ಆರ್ಸಿಬಿಗೆ ಬೆಂಬಲ ನೀಡಲ್ಲ ಎಂದಿದ್ದ ಸಿಎಸ್ಕೆ ಅಭಿಮಾನಿ ಖರೀದಿಸಿದ ಬೆಂಗಳೂರು; ಫುಲ್ ಟ್ರೋಲ್
Dec 10, 2023 10:31 AM IST
ಕೇಟ್ ಕ್ರಾಸ್.
- Royal Challengers Bangalore: ಐಪಿಎಲ್ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರಿಗೆ ಬೆಂಬಲ ನೀಡಲ್ಲ ಎಂದಿದ್ದ ಸಿಎಸ್ಕೆ ಅಭಿಮಾನಿ ಕೇಟ್ ಕ್ರಾಸ್ ಈಗ 30 ಲಕ್ಷ ರೂಪಾಯಿಗೆ ಆರ್ಸಿಬಿ ಕ್ಯಾಂಪ್ ಸೇರಿದ್ದಾರೆ.
ಡಿಸೆಂಬರ್ 9ರಂದು ಮುಂಬೈನಲ್ಲಿ ಜರುಗಿದ ಮಹಿಳಾ ಪ್ರೀಮಿಯರ್ ಲೀಗ್ 2024ರ ಮಿನಿ ಹರಾಜಿನಲ್ಲಿ (WPL Auction 2024) ರಾಯಲ್ ಚಾಲೆಂಜರ್ಸ್ ಬೆಂಗಳೂರು (Royal Challengers Bangalore) ಸ್ಟಾರ್ ಆಟಗಾರ್ತಿಯರನ್ನೇ ಖರೀದಿಸಿದೆ. ಅದರಲ್ಲಿ ಐಪಿಎಲ್ನಲ್ಲಿ (IPL) ಆರ್ಸಿಬಿಗೆ ಬೆಂಬಲ ನೀಡಲ್ಲ ಎಂದಿದ್ದ ಇಂಗ್ಲೆಂಡ್ ತಂಡದ ಚೆನ್ನೈ ಸೂಪರ್ ಕಿಂಗ್ಸ್ (Chennai Super Kings) ಅಭಿಮಾನಿ ಕೇಟ್ ಕ್ರಾಸ್ (Kate Cross) ಕೂಡ ಒಬ್ಬರು ಎಂಬುದು ವಿಶೇಷ.
ನೀನು ನಮ್ಮ ಪ್ರಮುಖ ಬೌಲರ್ ಎಂದು ಮೊದಲ ದಿನವೇ ಆರ್ಸಿಬಿ ಹೇಳಿತ್ತು; ಕಂಬ್ಯಾಕ್‌ ಕುರಿತು ಯಶ್‌ ದಯಾಳ್ ಮಾತು
ಆರ್ಸಿಬಿ vs ಆರ್‌ಆರ್‌, ಕೆಕೆಆರ್‌ vs ಎಸ್‌ಆರ್‌ಎಚ್‌ ಪ್ಲೇಆಫ್ ಪಂದ್ಯಗಳಿಗೆ ಮಳೆ ಆತಂಕ ಇದೆಯಾ? ಅಹಮದಾಬಾದ್‌ ಹವಾಮಾನ ವರದಿ ಹೀಗಿದೆ
ಐಪಿಎಲ್ ಪ್ಲೇಆಫ್ ಪಂದ್ಯಗಳು ಮಳೆಯಿಂದ ರದ್ದಾದರೆ ಮುಂದೇನು; ಮೀಸಲು ದಿನ ಇದೆಯೇ? ನಿಯಮಗಳು ಹೀಗಿವೆ
RCB vs RR: ಒಂದೂ ಸೋಲದ ಮತ್ತು ಒಂದೂ ಗೆಲ್ಲದ ತಂಡಗಳ ನಡುವೆ ಎಲಿಮಿನೇಟರ್ ಫೈಟ್; ಯಾರ ಕೈ ಹಿಡಿಯುತ್ತೆ ಅದೃಷ್ಟ?
