ರಾಜ್ಕೋಟ್ನಲ್ಲಿ ರೋಹಿತ್-ಜಡೇಜಾ ದರ್ಬಾರ್, ಚೊಚ್ಚಲ ಟೆಸ್ಟ್ನಲ್ಲೇ ಸರ್ಫರಾಜ್ ಫಿಫ್ಟಿ; ಬೃಹತ್ ಮೊತ್ತದತ್ತ ಭಾರತ
Feb 15, 2024 05:56 PM IST
ರಾಜ್ಕೋಟ್ನಲ್ಲಿ ರೋಹಿತ್-ರವೀಂದ್ರ ರಾಕ್, ಚೊಚ್ಚಲ ಟೆಸ್ಟ್ನಲ್ಲೇ ಸರ್ಫರಾಜ್ ಫಿಫ್ಟಿ
- India vs England 3rd Test: ಇಂಗ್ಲೆಂಡ್ ವಿರುದ್ದದ ಮೂರನೇ ಟೆಸ್ಟ್ ಪಂದ್ಯದಲ್ಲಿ ಟೀಮ್ ಇಂಡಿಯಾ ಪ್ರಥಮ ದಿನದ ಅಂತ್ಯಕ್ಕೆ 86 ಓವರ್ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 326 ರನ್ ಕಲೆ ಹಾಕಿದೆ.
ರೋಹಿತ್ ಶರ್ಮಾ ಮತ್ತು ರವೀಂದ್ರ ಜಡೇಜಾ ಅವರ (Rohit Sharma and Ravindra Jadeja) ಆಕರ್ಷಕ ಶತಕಗಳ ನೆರವಿನಿಂದ ಇಂಗ್ಲೆಂಡ್ ವಿರುದ್ಧದ 3ನೇ ಟೆಸ್ಟ್ ಪಂದ್ಯದ ಮೊದಲ ಇನ್ನಿಂಗ್ಸ್ನಲ್ಲಿ ಭಾರತ ಬೃಹತ್ ಮೊತ್ತದತ್ತ ಹೆಜ್ಜೆ ಹಾಕುತ್ತಿದೆ. ರಾಜ್ಕೋಟ್ನ ಸೌರಾಷ್ಟ್ರ ಕ್ರಿಕೆಟ್ ಅಸೋಸಿಯೇಷನ್ ಮೈದಾನದಲ್ಲಿ ನಡೆಯುತ್ತಿರುವ ಈ ಪಂದ್ಯದಲ್ಲಿ ಟೀಮ್ ಇಂಡಿಯಾ ಪ್ರಥಮ ದಿನದ ಅಂತ್ಯಕ್ಕೆ 86 ಓವರ್ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 326 ರನ್ ಕಲೆ ಹಾಕಿದೆ.
ಬೆಂಗಳೂರು ಬೀದಿಗಳಲ್ಲಿ ರಾತ್ರಿ 1.30ಕ್ಕೂ ವಿರಾಟ್‌ ಫ್ಯಾನ್ಸ್ ಹರ್ಷೋದ್ಘಾರ; ವಿಡಿಯೋ ಹಂಚಿಕೊಂಡು ನೀವೇ ಬೆಸ್ಟ್‌ ಎಂದ ಆರ್‌ಸಿಬಿ
ಐಪಿಎಲ್‌ 2024: ಇಂದು ಲೀಗ್‌ ಹಂತದ ಕೊನೆಯ 2 ಪಂದ್ಯಗಳು; ಎಲಿಮನೇಟರ್‌ನಲ್ಲಿ ಆರ್‌ಸಿಬಿ ಎದುರಾಳಿಯಾಗೋರು ಯಾರು?
