ಇಂದು ಸಂಜೆಯೇ ಪುಷ್ಪ 2 ಕಿಸಿಕ್ ಹಾಡು ರಿಲೀಸ್; ಕಿಸ್‌ ಕಿಸ್‌ ಕಿಸಿಕ್ ಸಾಂಗ್‌ಗೆ ಅಲ್ಲು ಅರ್ಜುನ್ ಶ್ರೀಲೀಲಾ ಡ್ಯಾನ್ಸ್ ನೋಡಲು ಮರೀಬ್ಯಾಡಿ
Allu Arjun Pushpa 2: ಟಾಲಿವುಡ್ ನಟ ಅಲ್ಲು ಅರ್ಜುನ್ ಮುಖ್ಯ ಭೂಮಿಕೆಯಲ್ಲಿರುವ ಪುಷ್ಪ 2 ದ ರೂಲ್ ಸಿನಿಮಾ ಬಿಡುಗಡೆಗೆ ದಿನಗಣನೆ ಶುರುವಾಗಿದೆ. ಅದಕ್ಕೂ ಮೊದಲು ಇಂದು ಸಂಜೆಯೇ ಪುಷ್ಪಾ 2 ಕಿಸಿಕ್ ಹಾಡು ರಿಲೀಸ್; ಕಿಸ್‌ ಕಿಸ್‌ ಕಿಸಿಕ್ ಸಾಂಗ್‌ಗೆ ಅಲ್ಲು ಅರ್ಜುನ್ ಶ್ರೀಲೀಲಾ ಡ್ಯಾನ್ಸ್ ನೋಡಲು ಮರೀಬ್ಯಾಡಿ
Allu Arjun Pushpa 2: ಭಾರತದ ಉದ್ದಗಲಕ್ಕೂ ಸದ್ಯ ಅಲ್ಲು ಅರ್ಜುನ್ ಅಭಿನಯದ ‘ಪುಷ್ಪ 2 ದ ರೂಲ್’ ಸಿನಿಮಾ ಕ್ರೇಜ್ ದಿನೇದಿನೆ ಹೆಚ್ಚಾಗುತ್ತಿದೆ. ಈ ಸಿನಿಮಾ ಡಿಸೆಂಬರ್ 5 ರಂದು ತೆರೆಗೆ ಬರಲಿದ್ದು, ಅದಕ್ಕೂ ಮೊದಲು ಸಿನಿ ಪ್ರಿಯರ ನಡುವೆ ಅದರ ಬಗ್ಗೆ ಕುತೂಹಲ ಹೆಚ್ಚಿಸುವ ಕೆಲಸ ನಡೆದಿದೆ. ಟೀಸರ್‌ಗಳು, ಟ್ರೇಲರ್‌ಗಳು, ಹಾಡಿನ ಪ್ರೊಮೋ, ಹಾಡು ಬಿಡುಗಡೆ ಹೀಗೆ ಒಂದೊಂದೇ ಕಾರ್ಯಕ್ರಮಗಳು ನಡೆಯುತ್ತಿವೆ. ಅದರ ನಡುವೆ, ಪ್ರೊಮೋಷನಲ್ ಕಾರ್ಯಕ್ರಮಗಳು ಕೂಡ ವಿವಿಧ ನಗರಗಳಲ್ಲಿ ಆಯೋಜನೆಯಾಗುತ್ತಿರುವುದು ಗಮನಸೆಳೆದಿದೆ. ಅಂದ ಹಾಗೆ, ಪುಷ್ಪ 2 ದ ರೂಲ್ ಸಿನಿಮಾದ “ಕಿಸಿಕ್" ಹಾಡು ಇಂದು (ನವೆಂಬರ್ 24) ರಾತ್ರಿ 7.02 ಗಂಟೆಗೆ ಬಿಡುಗಡೆಯಾಗಲಿದೆ. ನಿನ್ನೆ ಬೆಳಗ್ಗೆ ಈ ಹಾಡಿಗೆ ಸಂಬಂಧಿಸಿದ ಪ್ರೊಮೋ ಬಿಡುಗಡೆಯಾಗಿತ್ತು. ಪ್ರೊಮೋದಲ್ಲಿ ಡ್ಯಾನ್ಸಿಂಗ್ ಕ್ವೀನ್ ಶ್ರೀಲೀಲಾ ಅವರನ್ನು ಹೈಲೈಟ್ ಮಾಡಿದ್ದು, ಅಲ್ಲು ಅರ್ಜುನ್ ಮತ್ತು ಶ್ರೀಲೀಲಾ ಅವರ ಅದ್ಬುತ ನೃತ್ಯವನ್ನು ನಿರೀಕ್ಷಿಸುವಂತೆ ಮಾಡಿದೆ. ಸೋಷಿಯಲ್ ಮೀಡಿಯಾಗಳಲ್ಲಿ ಈ ಪ್ರೊಮೋ ನಿನ್ನೆಯಿಂದ ಭಾರಿ ಹವಾ ಎಬ್ಬಿಸಿವೆ. ಅದರಲ್ಲಿ ಸಿನಿಮಾ ನಿರ್ಮಾಪಕರು, “ಗೆಟ್‌ ರೆಡಿ ಟು ಬಿ ಬ್ಲೋವ್ನ್‌ ಅವೇ ಬೈ ದಿ ಸಿಝ್ಲಿಂಗ್ ಕಾಂಬೊ ಆಫ್ ಐಕಾನ್‌ ಸ್ಟಾರ್ ಅಲ್ಲು ಅರ್ಜುನ್ ಆಂಡ್‌ ಡ್ಯಾನ್ಸಿಂಗ್ ಕ್ವೀನ್ ಶ್ರೀಲೀಲಾ” ಎಂಬ ಶೀರ್ಷಿಕೆಯನ್ನೂ ಕೊಟ್ಟಿದ್ದಾರೆ.
