ತಪ್ಪು ಮಾಡಿ ಎದುರುತ್ತರ ನೀಡಿದ ಚೈತ್ರಾಗೆ ಬಾಯ್ಮುಚ್ಚಿಸಿದ ಕಿಚ್ಚ! ಬಿಗ್ ಬಾಸ್ ತೊರೆಯುವ ನಿರ್ಧಾರಕ್ಕೆ ಬಂದ ಕುಂದಾಪುರದ ಫೈರ್‌ ಬ್ರಾಂಡ್
Nov 16, 2024 08:47 PM IST
Share
ಬಿಗ್ ಬಾಸ್ ತೊರೆಯುವ ನಿರ್ಧಾರಕ್ಕೆ ಬಂದ ಕುಂದಾಪುರದ ಫೈರ್‌ ