logo
ಕನ್ನಡ ಸುದ್ದಿ  /  ಫೋಟೋ ಗ್ಯಾಲರಿ  /  2 ದಿನಗಳಿಂದ ಊಟ ಮಾಡಿರಲಿಲ್ಲ; ಸೋಲಿನ ನಂತರ ಕಣ್ಣೀರಿಟ್ಟು ಭಾರತೀಯರಿಗೆ ಕ್ಷಮಿಸಿ ಎಂದ ನಿಖತ್ ಜರೀನ್

2 ದಿನಗಳಿಂದ ಊಟ ಮಾಡಿರಲಿಲ್ಲ; ಸೋಲಿನ ನಂತರ ಕಣ್ಣೀರಿಟ್ಟು ಭಾರತೀಯರಿಗೆ ಕ್ಷಮಿಸಿ ಎಂದ ನಿಖತ್ ಜರೀನ್

Aug 02, 2024 07:27 AM IST

Prasanna Kumar P N

Nikhat Zareen: ಪ್ಯಾರಿಸ್ ಒಲಿಂಪಿಕ್ಸ್​ 2024 ಕ್ರೀಡಾಕೂಟದಲ್ಲಿ 50 ಕೆಜಿ ವಿಭಾಗದಲ್ಲಿ ಚೀನಾದ ವೂ ಯು ವಿರುದ್ಧ 0-5 ಅಂತರದಲ್ಲಿ ಸೋಲು ಕಂಡ ನಂತರ ಭಾರತದ ಬಾಕ್ಸರ್​ ಕಣ್ಣೀರಿಟ್ಟಿದ್ದಾರೆ.

  • Nikhat Zareen: ಪ್ಯಾರಿಸ್ ಒಲಿಂಪಿಕ್ಸ್​ 2024 ಕ್ರೀಡಾಕೂಟದಲ್ಲಿ 50 ಕೆಜಿ ವಿಭಾಗದಲ್ಲಿ ಚೀನಾದ ವೂ ಯು ವಿರುದ್ಧ 0-5 ಅಂತರದಲ್ಲಿ ಸೋಲು ಕಂಡ ನಂತರ ಭಾರತದ ಬಾಕ್ಸರ್​ ಕಣ್ಣೀರಿಟ್ಟಿದ್ದಾರೆ.
ಏಷ್ಯನ್ ಗೇಮ್ಸ್ ಚಿನ್ನದ ಪದಕ ವಿಜೇತೆ ಚೀನಾದ ವೂ ಯು ವಿರುದ್ಧ ಆಘಾತಕಾರಿ ಸೋಲನ್ನು ಅನುಭವಿಸಿದ ನಂತರ ಭಾರತದ ಬಾಕ್ಸರ್​ ನಿಖತ್ ಜರೀನ್ ಅವರು ತನ್ನ ಪ್ಯಾರಿಸ್ ಒಲಿಂಪಿಕ್ಸ್​ ಅಭಿಯಾನ ಕೊನೆಗೊಳಿಸಿದರು. ಚೀನಾದ ಅಸಾಧಾರಣ ಬಾಕ್ಸರ್​ಗೆ ಪ್ರತಿರೋಧ ತೋರಲು ವಿಫಲರಾದ ಕಾರಣ 2 ಬಾರಿಯ ವಿಶ್ವ ಚಾಂಪಿಯನ್‌ ಜರೀನ್ ಪ್ರಯಾಣವು ಹೃದಯ ವಿದ್ರಾವಕ ಅಂತ್ಯಗೊಂಡಿತು.
