ಬ್ಲಾಕ್‌ ಬಸ್ಟರ್‌ ಕಾ ಬಾಪ್, ಟಗರಿನ ಆ ಖದರೇ ಬೇರೆ; ಶಿವ ರಾಜ್‌ಕುಮಾರ್‌ ಭೈರತಿ ರಣಗಲ್ ಸಿನಿಮಾ ನೋಡಿದವರು ಹೇಳಿದ್ದೇನು? ಟ್ವಿಟರ್‌ ರಿವ್ಯೂ
ಗೀತಾ ಶಿವರಾಜ್‌ಕುಮಾರ್‌ ನಿರ್ಮಿಸಿ, ನರ್ತನ್‌ ನಿರ್ದೇಶನ ಮಾಡಿರುವ ಭೈರತಿ ರಣಗಲ್ ಸಿನಿಮಾ ನವೆಂಬರ್‌ 15 ರಂದು ರಿಲೀಸ್‌ ಆಗಿದೆ. ಚಿತ್ರಪ್ರೇಮಿಗಳು ಸಿನಿಮಾ ನೋಡಿ ಇಷ್ಟಪಟ್ಟಿದ್ದಾರೆ. ಮೊದಲ ಹಾಫ್‌ನಲ್ಲೇ ಪೈಸಾ ವಸೂಲ್ ಆಗುತ್ತೆ, ಸಿನಿಮಾ ಬ್ಲಾಕ್‌ ಬಸ್ಟರ್‌ ಎಂದು ರಿವ್ಯೂ ಹೇಳಿದ್ದಾರೆ.
ಸಿನಿಮಾಭಿಮಾನಿಗಳು ಎದುರು ನೋಡುತ್ತಿದ್ದ ಶಿವರಾಜ್‌ಕುಮಾರ್‌ ಅಭಿನಯದ ಭೈರತಿ ರಣಗಲ್ ಸಿನಿಮಾ ಬಿಡುಗಡೆ ಆಗಿದೆ. ಮುಂಗಡ ಬುಕ್ಕಿಂಗ್‌ ಮಾಡಿದ್ದವರು ಫಸ್ಟ್‌ ಡೇ ಫಸ್ಟ್‌ ಶೋ ಸಿನಿಮಾ ನೋಡಿದ್ದಾರೆ. ಬೆಳಗ್ಗೆ 6 ಗಂಟೆಗೆ ಥಿಯೇಟರ್‌ ಮುಂದೆ ಜಮಾಯಿಸಿದ ಅಭಿಮಾನಿಗಳು ತಮ್ಮದೇ ಮನೆ ಕಾರ್ಯಕ್ರಮದಂದತೆ ಸಿನಿಮಾವನ್ನು ಬರಮಾಡಿಕೊಂಡಿದ್ದಾರೆ.
ಭೈರತಿ ರಣಗಲ್ ಸಿನಿಮಾ ನೋಡಿದವರು ಟ್ವಿಟರ್‌ನಲ್ಲಿ ಏನು ಬರೆದುಕೊಂಡಿದ್ದಾರೆ? ಟಾಕ್‌ ಹೇಗಿದೆ? ಇಲ್ಲಿದೆ ವಿವರ
́"ಪಕ್ಕಾ ಪೈಸಾ ವಸೂಲ್ ಸಿನಿಮಾ, ಫಸ್ಟ್‌ ಹಾಫ್‌ ಅಂತೂ ಹೇಳೋದೇ ಬೇಡ, ಸಿನಿಮಾ ಖಂಡಿತ ಬ್ಲಾಕ್‌ ಬಸ್ಟರ್‌ ಆಗುತ್ತೆ, ಅದರಲ್ಲೂ ಶಿವಣ್ಣ ಲಾಂಗ್‌ ಹಿಡಿಯೋ ರೀತಿಗೆ ನಾನು ಫಿದಾ ಆಗಿಬಿಟ್ಟೆ, ಸಿನಿಮಾ ಬ್ಲಾಕ್‌ ಬಸ್ಟರ್‌ ಕಾ ಬಾಪ್ ಎಂದು ಅಭಿಮಾನಿಯೊಬ್ಬರು ಸಿನಿಮಾ ಬಗ್ಗೆ ಖುಷಿಯಿಂದ ಹೇಳಿದ್ದಾರೆ."
"ಸಿನಿಮಾ ಬಹಳ ಚೆನ್ನಾಗಿದೆ, ಸಿನಿಮಾದಲ್ಲಿ ಒಂದು ಮೆಸೇಜ್‌ ಇದೆ. ಮೊದಲ ಹಾಫ್‌ನಲ್ಲಿ ಭೈರತಿ ರಣಗಲ್ ಆ ರೀತಿ ಆಗಿದ್ದೇಕೆ ಎಂದು ಕಥೆ ಹೇಳಲಾಗಿದೆ. ಶಿವಣ್ಣನ ಲುಕ್‌ ಇನ್ನೂ ಸೂಪರ್‌, ಅಭಿಮಾನಿಗಳಿಗಂತೂ ಸಿನಿಮಾ ಹಬ್ಬದೂಟ, ಫೈಟ್‌ ಸೀನ್‌ಗಳಂತೂ ಮೈ ಜುಮ್‌ ಎನ್ನುತ್ತೆ, ಸುಮ್ಮನೆ ಹೇಳೋದಲ್ಲ, ಎಲ್ಲರೂ ಬಂದು ಥಿಯೇಟರ್‌ನಲ್ಲಿ ನೋಡಿ ಮಜಾ ತೆಗೆದುಕೊಳ್ಳಬೇಕು."
