ಸ್ವಿಮ್ಮಿಂಗ್ ಬಾರದೆ ಈಜು ಕೊಳಕ್ಕಿಳಿದ ಮೈಸೂರಿನ ಮೂವರು ಯುವತಿಯರ ದಾರುಣ ಮೃತ್ಯು, ವಿಡಿಯೋ ವೈರಲ್

• ಆನ್​ಲೈನ್​ನಲ್ಲೇ ರೆಸಾರ್ಟ್ ಬುಕ್ ಮಾಡಿ ಮಜಾ ಮಾಡಲು ಬಂದಿದ್ದ ಮೈಸೂರು ಮೂಲದ ಸ್ನೇಹಿತೆಯರು ಮಂಗಳೂರಿನಲ್ಲಿ ದುರಂತ ಸಾವು ಕಂಡಿದ್ದಾರೆ. ಈಜು ಬಾರದಿದ್ದರೂ ಈಜು ಕೊಳಕ್ಕೆ ಇಳಿದ ಮೂವರು ಯುವತಿಯರು ಒದ್ದಾಡಿ ಪ್ರಾಣ ಬಿಟ್ಟಿದ್ದಾರೆ. ಮೈಸೂರು ನಗರದ ವಿಜಯನಗರ 2ನೇ ಅಡ್ಡರಸ್ತೆಯ ನಿವಾಸಿ ಕೀರ್ತನಾ ಎನ್.(21), ಮೈಸೂರು ಕುರುಬರಹಳ್ಳಿ ನಿವಾಸಿ ನಿಶಿತಾ ಎಂ.ಡಿ.(21), ರಾಮಾನುಜ ರಸ್ತೆಯ 11ನೇ ಕ್ರಾಸ್ ನಿವಾಸಿ ಪಾರ್ವತಿ ಎಸ್ (20) ಮೃತಪಟ್ಟವರಾಗಿದ್ದಾರೆ. ಈ ಮೂವರೂ ಮೈಸೂರಿನ ಜೆಎಸ್ಎಸ್ ಇಂಜಿನಿಯರಿಂಗ್ ಕಾಲೇಜಿನಲ್ಲಿ ಅಂತಿಮ ವರ್ಷದ ಪದವಿ ಓದುತ್ತಿದ್ದರು.