ವೇಗವಾಗಿ ಕಾರು ಚಲಾಯಿಸಿದ ಭಾಗ್ಯಾ, ಹೆಂಡತಿ ಕೆಕ್ಕರಿಸಿ ನೋಡುತ್ತಿದ್ದಂತೆ ಹೆದರಿ ನಡುಗಿದ ತಾಂಡವ್‌; ಭಾಗ್ಯಲಕ್ಷ್ಮೀ ಧಾರಾವಾಹಿ

Bhagyalakshmi Kannada Serial: ನಾನು ಒಂದು ಸಣ್ಣ ಸಮಸ್ಯೆಗೆ ಸಿಲುಕಿದ್ದೇನೆ, ದಯವಿಟ್ಟು ಈ ಅಡ್ರೆಸ್‌ಗೆ ಬಾ ಎಂದು ತಾಂಡವ್‌ ಭಾಗ್ಯಾಗೆ ಕರೆ ಮಾಡಿ ಮನವಿ ಮಾಡುತ್ತಾನೆ. ಭಾಗ್ಯಾ ಮನೆಯಿಂದ ಹೊರಡುವಾಗ ಕುಸುಮಾ, ಧರ್ಮರಾಜ್‌, ಪೂಜಾ ಹಾಗೂ ಸುಂದ್ರಿ ಬಹಳ ಖುಷಿಯಾಗುತ್ತಾರೆ. ತಾಂಡವ್‌ ಕಾಲ್‌ ಮಾಡಿ ಭಾಗ್ಯಾಳನ್ನು ಕರೆದಿರುವುದು ಏನೋ ಸ್ಪೆಷಲ್‌ ಇರಬೇಕು ಎಂದುಕೊಳ್ಳುತ್ತಾರೆ.

ರೆಸಾರ್ಟ್‌ನಿಂದ ಗಂಡನನ್ನು ಕರೆದೊಯ್ದ ಭಾಗ್ಯಾ

ಭಾಗ್ಯಾ, ರೆಸಾರ್ಟ್‌ಗೆ ವಾಪಸ್‌ ಬರುತ್ತಾಳೆ. ಅವಳನ್ನು ನೋಡುತ್ತಿದ್ದಂತೆ ರೆಸಾರ್ಟ್‌ ಮಾಲೀಕ ಭಾಗ್ಯಾಳನ್ನು ಸ್ವಾಗತಿಸುತ್ತಾರೆ. ನಿನ್ನೆ ನಿಮ್ಮನ್ನು ಬಹಳ ಹುಡುಕಿದೆವು ಎಲ್ಲಿ ಹೋದ್ರಿ, ನಮ್ಮಿಂದ ಏನಾದ್ರೂ ತಪ್ಪು ನಡೆದಿಲ್ಲ ತಾನೇ? ನಿಮಗೆ ಒಂದು ವಿಚಾರ ಹೇಳಬೇಕು. ಕಪಲ್‌ಗಾಗಿ ನಾವು ಪ್ಲಾನ್‌ ಮಾಡಿದ್ದನ್ನು ಇಬ್ಬರು ದುರುಪಯೋಗ ಮಾಡಿಕೊಂಡಿದ್ದಾರೆ. ಅವರನ್ನು ಸುಮ್ಮನೆ ಬಿಡಬಾರದು, ಪೊಲೀಸರಿಗೆ ಕರೆ ಮಾಡಿದ್ದೇವೆ ಎನ್ನುತ್ತಾರೆ. ಅದನ್ನು ಕೇಳಿ ಭಾಗ್ಯಾಗೆ ಅದು ತನ್ನ ಗಂಡ ತಾಂಡವ್‌ ಎಂದು ಗೊತ್ತಾಗುತ್ತದೆ. ನೀವು ಹೇಳಿದ್ದು ಬೇರೆ ಯಾರೂ ಅಲ್ಲ, ಅದು ನನ್ನ ಪತಿ ತಾಂಡವ್‌ ಎಂದು ಭಾಗ್ಯಾ ಹೇಳಿದಾಗ ರೆಸಾರ್ಟ್‌ ಮಾಲೀಕನಿಗೆ ಶಾಕ್‌ ಆಗುತ್ತದೆ. ತಾಂಡವ್‌ ಶ್ರೇಷ್ಠಾ ಇದ್ದ ಸ್ಥಳಕ್ಕೆ ಇಬ್ಬರೂ ಹೋಗುತ್ತಾರೆ.

