು ಹೊಟೇಲ್‌ನಿಂದಲೇ ಸಾಧ್ಯವಾಗಿದೆ ಎನ್ನುವುದು ಸಿಂಗ್‌ ಅವರ ವಿವರಣೆ

ಟಾಪ್‌ ಹೊಟೇಲ್‌ಗಳ ಪಟ್ಟಿ

1. ಕ್ಯಾಪೆಲ್ಲಾ ಬ್ಯಾಂಕಾಕ್

2. ಪಾಸಲಾಕ್ವಾ, ಲೇಕ್ ಕೊಮೊ

3. ರೋಸ್ವುಡ್ ಹಾಂಗ್ ಕಾಂಗ್

4. ಚೆವಲ್ ಬ್ಲಾಂಕ್, ಪ್ಯಾರಿಸ್

5. ಮೇಲ್ಮನೆ, ಹಾಂಗ್ ಕಾಂಗ್

6. ರಾಫೆಲ್ಸ್ ಸಿಂಗಾಪುರ

7. ಅಮನ್ ಟೋಕಿಯೋ

8. ಸೋನೆವಾ ಫುಶಿ, ಮಾಲ್ಡೀವ್ಸ್

9. ಅಟ್ಲಾಂಟಿಸ್ ದಿ ರಾಯಲ್, ದುಬೈ

10. ನಿಹಿ ಸುಂಬಾ, ಸುಂಬಾ ದ್ವೀಪ

11. ಕ್ಲಾರಿಡ್ಜ್ ಲಂಡನ್

12. ಮ್ಯಾಂಡರಿನ್ ಓರಿಯಂಟಲ್ ಬ್ಯಾಂಕಾಕ್

13. ದಿ ಒವೋ, ಲಂಡನ್‌ನಲ್ಲಿ ರಾಫೆಲ್ಸ್ ಲಂಡನ್

14. ಬ್ಯಾಂಕಾಕ್‌ನ ಚಾವೊ ಫ್ರಾಯ ನದಿಯಲ್ಲಿ ನಾಲ್ಕು ಸೀಸನ್ಸ್ ಬ್ಯಾಂಕಾಕ್

15. ಹೋಟೆಲ್ ಡಿ ಕ್ರಿಲ್ಲಾನ್, ಪ್ಯಾರಿಸ್

16. ಚಾಬ್ಲೆ ಯುಕಾಟಾನ್, ಚೋಚೋಲಾ

17. ಹೋಟೆಲ್ ಡು ಕ್ಯಾಪ್-ಈಡನ್-ರಾಕ್, ಆಂಟಿಬ್ಸ್

18. ಮರೋಮಾ, ಎ ಬೆಲ್ಮಂಡ್ ಹೋಟೆಲ್, ರಿವೇರಿಯಾ ಮಾಯಾ

19. ಫೋರ್ ಸೀಸನ್ಸ್ ಫೈರೆಂಜ್, ಫ್ಲಾರೆನ್ಸ್

20. ಬೊರ್ಗೊ ಸ್ಯಾಂಟ್ಯಾಂಡ್ರಿಯಾ, ಅಮಾಲ್ಫಿ

21 ದೇಸಾ ಪೊಟೊಟೊ ಹೆಡ್‌, ಬಾಲಿ

22 ಬಲ್ಗೇರಿ ಟೋಕಿಯೋ

23 ಲಾನಾ ದುಬೈ

24 ರೋಸ್‌ವುಡ್ ಸಾವೊ ಪಾಲೊ

25 ಕ್ಯಾಲಿಲ್ ಬ್ರಿಸ್ಬೇನ್

26 ಸಿಯಾಮ್ ಬ್ಯಾಂಕಾಕ್

27 ಪಾರ್ಕ್ ಹ್ಯಾಟ್ ಕ್ಯೋಟೋ

28 ಮೌಂಟ್ ನೆಲ್ಸನ್, ಕೇಪ್ ಟೌನ್

29 ಒನ್&ಓನ್ಲಿ ಮ್ಯಾಂಡರಿನಾ, ರಿವೇರಿಯಾ ನಯರಿಟ್

30 ದಿ ಕಾರ್ಲೈಲ್, ನ್ಯೂಯಾರ್ಕ್

31. ಲಾ ಮಾಮೌನಿಯಾ, ಮರ್ಕೆಚ್

32. ನಾಲ್ಕು ಋತುಗಳು ಮ್ಯಾಡ್ರಿಡ್

33. ಕ್ಯಾಪೆಲ್ಲಾ ಸಿಂಗಾಪುರ, ಸಿಂಗಾಪುರ

34. ಸರ್ಫ್ ಕ್ಲಬ್, ಸರ್ಫ್‌ಸೈಡ್‌ನಲ್ಲಿ ನಾಲ್ಕು ಋತುಗಳು

35. ಹೋಟೆಲ್ ಬೆಲ್-ಏರ್, ಲಾಸ್ ಏಂಜಲೀಸ್

36. ಈಡನ್ ರಾಕ್ ಸೇಂಟ್ ಬಾರ್ತ್ಸ್

37. ಅಮನ್ ನ್ಯೂಯಾರ್ಕ್, ನ್ಯೂಯಾರ್ಕ್

38. ರಾಯಲ್ ಮನ್ಸೂರ್, ಮರ್ಕೆಚ್

39. ಅಮಂಗಲ್ಲ, ಗಾಲೆ ಶ್ರೀಲಂಕಾ

40. ಲೆ ಬ್ರಿಸ್ಟಲ್, ಪ್ಯಾರಿಸ್

41. ದಿ ಗ್ಲೆನೆಗಲ್ಸ್ ಹೋಟೆಲ್, ಆಚ್ಟೆರಾರ್ಡರ್

42. ಕ್ಯಾಸ್ಟೆಲೊ ಡಿ ರೆಶಿಯೊ, ಲಿಸಿಯಾನೊ ನಿಕೋನ್

43. ಸುಜನ್ ಜವಾಯಿ, ರಾಜಸ್ಥಾನ

44. ಸಿಂಗಿತ - ಕ್ರುಗರ್ ರಾಷ್ಟ್ರೀಯ ಉದ್ಯಾನ ಕ್ರುಗರ್ ರಾಷ್ಟ್ರೀಯ ಉದ್ಯಾನ

45. ಸಿಕ್ಸ್ ಸೆನ್ಸ್ ಜಿಘಿ ಬೇ, ಝಘಿ

46. ​​ದಿ ಕನೌಟ್, ಲಂಡನ್

47. ಬ್ರಾಂಡೊ, ಟೆಟಿಯಾರೋವಾ

48. ಹೋಟೆಲ್ ಎಸೆನ್ಸಿಯಾ, ತುಲಂ

49. ದಿ ಟಾಸ್ಮನ್, ಹೋಬಾರ್ಟ್

50. ಕೊಕೊಮೊ ಖಾಸಗಿ ದ್ವೀಪ ರೆಸಾರ್ಟ್, ಯಕುವೆ ಲೆವು ದ್ವೀಪ, ಫಿಜಿ