ಹರಾಜಿನಲ್ಲಿ 30 ಲಕ್ಷ ರೂಪಾಯಿಗೆ ಆರ್ಸಿಬಿ ಸೇರಿರುವ ಕೇಟ್ ಕ್ರಾಸ್, ಈ ಹಿಂದೆ ಆರ್ಸಿಬಿಗೆ ಸಪೋರ್ಟ್ ಮಾಡಲ್ಲ. ನಾನು ಸಿಎಸ್ಕೆ ಅಭಿಮಾನಿ ಎಂದು ಟ್ವೀಟ್ನಲ್ಲಿ ಪೋಸ್ಟ್ ಮಾಡಿದ್ದರು. ಬೆಂಬಲ ನೀಡಲ್ಲ ಎನ್ನುವುದು ಮಾತ್ರವಲ್ಲದೆ ಕಿಚಾಯಿಸಿದ್ದರು ಕೂಡ. ಆರ್ಸಿಬಿ ಮತ್ತು ತಂಡದ ಅಭಿಮಾನಿಗಳ ಕುರಿತು ವ್ಯಂಗ್ಯವಾಗಿದ್ದರು. ಈ ಪೋಸ್ಟ್ಗಳು ಈಗ ಭಾರಿ ವೈರಲ್ ಆಗುತ್ತಿವೆ. ಬೆಂಗಳೂರು ಫ್ರಾಂಚೈಸಿಯನ್ನು ಅಭಿಮಾನಿಗಳು ಫುಲ್ ಟ್ರೋಲ್ ಮಾಡುತ್ತಿದ್ದಾರೆ.
ಮಾತು ಬದಲಿಸಿದ ಕ್ರಾಸ್
ಆರ್ಸಿಬಿ ಖರೀದಿಸಿದ ಬೆನ್ನಲ್ಲೇ ಕೇಟ್ ಕ್ರಾಸ್ ವರಸೆ ಬದಲಿಸಿದ್ದಾರೆ. ಬೆಂಗಳೂರು ತಂಡವನ್ನು ಬೆಂಬಲಿಸುವುದಾಗಿ ವಾಗ್ದಾನ ಮಾಡಿದ್ದಾರೆ. ಡಬ್ಲ್ಯುಪಿಎಲ್ 2024ರ 2ನೇ ಆವೃತ್ತಿಗಾಗಿ ಆರ್ಸಿಬಿಗೆ ಸ್ವಾಗತ ಎಂದು ಇಂಗ್ಲೆಂಡ್ನ ಅಲೆಕ್ಸಾಂಡ್ರಾ ಹಾರ್ಟ್ಲಿ ಸಾಮಾಜಿಕ ಮಾಧ್ಯಮದಲ್ಲಿ ಕ್ರಾಸ್ ಅನ್ನು ಟ್ಯಾಗ್ ಮಾಡಿ ಪೋಸ್ಟ್ ಮಾಡಿದ್ದರು. ಈ ಪೋಸ್ಟ್ಗೆ ಉತ್ತರಿಸಿದ ಕ್ರಾಸ್, ಆರ್ಸಿಬಿಗೆ ಯಾವಾಗಲೂ ವಿಶೇಷ ಸ್ಥಾನವಿದೆ ಎಂದು ಹೇಳುವ ಮೂಲಕ ಬೆಂಬಲ ವ್ಯಕ್ತಪಡಿಸಿದ್ದಾರೆ.
ಆರ್ಸಿಬಿ ವಿರುದ್ಧ ಅಭಿಮಾನಿಗಳು ಕಿಡಿ
ತಮಗೆ ಬೆಂಬಲ ನೀಡಲ್ಲ ಎಂದಿದ್ದ ಸಿಎಸ್ಕೆ ಅಭಿಮಾನಿ ಖರೀದಿಸಿದ್ದ ಆರ್ಸಿಬಿ ವಿರುದ್ಧ ಅಭಿಮಾನಿಗಳು ಕಿಡಿಕಾರಿದ್ದಾರೆ. ನಮಗೆ ಸಪೋರ್ಟ್ ಮಾಡದ, ಅದರಲ್ಲೂ ಸಿಎಸ್ಕೆ ಫ್ಯಾನ್ಗೆ ಮಣೆ ಹಾಕಿದ್ದಕ್ಕೆ ಬೇಸರ ಕೂಡ ವ್ಯಕ್ತಪಡಿಸಿದ್ದಾರೆ. ಇನ್ನೂ ಕೆಲವರು ವಾಟರ್ ಬಾಟಲ್ ತರೋದಕ್ಕೆ ಬಳಸಿಕೊಳ್ಳುತ್ತಾರೆ ಎಂದು ಟ್ರೋಲ್ ಮಾಡುತ್ತಿದ್ದಾರೆ. ಈಗ ಬೆಂಬಲ ನೀಡಲೇಬೇಕು, ಆಡಲೇಬೇಕು ಎಂದು ಎನ್ನುತ್ತಿದ್ದಾರೆ.