(1 / 5)
ಏಷ್ಯನ್ ಗೇಮ್ಸ್ ಚಿನ್ನದ ಪದಕ ವಿಜೇತೆ ಚೀನಾದ ವೂ ಯು ವಿರುದ್ಧ ಆಘಾತಕಾರಿ ಸೋಲನ್ನು ಅನುಭವಿಸಿದ ನಂತರ ಭಾರತದ ಬಾಕ್ಸರ್​ ನಿಖತ್ ಜರೀನ್ ಅವರು ತನ್ನ ಪ್ಯಾರಿಸ್ ಒಲಿಂಪಿಕ್ಸ್​ ಅಭಿಯಾನ ಕೊನೆಗೊಳಿಸಿದರು. ಚೀನಾದ ಅಸಾಧಾರಣ ಬಾಕ್ಸರ್​ಗೆ ಪ್ರತಿರೋಧ ತೋರಲು ವಿಫಲರಾದ ಕಾರಣ 2 ಬಾರಿಯ ವಿಶ್ವ ಚಾಂಪಿಯನ್‌ ಜರೀನ್ ಪ್ರಯಾಣವು ಹೃದಯ ವಿದ್ರಾವಕ ಅಂತ್ಯಗೊಂಡಿತು.
ನಿರಾಸೆಯಿಂದ ಕಂಗೆಟ್ಟಿದ್ದ ಜರೀನ್ ಪಂದ್ಯದ ನಂತರ ಕಣ್ಣೀರಿಟ್ಟರು. ಆಗಸ್ಟ್​ 1ರ ಗುರುವಾರ ನಡೆದ 50 ಕೆಜಿ ವಿಭಾಗದ ಪ್ರಿ ಕ್ವಾರ್ಟರ್ ಫೈನಲ್​​ನಲ್ಲಿ ವೂ ಯು ವಿರುದ್ಧ 0-5 ಅಂತರದಲ್ಲಿ ಸೋತರು. ಹೃದಯವಿದ್ರಾವಕ ಫಲಿತಾಂಶದ ಹೊರತಾಗಿಯೂ ಜರೀನ್ ಮುಂದಿನ ಒಲಿಂಪಿಕ್ಸ್​​​ನಲ್ಲಿ ಪುಟಿದೇಳುವ ಭರವಸೆ ನೀಡಿದ್ದಾರೆ. ಅಲ್ಲದೆ, ಇದೇ ವೇಳೆ ದೇಶದ ಜನತೆಗೆ ಕ್ಷಮೆಯಾಚಿಸಿ ಮತ್ತೊಮ್ಮೆ ಕಣ್ಣೀರು ಹಾಕಿದ್ದಾರೆ.
(2 / 5)
ನಿರಾಸೆಯಿಂದ ಕಂಗೆಟ್ಟಿದ್ದ ಜರೀನ್ ಪಂದ್ಯದ ನಂತರ ಕಣ್ಣೀರಿಟ್ಟರು. ಆಗಸ್ಟ್​ 1ರ ಗುರುವಾರ ನಡೆದ 50 ಕೆಜಿ ವಿಭಾಗದ ಪ್ರಿ ಕ್ವಾರ್ಟರ್ ಫೈನಲ್​​ನಲ್ಲಿ ವೂ ಯು ವಿರುದ್ಧ 0-5 ಅಂತರದಲ್ಲಿ ಸೋತರು. ಹೃದಯವಿದ್ರಾವಕ ಫಲಿತಾಂಶದ ಹೊರತಾಗಿಯೂ ಜರೀನ್ ಮುಂದಿನ ಒಲಿಂಪಿಕ್ಸ್​​​ನಲ್ಲಿ ಪುಟಿದೇಳುವ ಭರವಸೆ ನೀಡಿದ್ದಾರೆ. ಅಲ್ಲದೆ, ಇದೇ ವೇಳೆ ದೇಶದ ಜನತೆಗೆ ಕ್ಷಮೆಯಾಚಿಸಿ ಮತ್ತೊಮ್ಮೆ ಕಣ್ಣೀರು ಹಾಕಿದ್ದಾರೆ.
