ಕಂಗುವಾ ಟ್ರೈಲರ್: ಫ್ಯಾಂಟಸಿ ಆಕ್ಷನ್ ಲೋಕದಲ್ಲಿ ಕಂಗೊಳಿಸಿದ ಸೂರ್ಯ, ಫ್ಯಾನ್ಸ್ ಫುಲ್ ಖುಷ್
Kanguva Trailer: ಶಿವ ನಿರ್ದೇಶನದಲ್ಲಿ ಸೂರ್ಯ ಎರಡು ಶೇಡ್‌ನಲ್ಲಿ ನಟಿಸಿರುವ ಬಹುನಿರೀಕ್ಷಿತ ಕಂಗುವಾ ಟ್ರೈಲರ್ ರಿಲೀಸ್ ಆಗಿದೆ. ಸಿನಿಮಾ ನವೆಂಬರ್‌ 14 ರಂದು ವಿಶ್ಚಾದ್ಯಂತ ರಿಲೀಸ್ ಆಗುತ್ತಿದೆ. ಕನ್ನಡ, ತಮಿಳು, ತೆಲುಗು, ಹಿಂದಿ, ಮಲಯಾಳಂ ಭಾಷೆಗಳಲ್ಲಿ ಟ್ರೈಲರ್ ರಿಲೀಸ್ ಆಗಿದೆ. ಸಿನಿಮಾ ನೋಡಲು ಸೂರ್ಯ ಫ್ಯಾನ್ಸ್ ಎಕ್ಸೈಟ್‌ ಆಗಿದ್ದಾರೆ.
Kanguva Trailer: ಸೂರ್ಯ ಅಭಿನಯದ ಬಹುನಿರೀಕ್ಷಿತ ಕಂಗುವಾ ಟ್ರೇಲರ್ ರಿಲೀಸ್ ಆಗಿದೆ. ನವೆಂಬರ್‌ 14, ಗುರುವಾರ ಕಂಗುವ ಸಿನಿಮಾ ಬಿಡುಗಡೆ ಆಗುತ್ತಿದ್ದು ಚಿತ್ರತಂಡ ಭಾನುವಾರ ರಾತ್ರಿ ಟ್ರೈಲರ್ ರಿಲೀಸ್ ಮಾಡಿದೆ. ತಮಿಳು, ಹಿಂದಿ, ತೆಲುಗು, ಮಲಯಾಳಂ, ಕನ್ನಡ ಭಾಷೆಗಳಲ್ಲಿ ಟ್ರೈಲರ್ ರಿಲೀಸ್ ಆಗಿದೆ.
2.4 ಮಿಲಿಯನ್‌ ವೀಕ್ಷಣೆ
ಕಂಗುವಾ ಟ್ರೈಲರ್ ರಿಲೀಸ್ ಆದ 9 ಗಂಟೆ ಅವಧಿಯಲ್ಲಿ 2.4 ಮಿಲಿಯನ್‌ ಜನರು ಟ್ರೈಲರ್ ವೀಕ್ಷಿಸಿದ್ದಾರೆ. “ಕಾಡಿನ ಹುಲಿ ಪಡೆ ಒಂದಾಗಿ ಸೇರ್ತು ಅಂದ್ರೆ, ಆಕಾಶದ ಮಿಂಚು ಧರೆಗೆ ತಾಕಿತು ಅಂದ್ರೆ, ಒಂದೇ ಒಂದು ಕಾರಣ, ಕಂಗುವಾ” ಎಂಬ ಡೈಲಾಗ್‌ ಮೂಲಕ ಟ್ರೈಲರ್ ಆರಂಭವಾಗುತ್ತದೆ. 1:30 ನಿಮಿಷ ಅವಧಿಯ ಟ್ರೈಲರ್‌ನಲ್ಲಿ ವಿಎಫ್‌ಎಕ್ಸ್‌, ಆಕ್ಷನ್ ದೃಶ್ಯಗಳನ್ನು ನೋಡಿ ಅಭಿಮಾನಿಗಳು ಥ್ರಿಲ್‌ ಆಗಿದ್ದಾರೆ. ಟ್ರೈಲರ್‌ನಲ್ಲಿ ಸೂರ್ಯ ಎರಡು ಶೇಡ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಬಾಬಿ ಡಿಯೋಲ್ ಕೂಡಾ ಇದ್ದಾರೆ. ಕಾಡಿನ ಬ್ಯಾಕ್‌ಡ್ರಾಪ್‌, ಆಧುನಿಕ ಪ್ರಪಂಚದ ಮಿಶ್ರಣ ಸಿನಿಮಾದಲ್ಲಿದೆ. ಸೂರ್ಯ ಸ್ಟೈಲ್‌ಗೆ ಫ್ಯಾನ್ಸ್ ಫಿದಾ ಆಗಿದ್ದಾರೆ.
