2ನೇ ಟೈಮ್ ಔಟ್ಗೂ ಮುನ್ನವೇ 10 ವಿಕೆಟ್ಗಳಿಂದ ಗೆದ್ದ ಹೈದರಾಬಾದ್; ಲಕ್ನೋ ವಿರುದ್ಧ 9.4 ಓವರ್ಗಳಲ್ಲೇ 167 ರನ್ ಚೇಸ್
May 08, 2024 11:01 PM IST
2ನೇ ಟೈಮ್ ಔಟ್ಗೂ ಮುನ್ನವೇ 10 ವಿಕೆಟ್ಗಳಿಂದ ಗೆದ್ದ ಹೈದರಾಬಾದ್; ಲಕ್ನೋ ವಿರುದ್ಧ 9.4 ಓವರ್ಗಳಲ್ಲೇ 167 ರನ್ ಚೇಸ್
- SRH vs LSG Highlights : ಟ್ರಾವಿಸ್ ಹೆಡ್ ಮತ್ತು ಅಭಿಷೇಕ್ ಶರ್ಮಾ ಸುಂಟರಗಾಳಿ ಬ್ಯಾಟಿಂಗ್ ನಡೆಸಿ ಲಕ್ನೋ ಸೂಪರ್ ಜೈಂಟ್ಸ್ ವಿರುದ್ಧ ಸನ್ರೈಸರ್ಸ್ ಹೈದರಾಬಾದ್ ತಂಡಕ್ಕೆ 10 ವಿಕೆಟ್ಗಳ ಗೆಲುವು ತಂದುಕೊಟ್ಟರು.
ಅಬ್ಬಬ್ಬಾ.. ಏನ್ ಮ್ಯಾಚ್ ಗುರು.. 2ನೇ ಟೈಮ್ ಔಟ್ ಬರುವುದಕ್ಕೂ ಮುನ್ನವೇ ಪಂದ್ಯ ಮುಕ್ತಾಯಗೊಂಡಿದೆ. ನೆರೆದಿದ್ದ ಪ್ರೇಕ್ಷಕರಿಗಂತೂ ಭರ್ಜರಿ ಮನರಂಜನೆಯ ರಸದೌತಣ ಉಣಬಡಿಸಿತು ಸನ್ರೈಸರ್ಸ್ ಹೈದರಾಬಾದ್. ವಿಧ್ವಂಸಕ ಬ್ಯಾಟಿಂಗ್ ನಡೆಸಿದ ಎಸ್ಆರ್ಹೆಚ್ ಪವರ್ಪ್ಲೇನಲ್ಲಿ ಮತ್ತೊಮ್ಮೆ 107 ರನ್ ಪೇರಿಸಿತು. ಕೇವಲ 9.4 ಓವರ್ ಅಂದರೆ 58 ಎಸೆತಗಳಲ್ಲಿ 166 ರನ್ ಚೇಸಿಂಗ್ ಮಾಡಿತು. ಇದರೊಂದಿಗೆ ಪ್ಲೇಆಫ್ ಹಾದಿ ಮತ್ತಷ್ಟು ಸುಗಮವಾಯಿತು. ಆದರೆ ಲಕ್ನೋ ಹಾದಿ ದುರ್ಗಮವಾಯಿತು.
