ಇಂಗ್ಲೆಂಡ್ ವಿರುದ್ಧ ಶತಕ; 3000 ರನ್, 250+ ವಿಕೆಟ್​ ಪಡೆದ ದಿಗ್ಗಜರ ಎಲೈಟ್​ ಪಟ್ಟಿಗೆ ಸೇರಿದ ರವೀಂದ್ರ ಜಡೇಜಾ

ಇಂಗ್ಲೆಂಡ್ ವಿರುದ್ಧದ ಮೂರನೇ ಟೆಸ್ಟ್​ ಪಂದ್ಯದ ಮೊದಲ ಇನ್ನಿಂಗ್ಸ್​ನಲ್ಲಿ ಎಡಗೈ ಬ್ಯಾಟ್ಸ್​ಮನ್​ ರವೀಂದ್ರ ಜಡೇಜಾ (Ravindra Jadeja) ಅವರು ತಮ್ಮ 4ನೇ ಟೆಸ್ಟ್​ ಶತಕ ಪೂರೈಸಿದ್ದಾರೆ. ತವರಿನ ರಾಜ್​ಕೋಟ್​​ನ ಸೌರಾಷ್ಟ್ರ ಕ್ರಿಕೆಟ್ ಅಸೋಸಿಯೇಷನ್ ಮೈದಾನದಲ್ಲಿ (ನಿರಂಜನ್ ಶಾ ಮೈದಾನ ಎಂದು ಹೆಸರು ಬದಲಿಸಲಾಗಿದೆ) ಆಕರ್ಷಕ ಸೆಂಚುರಿ ಸಿಡಿಸಿ ಆಸರೆಯಾಗಿದ್ದಾರೆ. ದಿನದ ಕೊನೆಯಲ್ಲಿ ಮೂರಂಕಿ ದಾಟಿ ಗಮನ ಸೆಳೆದಿದ್ದಾರೆ.

ಇದನ್ನೂ ಓದಿ: ಟೆಸ್ಟ್​​ನಲ್ಲಿ ಭಾರತ ಪರ ಹೆಚ್ಚು ಸಿಕ್ಸರ್; ಧೋನಿ ದಾಖಲೆ ಧೂಳೀಪಟಗೊಳಿಸಿದ ಸಿಕ್ಸರ್​ ಕಿಂಗ್ ರೋಹಿತ್ ಶರ್ಮಾ

33ಕ್ಕೆ 3 ವಿಕೆಟ್​ ಕಳೆದುಕೊಂಡಿದ್ದ ಸಂದರ್ಭದಲ್ಲಿ ಬ್ಯಾಟ್ ಹಿಡಿದು ಕ್ರೀಸ್​ಗೆ ಬಂದ ಜಡ್ಡು 82ನೇ ಓವರ್​​ನಲ್ಲಿ ಶತಕವನ್ನು ಪೂರೈಸಿದರು. 198ನೇ ಎಸೆತದಲ್ಲಿ ಮೂರಂಕಿ ದಾಟಿದ ಜಡೇಜಾ, 7 ಬೌಂಡರಿ, 2 ಸಿಕ್ಸರ್​​ ಕೂಡ ಸಿಡಿಸಿದ್ದಾರೆ. ಇದು ಟೆಸ್ಟ್​ನಲ್ಲಿ ತನ್ನ 4ನೇ ಸೆಂಚುರಿ. ಮತ್ತೊಂದು ವಿಶೇಷ ಅಂದರೆ ಈ ಮೈದಾನದಲ್ಲಿ ಜಡೇಜಾ ಸಿಡಿಸಿದ ಎರಡನೇ ಶತಕ ಇದಾಗಿದೆ. ಅಲ್ಲದೆ, ಹಲವು ದಾಖಲೆ ಕೂಡ ಬರೆದಿದ್ದಾರೆ.