ಅಲ್ಲಿ ಹೋಗುತ್ತಿದ್ದಂತೆ ತಾಂಡವ್‌ ಇಲ್ಲಸಲ್ಲದ ಸುಳ್ಳು ಹೇಳಲು ಪ್ರಯತ್ನಿಸುತ್ತಾನೆ. ಪೊಲೀಸ್‌ ಇನ್ಸ್‌ಪೆಕ್ಟರ್‌ ಹಾಗೂ ರೆಸಾರ್ಟ್‌ ಓನರ್‌ ನಿಜ ವಿಚಾರವನ್ನು ಹೇಳಲು ಮುಂದಾದಾಗ ಅವರನ್ನು ತಡೆಯುವ ಭಾಗ್ಯಾ, ಅವರು ಏನೋ ಹೇಳುತ್ತಿದ್ದಾರೆ ಹೇಳಲು ಬಿಡಿ ಎನ್ನುತ್ತಾಳೆ. ಏನೂ ಇಲ್ಲ ಭಾಗ್ಯಾ, ನಾವಿಬ್ಬರೂ ಕಾನ್ಫರೆನ್ಸ್‌ಗೆ ಬಂದಿದ್ದೆವು, ಈ ಹೋಟೆಲ್‌ನಲ್ಲಿ ಊಟ, ಆಂಬಿಯನ್ಸ್‌ ಚೆನ್ನಾಗಿದೆ ಅಂತ ಯಾರೋ ಹೇಳಿದ್ದು ಕೇಳಿದ್ದೆವು, ಅದಕ್ಕಾಗಿ ಇಲ್ಲಿಗೆ ಬಂದೆ, ಆದರೆ ಇಲ್ಲಿ ಇವರು ನಮ್ಮಿಬ್ಬರನ್ನು ತಪ್ಪು ತಿಳಿದಿದ್ದಾರೆ. ನಿನಗೇ ಗೊತ್ತು ತಾನೇ ನಾವಿಬ್ಬರೂ ಒಳ್ಳೆ ಫ್ರೆಂಡ್ಸ್‌ ಅಂತ ಎಂದು ತಾಂಡವ್‌ ಸುಳ್ಳು ಹೇಳುತ್ತಾನೆ. ನನಗೆ ಗಂಡನ ಮೇಲೆ ನಂಬಿಕೆ ಇದೆ, ಹೆಂಡತಿ ಬಂದರೆ ಇವರನ್ನು ಬಿಡುತ್ತೇನೆ ಎಂದು ನೀವು ಹೇಳಿದ್ದಿರಿ, ಆ ಮಾತಿನಂತೆ ಇವರನ್ನು ಕಳಿಸಿಕೊಡಿ ಎಂದು ಭಾಗ್ಯಾ, ತಾಂಡವ್‌ ಕೈ ಹಿಡಿದು ಎಳೆದೊಯ್ಯುತ್ತಾಳೆ.

ಇದನ್ನೂ ಓದಿ: ಮಹಾರಾಜ ಮಂಜು ಸ್ಥಾನ ಕಿತ್ತುಕೊಳ್ಳಲು ಯುವರಾಣಿ ಮೋಕ್ಷಿತಾ ಆಗಮನ; ಬಿಗ್ ಬಾಸ್ ಮನೆಯಲ್ಲಿ ಫೈಟ್‌

ಕಾರ್‌ ಡೋರ್‌ ಹಾಕಿ ಶ್ರೇಷ್ಠಾ ಕೈಗೆ ಪೆಟ್ಟು ಮಾಡುವ ಭಾಗ್ಯಾ

ಮನೆಗೆ ಹೋಗೋಣ ನಡೆಯಿರಿ ಎಂದು ಭಾಗ್ಯಾ ಕಾರು ಹತ್ತಿ ಕೂರುತ್ತಾಳೆ. ತಾಂಡವ್‌ ಕೂಡಾ ಕಾರು ಹತ್ತಿ ಶ್ರೇಷ್ಠಾಳನ್ನು ಕಾರೊಳಗೆ ಕೂರುವಂತೆ ಹೇಳುತ್ತಾನೆ. ಶ್ರೇಷ್ಠಾ ಕಾರು ಹತ್ತಲು ಮುಂದಾದಾಗ ಬಾಗಿಲು ಹಾಕುವ ಭಾಗ್ಯಾ ಶ್ರೇಷ್ಠಾ ಕೈಗೆ ಪೆಟ್ಟು ಮಾಡುತ್ತಾಳೆ. ಇದರಿಂದ ಅವಳು ನೋವಿನಿಂದ ಚೀರುತ್ತಾಳೆ. ಅದನ್ನು ನೋಡಿ ತಾಂಡವ್‌ ಗಾಬರಿ ಆಗುತ್ತಾನೆ. ನಾನು ಆಸ್ಪತ್ರೆಗೆ ಹೋಗಬೇಕು ಎಂದು ಶ್ರೇಷ್ಠಾ ಹೇಳುತ್ತಾಳೆ. ಸರಿ ನೀನು ನಿನ್ನ ಪಾಡಿಗೆ ಆಸ್ಪತ್ರೆಗೆ ಹೋಗು ಎನ್ನುತ್ತಾಳೆ. ಅವಳು ಅಲ್ಲಿಂದ ಹೋಗುತ್ತಿದ್ದಂತೆ ತಾಂಡವ್‌, ಶ್ರೇಷ್ಠಾಳನ್ನು ಹಿಂಬಾಲಿಸುವ ಪ್ರಯತ್ನ ಮಾಡುತ್ತಾನೆ. ಆದರೆ ಭಾಗ್ಯಾ ಮಧ್ಯೆ ಬಂದು, ಇಳಿಯಿರಿ ನಾನು ಕಾರು ಓಡಿಸುತ್ತೇನೆ ಎನ್ನುತ್ತಾಳೆ. ಅದಕ್ಕೆ ತಾಂಡವ್‌ ಒಪ್ಪದಿದ್ದಾಗ ಕಾರಿನ ಕೀ ತೆಗೆದುಕೊಳ್ಳುತ್ತಾಳೆ. ತಾಂಡವ್‌ ಕಾರಿನಿಂದ ಇಳಿಯುತ್ತಿದ್ದಂತೆ ಅವನನ್ನು ತಳ್ಳುವ ಭಾಗ್ಯಾ ಕಾರಿನಲ್ಲಿ ಕೂರುತ್ತಾಳೆ.