ಸೋಲಿನ ನಂತರ ಮಾತನಾಡಿದ ಜರೀನ್, ನನಗಿದು ಕಲಿಕೆಯ ಅನುಭವವಾಗಿತ್ತು. ನನ್ನ ಎದುರಾಳಿಯೊಂದಿಗೆ ಈ ಹಿಂದೆ ಆಡಿರಲಿಲ್ಲ. ಆಕೆ ನಿಜವಾಗಿಯೂ ಚೆನ್ನಾಗಿ ಆಡಿದರು. ತವರಿಗೆ ಮರಳಿದ ಬಳಿಕ ಪಂದ್ಯವನ್ನು ವಿಶ್ಲೇಷಿಸುತ್ತೇನೆ. ಏನೆಲ್ಲಾ ತಪ್ಪುಗಳು ನಡೆದವು, ಎಲ್ಲಿ ಎಡವಿದೆ, ಎದುರಾಳಿ ಆಡಿದ್ದೇಗೆ? ಹೀಗೆ ಎಲ್ಲವನ್ನೂ ವಿಶ್ಲೇಷಿಸುತ್ತೇನೆ. ಆದರೆ ಇದು ನನಗೆ ಮೊದಲ ಪಂದ್ಯವಾಗಿರಲಿಲ್ಲ ಎಂದಿದ್ದಾರೆ.
(3 / 5)
ಸೋಲಿನ ನಂತರ ಮಾತನಾಡಿದ ಜರೀನ್, ನನಗಿದು ಕಲಿಕೆಯ ಅನುಭವವಾಗಿತ್ತು. ನನ್ನ ಎದುರಾಳಿಯೊಂದಿಗೆ ಈ ಹಿಂದೆ ಆಡಿರಲಿಲ್ಲ. ಆಕೆ ನಿಜವಾಗಿಯೂ ಚೆನ್ನಾಗಿ ಆಡಿದರು. ತವರಿಗೆ ಮರಳಿದ ಬಳಿಕ ಪಂದ್ಯವನ್ನು ವಿಶ್ಲೇಷಿಸುತ್ತೇನೆ. ಏನೆಲ್ಲಾ ತಪ್ಪುಗಳು ನಡೆದವು, ಎಲ್ಲಿ ಎಡವಿದೆ, ಎದುರಾಳಿ ಆಡಿದ್ದೇಗೆ? ಹೀಗೆ ಎಲ್ಲವನ್ನೂ ವಿಶ್ಲೇಷಿಸುತ್ತೇನೆ. ಆದರೆ ಇದು ನನಗೆ ಮೊದಲ ಪಂದ್ಯವಾಗಿರಲಿಲ್ಲ ಎಂದಿದ್ದಾರೆ.
ನಾನು ಈ ಒಲಿಂಪಿಕ್ಸ್‌ಗೆ ಸಾಕಷ್ಟು ಕಠಿಣ ಪರಿಶ್ರಮ ಹಾಕಿದ್ದೆ. ದೈಹಿಕ ಮತ್ತು ಮಾನಸಿಕವಾಗಿ ನನ್ನನ್ನು ಸಿದ್ಧಪಡಿಸಿಕೊಂಡಿದ್ದೆ. ಇದೀಗ ಮುಂದಿನ ಒಲಿಂಪಿಕ್ಸ್​​ಗೆ ನಾನು ಬಲವಾಗಿ ಹಿಂತಿರುಗುತ್ತೇನೆ ಎಂದು ಭರವಸೆ ವ್ಯಕ್ತಪಡಿಸಿದ್ದಾರೆ. ಇದೇ ವೇಳೆ ಅಗತ್ಯ ತೂಕದ ಮಿತಿಗಾಗಿ (50 ಕೆಜಿ) 2 ದಿನಗಳ ಕಾಲ ಊಟ ಬಿಟ್ಟಿದ್ದಾಗಿ ಹೇಳಿದ್ದಾರೆ. ಕಳೆದ 2 ದಿನಗಳಿಂದ ತೂಕ ಕಡಿತಕ್ಕಾಗಿ ಊಟ ಮಾಡಿರಲಿಲ್ಲ ಎಂದಿದ್ದಾರೆ.
