WPL Auction 2024: ಡಬ್ಲ್ಯುಪಿಎಲ್ ಹರಾಜು ಮುಕ್ತಾಯ; ಐದು ತಂಡಗಳ ಪೂರ್ಣ ಪಟ್ಟಿ ಹೀಗಿದೆ
Dec 09, 2023 07:51 PM IST
ಹರಾಜು ನಡೆಸಿಕೊಟ್ಟ ಮಲ್ಲಿಕಾ ಸಾಗರ್.
- WPL Auction 2024: ಮಹಿಳಾ ಪ್ರೀಮಿಯರ್ ಲೀಗ್ ಹರಾಜು ಮುಕ್ತಾಯಗೊಂಡಿದ್ದು, ಯಾವ ತಂಡ ಯಾರನ್ನು, ಎಷ್ಟು ಮೊತ್ತಕ್ಕೆ ಖರೀದಿಸಿದೆ ಎಂಬುದನ್ನು ಈ ಮುಂದೆ ನೋಡೋಣ.
ಮಹಿಳಾ ಪ್ರೀಮಿಯರ್ ಲೀಗ್ 2024ರ ಮಿನಿ ಹರಾಜು (WPL Auction 2024) ಮುಕ್ತಾಯಗೊಂಡಿದೆ. ಎಲ್ಲಾ ಐದು ಫ್ರಾಂಚೈಸಿಗಳು ತಮಗೆ ಬೇಕಾದ ಆಟಗಾರ್ತಿಯರನ್ನು ಖರೀದಿಸುವಲ್ಲಿ ಯಶಸ್ವಿಯಾಗಿವೆ. ಆದರೆ ಸ್ಟಾರ್ ಆಟಗಾರ್ತಿಯರು ಅನ್ಸೋಲ್ಡ್ ಆಗಿದ್ದರೆ, ಕೆಲ ಅನ್ಕ್ಯಾಪ್ಡ್ ಪ್ಲೇಯರ್ಸ್ ದುಬಾರಿ ಮೊತ್ತ ಪಡೆಯುವ ಮೂಲಕ ಅಚ್ಚರಿ ಮೂಡಿಸಿದ್ದಾರೆ. ಹರಾಜಿನ ನಂತರ 5 ತಂಡಗಳಲ್ಲೂ 6 ವಿದೇಶಿ ಆಟಗಾರ್ತಿಯರು ಸೇರಿ 18 ಮಂದಿ ಇದ್ದಾರೆ. 9 ವಿದೇಶಿಯರು ಸೇರಿ 30 ಮಂದಿ ಈ ಹರಾಜಿನಲ್ಲಿ ಸೋಲ್ಡ್ ಆಗಿದ್ದಾರೆ.
ಆರ್ಸಿಬಿ vs ಆರ್‌ಆರ್‌, ಕೆಕೆಆರ್‌ vs ಎಸ್‌ಆರ್‌ಎಚ್‌ ಪ್ಲೇಆಫ್ ಪಂದ್ಯಗಳಿಗೆ ಮಳೆ ಆತಂಕ ಇದೆಯಾ? ಅಹಮದಾಬಾದ್‌ ಹವಾಮಾನ ವರದಿ ಹೀಗಿದೆ
ಐಪಿಎಲ್‌ ಪ್ಲೇಆಫ್ ಪಂದ್ಯಗಳು ಮಳೆಯಿಂದ ರದ್ದಾದರೆ ಮುಂದೇನು; ಮೀಸಲು ದಿನ ಇದೆಯೇ? ನಿಯಮಗಳು ಹೀಗಿವೆ
RCB vs RR: ಒಂದೂ ಸೋಲದ ಮತ್ತು ಒಂದೂ ಗೆಲ್ಲದ ತಂಡಗಳ ನಡುವೆ ಎಲಿಮಿನೇಟರ್ ಫೈಟ್; ಯಾರ ಕೈ ಹಿಡಿಯುತ್ತೆ ಅದೃಷ್ಟ?
ಸಿಎಸ್ಕೆ ನಿಮಗೊಂದು ಕಪ್ ಕೊಡುತ್ತೆ, ಮೆರವಣಿಗೆ ಮಾಡಿ; ಆರ್ಸಿಬಿ ತಂಡವನ್ನು ಅಣಕಿಸಿದ ಅಂಬಾಟಿ ರಾಯುಡು
ಚಾಮರಿ ಅಟ್ಟಪಟ್ಟು, ದಿಯೆಂಡ್ರಾ ಡಾಟಿನ್, ಕಿಮ್ ಗಾರ್ತ್, ಆ್ಯಮಿ ಜೋನ್ಸ್ ಸೇರಿದಂತೆ ಸ್ಟಾರ್ ಪ್ಲೇಯರ್ಗಳೇ ಖರೀದಿಯಾಗದೆ ಉಳಿದಿದ್ದಾರೆ. ಆದರೆ ಕರ್ನಾಟಕದ ವೃಂದಾ ದಿನೇಶ್, ಕಾಶ್ವೀ ಗೌತಮ್, ಅನ್ನಾಬೆಲ್ ಸದರ್ಲೆಂಡ್ ಸೇರಿದಂತೆ ಹಲವು ಕೋಟಿ ಕೋಟಿ ಜಾಕ್ ಪಾಟ್ ಹೊಡೆದಿದ್ದಾರೆ. ಹಾಗಾದರೆ ಯಾವ ತಂಡ ಯಾರನ್ನು, ಎಷ್ಟು ಮೊತ್ತಕ್ಕೆ ಖರೀದಿಸಿದೆ ಎಂಬುದನ್ನು ಈ ಮುಂದೆ ನೋಡೋಣ.
ಡೆಲ್ಲಿ ಕ್ಯಾಪಿಟಲ್ಸ್
ಡೆಲ್ಲಿ ತಂಡದಲ್ಲಿ 2.25 ಕೋಟಿ ಪರ್ಸ್ ಮೊತ್ತ ಇತ್ತು. ಈ ಹಣದಲ್ಲಿ ಮೂವರನ್ನು ಖರೀದಿಸಿದೆ. ಈ ಪೈಕಿ ಆಸೀಸ್ನ ಅನ್ನಾಬೆಲ್ ಸದರ್ಲೆಂಡ್ಗೆ 2 ಕೋಟಿ ನೀಡಿದೆ. ಉಳಿದಂತೆ, ವಿಕೆಟ್ ಕೀಪರ್ ಅಪರ್ಣಾ ಮೊಂಡಲ್, ಆಲ್ರೌಂಡರ್ ಅಶ್ವಿನ್ ಕುಮಾರಿ ಅವರಿಗೆ ತಲಾ 10 ಲಕ್ಷ ನೀಡಿದೆ. ತಂಡದ ಪರ್ಸ್ನಲ್ಲಿ 5 ಲಕ್ಷ ಮಾತ್ರ ಉಳಿದಿದೆ.
ಡೆಲ್ಲಿ ತಂಡದ ಸಂಪೂರ್ಣ ಪಟ್ಟಿ: ಆಲಿಸ್ ಕ್ಯಾಪ್ಸೆ, ಅರುಂಧತಿ ರೆಡ್ಡಿ, ಜೆಮಿಮಾ ರೋಡ್ರಿಗಸ್, ಜೆಸ್ ಜೊನಾಸೆನ*, ಲಾರಾ ಹ್ಯಾರಿಸ್, ಮರಿಜಾನ್ನೆ ಕಪ್, ಮೆಗ್ ಲ್ಯಾನಿಂಗ್, ಮಿನ್ನು ಮಣಿ, ಪೂನಂ ಯಾದವ್, ರಾಧಾ ಯಾದವ್, ಶಫಾಲಿ ವರ್ಮಾ, ಶಿಖಾ ಪಾಂಡೆ, ಸ್ನೇಹಾ ದೀಪ್ತಿ, ತಾನಿಯಾ, ಟಿಟಾಸ್ ಸಾಧು. ಖರೀದಿಸಿದ ಆಟಗಾರ್ತಿಯರು: ಅನ್ನಾಬೆಲ್ ಸದರ್ಲೆಂಡ್, ಅಶ್ವಿನ್ ಕುಮಾರಿ, ಅಪರ್ಣಾ ಮೊಂಡಲ್.
