Pakistan bus Accident: ಪಾಕಿಸ್ತಾನದಲ್ಲಿ ಸೇತುವೆಯಿಂದ ಕೆಳಕ್ಕೆ ಬಿದ್ದ ಬಸ್‌, ಬೆಂಕಿಗಾಹುತಿ, 40 ಮಂದಿ ಸಾವು
- ಪಾಕಿಸ್ತಾನದ ಕ್ವೆಟ್ಟಾ ಸಮೀಪ ಸೇತುವೆಯಿಂದ ಬಸ್‌ವೊಂಮದು ಕೆಳಕ್ಕೆ ಉರುಳಿ ಬೆಂಕಿಗೆ ಆಹುತಿಯಾಗಿದೆ. ಈ ದುರ್ಘಟನೆಯಿಂದ ಬಸ್‌ನೊಳಗಿದ್ದ 40 ಮಂದಿ ಮೃತಪಟ್ಟಿದ್ದಾರೆ. ನಿನ್ನೆ ರಾತ್ರಿ ಈ ಘಟನೆ ನಡೆದಿತ್ತು.
- ಪಾಕಿಸ್ತಾನದ ಕ್ವೆಟ್ಟಾ ಸಮೀಪ ಸೇತುವೆಯಿಂದ ಬಸ್‌ವೊಂಮದು ಕೆಳಕ್ಕೆ ಉರುಳಿ ಬೆಂಕಿಗೆ ಆಹುತಿಯಾಗಿದೆ. ಈ ದುರ್ಘಟನೆಯಿಂದ ಬಸ್‌ನೊಳಗಿದ್ದ 40 ಮಂದಿ ಮೃತಪಟ್ಟಿದ್ದಾರೆ. ನಿನ್ನೆ ರಾತ್ರಿ ಈ ಘಟನೆ ನಡೆದಿತ್ತು.
(1 / 8)
ಬಸ್‌ನಲ್ಲಿ 48 ಪ್ರಯಾಣಿಕರಿದ್ದರು. ದುರ್ಘಟನೆ ಬಳಿಕ ಕನಿಷ್ಠ 40 ಜನರು ಮೃತಪಟ್ಟಿದ್ದಾರೆ ಎನ್ನಲಾಗಿದೆ. ಬಲೂಚಿಸ್ತಾನ ಪ್ರಾಂತ್ಯದ ಲಾಸ್‌ಬೆಲಾ ಜಿಲ್ಲೆಯ ಹಿರಿಯ ಅಧಿಕಾರಿ ಹಮ್ಜಾ ಅಂಜುಮ್‌ ಘಟನಾ ಸ್ಥಳಕ್ಕೆ ಆಗಮಿಸಿ ಪರಿಶೀಲಿಸಿದ್ದಾರೆ. ಮೂರು ಜನರನ್ನು ರಕ್ಷಿಸಲಾಗಿದೆ. (AFP)
(2 / 8)
ಬೆಲಾ ಎಂಬ ನಗರದ ಹತ್ತಿರ ಈ ದುರ್ಘಟನೆ ನಡೆದಿದೆ. ಕ್ವೆಟ್ಟಾದಿಂದ ಬಲೂಚಿಸ್ತಾನ ಪ್ರಾಂತ್ಯದ ಕರಾಚಿಗೆ ಈ ಬಸ್‌ ಪ್ರಯಾಣಿಸುತ್ತಿತ್ತು.(AP)
(3 / 8)
ಗಾಯಗೊಂಡವರನ್ನು ರಕ್ಷಿಸಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಮೃತಪಟ್ಟವರಲ್ಲಿ ಸಾಕಷ್ಟು ದೇಹಗಳ ಗುರುತೇ ಸಿಗುತ್ತಿಲ್ಲ. ಮಕ್ಕಳು, ಮಹಿಳೆಯರು ಸೇರಿದಂತೆ ಕನಿಷ್ಠ 40 ಜನರು ಮೃತಪಟ್ಟಿದ್ದಾರೆ ಎಂದು ಹಮ್ಜಾ ಅಂಜುಮನ್‌ ಹೇಳಿದ್ದಾರೆ. (AFP)