Video: ಜಿನುಗುತ್ತಿದ್ದ ಕಣ್ಣೀರು ಅದುಮಿಟ್ಟ ವಿರಾಟ್‌-ಅನುಷ್ಕಾ; ಆರ್‌ಸಿಬಿ ಪ್ಲೇಆಫ್‌ ಪ್ರವೇಶಿಸುತ್ತಿದ್ದಂತೆ ವಿರುಷ್ಕಾ ಭಾವುಕ
Video: ನಿದ್ದೆಗೆಟ್ಟು ಸಂಭ್ರಮಾಚರಣೆಯಲ್ಲಿ ಮುಳುಗಿದ ಆರ್‌ಸಿಬಿ ಫ್ಯಾನ್ಸ್; ಇದು ಗ್ರೇಟೆಸ್ಟ್‌ ಕಂಬ್ಯಾಕ್ ಎಂದು ಹರ್ಷೋದ್ಘಾರ
ಆರಂಭದಲ್ಲೇ ಮಾರ್ಕ್ವುಡ್ ಆಘಾತ
ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ನಡೆಸಿದ ಭಾರತ ಆರಂಭದಲ್ಲೇ ಮಾರ್ಕ್ ವುಡ್ ದಾಳಿಗೆ ಪತರಗುಟ್ಟಿತು. ಯಶಸ್ವಿ ಜೈಸ್ವಾಲ್ 10, ಶುಭ್ಮನ್ ಗಿಲ್ 0, ರಜತ್ ಪಾಟೀದಾರ್ 5 ರನ್ ಗಳಿಸಿ ನಿರಾಸೆ ಮೂಡಿಸಿದರು. ಮಾರ್ಕ್ವುಡ್ 2 ವಿಕೆಟ್ ಕಬಳಿಸಿದರೆ, ಟಾಮ್ ಹಾರ್ಟ್ಲೆ 1 ವಿಕೆಟ್ ಉರುಳಿಸಿದರು. ಭಾರತ 33ಕ್ಕೆ 3 ವಿಕೆಟ್ ಕಳೆದುಕೊಂಡು ಸಂಕಷ್ಟದಲ್ಲಿತ್ತು. ಆದರೆ ಈ ಹಂತದಲ್ಲಿ ರೋಹಿತ್ ಮತ್ತು ಜಡೇಜಾ ಆಸರೆಯಾದರು.
4ನೇ ವಿಕೆಟ್ಗೆ 200 ರನ್ಗಳ ಜೊತೆಯಾಟ
ಸತತ ವಿಕೆಟ್ ಕಳೆದುಕೊಂಡಿದ್ದ ತಂಡಕ್ಕೆ ಆಸರೆಯಾದ ಈ ಜೋಡಿ 4ನೇ ವಿಕೆಟ್ಗೆ 200+ ರನ್ ಪಾಲುದಾರಿಕೆ ನೀಡಿತು. ಜವಾಬ್ದಾರಿಯುತ ಬ್ಯಾಟಿಂಗ್ ನಡೆಸಿದ ರೋಹಿತ್-ಜಡ್ಡು, ಇಂಗ್ಲೆಂಡ್ ಬೌಲರ್ಸ್ ಮಾರಕ ದಾಳಿಯನ್ನು ಸಮರ್ಥವಾಗಿ ಎದುರಿಸಿದರು. 329 ಎಸೆತಗಳನ್ನು ಎದುರಿಸಿದ 204 ರನ್ಗಳ ಜೊತೆಯಾಟವಾಡಿದರು. ಈ ರನ್ನುಗಳ ಪೈಕಿ ರೋಹಿತ್ 114 ರನ್ಗಳ ಕಾಣಿಕೆ ನೀಡಿದರೆ, ಜಡ್ಡು 84 ರನ್ ಕೊಡುಗೆ ನೀಡಿದರು.
ರೋಹಿತ್ ಶರ್ಮಾ ಭರ್ಜರಿ ಶತಕ
ನಾಯಕನ ಆಟವಾಡಿದ ರೋಹಿತ್, ಟೆಸ್ಟ್ ಕ್ರಿಕೆಟ್ನಲ್ಲಿ ತನ್ನ 11ನೇ ಶತಕ ಸಿಡಿಸಿದರು. ತಾನು ಎದುರಿಸಿದ 157ನೇ ಎಸೆತದಲ್ಲಿ ಮೂರಂಕಿ ದಾಟಿದ ಹಿಟ್ಮ್ಯಾನ್, ಇಂಗ್ಲೆಂಡ್ ವಿರುದ್ಧವೇ ಮೂರನೇ ಸೆಂಚುರಿ ದಾಖಲಿಸಿದರು. ತಂಡವನ್ನು ಉತ್ತಮ ಮೊತ್ತದತ್ತ ಕೊಂಡೊಯ್ಯುತ್ತಿದ್ದ ಹಿಟ್ಮ್ಯಾನ್, 196 ಎಸೆತಗಳಲ್ಲಿ 14 ಬೌಂಡರಿ, 3 ಸಿಕ್ಸರ್ ಸಹಿತ 131 ರನ್ ಸಿಡಿಸಿ ಮಾರ್ಕ್ವುಡ್ ಬೌಲಿಂಗ್ನಲ್ಲಿ ವಿಕೆಟ್ ಒಪ್ಪಿಸಿದರು.
