Rakshitha Prem: ಗಂಡನ ಮತ್ತು ದರ್ಶನ್‌ ಸಿನಿಮಾ ಚೆನ್ನಾಗಾಗಲಿ; ಕುತ್ತಾರು ಕೊರಗಜ್ಜ ದೈವದ ಬಳಿ ರಕ್ಷಿತಾ ಪ್ರೇಮ್‌ ಬೇಡಿಕೆ

• Rakshitha Prem: ಕೊರಗಜ್ಜನ ಆದಿಸ್ಥಳ, ಭಂಡಾರ ಬೈಲು ಪಂಜಂದಾಯ, ಬಂಟ, ವೈದ್ಯನಾಥ ಕ್ಷೇತ್ರಕ್ಕೆ ಮೂರು ತಿಂಗಳಿಗೊಮ್ಮೆ ಬಂದೆ ಬರ್ತೀನಿ ಎಂದು ಸ್ಯಾಂಡಲ್ ವುಡ್ ನಟಿ ರಕ್ಷಿತಾ ಪ್ರೇಮ್ ಹೇಳಿದ್ದಾರೆ. ಶುಕ್ರವಾರ ಕುತ್ತಾರಿನ ಕೊರಗಜ್ಜ ದೈವದ ಆದಿಸ್ಥಳಕ್ಕೆ ಭೇಟಿ ನೀಡಿ ಪ್ರಾರ್ಥನೆ ಸಲ್ಲಿಸಿದರು. ಬಳಿಕ ಅವರು ಕುತ್ತಾರು ಭಂಡಾರ ಬೈಲಿನ ಪಂಜಂದಾಯ , ಬಂಟ, ವೈದ್ಯನಾಥ ದೈವಸ್ಥಾನಕ್ಕೆ ಭೇಟಿ ನೀಡಿ ಪ್ರಾರ್ಥನೆ ಸಲ್ಲಿಸಿದರು. "ಕುತ್ತಾರಿನ ಕೊರಗಜ್ಜ ಮತ್ತು ಪಂಜಂದಾಯ, ಬಂಟ ಕ್ಷೇತ್ರದ ಕಾರಣೀಕ ಹೇಳಲು ಅಸಾಧ್ಯ. ನನ್ನನ್ನು ಕೊರಗಜ್ಜನೇ ಮೂರು ತಿಂಗಳಿಗೊಮ್ಮೆ ಇಲ್ಲಿಗೆ ನನ್ನನ್ನ ಕರೆಸಿಕೊಳ್ಳುತ್ತಾನೆ. ಹಾಗಾಗಿ ಭೇಟಿ ನೀಡುತ್ತಿರುತ್ತೇನೆ ಎಂದಿದ್ದಾರೆ. ಪತಿ ಪ್ರೇಮ್‌ ಮತ್ತು ದರ್ಶನ್‌ ಸಿನಿಮಾ ಚೆನ್ನಾಗಾಗಲಿ ಎಂದೂ ಬೇಡಿಕೊಂಡಿದ್ದಾರೆ ರಕ್ಷಿತಾ.