ದೀಪಾವಳಿ 2024: ಪದೇ ಪದೆ ಪಟಾಕಿ ಹಚ್ಚಬೇಡಿ, ಒಂದೇ ಸಲಕ್ಕೆ ಸಾವಿರ ಹೊಡೆದುಬಿಡಿ; ಚಕ್ರವರ್ತಿ ಸೂಲಿಬೆಲೆ

ಇಂದು ದೇಶಾದ್ಯಂತ ಬಲಿಪಾಡ್ಯಮಿ ಆಚರಿಸಲಾಗುತ್ತಿದೆ. ಗುರುವಾರ ನರಕ ಚತುರ್ದಶಿ, ಶುಕ್ರವಾರ ಲಕ್ಷ್ಮೀ ಪೂಜೆ ನೆರವೇರಿಸಲಾಗಿದೆ. ದೊಡ್ಡವರು, ಮಕ್ಕಳೆನ್ನದೆ ಕಳೆದ ಒಂದು ವಾರದಿಂದ ಪಟಾಕಿ ಸಿಡಿಸುತ್ತಿದ್ದಾರೆ. ಪಟಾಕಿ ಹಚ್ಚುವಾಗ ಕೆಲವು ಸುರಕ್ಷತಾ ಕ್ರಮಗಳನ್ನು ಕೈಗೊಳ್ಳಬೇಕು. ಜೊತೆಗೆ ಪರಿಸರದ ಬಗ್ಗೆಯೂ ಕಾಳಜಿ ಇರಬೇಕು. ಈ ವಿಚಾರವಾಗಿ ಚಕ್ರವರ್ತಿ ಸೂಲಿಬೆಲೆ ಜನರಿಗೆ ಸಂದೇಶ ನೀಡಿದ್ದಾರೆ. ಎಲ್ಲರಿಗೂ ದೀಪಾವಳಿ ಶುಭಾಶಯಗಳು, ದಿನವೆಲ್ಲಾ ಪಟಾಕಿ ಹಚ್ಚುತ್ತಾ ಇರಬೇಡಿ. ಇದರಿಂದ ಪರಿಸರಕ್ಕೆ ಹಾನಿಯಾಗುತ್ತೆ, ಹಿರಿಯರಿಗೆ ತೊಂದರೆ ಆಗುತ್ತೆ, ಪ್ರಾಣಿ ಪಕ್ಷಿಗಳಿಗೆ ಕಷ್ಟ ಆಗುತ್ತೆ, ಅದಕ್ಕೆ ಒಂದೇ ಸಲ ಸಾವಿರ ಪಟಾಕಿ ಹಚ್ಚಿಬಿಡಿ ಎಂದಿದ್ದಾರೆ.