ಸೂರ್ಯ ಅಭಿಮಾನಿಗಳ ಸಂಭ್ರಮ
ಟ್ರೈಲರ್ ಬಹಳ ಚೆನ್ನಾಗಿದೆ. ಟ್ರೈಲರ್ ನೋಡಿದರೆ ಗೂಸ್‌ ಬಂಪ್ಸ್‌ ಬರ್ತಿದೆ. 1:30 ನಿಮಿಷ ಅವಧಿಯ ಟ್ರೈಲರ್ ಹೀಗಿರುವಾಗ ಇನ್ನು ಸಿನಿಮಾ ಹೇಗಿರಲಿದೆಯೋ ನೋಡಲು ಬಹಳ ಎಕ್ಸೈಟ್‌ ಆಗಿದ್ದೇನೆ. ವಿಎಫ್‌ಎಕ್ಸ್‌ ಅಂತೂ ಸೂಪರ್‌, ಮೇಕಿಂಗ್‌ ಬಗ್ಗೆ ಹೇಳುವ ಹಾಗೇ ಇಲ್ಲ. ಸಿನಿಮಾ 1000 ಕೋಟಿ ರೂ. ಕ್ಲಬ್‌ ಸೇರೋದು ಪಕ್ಕಾ, ಟ್ರೈಲರ್‌ನಲ್ಲಿ ಹಾಲಿವುಡ್ ವೈಬ್ಸ್‌ ಇದೆ. ಸಿನಿಮಾದಲ್ಲಿ ಕಾರ್ತಿ ನೋಡಲು ಕಾಯುತ್ತಿದ್ದೇವೆ. ತಮಿಳು ಚಿತ್ರರಂದಲ್ಲಿ ಇದು ಬೆಸ್ಟ್‌ ಸಿನಿಮಾವಾಗಲಿದೆ. ಬಾಹುಬಲಿ, ಕೆಜಿಎಫ್‌ ಸಿನಿಮಾವನ್ನೂ ಮೀರಿಸೋದು ಪಕ್ಕಾ, ಸೂರ್ಯನ ಸಿನಿಮಾ ಅಂದ್ರೆ ಕೇಳಬೇಕಾ? ಸಿನಿಮಾ ಬ್ಲಾಕ್‌ ಬಸ್ಟರ್‌ ಎಂದೆಲ್ಲಾ ಅಭಿಮಾನಿಗಳು ಕಾಮೆಂಟ್‌ ಮಾಡುವ ಮೂಲಕ ಕಂಗುವಾ ಸಿನಿಮಾ ಬಗ್ಗೆ ಪ್ರೀತಿ ವ್ಯಕ್ತಪಡಿಸುತ್ತಿದ್ದಾರೆ.
ಶಿವ ನಿರ್ದೇಶನದ ಕಂಗುವಾ
ಕಂಗುವಾ ಚಿತ್ರವನ್ನು ಸ್ಟುಡಿಯೋ ಗ್ರೀನ್‌, ಯುವಿ ಕ್ರಿಯೇಷನ್ಸ್‌ ಬ್ಯಾನರ್‌ ಅಡಿ ಕೆಇ ಜ್ಞಾನವೇಲ್‌ ರಾಜ, ವಂಶಿ ಕೃಷ್ಣ ರೆಡ್ಡಿ, ಪ್ರಮೋದ್‌ ಉಪ್ಪಾಲಪತಿ ನಿರ್ಮಿಸಿದ್ದಾರೆ. ವಿಶ್ವಂ, ಅಣ್ಣಾತೆ ಸಿನಿಮಾಗಳಂತ ಸೂಪರ್‌ ಹಿಟ್‌ ಸಿನಿಮಾಗಳನ್ನು ಕೊಟ್ಟ ಶಿವ, ಕಂಗುವಾ ಸಿನಿಮಾಗೆ ಆಕ್ಷನ್ ಕಟ್‌ ಹೇಳಿದ್ದಾರೆ. ಚಿತ್ರದ ಹಾಡುಗಳಿಗೆ ದೇವಿ ಶ್ರೀ ಪ್ರಸಾದ್‌ ಸಂಗೀತ ನೀಡಿದ್ದಾರೆ. ಚಿತ್ರದಲ್ಲಿ ಸೂರ್ಯ ಕಂಗುವಾ ಹಾಗೂ ಫ್ರಾನ್ಸಿಸ್‌ ಹೆಸರಿನ ದ್ವಿಪಾತ್ರದಲ್ಲಿ ನಟಿಸಿದ್ದಾರೆ. ಬಾಬಿ ಡಿಯೋಲ್, ದಿಶಾ ಪಟಾನಿ, ಯೋಗಿಬಾಬು, ಕೋವೈ ಸರಳ, ರವಿ ಕುಮಾರ್‌ ಹಾಗೂ ಇನ್ನಿತರರು ಸಿನಿಮಾದಲ್ಲಿ ನಟಿಸಿದ್ದಾರೆ. ಸೂರ್ಯ ಸಹೋದರ ಕಾರ್ತಿ ಹಾಗೂ ಸಂಗೀತ ನಿರ್ದೇಶಕ ಅನಿರುದ್ಧ್‌ ರವಿಚಂದರ್‌ , ಕಂಗುವಾ ಸಿನಿಮಾದಲ್ಲಿ ಅತಿಥಿ ಪಾತ್ರದಲ್ಲಿ ನಟಿಸಿದ್ದಾರೆ. ಕರ್ನಾಟಕದಲ್ಲಿ ಕೆವಿಎನ್‌ ಪ್ರೊಡಕ್ಷನ್ಸ್‌, ಕಂಗುವಾ ಸಿನಿಮಾವನ್ನು ಡಿಸ್ಟ್ರಿಬ್ಯೂಟ್‌ ಮಾಡುತ್ತಿದೆ.
ಕಂಗುವಾ ಕನ್ನಡ ಟ್ರೈಲರ್ ಇಲ್ಲಿದೆ
