ಸೂರ್ಯ, ಬಾಬಿ ಡಿಯೋಲ್ ನಟನೆಯ ಕಂಗುವಾ ಕನ್ನಡ ಟ್ರೇಲರ್ ಬಿಡುಗಡೆ, ಕುತೂಹಲ ಕೆರಳಿಸುವ ದೃಶ್ಯವೈಭವ, ಮೈ ನಡುಗಿಸುವ ಸೌಂಡ್ ಎಫೆಕ್ಟ್‌ ಇರುವ ವಿಡಿಯೋ

Kanguva Kannada Trailer: ಸೂರ್ಯ, ಬಾಬಿ ಡಿಯೋಲ್ ನಟನೆಯ ಬಿಗ್‌ಬಜೆಟ್‌ ಚಿತ್ರ ಕಂಗುವಾ ಬಿಡುಗಡೆಗೆ ಮೊದಲೇ ಸದ್ದು ಮಾಡಿದೆ. ಇದರ ಕನ್ನಡ ಟ್ರೇಲರ್ ನಿನ್ನೆ (ನವೆಂಬರ್ 11) ರಾತ್ರಿ ಬಿಡುಗಡೆಯಾಗಿದ್ದು, ಕೆಲವೇ ಗಂಟೆಗಳಲ್ಲಿ ವೀಕ್ಷಕರ ಗಮನಸೆಳೆದಿದೆ. ನವೆಂಬರ್ 14 ರಂದು ಚಿತ್ರ ಬಿಡುಗಡೆಯಾಗಲಿದ್ದು, ಪ್ರಪಂಚದಾದ್ಯಂತ 11,000 ಕ್ಕೂ ಹೆಚ್ಚು ಪರದೆಗಳಲ್ಲಿ ಪ್ರದರ್ಶನಗೊಳ್ಳಲಿದೆ. ತಮಿಳು, ಮಲಯಾಳಂ, ತೆಲುಗು, ಕನ್ನಡ, ಹಿಂದಿ, ಇಂಗ್ಲಿಷ್, ಫ್ರೆಂಚ್ ಮತ್ತು ಸ್ಪ್ಯಾನಿಷ್ ಸೇರಿದಂತೆ ಎಂಟು ಭಾಷೆಗಳಲ್ಲಿ ಬಿಡುಗಡೆಯಾಗಲಿದೆ. ಕನ್ನಡದಲ್ಲಿ ಕಂಗುವಾ ಸಿನಿಮಾ ಹಕ್ಕುಗಳನ್ನು ಕೆವಿಎನ್‌ ಪ್ರೊಡಕ್ಷನ್ಸ್‌ ಖರೀದಿಸಿದೆ. ಕಂಗುವಾ ಕೂಡಾ 2 ಭಾಗಗಳಲ್ಲಿ ತಯಾರಾಗುತ್ತಿದೆ. ಚಿತ್ರದ ಡಿಜಿಟಲ್ ಸ್ಟ್ರೀಮಿಂಗ್ ಹಕ್ಕುಗಳನ್ನು ದಕ್ಷಿಣದಲ್ಲಿ ಅಮೆಜಾನ್‌ ಪ್ರೈಂ ಪಡೆದುಕೊಂಡಿದೆ.