2022ರ ನಂತರ ಹೆಚ್ಚು ಶತಕ (ಮಧ್ಯಮ ಕ್ರಮಾಂಕ)

2022ರ ನಂತರ ಮಧ್ಯಮ ಕ್ರಮಾಂಕದಲ್ಲಿ ಕಣಕ್ಕಿಳಿದ ಬ್ಯಾಟರ್​​ಗಳ ಪೈಕಿ ಅತಿ ಹೆಚ್ಚು ಶತಕ ಸಿಡಿಸಿದ ಭಾರತೀಯ ಆಟಗಾರರ ಪೈಕಿ ರವೀಂದ್ರ ಜಡೇಜಾ ಅಗ್ರಸ್ಥಾನದಲ್ಲಿದ್ದಾರೆ. ಜಡ್ಡು 3 ಶತಕ ಸಿಡಿಸಿದ್ದರೆ, ರಿಷಭ್ ಪಂತ್ ಮತ್ತು ವಿರಾಟ್ ಕೊಹ್ಲಿ ತಲಾ ಎರಡು ಶತಕ ಸಿಡಿಸಿ ಕ್ರಮವಾಗಿ ಎರಡು ಮತ್ತು ಮೂರನೇ ಸ್ಥಾನದಲ್ಲಿದ್ದಾರೆ.

ಕಪಿಲ್ ದೇವ್, ಅಶ್ವಿನ್ ಕ್ಲಬ್ ಸೇರಿದ ಜಡ್ಡು

ಶತಕ ಸಿಡಿಸುವ ಮೂಲಕ ಟೆಸ್ಟ್​​ನಲ್ಲಿ ರವೀಂದ್ರ ಜಡೇಜಾ 3000 ರನ್ ಕಲೆ ಹಾಕಿದ್ದಾರೆ. ಆ ಮೂಲಕ ದಾಖಲೆಯೊಂದನ್ನು ತನ್ನ ಹೆಸರಿಗೆ ಬರೆದುಕೊಂಡಿದ್ದಾರೆ. ಟೆಸ್ಟ್​​ನಲ್ಲಿ 3,000 ರನ್, 200 ವಿಕೆಟ್‌ ಪಡೆದ ಭಾರತದ ಮೂರನೇ ಆಟಗಾರ ಎನಿಸಿದ್ದಾರೆ.

ಕಪಿಲ್ ದೇವ್ (5248 ರನ್, 434 ವಿಕೆಟ್)

ರವಿಚಂದ್ರನ್ ಅಶ್ವಿನ್ (3271 ರನ್, 499 ವಿಕೆಟ್)

ರವೀಂದ್ರ ಜಡೇಜಾ (3003 ರನ್, 280 ವಿಕೆಟ್)

ಇದನ್ನೂ ಓದಿ: ಶತಕದೊಂದಿಗೆ ಗಂಗೂಲಿ-ಧೋನಿ ದಾಖಲೆ ಮುರಿದ ರೋಹಿತ್​; ರೂಟ್​ರನ್ನು ಹಿಂದಿಕ್ಕಿ ಎಬಿಡಿ ರೆಕಾರ್ಡ್ ಸರಿಗಟ್ಟಿದ ಶರ್ಮಾ

ಟೆಸ್ಟ್ ಕ್ರಿಕೆಟ್‌ನಲ್ಲಿ 3000 ರನ್ ಮತ್ತು 250 ಪ್ಲಸ್ ವಿಕೆಟ್‌ ಪಡೆದ ಆಟಗಾರರು

ಶೇನ್ ವಾರ್ನ್ - 3154 ರನ್ ಮತ್ತು 708 ವಿಕೆಟ್

ಸ್ಟುವರ್ಟ್ ಬ್ರಾಡ್ - 3662 ರನ್ ಮತ್ತು 604 ವಿಕೆಟ್

ಆರ್ ಅಶ್ವಿನ್ - 3271 ರನ್ ಮತ್ತು 499 ವಿಕೆಟ್

ಕಪಿಲ್ ದೇವ್ - 5248 ರನ್ ಮತ್ತು 434 ವಿಕೆಟ್

ಸರ್ ರಿಚರ್ಡ್ ಹ್ಯಾಡ್ಲಿ - 3124 ರನ್ ಮತ್ತು 431 ವಿಕೆಟ್

ಶಾನ್ ಪೊಲಾಕ್ - 3781 ರನ್ ಮತ್ತು 421 ವಿಕೆಟ್

ಇಯಾನ್ ಬೋಥಮ್ - 5200 ರನ್ ಮತ್ತು 383 ವಿಕೆಟ್

ಇಮ್ರಾನ್ ಖಾನ್ - 3807 ರನ್ ಮತ್ತು 362 ವಿಕೆಟ್

ಡೇನಿಯಲ್ ವೆಟ್ಟೋರಿ - 4531 ರನ್ ಮತ್ತು 362 ವಿಕೆಟ್

ಚಾಮಿಂದಾ ವಾಸ್ - 3089 ರನ್ ಮತ್ತು 355 ವಿಕೆಟ್

ಜಾಕ್ವೆಸ್ ಕಾಲಿಸ್ - 13289 ರನ್ ಮತ್ತು 292 ವಿಕೆಟ್

ರವೀಂದ್ರ ಜಡೇಜಾ - 3003 ರನ್ ಮತ್ತು 280 ವಿಕೆಟ್

ರಾಜ್​ಕೋಟ್​ನಲ್ಲಿ ಜಡ್ಡು ಪ್ರದರ್ಶನ (ಪ್ರಥಮ ದರ್ಜೆ ಕ್ರಿಕೆಟ್)

