Seetha Rama Serial: ಮುರಿದು ಬಿತ್ತು ಮದುವೆ, ಅಡಗಿತು ರುದ್ರನ ಪ್ರತಾಪ; ಸೀತಾ ಪಾಲಿಗೆ ಶ್ರೀರಕ್ಷೆಯಾಗಿ ಬಂದ ರಾಮ!
Seetha Rama Serial Episode: ಜೀ ಕನ್ನಡದಲ್ಲಿ ಪ್ರಸಾರವಾಗುವ 'ಸೀತಾ ರಾಮ' ಸೀರಿಯಲ್‌ ನೋಡುಗರ ಗಮನ ಸೆಳೆಯುವುದರ ಜತೆಗೆ ರೋಚಕತೆ ಹೆಚ್ಚಿಸುತ್ತಿದೆ. ಹಿಂದಿನ ಸಂಚಿಕೆಯಲ್ಲಿ ಏನೆಲ್ಲಾ ಆಯಿತು, ಇಂದಿನ ಸಂಚಿಕೆಯಲ್ಲಿ ಏನೆಲ್ಲಾ ಆಗಲಿದೆ ಎಂಬ ವಿವರ ಇಲ್ಲಿದೆ. ಸೀತಾಳ ಮದುವೆ ತಡೆಯಲು ರಾಮ ಓಡೋಡಿ ಬಂದಿದ್ದಾನೆ. ಕೊನೆಗೂ ಸೀತಾ ರುದ್ರಪ್ರತಾಪ್ ಮದುವೆ ನಿಂತಿದೆ.
Seetha Rama Serial: ಮದುವೆ ಮಂಟಪದಲ್ಲಿ ಸೀತಾ ಥೇಟ್‌ ಸೀತೆಯಂತೆಯೇ ಸಿಂಗಾರಗೊಂಡಿದ್ದಾಳೆ. ಅಲ್ಲೇ ಇದ್ದ ಶ್ರೀರಾಮ ಸೀತಾಳನ್ನೇ ನೋಡುತ್ತ ನಿಂತಿದ್ದಾನೆ. ಹಸೆಮಣೆ ಮೇಲೆ ಕೂತ ಸೀತಾ, ರಾಮನನ್ನು ನೋಡಿ ಓಡೋಡಿ ಬಂದಿದ್ದಾಳೆ. ರಾಮನ ಕಣ್ಣಲ್ಲಿ ಕಣ್ಣಿಟ್ಟು ದಿಟ್ಟಿಸಿದ್ದಾಳೆ. ಇಬ್ಬರ ನಡುವೆ ಪ್ರೀತಿಯ ಮಂದಹಾಸ ವಿನಮಯವಾಗಿವೆ. ಕಣ್ಣುಗಳು ಮಾತನಾಡಿವೆ. ತುಟಿಗಳು ಕಿರುನಗೆ ಬೀರಿವೆ. ರಾಮನ ಎದೆಗೆ ಅಪ್ಪುಗೆ ನೀಡಿದ್ದಾಳೆ ಸೀತಾ. ಹಿನ್ನೆಲೆಯಲ್ಲಿ ವಾದ್ಯ ಮೇಳ ಮೊಳಗಿದೆ. ಸೀತಾ ರಾಮ ಕಲ್ಯಾಣ ಹಾಡೂ ಗುನುಗಿದೆ. ಅಷ್ಟರಲ್ಲಿ ರಾಮ್ ಕನಸಿನಿಂದ ಆಚೆ ಬಂದಿದ್ದಾನೆ.