ಮಳೆಯಿಂದ ಪಂದ್ಯ ರದ್ದು; ಎಲಿಮಿನೇಟರ್ನಲ್ಲಿ ಆರ್ಸಿಬಿಗೆ ರಾಜಸ್ಥಾನ್ ರಾಯಲ್ಸ್ ಎದುರಾಳಿ, ಪ್ಲೇಆಫ್ ವೇಳಾಪಟ್ಟಿ ಹೀಗಿದೆ
ಆರ್ಸಿಬಿ ಫೈನಲ್ ಗೆದ್ದಂತೆ ಹಾರಾಡ್ತಿದೆ ಎಂದ ರಾಯುಡು; ಇವರಿಗೆ ಅರಗಿಸಿಕೊಳ್ಳೊಕೆ ಆಗ್ತಿಲ್ಲ ಎಂದ ಬೆಂಗಳೂರು ಮಾಜಿ ಆಟಗಾರ
ವಿರಾಟ್ ಕೊಹ್ಲಿಗೆ ಕರ್ನಾಟಕದ ನಂಟು; ಎರಡನೇ ತವರು ಬೆಂಗಳೂರಲ್ಲಿ ವಿರುಷ್ಕಾ ದಂಪತಿ ಓಡಾಡಿರುವ ಜಾಗಗಳಿವು
ಬ್ಯಾಟರ್‌ಗಳ ಅಬ್ಬರ; ಪಂಜಾಬ್‌ ಮಣಿಸಿ ಅಂಕಪಟ್ಟಿಯಲ್ಲಿ ಎರಡನೇ ಸ್ಥಾನಕ್ಕೆ ನೆಗೆದ ಸನ್ರೈಸರ್ಸ್ ಹೈದರಾಬಾದ್
ಬ್ಯಾಟಿಂಗ್ ಸುನಾಮಿ ನಡೆಸಿದ ಟ್ರಾವಿಸ್ ಹೆಡ್ ಮತ್ತು ಅಭಿಷೇಕ್ ಶರ್ಮಾ ಲಕ್ನೋ ಬೌಲರ್ಗಳನ್ನು ಚೆಂಡಾಡಿದರು. ಬೌಲರ್ಗಳಂತೂ ಚೆಂಡು ಆಕಾಶದಲ್ಲಿ ಎಲ್ಲೋಗ್ತಿದೆ ಎಂದು ನೋಡಿದ್ದೇ ಆಯ್ತು. ಬಿಡುವು ನೀಡದೆ ದಂಡಿಸಿದ ಈ ಜೋಡಿ, 10 ಓವರ್ ಅಥವಾ ಅದಕ್ಕಿಂತ ಕಡಿಮೆ ಓವರ್ಗಳಲ್ಲಿ ಅಧಿಕ ರನ್ (167 ರನ್) ಗಳಿಸಿದ ದಾಖಲೆಗೆ ಪಾತ್ರವಾಯಿತು. ಇನ್ನೂ 62 ಎಸೆತಗಳನ್ನು ಬಾಕಿ ಉಳಿಸಲಾಗಿದೆ. ಈ ಜೋಡಿ 34 ಎಸೆತಗಳಲ್ಲೇ ಶತಕದ ಜೊತೆಯಾಟವಾಗಿತು.
ಅಭಿಷೇಕ್ (8 ಬೌಂಡರಿ, 6 ಸಿಕ್ಸರ್) ಮತ್ತು ಟ್ರಾವಿಸ್ (8 ಬೌಂಡರಿ, 8 ಸಿಕ್ಸರ್) ಸೇರಿ 16 ಬೌಂಡರಿ, 14 ಸಿಕ್ಸರ್ ಸಿಡಿಸಿದ್ದಾರೆ. ಅಂದರೆ ಬೌಂಡರಿ-ಸಿಕ್ಸರ್ಗಳಿಂದಲೇ 148 ರನ್ ಹರಿದು ಬಂದಿದೆ. ಅವರಿಬ್ಬರು ಓಡುವ ಮೂಲಕ ರನ್ ಗಳಿಸಿರುವುದು 19 ರನ್ ಮಾತ್ರ. ಅಭಿಷೇಕ್ 28 ಎಸೆತಗಳಲ್ಲಿ 45 ರನ್, ಹೆಡ್ 30 ಎಸೆತಗಳಲ್ಲಿ 89 ರನ್ ಬಾರಿಸಿದರು. ಲಕ್ನೋ ಬೌಲರ್ಗಳು ಪ್ರತಿ ಓವರ್ನಲ್ಲೂ 15 ಪ್ಲಸ್ ರನ್ ಬಿಟ್ಟುಕೊಟ್ಟಿದ್ದಾರೆ.
ಹೈದರಾಬಾದ್ನ ರಾಜೀವ್ ಗಾಂಧಿ ಅಂತಾರಾಷ್ಟ್ರೀಯ ಕ್ರಿಕೆಟ್ ಮೈದಾನದಲ್ಲಿ ನಡೆದ ಮಹತ್ವದ ಪಂದ್ಯದಲ್ಲಿ ಲಕ್ನೂ ಸೂಪರ್ ಜೈಂಟ್ಸ್, ನೀರಸ ಬ್ಯಾಟಿಂಗ್ ಪ್ರದರ್ಶನ ನೀಡಿತು. ಕೊನೆಯಲ್ಲಿ ಆಯುಷ್ ಬದೋನಿ 50 ರನ್ ಸಿಡಿಸಿ ಆಸರೆಯಾದರು. ಪರಿಣಾಮ ಎಲ್ಎಸ್ಜಿ 20 ಓವರ್ಗಳಲ್ಲಿ 4 ವಿಕೆಟ್ ನಷ್ಟಕ್ಕೆ 165 ರನ್ ಗಳಿಸಿತು. ಈ ಗುರಿ ಬೆನ್ನಟ್ಟಿದ ಎಸ್ಆರ್ಹೆಚ್, ವಿನಾಶಕಾರಿ ಬ್ಯಾಟಂಗ್ ನಡೆಸಿತು. 9.4 ಓವರ್ಗಳಲ್ಲೇ 10 ವಿಕೆಟ್ಗಳಿಂದ ಗೆದ್ದು ಬೀಗಿತು. ಹೆಡ್ 89, ಅಭಿಷೇಕ್ 75 ರನ್ ಗಳಿಸಿ ಔಟಾಗದೆ ಉಳಿದರು.
