ಒಬ್ಬರಿಗೆ 25-30 ಕೋಟಿ ಸುರಿದರೆ, ಉಳಿದವರ ಖರೀದಿ ನೆಪಮಾತ್ರಕ್ಕಾ, CSK-RCBಯದ್ದು ಜಾಣ ನಡೆ; ಅಕ್ಷಯ್ ಹೆಗಡೆ ಸರಳ ವಿಶ್ಲೇಷಣೆ

ಪ್ರತಿ ಹರಾಜಿನಲ್ಲೂ ಸಿಎಸ್​ಕೆ ತಂಡದವರ ಹರಾಜು ಪ್ರಕ್ರಿಯೆಯನ್ನು ನೋಡಿದರೆ ಖುಷಿಯ ಜೊತೆಗೆ ಹೆಮ್ಮೆಯೂ ಆಗುತ್ತೆ. ಅವರಿಗೆ ತಮ್ಮ ಕ್ಲಬ್ ತಂಡವನ್ನು ಮ್ಯಾನೇಜ್ ಮಾಡುವ ಅಪಾರ ಅನುಭವ ಇರುವುದು, ಅವರ ಪ್ರತೀ ನಡೆಯಲ್ಲೂ ಕಾಣಿಸುತ್ತದೆ.

ಸಮತೋಲಿತ ತಂಡವನ್ವು ಕಟ್ಟಲು ತಮಗೆ ಯಾವ ಯಾವ ಜಾಗದಲ್ಲಿ ಆಟಗಾರರು ಬೇಕು ಎಂಬ ಬಗ್ಗೆ ಸ್ಪಷ್ಟತೆ, ಆ ಜಾಗಕ್ಕೆಲ್ಲ ಯಾವ ಯಾವ ಆಟಗಾರರು ಅವೇಲೆಬಲ್ ಇದ್ದಾರೆ ಎಂದು ಸರಿಯಾದ ತಯಾರಿ ಮತ್ತು ಆಯ್ಕೆಗಳು, ಯಾವ ಆಟಗಾರನಿಗೆ ಎಷ್ಟು ಎಂದು ಯೋಗ್ಯತೆಗೆ, ತಮ್ಮ ಅನುಕೂಲಕ್ಕೆ ತಕ್ಕಂತೆ ನಿಖರವಾದ ಬಜೆಟ್, ಇವಿಷ್ಟು ಅವರ ಟ್ರೇಡ್ ಮಾರ್ಕ್. ಸುಮ್ಮನೇ ಪರ್ಸನಲ್ ಇಗೋಗೆ ತಗೊಂಡು, ಶೋ ಆಫ್‌ಗೆ ಅಂತೆಲ್ಲ ಎಷ್ಟಾದರೂ ಕೊಡೋ ಸೀನಿಲ್ಲ.

ಆಟಗಾರರನ ಯೋಗ್ಯತೆ ತಕ್ಕಂತೆ ಸಿಎಸ್​ಕೆ ಹರಾಜು

ಇವತ್ತಾದರೂ ಭಾರತೀಯ ವೇಗದ ಬೌಲರ್ ಬೇಕು ಅಂತ ಅರ್ಷದೀಪ್, ಶಮಿಯವರಿಗೆ ಬಿಡ್ ಮಾಡಿದರು. ಬಜೆಟ್ ಮೀರಿದಾಗ ನಿಲ್ಲಿಸಿದರು. ಕೆಎಲ್ ರಾಹುಲ್​​ಗೂ ಅಷ್ಟೇ. ರಹಾನೆ, ರಾಯುಡು, ಉತ್ತಪ್ಪ ಇತ್ಯಾದಿಗಳಿಂದ ತೆರವಾದ ಜಾಗಕ್ಕೆ ಇಂಡಿಯನ್ ಬ್ಯಾಟರ್, ಧೋನಿಯವರಿಂದ ತೆರವಾಗುವ ಜಾಗಕ್ಕೆ ವಿಕೆಟ್ ಕೀಪರ್ ಎಂದು ಹೋಗಿದ್ದು. ಅದೂ ಬಜೆಟ್ ಮೀರಿದಾಗ, ಸರಿಯಾದ ಜಾಗದಲ್ಲೆ ನಿಲ್ಲಿಸಿದರು.

ಇದನ್ನೂ ಓದಿ: RCB Playing XI: ವಿರಾಟ್ ಕೊಹ್ಲಿ ನಾಯಕತ್ವದಲ್ಲಿ ಈ ಬಲಿಷ್ಠ ಪ್ಲೇಯಿಂಗ್​ 11 ಆಡಿಸಿದರೆ ಆರ್​ಸಿಬಿ ಗೆಲ್ಲೋದು ಪಕ್ಕಾ!

ಯಾವ ಆಟಗಾರನಿಗೆ ಎಷ್ಟು ಕೊಟ್ಟರೂ, ಪ್ರದರ್ಶನ ಹೇಗೆ ಬರುತ್ತದೆ ಎಂಬ ಗ್ಯಾರಂಟಿಯಂತೂ ಇರುವುದಿಲ್ಲ. ಯಾರೂ ಎಲ್ಲೂ ವಿಫಲರಾಗಬಹುದು. ಒಂದೇ ರೀತಿಯ ಕೌಶಲ್ಯದ ಬೇರೆ ಬೇರೇ ಆಟಗಾರರು ದೊರಕಿಯೇ ದೊರಕುತ್ತಾರೆ. ಯಾರೂ ಇಲ್ಲ ಎಂದಾದಾಗ ಪರ್ಸ್ ಖಾಲಿ ಮಾಡಲು ಹೊರಡಬೇಕೇ ಹೊರತೂ, ಸುಮ್ಮನೇ ಆರಂಭದಲ್ಲೇ ಎಕ್ಸೈಟ್ ಆಗಿ ಮನಸ್ಸಿಗೆ ಬಂದಷ್ಟು ಕೂಗೋದ್ರಲ್ಲಿ ಅರ್ಥವಿಲ್ಲ ಎಂಬುದು ಸಿಎಸ್​ಕೆ ಮ್ಯಾನೇಜ್ಮೆಂಟಿಗೆ ಚೆನ್ನಾಗಿ ಗೊತ್ತು.