ಮತ್ತೊಂದು ಕಡೆಯಲ್ಲಿ ರುದ್ರಪ್ರತಾಪನ ಒಳಸಂಚು ಸಿಹಿಗೆ ಗೊತ್ತಾದ ಹಿನ್ನೆಲೆಯಲ್ಲಿ ಆಕೆಯ ಬಾಯಿ ಮುಚ್ಚಿಸಲು ಲಾಯರ್‌ ತನ್ನ ಹುಡುಗರನ್ನು ಕರೆಸಿದ್ದಾನೆ. ರುದ್ರಪ್ರತಾಪನ ಅಸಲಿ ವಿಚಾರ ಹೇಳಲು ಸಿಹಿ ಹೆಣಗಾಡುತ್ತಿದ್ದಾಳೆ. ಆತನ ಕಣ್ತಪ್ಪಿಸಿ ಮರೆಯಲ್ಲಿಯೇ ಓಡಾಡುತ್ತಿದ್ದಾಳೆ. ಫೋನ್‌ನಲ್ಲಿ ಫ್ರೆಂಡ್‌ ರಾಮ್‌ಗೂ ಕರೆ ಮಾಡಿದ್ದಾಳೆ. ಆದರೆ ಆತನ ಫೋನ್‌ ಸ್ವಿಚ್‌ ಆಫ್‌ ಆಗಿದೆ. ಹಾಗಾಗಿ ಅದೂ ಪ್ರಯೋಜನಕ್ಕೆ ಬಂದಿಲ್ಲ. ಸಿಹಿಯ ಕಣ್ಣಿಗೆ ಬೀಳ್ತಾನಾ ರಾಮ? ರುದ್ರಪ್ರತಾಪ್‌ನ ಕೆಟ್ಟ ಮುಖವನ್ನು ಎಲ್ಲರೆದುರು ಬಹಿರಂಗ ಪಡಿಸ್ತಾಳಾ ಸಿಹಿ? ರಾಮನ ಮುಂದಿನ ನಡೆ ಏನು? ಎಂಬ ಕೌತುಕ ಕಳೆದ ಸಂಚಿಕೆಯಲ್ಲಿ ಮೂಡಿತ್ತು. ಈಗ ಅದಕ್ಕೆ ಉತ್ತರ ಶುಕ್ರವಾರದ ಸಂಚಿಕೆಯಲ್ಲಿ ಸಿಕ್ಕಿದೆ.
ಮದುವೆ ಮಂಟಪದಲ್ಲಿನ ಅಕ್ಷತೆ ಕಾಳು ಹಿಡಿದು ಮದುವೆ ಮಂಟಪದಿಂದ ಮರಳಿ ಅಶೋಕನಿದ್ದ ಕಾರ್‌ ಏರಿದ್ದಾನೆ ರಾಮ. ಇತ್ತ ಸೀತಮ್ಮನ ಬಾಳು ಹೀಗಾಯ್ತಲ್ಲ ಅಂತ ಬೇಸರದಲ್ಲಿ ಕಣ್ಣೀರಿಡುತ್ತ ರಾಮನಿಗಾಗಿಯೇ ಪರಿತಪಿಸುತ್ತಿದ್ದಾಳೆ ಸಿಹಿ. ಇತ್ತ ರಾಮ ಸಿಹಿಯನ್ನೇ ನೆನಪಿಸಿಕೊಳ್ಳುತ್ತ ಜೆಟ್‌ ಏರಿ ಕೂತಿದ್ದಾನೆ. ಮತ್ತೊಂದು ಕಡೆ ಮದುವೆ ಸಂಭ್ರಮದಲ್ಲಿ ಲಾಯರ್‌ ರುದ್ರಪ್ರತಾಪ್ ಬೀಗುತ್ತಿದ್ದರೆ, ಸೀತಾ ಸಿಹಿಯನ್ನ ಕಣ್ಣಲ್ಲೇ ಹುಡುಕಿದ್ದಾಳೆ. ಸಿಹಿ ಇಲ್ಲದೆ ನಾನು ಹೇಗೆ ತಾಳಿ ಕಟ್ಟಿಸಿಕೊಳ್ಳಲಿ ಎಂದು ಸೀತಾ ತಡೆದು ನಿಂತಿದ್ದಾಳೆ.
ಮತ್ತೊಂದು ಕಡೆ, ರಾಮ ತನ್ನ ಫೋನ್‌ ಕೈಯಲ್ಲಿ ಹಿಡಿದುಕೊಂಡಿದ್ದಾನೆ. ಸೀತಾರ ಮೊಬೈಲ್‌ನಿಂದ ಹಲವು ಫೋನ್‌ ಕರೆ ಬಂದಿದ್ದು ರಾಮನಿಗೆ ಗೊತ್ತಾಗಿದೆ. ಸಿಹಿ ಕಳುಹಿಸಿದ ವಾಯ್ಸ್‌ ನೋಟ್‌ ಸಹ ಕೇಳಿದ್ದಾನೆ. ಲಾಯರ್‌ ರುದ್ರಪ್ರತಾಪನ ಅಸಲಿ ಬಣ್ಣ ಬಯಲು ಮಾಡಿದ್ದಾಳೆ. ಇದರಿಂದ ಕೊಂಚ ಗಾಬರಿಯಾದ ರಾಮ್, ನೇರವಾಗಿ ಕಲ್ಯಾಣ ಮಂಟಪದತ್ತ ಆಗಮಿಸಿದ್ದಾನೆ. ರುದ್ರಪ್ರತಾಪನ ಇನ್ನೊಂದು ಮುಖವನ್ನು ಅಶೋಕನಿಗೂ ತಿಳಿಸಿದ್ದಾನೆ. ಪೊಲೀಸ್‌ ಕಂಪ್ಲೇಂಟ್ ನೀಡುವಂತೆಯೂ ಹೇಳಿದ್ದಾನೆ.