ರವೀಂದ್ರ ಜಡೇಜಾ ಆಕರ್ಷಕ ಸೆಂಚುರಿ
ಮತ್ತೊಂದೆಡೆ ರೋಹಿತ್ ಜೊತೆ ಅದ್ಭುತ ಪಾಲುದಾರಿಕೆ ನೀಡಿದ ಜಡೇಜಾ ಶತಕ ಸಿಡಿಸಿ ಸಂಭ್ರಮಿಸಿದರು. ಟೆಸ್ಟ್ ಕ್ರಿಕೆಟ್ನಲ್ಲಿ 4ನೇ ಶತಕ ಸಿಡಿಸಿ ಮಿಂಚಿದರು. 33ಕ್ಕೆ 3 ವಿಕೆಟ್ ಕಳೆದುಕೊಂಡಿದ್ದ ಸಂದರ್ಭದಲ್ಲಿ ಬ್ಯಾಟ್ ಹಿಡಿದು ಕ್ರೀಸ್ಗೆ ಬಂದ ಜಡ್ಡು 82ನೇ ಓವರ್ನಲ್ಲಿ ಶತಕವನ್ನು ಪೂರೈಸಿದರು. 198ನೇ ಎಸೆತದಲ್ಲಿ ಮೂರಂಕಿ ದಾಟಿದ ಜಡೇಜಾ, 7 ಬೌಂಡರಿ, 2 ಸಿಕ್ಸರ್ ಕೂಡ ಸಿಡಿಸಿದ್ದಾರೆ. ಸದ್ಯ 110 ರನ್ ಸಿಡಿಸಿ ಅಜೇಯರಾಗಿ ಉಳಿದಿದ್ದು 2ನೇ ದಿನದಾಟ ಮುಂದುವರೆಸಲಿದ್ದಾರೆ.
ಸರ್ಫರಾಜ್ ಅರ್ಧಶತಕ
ಕಳೆದ 3 ವರ್ಷಗಳಿಂದ ದೇಶೀಯ ಕ್ರಿಕೆಟ್ನಲ್ಲಿ ರನ್ ಮಳೆ ಹರಿಸಿದ್ದ ಸರ್ಫರಾಜ್ ಖಾನ್ ಕೊನೆಗೂ ಭಾರತ ಟೆಸ್ಟ್ ತಂಡದಲ್ಲಿ ಅವಕಾಶ ಪಡೆದು ಮಿಂಚಿದ್ದಾರೆ. ತನ್ನ ಚೊಚ್ಚಲ ಪಂದ್ಯದಲ್ಲೇ ಅರ್ಧಶತಕ ಸಿಡಿಸಿರುವ ಸರ್ಫರಾಜ್, 66 ಎಸೆತಗಳಲ್ಲಿ 9 ಬೌಂಡರಿ, 1 ಸಿಕ್ಸರ್ ಸಹಿತ 62 ರನ್ ಚಚ್ಚಿ ರನೌಟ್ ಆದರು. ಜಡೇಜಾ ಜೊತೆಗೆ 5ನೇ ವಿಕೆಟ್ಗೆ 77 ರನ್ಗಳ ಪಾಲುದಾರಿಕೆ ನೀಡಿದರು. ಸದ್ಯ ಜಡೇಜಾ ಜೊತೆಗೆ ಕುಲ್ದೀಪ್ ಕ್ರೀಸ್ನಲ್ಲಿದ್ದಾರೆ. 10 ಎಸೆತಗಳಲ್ಲಿ 1 ರನ್ ಗಳಿಸಿರುವ ಕುಲ್ದೀಪ್, ಎರಡನೇ ದಿನದಾಟ ಮುಂದುವರೆಸಿದ್ದಾರೆ. ಮಾರ್ಕ್ವುಡ್ 3 ವಿಕೆಟ್, ಟಾಮ್ ಹಾರ್ಟ್ಲೆ 1 ವಿಕೆಟ್ ಪಡೆದಿದ್ದಾರೆ.