(4 / 5)
ನಾನು ಈ ಒಲಿಂಪಿಕ್ಸ್‌ಗೆ ಸಾಕಷ್ಟು ಕಠಿಣ ಪರಿಶ್ರಮ ಹಾಕಿದ್ದೆ. ದೈಹಿಕ ಮತ್ತು ಮಾನಸಿಕವಾಗಿ ನನ್ನನ್ನು ಸಿದ್ಧಪಡಿಸಿಕೊಂಡಿದ್ದೆ. ಇದೀಗ ಮುಂದಿನ ಒಲಿಂಪಿಕ್ಸ್​​ಗೆ ನಾನು ಬಲವಾಗಿ ಹಿಂತಿರುಗುತ್ತೇನೆ ಎಂದು ಭರವಸೆ ವ್ಯಕ್ತಪಡಿಸಿದ್ದಾರೆ. ಇದೇ ವೇಳೆ ಅಗತ್ಯ ತೂಕದ ಮಿತಿಗಾಗಿ (50 ಕೆಜಿ) 2 ದಿನಗಳ ಕಾಲ ಊಟ ಬಿಟ್ಟಿದ್ದಾಗಿ ಹೇಳಿದ್ದಾರೆ. ಕಳೆದ 2 ದಿನಗಳಿಂದ ತೂಕ ಕಡಿತಕ್ಕಾಗಿ ಊಟ ಮಾಡಿರಲಿಲ್ಲ ಎಂದಿದ್ದಾರೆ.
ಈ ಸೋಲಿನ ಹೊರತಾಗಿಯೂ ಕಳೆದ ವರ್ಷ ಏಷ್ಯನ್ ಗೇಮ್ಸ್‌ನಲ್ಲಿ ಕಂಚು ಮತ್ತು ಪ್ರತಿಷ್ಠಿತ ಸ್ಟ್ರಾಂಡ್ಜಾ ಟೂರ್ನಿಯಲ್ಲಿ ಬೆಳ್ಳಿಯ ಜೊತೆಗೆ ವಿಶ್ವ ಚಾಂಪಿಯನ್‌ಶಿಪ್ ಮತ್ತು 2022ರ ಕಾಮನ್‌ವೆಲ್ತ್ ಗೇಮ್ಸ್‌ನಲ್ಲಿ ಸತತ ಚಿನ್ನದ ಪದಕ ಗೆದ್ದಿರುವ ನಿಖತ್, ಅತ್ಯಂತ ಸ್ಥಿರವಾದ ಭಾರತೀಯ ಬಾಕ್ಸರ್‌ಗಳಲ್ಲಿ ಒಬ್ಬರಾಗಿದ್ದಾರೆ.
(5 / 5)
ಈ ಸೋಲಿನ ಹೊರತಾಗಿಯೂ ಕಳೆದ ವರ್ಷ ಏಷ್ಯನ್ ಗೇಮ್ಸ್‌ನಲ್ಲಿ ಕಂಚು ಮತ್ತು ಪ್ರತಿಷ್ಠಿತ ಸ್ಟ್ರಾಂಡ್ಜಾ ಟೂರ್ನಿಯಲ್ಲಿ ಬೆಳ್ಳಿಯ ಜೊತೆಗೆ ವಿಶ್ವ ಚಾಂಪಿಯನ್‌ಶಿಪ್ ಮತ್ತು 2022ರ ಕಾಮನ್‌ವೆಲ್ತ್ ಗೇಮ್ಸ್‌ನಲ್ಲಿ ಸತತ ಚಿನ್ನದ ಪದಕ ಗೆದ್ದಿರುವ ನಿಖತ್, ಅತ್ಯಂತ ಸ್ಥಿರವಾದ ಭಾರತೀಯ ಬಾಕ್ಸರ್‌ಗಳಲ್ಲಿ ಒಬ್ಬರಾಗಿದ್ದಾರೆ.

    ಹಂಚಿಕೊಳ್ಳಲು ಲೇಖನಗಳು