ಮುಂಬೈ ಇಂಡಿಯನ್ಸ್
ಹರ್ಮನ್ ನೇತೃತ್ವದ ತಂಡದಲ್ಲಿದ್ದ 2.1 ಕೋಟಿ ಪರ್ಸ್ನಲ್ಲಿ ಐವರನ್ನು ಖರೀದಿಸಬೇಕಿತ್ತು. ಅದರಂತೆ ಐವರನ್ನು ಬುಟ್ಟಿಗೆ ಹಾಕಿಕೊಂಡಿದ್ದು, ಮುಂಬೈ ಪರ್ಸ್ನಲ್ಲಿ ಇನ್ನೂ 45 ಲಕ್ಷ ಉಳಿದಿದೆ. ಸೌತ್ ಆಫ್ರಿಕಾದ ವೇಗದ ಬೌಲರ್ ಶಬ್ನಿಮ್ ಇಸ್ಮಾಯಿಲ್ಗೆ 1.2 ಕೋಟಿ ನೀಡಿದರೆ, ಭಾರತದ ಆಲ್ರೌಂಡರ್ ಸಜನಾಗೆ 15 ಲಕ್ಷ, ಅಮನ್ ದೀಪ್ ಕೌರ್, ಫಾತಿಮಾ ಜಾಫರ್, ಕೀರ್ತನಾ ಬಾಲಕೃಷ್ಣನ್ಗೆ ತಲಾ 10 ಲಕ್ಷ ನೀಡಿ ಖರೀದಿಸಿದೆ.
ಮುಂಬೈ ಸಂಪೂರ್ಣ ತಂಡ: ಅಮನ್‌ಜೋತ್ ಕೌರ್, ಅಮೆಲಿಯಾ ಕೆರ್*, ಕ್ಲೋಯ್ ಟ್ರಯಾನ್, ಹರ್ಮನ್‌ಪ್ರೀತ್ ಕೌರ್, ಹೇಲಿ ಮ್ಯಾಥ್ಯೂಸ್, ಹುಮೈರಾ ಕಾಜಿ, ಇಸಾಬೆಲ್ಲೆ ವಾಂಗ್, ಜಿಂಟಿಮಣಿ ಕಲಿತಾ, ನಟಾಲಿ ಸೀವರ್, ಪೂಜಾ ವಸ್ತ್ರಾಕರ್, ಪ್ರಿಯಾಂಕಾ ಬಾಲಾ, ಸೈಕಾ ಇಶಾಕ್, ಯಾಸ್ತಿಕಾ ಭಾಟಿಯಾ. ಖರೀದಿಸಿದ ಆಟಗಾರ್ತಿಯರು: ಶಬ್ನಿಮ್ ಇಸ್ಮಾಯಿಲ್, ಸಜನಾ, ಅಮನ್ ದೀಪ್ ಕೌರ್, ಫಾತಿಮಾ ಜಾಫರ್, ಕೀರ್ತನಾ ಬಾಲಕೃಷ್ಣನ್.
ಯುಪಿ ವಾರಿಯರ್ಸ್
ಅಲಿಸಾ ಹೀಲಿ ಸಾರಥ್ಯದ ಯುಪಿ ತಂಡದಲ್ಲಿ 4 ಕೋಟಿ ಪರ್ಸ್ ಮೊತ್ತ ಇತ್ತು. ಈ ಹಣದಲ್ಲಿ ಐವರನ್ನು ಬುಟ್ಟಿಗೆ ಹಾಕಿಕೊಂಡಿದೆ. ಕರ್ನಾಟಕದ ಬ್ಯಾಟರ್ ವೃಂದಾ ದಿನೇಶ್ಗೆ 1.30 ಕೋಟಿ ಸುರಿದಿರುವ ಯುಪಿ, ಇಂಗ್ಲೆಂಡ್ ಸ್ಟಾರ್ ಬ್ಯಾಟರ್ ಡೇನಿಯಲ್ ವ್ಯಾಟ್ಗೆ 30 ಲಕ್ಷ ಸುರಿದಿದೆ. ಗೌಹರ್ ಸುಲ್ತಾನಗೆ 30 ಲಕ್ಷ, ಭಾರತದ ಆಲ್ರೌಂಡರ್ಗಳಾದ ಪೂನಂ ಖೆನ್ನಾರ್ ಮತ್ತು ಸೈಮಾ ಠಾಕೂರ್ಗೆ ತಲಾ 10 ಲಕ್ಷ ನೀಡಲಾಗಿದೆ. 1.90 ಲಕ್ಷ ತಂಡದ ಪರ್ಸ್ನಲ್ಲಿ ಉಳಿದಿದೆ.