“ಶಿವಣ್ಣ ಸಿನಿಮಾಗೆ ಮಾತ್ರ ಫಸ್ಟ್‌ ಡೇ ಫಸ್ಟ್‌ ಶೋ ಕ್ರೇಜ್ ಇರೋದು. ಸಿನಿಮಾ ಅಂತೂ ಸೂಪರ್‌, ಶಿವಣ್ಣ ಎಂಟ್ರಿ ದೃಶ್ಯ ಅಂತೂ ಸಖತ್‌ ಇದೆ. ಥಿಯೇಟರ್‌ನಲ್ಲಿ ನಾವು ಸಿನಿಮಾ ನೋಡಲಾಗುವುದೇ ಇಲ್ಲ, ಎಲ್ಲರೂ ಹಬ್ಬ ಮಾಡ್ತಿದ್ದಾರೆ. ಶಿವಣ್ಣನ ಎರಡೂ ಶೇಡ್‌ಗಳ ಎಂಟ್ರಿ ಸೀನ್ ಅಂತೂ ಕಣ್ಣಿಗೆ ಹಬ್ಬ. ಓಂ ನೋಡಿದಾಗ ಏನು ಫೀಲ್‌ ಆಗುತ್ತೋ ಭೈರತಿ ರಣಗಲ್ ನೋಡಿದಾಗಲೂ ಅದೇ ಫೀಲ್‌ ಆಗುತ್ತೆ ಎಂದು ಅಭಿಮಾನಿಗಳು ಸಿನಿಮಾ ಬಗ್ಗೆ ಖುಷಿ ವ್ಯಕ್ತಪಡಿಸಿದ್ದಾರೆ.”
ನಿರ್ದೇಶಕ ಶ್ರೀನಿ ಟ್ವೀಟ್‌ ಮಾಡಿ ಭೈರತಿ ರಣಗಲ್ ಸಿನಿಮಾ ಬೆಂಕಿ ಅಲ್ಲ ಜ್ವಾಲಾಮುಖಿ ಎಂದು ಟ್ವೀಟ್‌ ಮಾಡಿದ್ದಾರೆ.
ಮಾಸ್ ಪ್ರೇಮಿಗಳಿಗಾಗಿಯೇ ಮಾಡಿದ ಸಿನೆಮಾ ಇದು, ಶಿವಣ್ಣ ಅಭಿನಯದ ಯಾವಾಗಲೂ ಬೆಂಕಿ ಕಣ್ಣಲ್ಲೇ ನುಂಗಿದ ಅನೇಕ ಸೀನ್ ಇದ್ದಾವೆ,ಇಂಟರ್ವಲ್ ಸೀನ್ ಪೈಸಾ ವಸೂಲ್ , ಇನ್ನೂ ಬಿಜಿಎಂ ಟಾಪ್ ನಾಚ್, ಚಿತ್ರಕಥೆ ಅಂತೂ ಕಣ್ಣಿಗೆ ಹಬ್ಬ ಒಂದೊಳ್ಳೆ ಸಿನಿಮಾ ನೋಡಿ ಬನ್ನಿ ಎಂದು @Naveenbajjally ಎಂಬ ಟ್ವಿಟರ್‌ ಯೂಸರ್‌ ಬರೆದುಕೊಂಡಿದ್ದಾರೆ.
ಕ್ರೇಜ್ ಅವರ ದೊಡ್ಡಪ್ಪ, ಮಾಸ್ ಕಾ ಬಾಪ್ ಭೈರತಿ ರಣಗಲ್ ಎಂದು @SagarManasu ಹೆಸರಿನ ಯೂಸರ್‌ ಪೋಸ್ಟ್‌ ಹಂಚಿಕೊಂಡಿದ್ದಾರೆ.
ಷಗೀತಾ ಪಿಕ್ಚರ್ಸ್‌ ಬ್ಯಾನರ್‌ ಅಡಿಯಲ್ಲಿ ಶಿವಣ್ಣ ಪತ್ನಿ ಗೀತಾ ಶಿವರಾಜ್‌ಕುಮಾರ್‌ ಭೈರತಿ ರಣಗಲ್ ಸಿನಿಮಾವನ್ನು ನಿರ್ಮಾಣ ಮಾಡಿದ್ದಾರೆ. ಮಫ್ತಿ ಚಿತ್ರವನ್ನು ನಿರ್ದೇಶಿಸಿದ್ದ ನರ್ತನ್‌, ಈ ಚಿತ್ರಕ್ಕೆ ಕಥೆ ಬರೆದು ನಿರ್ದೇಶನ ಮಾಡಿದ್ದಾರೆ. ಚಿತ್ರದ ಹಾಡುಗಳಿಗೆ ರವಿ ಬಸ್ರೂರ್‌ ಸಂಗೀತ ನೀಡಿದ್ದಾರೆ. ಚಿತ್ರದಲ್ಲಿ ಶಿವರಾಜ್‌ಕುಮಾರ್‌, ಶ್ರೀಮುರಳಿ, ರುಕ್ಮಿಣಿ ವಸಂತ್‌, ರಾಹುಲ್‌ ಬೋಸ್‌, ನಾನಾ ಪಾಟೇಕರ್‌, ಯೋಗಿಬಾಬು, ಛಾಯಾಸಿಂಗ್‌, ದೇವರಾಜ್‌, ವಸಿಷ್ಠ ಸಿಂಹ ಹಾಗೂ ಇನ್ನಿತರರು ನಟಿಸಿದ್ದಾರೆ.
