ಕನ್ನಡ ಸುದ್ದಿ / ಫೋಟೋ ಗ್ಯಾಲರಿ / 2023ರಲ್ಲಿ ಗಾಯದಿಂದ ಹೊರಬಿದ್ದವರು 2024ರ ಐಪಿಎಲ್ಗೆ ಫಿಟ್; ಮರಳಲಿದ್ದಾರೆ ಭಾರತದ ಈ 8 ಸ್ಟಾರ್ ಆಟಗಾರರು

2023ರಲ್ಲಿ ಗಾಯದಿಂದ ಹೊರಬಿದ್ದವರು 2024ರ ಐಪಿಎಲ್ಗೆ ಫಿಟ್; ಮರಳಲಿದ್ದಾರೆ ಭಾರತದ ಈ 8 ಸ್ಟಾರ್ ಆಟಗಾರರು

Jan 05, 2024 09:48 AM IST

IPL 2024: ಗಾಯದ ಕಾರಣದಿಂದ 2023ರ ಐಪಿಎಲ್ಗೆ ಅಲಭ್ಯರಾಗಿದ್ದ ಭಾರತದ ಈ ಸ್ಟಾರ್ ಆಟಗಾರರು 17ನೇ ಆವೃತ್ತಿಗೆ ಮರಳಲು ಸಜ್ಜಾಗಿದ್ದಾರೆ. ಆ ಆಟಗಾರರ ಪಟ್ಟಿ ಇಲ್ಲಿದೆ.

(1 / 9)

2023ರ ಐಪಿಎಲ್ನಲ್ಲಿ ಭಾರತದ ಕೆಲವು ಸ್ಟಾರ್ ಆಟಗಾರರ ಆಟ ಕಣ್ತುಂಬಿಕೊಳ್ಳಲು ಸಾಧ್ಯವಾಗಿರಲಿಲ್ಲ. ಗಾಯದ ಸಮಸ್ಯೆ ಕಾರಣ ಶ್ರೀಮಂತ ಲೀಗ್ನಲ್ಲಿ ಕಣಕ್ಕಿಳಿದಿರಲಿಲ್ಲ. ಇದೀಗ ಅವೆರೆಲ್ಲಾ ಗಾಯದಿಂದ ಫಿಟ್ ಆಗಲಿರುವ ಮತ್ತು ಆಗಿರುವ ಭಾರತದ 8 ಆಟಗಾರರ ಪಟ್ಟಿ ಇಲ್ಲಿದೆ.

(2 / 9)

ರಿಷಭ್ ಪಂತ್: 2022ರ ಡಿಸೆಂಬರ್ 30ರಂದು ನಡೆದ ಭೀಕರ ಕಾರು ಅಪಘಾತದ ನಂತರ ಒಂದು ವರ್ಷಕ್ಕೂ ಹೆಚ್ಚು ಕಾಲ ಕ್ರಿಕೆಟ್ ಸೇವೆ ದೂರವಾಗಿದ್ದಾರೆ ಪಂತ್. ಇದೀಗ ಐಪಿಎಲ್ 2024ರಲ್ಲಿ ಕ್ರಿಕೆಟ್‌ಗೆ ಮರಳುತ್ತಾರೆ ಎಂದು ವರದಿಗಳಿವೆ. ಅವರು ತಂಡಕ್ಕೆ ಮರಳಿದರೆ, ಡೆಲ್ಲಿ ಕ್ಯಾಪಿಟಲ್ಸ್ ಅನ್ನು ಮುನ್ನಡೆಸುವ ಸಾಧ್ಯತೆ ಇದೆ.

(3 / 9)

ಜಸ್ಪ್ರೀತ್ ಬುಮ್ರಾ: 2023ರ ಐಪಿಎಲ್ನಲ್ಲಿ ವೇಗಿ ಬುಮ್ರಾ ಸೇವೆಯನ್ನು ಮುಂಬೈ ಇಂಡಿಯನ್ಸ್ ಕಳೆದುಕೊಂಡಿತ್ತು. ಇದೀಗ ಫುಲ್ ಫಿಟ್ ಆಗಿದ್ದಾರೆ. ಈಗಾಗಲೇ ಭಾರತದ ತಂಡದ ಪರ ಬೆಂಕಿ ಫಾರ್ಮ್ನಲ್ಲಿದ್ದು, ಮುಂಬೈಗೆ ಆನೆ ಬಲ ಬಂದಂತಾಗಿದೆ. ಏಷ್ಯಾಕಪ್, ವಿಶ್ವಕಪ್ನಲ್ಲೂ ಅದ್ಭುತ ಪ್ರದರ್ಶನ ತೋರಿದ್ದು, ವಿಕೆಟ್ ಬೇಟೆಯಾಡಿದ್ದಾರೆ.