ಯುಪಿ ಸಂಪೂರ್ಣ ತಂಡ: ಅಲಿಸ್ಸಾ ಹೀಲಿ, ಅಂಜಲಿ ಸರ್ವಾಣಿ, ದೀಪ್ತಿ ಶರ್ಮಾ, ಗ್ರೇಸ್ ಹ್ಯಾರಿಸ್, ಕಿರಣ್ ನವಗಿರೆ, ಲಾರೆನ್ ಬೆಲ್, ಲಕ್ಷ್ಮಿ ಯಾದವ್, ಪಾರ್ಶವಿ ಚೋಪ್ರಾ, ರಾಜೇಶ್ವರಿ ಗಾಯಕ್ವಾಡ್, ಎಸ್ ಯಶಸ್ರಿ, ಶ್ವೇತಾ ಸೆಹ್ರಾವತ್, ಸೋಫಿ ಎಕ್ಲೆಸ್ಟೋನ್, ತಹ್ಲಿಯಾ ಮೆಗ್ರಾತ್. ಖರೀದಿಸಿದ ಆಟಗಾರ್ತಿಯರು: ವೃಂದಾ ದಿನೇಶ್, ಡೇನಿಯಲ್ ವ್ಯಾಟ್, ಗೌಹರ್ ಸುಲ್ತಾನ, ಪೂನಂ ಖೆನ್ನಾರ್, ಸೈಮಾ ಠಾಕೂರ್.
ರಾಯಲ್ ಚಾಲೆಂಜರ್ಸ್ ಬೆಂಗಳೂರು
ಸ್ಮೃತಿ ಮಂಧಾನ ಕ್ಯಾಪ್ಟನ್ಸಿಯ ಆರ್ಸಿಬಿಯಲ್ಲಿ 3.35 ಕೋಟಿ ಬಜೆಟ್ ಉಳಿದಿತ್ತು. ಈ ಹಣದಲ್ಲಿ ಮೂವರು ವಿದೇಶಿಯರು, ನಾಲ್ವರು ಭಾರತದ ಆಟಗಾರ್ತಿಯರನ್ನು ಖರೀದಿಸಿದೆ. ಭಾರತದ ಬೌಲರ್ ಏಕ್ತಾ ಬಿಷ್ಟ್ಗೆ 60 ಲಕ್ಷ ನೀಡಿರುವುದೇ ಅಧಿಕ ಮೊತ್ತವಾಗಿದೆ. ಜಾರ್ಜಿಯಾ ವೇರ್ಹ್ಯಾಮ್ಗೆ 40 ಲಕ್ಷ, ಕೇಟ್ ಕ್ರಾಸ್, ಸಬ್ಬಿನೇನಿ ಮೇಘನಾ, ಸೋಫಿ ಮೊಲಿನೆಕ್ಸ್, ಸಿಮ್ರಾನ್ ಬಹದ್ದೂರ್ಗೆ ತಲಾ 30 ಲಕ್ಷ ನೀಡಿ ಖರೀದಿಸಲಾಗಿದೆ. ಕರ್ನಾಟಕದ ಶುಭಾ ಸತೀಶ್ಗೆ 10 ಲಕ್ಷ ನೀಡಿದೆ. ಪರ್ಸ್ನಲ್ಲಿ 1.05 ಕೋಟಿ ಉಳಿದಿದೆ.