ಲಕ್ನೋ ನೀರಸ ಬ್ಯಾಟಿಂಗ್ ಪ್ರದರ್ಶನ
ಟಾಸ್ ಜಯಿಸಿ ಮೊದಲು ಬ್ಯಾಟಿಂಗ್ ನಡೆಸಿದ ಎಲ್ಎಸ್ಜಿ ನೀರಸ ಬ್ಯಾಟಿಂಗ್ ನಡೆಸಿತು. ಹೈದರಾಬಾದ್ ಪವರ್ಪ್ಲೇನಲ್ಲಿ 107 ರನ್ ಗಳಿಸಿದರೆ, ಲಕ್ನೋ ಕೇವಲ 29 ರನ್ ಸಿಡಿಸಿತ್ತು. ಆರಂಭಿಕರಾದ ಕೆಎಲ್ ರಾಹುಲ್ ನಿಧಾನಗತಿಯ ಬ್ಯಾಟಿಂಗ್ ನಡೆಸಿದ್ದು ತಂಡದ ಹಿನ್ನಡೆಗೆ ಕಾರಣವಾಯಿತು. 33 ಎಸೆತಗಳಲ್ಲಿ 29 ರನ್ ಸಿಡಿಸಿ ಔಟಾದರು. ಕೃಣಾಲ್ 24 ರನ್ ಗಳಿಸಿದರು. ಸಂಕಷ್ಟದಲ್ಲಿದ್ದ ತಂಡಕ್ಕೆ ಆಯುಷ್ ಬದೋನಿ ಮತ್ತು ನಿಕೋಲಸ್ ಪೂರನ್ ಆಸರೆಯಾದರು. 5ನೇ ವಿಕೆಟ್ಗೆ ಮುರಿಯದ 99 ರನ್ಗಳ ಕಾಣಿಕೆ ನೀಡಿದರು. ಬದೋನಿ 50ರನ್ ಸಿಡಿಸಿದರೆ, ಪೂರನ್ 48 ರನ್ ಸಿಡಿಸಿ ಅಜೇಯರಾದರು.
ಪ್ಲೇಆಫ್ನಿಂದ ಹೊರಬಿದ್ದ ಮುಂಬೈ
ಲಕ್ನೋ ಸೂಪರ್ ಜೈಂಟ್ಸ್ ವಿರುದ್ಧ ಸನ್ರೈಸರ್ಸ್ ಹೈದರಾಬಾದ್ ಜಯದ ನಗೆ ಬೀರುತ್ತಿದ್ದಂತೆ ಮುಂಬೈ ಇಂಡಿಯನ್ಸ್ ಅಧಿಕೃತವಾಗಿ ಪ್ಲೇಆಫ್ರೇಸ್ನಿಂದ ಹೊರ ಬಿತ್ತು. ಎಸ್ಆರ್ಹೆಚ್ ಆಡಿದ 12 ಪಂದ್ಯಗಳಲ್ಲಿ 7ರಲ್ಲಿ ಗೆಲುವು ಸಾಧಿಸಿ 5ರಲ್ಲಿ ಸೋತಿದೆ. 14 ಅಂಕ ಪಡೆದು 3ನೇ ಸ್ಥಾನಕ್ಕೇರಿದೆ. ಮತ್ತೊಂದೆಡೆ ಲಕ್ನೋ 12ರಲ್ಲಿ ಆರು ಗೆಲುವು, 6 ಸೋಲು ಕಂಡಿದ್ದು 12 ಅಂಕ ಸಂಪಾದಿಸಿದೆ. ಇದರೊಂದಿಗೆ 6ನೇ ಸ್ಥಾನದಲ್ಲಿದೆ.