ತಾಂಡವ್‌ ಭಯದಿಂದಲೇ ಕಾರು ಹತ್ತಿ ಕೂರುತ್ತಾನೆ. ಅವಳು ಕಾರು ಚಲಾಯಿಸುವ ರಭಸ ಕಂಡು ಗಾಬರಿಯಾಗುತ್ತಾನೆ. ಭಾಗ್ಯಾ ತನ್ನತ್ತ ದೊಡ್ಡ ಕಣ್ಣುಗಳನ್ನು ಬಿಟ್ಟು ನೋಡುವಾಗ ತಾಂಡವ್‌ ಇನ್ನಷ್ಟು ಭಯ ಬೀಳುತ್ತಾನೆ.

ಇದನ್ನೂ ಓದಿ: ರುಕ್ಮಿಣಿ ವಸಂತ್ ಅಭಿನಯದ ‘ಅಪುಡೊ ಇಪುಡೊ ಎಪುಡೊ’ ತೆಲುಗು ಸಿನಿಮಾ ಅಮೆಜಾನ್‌ ಪ್ರೈಂನಲ್ಲಿ ಇಂದಿನಿಂದ ಸ್ಟ್ರೀಮಿಂಗ್‌

ಭಾಗ್ಯಾ, ತಾಂಡವ್‌ನನ್ನು ಎಲ್ಲಿ ಕರೆದುಕೊಂಡು ಹೋಗುತ್ತಾಳೆ? ಶ್ರೇಷ್ಠಾ ಕಥೆ ಏನಾಯ್ತು? ಎಲ್ಲದಕ್ಕೂ ಮುಂದಿನ ಎಪಿಸೋಡ್‌ನಲ್ಲಿ ಉತ್ತರ ದೊರೆಯಲಿದೆ.

ಭಾಗ್ಯಲಕ್ಷ್ಮೀ ಧಾರಾವಾಹಿ ಪಾತ್ರ ಪರಿಚಯ

ಕುಸುಮಾ - ಪದ್ಮಜಾ ರಾವ್‌

ಧರ್ಮರಾಜ್‌ - ಶಶಿಧರ್‌ ಕೋಟೆ

ಭಾಗ್ಯಾ - ಸುಷ್ಮಾ ಕೆ ರಾವ್‌

ತಾಂಡವ್‌ ಸೂರ್ಯವಂಶಿ - ಸುದರ್ಶನ್‌ ರಂಗಪ್ರಸಾದ್‌

ಭಾಗ್ಯಾ ತಾಯಿ - ಸುನಿತಾ ಶೆಟ್ಟಿ

ಪೂಜಾ - ಆಶಾ ಅಯ್ಯನರ್‌

ಶ್ರೇಷ್ಠಾ - ಕಾವ್ಯಾ ಗೌಡ

ತನ್ವಿ - ಅಮೃತಾ ಗೌಡ

ಗುಂಡಣ್ಣ - ನಿಹಾರ್‌ ಗೌಡ

ಸುಂದರಿ - ಸುನೇತ್ರಾ ಪಂಡಿತ್‌

ಇದನ್ನೂ ಓದಿ: ಎರಡನೇ ಬಾರಿಗೆ ಅಖಿಲ್ ಅಕ್ಕಿನೇನಿ ನಿಶ್ಚಿತಾರ್ಥ; ಇವರೇ ನೋಡಿ ಹುಡುಗಿ, ವೈರಲ್ ಆಯ್ತು ನಾಗಾರ್ಜುನ ಟ್ವೀಟ್