ಪುಷ್ಪ 2 ದ ರೂಲ್; ಸಂಜೆ 7 ಗಂಟೆಗೆ ಕಿಸಿಕ್ ಹಾಡು ಬಿಡುಗಡೆ
ಇಂದು (ನವೆಂಬರ್ 24) ಸಂಜೆ 7:02 ಕ್ಕೆ ಪೂರ್ಣ ಹಾಡು ಬಿಡುಗಡೆಯಾಗಲಿದೆ. ಎ ರಾಕ್‌ಸ್ಟಾರ್ ದೇವಿ ಶ್ರೀ ಪ್ರಸಾದ್ ಅವರ ಅದ್ಭುತ ಸಂಗೀತಕ್ಕಾಗಿ ಸಿನಿ ಪ್ರಿಯರು ಎದುರುನೋಡುತ್ತಿದ್ದಾರೆ. ಅಲ್ಲು ಅರ್ಜುನ್ ಮತ್ತು ಶ್ರೀಲೀಲಾ ಕೆಮಿಸ್ಟ್ರಿ ದೇವಿ ಶ್ರೀ ಪ್ರಸಾದ್ ಸಂಯೋಜಿಸಿದ ಹಾಡಿನ ಮೂಲಕ ಹೇಗೆ ಬಂದಿರಬಹುದು ಎಂಬ ಕುತೂಹಲ ಸಿನಿಪ್ರಿಯರಲ್ಲಿ ಹೆಚ್ಚಾಗಿದೆ. ಈ ಹಾಡಿನ ಪ್ರೊಮೋ ಈಗಾಗಲೇ ಹವಾ ಎಬ್ಬಿಸಿದ್ದು, ಹಾಡಿನ ಕುರಿತಾದ ನಿರೀಕ್ಷೆ ಸಾರ್ವಕಾಲಿಕ ಗರಿಷ್ಠ ಮಟ್ಟ ಮುಟ್ಟುವಂತೆ ಮಾಡಿದೆ. ಇದರ ಯಶಸ್ಸು ಬಹುಶಃ ಹಿಂದಿನ ಪುಷ್ಪಾ ದ ರೈಸ್ ಸಿನಿಮಾದ “ಊ ಅಂಟಾವಾ” ಹಾಡಿನ ದಾಖಲೆಯನ್ನು ಮೀರುವ ಸಾಧ್ಯತೆ ಗೋಚರಿಸಿದೆ. ಅದರಲ್ಲಿ ಸಮಂತಾ ರುತ್‌ ಪ್ರಭು ಆ ಹಾಡಿಗೆ ಕುಣಿದಿದ್ದರು.
'ಪುಷ್ಪ 2 : ದಿ ರೂಲ್' ಚಿತ್ರದಲ್ಲಿ ಅಲ್ಲು ಅರ್ಜುನ್ ಜೊತೆಗೆ ರಶ್ಮಿಕಾ ಮಂದಣ್ಣ ಮತ್ತು ಫಹದ್ ಫಾಸಿಲ್ ಕೂಡ ನಟಿಸಿದ್ದಾರೆ. ಶ್ರೀಗಂಧದ ಸ್ಮಗ್ಲಿಂಗ್ ಸಿಂಡಿಕೇಟ್‌ನ ಒಳಗೆ ಉನ್ನತ ಸ್ಥಾನಕ್ಕೇರುವ ಮಹತ್ವಾಕಾಂಕ್ಷೆಯ ಪಾತ್ರವಾದ ಪುಷ್ಪರಾಜ್‌ನ ಕಥೆಯನ್ನು ಈ ಸರಣಿಯ ಎರಡನೇ ಸಿನಿಮಾ ಮುಂದುವರಿಸುತ್ತಿದೆ.