(4 / 9)

ಶ್ರೇಯಸ್ ಅಯ್ಯರ್: ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡದ ನಾಯಕ ಶ್ರೇಯಸ್ ಅಯ್ಯರ್, ಬೆನ್ನುನೋವಿನ ಕಾರಣ 2023 ಐಪಿಎಲ್ ಅನ್ನು ತಪ್ಪಿಸಿಕೊಂಡಿದ್ದರು. ಇದೀಗ ಪುನರಾಗಮನ ಮಾಡಲು ಬಯಸಿದ್ದಾರೆ. ಈಗಾಗಲೇ ಟೀಮ್ ಇಂಡಿಯಾ ಪರ ರನ್ ಕೊಳ್ಳೆ ಹೊಡೆದಿದ್ದಾರೆ. ನಾಯಕನಾಗಿ ಕೆಕೆಆರ್ಗೆ ಚೊಚ್ಚಲ ಟ್ರೋಫಿ ಗೆದ್ದುಕೊಡಲು ಯೋಜನೆ ರೂಪಿಸಿದ್ದಾರೆ.

(5 / 9)

ರಜತ್ ಪಟಿದಾರ್: ಇದೀಗ ಭಾರತೀಯ ಕ್ರಿಕೆಟ್‌ನಲ್ಲಿ ಉಜ್ವಲ ನಿರೀಕ್ಷೆಯಲ್ಲಿರುವ ರಜತ್ ಪಾಟಿದಾರ್, ಕಳೆದ ಋತುವಿನಲ್ಲಿ ಹಿಮ್ಮಡಿ ಗಾಯದ ಕಾರಣದಿಂದ ಹೊರಗುಳಿದ್ದರು. ಈಗ ಫಿಟ್ ಆಗಿದ್ದು ಆರ್ಸಿಬಿ ಪರ ಐಪಿಎಲ್ 2024ರಲ್ಲಿ ಮರಳಲು ರೆಡಿಯಾಗಿದ್ದಾರೆ.

(6 / 9)

ವಾಷಿಂಗ್ಟನ್ ಸುಂದರ್: ಮಂಡಿರಜ್ಜು ಗಾಯದಿಂದಾಗಿ ಕಳೆದ ಆವೃತ್ತಿ ಕಳೆದುಕೊಂಡಿದ್ದ ಆಲ್ರೌಂಡರ್ ವಾಷಿಂಗ್ಟನ್ ಸುಂದರ್, ಸನ್ರೈಸರ್ಸ್ ಹೈದರಾಬಾದ್ ತಂಡಕ್ಕೆ ಮರಳಲು ಸಜ್ಜಾಗಿದ್ದಾರೆ.

(7 / 9)

ಪ್ರಸಿದ್ಧ್ ಕೃಷ್ಣ: ಗಾಯದ ಕಾರಣ ಐಪಿಎಲ್ 2023 ಅನ್ನು ತಪ್ಪಿಸಿಕೊಂಡಿದ್ದರು. ಆದರೆ, ರಾಜಸ್ಥಾನ್ ರಾಯಲ್ಸ್‌ ತಂಡದ ಪರ ನಗದು ಸಮೃದ್ಧ ಲೀಗ್‌ನ 2024 ರ ಸೀಸನ್‌ಗೆ ಹಿಂತಿರುಗಲಿದ್ದಾರೆ.

(8 / 9)

ಕಮಲೇಶ್ ನಾಗರಕೋಟಿ: ಬೆನ್ನಿನ ಒತ್ತಡದ ಮುರಿತದಿಂದ ಐಪಿಎಲ್ 2023ರ ಟೂರ್ನಿಯನ್ನು ತಪ್ಪಿಸಿಕೊಂಡಿದ್ದರು. ಅವರೀಗ ಐಪಿಎಲ್ 2024ಕ್ಕೆ ಮರಳಲು ಸಜ್ಜಾಗಿದ್ದಾರೆ. ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ಆಟಗಾರ.

(9 / 9)

ರಾಜ್ ಅಂಗದ್ ಬಾವಾ: ಭುಜದ ಗಾಯದಿಂದಾಗಿ 2023ರ ಇಂಡಿಯನ್ ಪ್ರೀಮಿಯರ್ ಲೀಗ್ನಿಂದ ಹೊರಗುಳಿದಿದ್ದರು. ರಾಜ್ ಅಂಗದ್ ಬಾವಾ ಪಂಜಾಬ್ ಕಿಂಗ್ಸ್ ಪರ ಕೇವಲ 2 ಪಂದ್ಯಗಳನ್ನು ಆಡಿದ್ದಾರೆ.

ಹಂಚಿಕೊಳ್ಳಲು ಲೇಖನಗಳು

ತಾಜಾ ಸುದ್ದಿ

ವಿಡಿಯೋ

ಮನರಂಜನೆ

ಕ್ರೀಡೆ

ಕ್ರಿಕೆಟ್

ಕರ್ನಾಟಕ

ರಾಷ್ಟ್ರ-ಜಗತ್ತು

ರಾಶಿ ಭವಿಷ್ಯ

ಜೀವನಶೈಲಿ

2023ರಲ್ಲಿ ಗಾಯದಿಂದ ಹೊರಬಿದ್ದವರು 2024ರ ಐಪಿಎಲ್ಗೆ ಫಿಟ್; ಮರಳಲಿದ್ದಾರೆ ಭಾರತದ ಈ 8 ಸ್ಟಾರ್ ಆಟಗಾರರು