(4 / 8)
ಬಸ್‌ ಅತಿವೇಗದಲ್ಲಿ ಚಲಿಸುತ್ತಿದ್ದದ್ದೇ ದುರ್ಘಟನೆಗೆ ಕಾರಣ ಎನ್ನಲಾಗಿದೆ. ವೇಗವಾಗಿ ಸಾಗುತ್ತಿದ್ದ ಬಸ್‌ ಸೇತುವೆಯ ತಡೆಗೋಡೆಗೆ ಡಿಕ್ಕಿ ಹೊಡೆದು ಕೆಳಕ್ಕೆ ಉರುಳಿದೆ. ಬಳಿಕ ಬಸ್‌ ಬೆಂಕಿಗೆ ಆಹುತಿಯಾಗಿದೆ.(AFP)
(5 / 8)
ದುರಂತದ ಚಿತ್ರಗಳು ಭೀತಿ ಹುಟ್ಟಿಸುತ್ತವೆ. ಬಸ್‌ ತಲೆಕೆಳಗಾಗಿ ಮಗುಚಿ ಬಿದ್ದಿರುವುದನ್ನು ಗಮನಿಸಬಹುದು. ಗಾಯಗೊಂಡವರ ಪರಿಸ್ಥಿತಿಯೂ ಚಿಂತಜನಕವಾಗಿದೆ ಎನ್ನಲಾಗಿದೆ.(AP)
(6 / 8)
ಗುರುತು ಪತ್ತೆಹಚ್ಚಲಾಗದ ದೇಹಗಳನ್ನು ಡಿಎನ್‌ಎ ಮಾದರಿ ಸಂಗ್ರಹಿಸುವ ಸಲುವಾಗಿ ಕರಾಚಿಗೆ ಸಾಗಿಸಲಾಗುತ್ತದೆ. ಗುರುತು ಪತ್ತೆಹಚ್ಚಿದ ಬಳಿಕ ಮೃತಪಟ್ಟವರ ಕುಟುಂಬಕ್ಕೆ ಹಸ್ತಾಂತರಿಸಲಾಗುವುದು ಎಂದು ಅವರು ಮಾಹಿತಿ ನೀಡಿದ್ದಾರೆ.(AP)
(7 / 8)
ಅಪಘಾತ ಸಂಭವಿಸಿದ ತಕ್ಷಣ ಅಗ್ನಿಶಾಮಕ ದಳ ಮತ್ತು ಲಾಸಾಬೆಲಾ ವೆಲ್‌ಫೇರ್‌ ಟ್ರಸ್ಟ್‌, ಈದಿ ವೆಲ್‌ಫೇರ್‌ ಟ್ರಸ್ಟ್‌ನ ತಂಡ ಆಗಮಿಸಿ ರಕ್ಷಣಾ ಕಾರ್ಯಾಚರಣೆ ನಡೆಸಿತ್ತು.(AP)
(8 / 8)
ಬಲೂಚಿಸ್ತಾನದ ಮುಖ್ಯಮಂತ್ರಿ ಮಿರ್‌ ಅಬ್ದುಲ್‌ ಕುಡೋಸ್‌ ಭಿಜೆಂಜೊ ಅವರು ಈ ದುರ್ಘಟನೆಯ ಕುರಿತು ಸಂತಾಪ ವ್ಯಕ್ತಪಡಿಸಿದ್ದಾರೆ. ಗಾಯಗೊಂಡವರಿಗೆ ಅತ್ಯುತ್ತಮ ವೈದ್ಯಕೀಯ ನೆರವು ನೀಡುವಂತೆ ಅವರು ಆದೇಶ ನೀಡಿದ್ದಾರೆ.(AFP)
ಇತರ ಗ್ಯಾಲರಿಗಳು