ಪಂದ್ಯಗಳು : 12

ಇನ್ನಿಂಗ್ಸ್ : 17

ರನ್ : 1564

ಸರಾಸರಿ : 142.18

50/100 : 04/06

ಗರಿಷ್ಠ ಸ್ಕೋರ್ : 331

ಇದನ್ನೂ ಓದಿ: ಕಾರ್ಗಿಲ್​ ಯೋಧನ ಪುತ್ರ ಭಾರತ ಟೆಸ್ಟ್​​ ಕ್ರಿಕೆಟ್​ಗೆ ಪದಾರ್ಪಣೆ; ಧ್ರುವ್ ಜುರೆಲ್ ಲೈಫ್​ಸ್ಟೋರಿ ಇಲ್ಲಿದೆ

4ನೇ ವಿಕೆಟ್​ಗೆ 200 ರನ್​​ಗಳ ಜೊತೆಯಾಟ

ಸತತ ವಿಕೆಟ್​ ಕಳೆದುಕೊಂಡಿದ್ದ ತಂಡಕ್ಕೆ ಆಸರೆಯಾದ ಈ ಜೋಡಿ 4ನೇ ವಿಕೆಟ್​ಗೆ 200+ ರನ್​ ಪಾಲುದಾರಿಕೆ ನೀಡಿತು. ಜವಾಬ್ದಾರಿಯುತ ಬ್ಯಾಟಿಂಗ್ ನಡೆಸಿದ ರೋಹಿತ್-ಜಡ್ಡು, ಇಂಗ್ಲೆಂಡ್ ಬೌಲರ್ಸ್ ಮಾರಕ ದಾಳಿಯನ್ನು ಸಮರ್ಥವಾಗಿ ಎದುರಿಸಿದರು. 329 ಎಸೆತಗಳನ್ನು ಎದುರಿಸಿದ 204 ರನ್​ಗಳ ಜೊತೆಯಾಟವಾಡಿದರು. ಈ ರನ್ನುಗಳ ಪೈಕಿ ರೋಹಿತ್​ 114 ರನ್​ಗಳ ಕಾಣಿಕೆ ನೀಡಿದರೆ, ಜಡ್ಡು 84 ರನ್ ಕೊಡುಗೆ ನೀಡಿದರು.

ರೋಹಿತ್​ ಶರ್ಮಾ ಭರ್ಜರಿ ಶತಕ

ನಾಯಕನ ಆಟವಾಡಿದ ರೋಹಿತ್​, ಟೆಸ್ಟ್​​ ಕ್ರಿಕೆಟ್​ನಲ್ಲಿ ತನ್ನ 11ನೇ ಶತಕ ಸಿಡಿಸಿದರು. ತಾನು ಎದುರಿಸಿದ 157ನೇ ಎಸೆತದಲ್ಲಿ ಮೂರಂಕಿ ದಾಟಿದ ಹಿಟ್​ಮ್ಯಾನ್, ಇಂಗ್ಲೆಂಡ್ ವಿರುದ್ಧವೇ ಮೂರನೇ ಸೆಂಚುರಿ ದಾಖಲಿಸಿದರು. ತಂಡವನ್ನು ಉತ್ತಮ ಮೊತ್ತದತ್ತ ಕೊಂಡೊಯ್ಯುತ್ತಿದ್ದ ಹಿಟ್​ಮ್ಯಾನ್, 196 ಎಸೆತಗಳಲ್ಲಿ 14 ಬೌಂಡರಿ, 3 ಸಿಕ್ಸರ್​ ಸಹಿತ 131 ರನ್ ಸಿಡಿಸಿ ಮಾರ್ಕ್​ವುಡ್​ ಬೌಲಿಂಗ್​ನಲ್ಲಿ ವಿಕೆಟ್ ಒಪ್ಪಿಸಿದರು.