ಇದೇ ವಿಚಾರವನ್ನು ತಾತ ಸೂರ್ಯ ಪ್ರಕಾಶ್‌ ಗಮನಕ್ಕೂ ತಂದಿದ್ದಾನೆ. ರಾಮನ ಈ ವಿಚಾರ ತಿಳಿದು ಅಶೋಕ ಮತ್ತು ಸೂರ್ಯಪ್ರಕಾಶ್‌ ಹಿರಿ ಹಿರಿ ಹಿಗ್ಗಿದ್ದಾರೆ. ಅಷ್ಟೇ ಅಲ್ಲ ಸೀತಾಳ ಮನೆ ಖರೀದಿಸಬೇಕೆಂದು ಕೂತಿದ್ದ ರಾಜಣ್ಣ ಎಂಬುವವನನ್ನು ಹಿಡಿದು ತಂದಿದ್ದಾನೆ ಅಶೋಕ. ಅವನನ್ನು ಕರೆದುಕೊಂಡು ಮದುವೆ ಮಂಟಪಕ್ಕೂ ಬಂದಿದ್ದಾನೆ. ಅಷ್ಟರಲ್ಲಿ ಅದೇ ಸ್ಥಳಕ್ಕೆ ರಾಮನ ಆಗಮನವೂ ಆಗಿದೆ. ನಿಮ್ಮ ಆಟಕ್ಕೆ ಫುಲ್‌ ಸ್ಟಾಪ್‌ ಹಾಕ್ತಿನಿ ಅಂತ ಆತನನ್ನು ಎಳೆದು ತಂದಿದ್ದಾನೆ.
ಇತ್ತ ಮದುವೆ ಮನೆಯಲ್ಲಿ ಸಿಹಿಯನ್ನು ರುದ್ರಪ್ರತಾಪ್‌ನ ಕಡೆಯ ಹುಡುಗರು ಹಿಡಿದು ಕೂರಿಸಿದ್ದಾರೆ. ಮುಹೂರ್ತಕ್ಕೆ ಸಮಯ ಮೀರುತ್ತಿರುವ ಹಿನ್ನೆಲೆಯಲ್ಲಿ ಹಸೆ ಮಣೆಗೆ ಹತ್ತಿರ ಬಂದಿದ್ದಾಳೆ. ಮದುವೆ ಶಾಸ್ತ್ರಗಳು ಸಾಂಗವಾಗಿ ನೆರವೇರುತ್ತಿವೆ. ಎಲ್ಲರ ಮೊಗದಲ್ಲಿ ಖುಷಿ ಇದ್ದರೆ, ಸಿಹಿ ಕಾಣಿಸದಿದ್ದಕ್ಕೆ ಸೀತಾ ಕೊಂಚ ಗಾಬರಿಯಲ್ಲಿದ್ದಾಳೆ. ಇತ್ತ ಮದುವೆ ಆಗಿಯೇ ಬಿಡ್ತು ಎಂದು ಬೀಗುತ್ತಿದ್ದಾನೆ ರುದ್ರಪ್ರತಾಪ್. ಅಷ್ಟರಲ್ಲಿ ನಿಲ್ಸಿ ಎಂದು ಹೀರೋ ರಾಮನ ಎಂಟ್ರಿಯಾಗಿದೆ. ಪ್ರತಾಪನ ಮುಖ ಬೆಪ್ಪಾಗಿದೆ. ಮದುವೆ ಏನೋ ನಿಲ್ತು? ಮುಂದಿನ ಕೌತುಕ ಏನಿರಬಹುದು? ಅದನ್ನು ಸೋಮವಾರದ ಸಂಚಿಕೆಯಲ್ಲಿಯೇ ನೋಡಬೇಕು.