ಆರ್ಸಿಬಿ ಪೂರ್ಣ ತಂಡ: ಆಶಾ ಶೋಭನಾ, ದಿಶಾ ಕಸತ್, ಎಲ್ಲಿಸ್ ಪೆರ್ರಿ, ಹೀದರ್ ನೈಟ್, ಇಂದ್ರಾಣಿ ರಾಯ್, ಕನಿಕಾ ಅಹುಜಾ, ರೇಣುಕಾ ಸಿಂಗ್, ರಿಚಾ ಘೋಷ್, ಶ್ರೇಯಾಂಕಾ ಪಾಟೀಲ್, ಸ್ಮೃತಿ ಮಂಧಾನ, ಸೋಫಿ ಡಿವೈನ್. ಖರೀದಿಸಿದ ಆಟಗಾರ್ತಿಯರು: ಏಕ್ತಾ ಬಿಷ್ಟ್, ಕೇಟ್ ಕ್ರಾಸ್, ಜಾರ್ಜಿಯಾ ವೇರ್ಹ್ಯಾಮ್, ಸಬ್ಬಿನೇನಿ ಮೇಘನಾ, ಸೋಫಿ ಮೊಲಿನೆಕ್ಸ್, ಸಿಮ್ರಾನ್ ಬಹದ್ದೂರ್, ಶುಭಾ ಸತೀಶ್.
ಗುಜರಾತ್ ಜೈಂಟ್ಸ್
ಗುಜರಾತ್ ಪರ್ಸ್ನಲ್ಲಿ 5.95 ಕೋಟಿ ಇತ್ತು. ಈ ಮೊತ್ತದಲ್ಲಿ ಮೂವರು ವಿದೇಶಿಯರು ಸೇರಿ 10 ಆಟಗಾರ್ತಿಯರನ್ನು ಖರೀದಿಸಿದೆ. ಅನ್ಕ್ಯಾಪ್ಡ್ ಪ್ಲೇಯರ್ ಕಾಶ್ವೀ ಗೌತಮ್ಗೆ 2 ಕೋಟಿ ಸುರಿಯಲಾಗಿದೆ. ಉಳಿದಂತೆ ಫೋಬಿ ಲಿಚ್ಫೀಲ್ಡ್ಗೆ 1 ಕೋಟಿ, ಮೇಘನಾ ಸಿಂಗ್, ಲಾರೆನ್ ಚೀಟಲ್, ವೇದಾ ಕೃಷ್ಣಮೂರ್ತಿ ತಲಾ 30 ಲಕ್ಷ ಪಡೆದಿದ್ದಾರೆ. ಪ್ರಿಯಾ ಮಿಶ್ರಾ 20 ಲಕ್ಷ, ತ್ರಿಶಾ ಪೂಜಿತಾ, ಕ್ಯಾಥರಿನ್ ಬ್ರೈಸ್, ಮನ್ನತ್ ಕಶ್ಯಪ್, ತರನ್ನುಮ್ ಪಠಾಣ್ ತಲಾ 10 ಲಕ್ಷಕ್ಕೆ ಸೇಲ್ ಆಗಿದ್ದಾರೆ. ಇನ್ನೂ ಪರ್ಸ್ನಲ್ಲಿ 1.45 ಕೋಟಿ ಇದೆ.
ಗುಜರಾತ್ ಪೂರ್ಣ ತಂಡ: ಆ್ಯಶ್ಲೆ ಗಾರ್ಡ್ನರ್, ಬೆತ್ ಮೂನಿ, ದಯಾಲನ್ ಹೇಮಲತಾ, ಹರ್ಲೀನ್ ಡಿಯೋಲ್, ಲಾರಾ ವೊಲ್ವಾರ್ಡ್, ಶಬ್ನಮ್ ಶಕಿಲ್, ಸ್ನೇಹ ರಾಣಾ, ತನುಜಾ ಕನ್ವರ್. ಖರೀದಿಸಿದ ಆಟಗಾರ್ತಿಯರು: ಕಾಶ್ವೀ ಗೌತಮ್, ಫೋಬಿ ಲಿಚ್ಫೀಲ್ಡ್, ಮೇಘನಾ ಸಿಂಗ್, ಲಾರೆನ್ ಚೀಟಲ್, ವೇದಾ ಕೃಷ್ಣಮೂರ್ತಿ, ಪ್ರಿಯಾ ಮಿಶ್ರಾ, ತ್ರಿಶಾ ಪೂಜಿತಾ, ಕ್ಯಾಥರಿನ್ ಬ್ರೈಸ್, ಮನ್ನತ್ ಕಶ್ಯಪ್, ತರನ್ನುಮ್ ಪಠಾಣ್.