ಚೆನ್ನಾಗಿಯೇ ನಿಭಾಯಿಸಿದ ಆರ್​​ಸಿಬಿ

ಮೊದಲು ಮುಂಬೈ ಇಂಡಿಯನ್ಸ್ ತಂಡದಲ್ಲೂ ಆ ಸ್ಪಷ್ಟತೆ ಇತ್ತು. ಆದರೆ, ಇಶಾನ್ ಕಿಶನ್‌ಗೆ 15.75 ಕೋಟಿ, ಇಂಜುರ್ ಆದ ಆರ್ಚರ್‌ಗೆ 8-10 ಕೋಟಿ ಕೊಟ್ಟಾಗಿಂದ, ಅವರಲ್ಲಿ ಆ ಸ್ಪಷ್ಟತೆ ಕಾಣಿಸುತ್ತಿಲ್ಲ. ಈ ಸಲ, ಆರ್​​ಸಿಬಿಯವರೂ ತಕ್ಕಮಟ್ಟಿಗೆ ತಮ್ಮ ಎಕ್ಸೈಟ್​ಮೆಂಟನ್ನು ಕಂಟ್ರೋಲ್ ಮಾಡಿಕೊಂಡು, ಇಲ್ಲಿಯವರೆಗೆ ಹರಾಜನ್ನು ಚೆನ್ನಾಗಿಯೇ ನಿಭಾಯಿಸಿದರು.

ಇದನ್ನೂ ಓದಿ: ಐಪಿಎಲ್ 2025 ಹರಾಜಿಗೆ ತೆರೆ; 10 ಫ್ರಾಂಚೈಸಿಗಳ ಸಂಪೂರ್ಣ ಸ್ಕ್ವಾಡ್, ರಿಟೈನ್ ಪಟ್ಟಿ, ಆಟಗಾರರ ಪ್ರೈಸ್, ಪರ್ಸ್ ಮೊತ್ತದ ವಿವರ ಇಲ್ಲಿದೆ

ಒಂದಿಬ್ಬರಿಗೆ 25-30 ಕೋಟಿ ಕೊಟ್ಟು, ಉಳಿದ ಜಾಗಕ್ಕೆ ಸಿಕ್ಕವರನ್ನು ತಗೊಂಡು ಲೆಕ್ಕಕ್ಕೆ ಮಾತ್ರ ಎಂಬ ಟೀಮ್ ಮಾಡುವುದಕ್ಕಿಂತ, ಎಲ್ಲರಿಗೂ 6-8-10-12 ಕೋಟಿ ಕೊಟ್ಟು ಸಮತೋಲಿತ ತಂಡ ಮಾಡುವುದು ಯಾವತ್ತೂ ಒಳ್ಳೆಯದು. ಎಷ್ಟೋ ಜನ ತಮ್ಮ ದುಃಖವನ್ನು ತೋಡಿಕೊಳ್ಳುತ್ತಿರುವ ಹಾಗೆ, ಆರ್​​ಸಿಬಿಗೆ ನಾಯಕತ್ವದ ಸಮಸ್ಯೆ ಇಲ್ಲ, ಆ ಬಗ್ಗೆ ಜನ ನಿಶ್ಚಿಂತರಾಗಿರಬಹುದು.

ಇದನ್ನೂ ಓದಿ: ಸ್ಲೆಡ್ಜಿಂಗ್ ಸೈತಾನರ ಸೊಕ್ಕು ಮುರಿದ ಪಂದ್ಯ, ಮನೆಗೆ ಬಂದ ನೆಂಟರು ಕೊಟ್ಟ ಉಡುಗೊರೆ ಇದು; ಅಜಿತ್ ಬೊಪ್ಪನಳ್ಳಿ ಬರಹ

ಐಪಿಎಲ್ 2025 ಮೆಗಾ ಹರಾಜಿನಲ್ಲಿ ಒಬ್ಬರಿಗೆ 25-30 ಕೋಟಿ ಸುರಿದರೆ, ಉಳಿದವರ ಖರೀದಿ ನೆಪಮಾತ್ರಕ್ಕೆ ಎಂಬುದನ್ನು ಕೆಲವು ತಂಡಗಳು ಸಾಬೀತುಪಡಿಸಿದವು. ಆದರೆ ಸಿಎಸ್​ಕೆ-ಆರ್​ಸಿಬಿಯದ್ದು ಜಾಣ ನಡೆ ಎಂದು ಅಕ್ಷಯ್ ಹೆಗಡೆ ಎಂಬವರು ಫೇಸ್​ಬುಕ್​ನಲ್ಲಿ ಸರಳವಾಗಿ ವಿಶ್ಲೇಷಿಸಿದ್ದಾರೆ. ಅವರ ಪೋಸ್ಟ್ ಅನ್ನು ಯಥಾವತ್ತಾಗಿ ಪ್ರಕಟಿಸಲಾಗಿದೆ.