ಕೇಟ್ ಕ್ರಾಸ್ ಪ್ರದರ್ಶನ ಹೇಗಿದೆ?
ಇಂಗ್ಲೆಂಡ್ ತಂಡದ ಅನುಭವಿ ಆಟಗಾರ್ತಿ ಕೇಟ್ ಕ್ರಾಸ್, ಆರ್ಸಿಬಿಗೆ ಹೊಸ ಭರವಸೆ ಮೂಡಿಸುವ ಲೆಕ್ಕಾಚಾರದಲ್ಲಿದ್ದಾರೆ. ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಕಡಿಮೆ ಟಿ20ಗಳನ್ನು ಆಡಿದ್ದರೂ ಏಕದಿನದಲ್ಲಿ ಅದ್ಭುತ ಪ್ರದರ್ಶನ ನೀಡಿದ್ದಾರೆ. ಮಹಿಳಾ ಬಿಗ್ ಬ್ಯಾಷ್ ಲೀಗ್ ಮತ್ತು ಹಂಡ್ರೆಡ್ ಲೀಗ್ನಲ್ಲಿ ಆಡಿದ ಅನುಭವ ಹೊಂದಿದ್ದಾರೆ. ಈವರೆಗೂ 16 ಟಿ20 ಪಂದ್ಯಗಳಲ್ಲಿ 11 ವಿಕೆಟ್, ಏಕದಿನದಲ್ಲಿ 59 ಪಂದ್ಯಗಳಲ್ಲಿ 79 ವಿಕೆಟ್ ಕಿತ್ತಿದ್ದಾರೆ.
ಕಾಮೆಂಟೇಟರ್ ಆಗಿದ್ದರು!
ಡಬ್ಲ್ಯುಪಿಎಲ್ ಉದ್ಘಾಟನಾ ಆವೃತ್ತಿಯ ಮೆಗಾ ಹರಾಜಿನಲ್ಲಿ ಕ್ರಾಸ್ ಮಾರಾಟವಾಗಿರಲಿಲ್ಲ. ನಂತರ ಅವರು ಕಾಮೆಂಟೇಟರ್ ಆಗಿ ಸೇರಿದರು. ಮಧ್ಯಮ ವೇಗಿ ದಿ ಹಂಡ್ರೆಡ್ ವುಮೆನ್‌ನ ಕೊನೆಯ ಆವೃತ್ತಿಯಲ್ಲಿ ನಾರ್ದರ್ನ್ ಸೂಪರ್‌ಚಾರ್ಜರ್ಸ್‌ಗಾಗಿ 10 ವಿಕೆಟ್‌ಗಳನ್ನು ಉರುಳಿಸಿದ್ದರು.
ಈ ಹರಾಜಿನಲ್ಲಿ ಆರ್ಸಿಬಿ ಖರೀದಿಸಿದ ಆಟಗಾರ್ತಿಯರ ಪಟ್ಟಿ
ಏಕ್ತಾ ಬಿಷ್ಟ್ (ಭಾರತ) - 60 ಲಕ್ಷ, ಬೌಲರ್
ಜಾರ್ಜಿಯಾ ವೇರ್ಹ್ಯಾಮ್ (ಆಸ್ಟ್ರೇಲಿಯಾ) - 40 ಲಕ್ಷ, ಆಲ್ರೌಂಡರ್
ಕೇಟ್ ಕ್ರಾಸ್ (ಇಂಗ್ಲೆಂಡ್) - 30 ಲಕ್ಷ, ಆಲ್ರೌಂಡರ್
ಸಬ್ಬಿನೇನಿ ಮೇಘನಾ (ಭಾರತ) - 30 ಲಕ್ಷ, ಆಲ್ರೌಂಡರ್
ಸೋಫಿ ಮೊಲಿನಿಕ್ಸ್ (ಆಸ್ಟ್ರೇಲಿಯಾ) - 30 ಲಕ್ಷ, ಆಲ್ರೌಂಡರ್
ಸಿಮ್ರಾನ್ ಬಹದ್ದೂರ್ (ಭಾರತ) - 30 ಲಕ್ಷ, ಬೌಲರ್
ಶುಭಾ ಸತೀಶ್ (ಭಾರತ, ಕರ್ನಾಟಕ) - 10 ಲಕ್ಷ, ಆಲ್ರೌಂಡರ್.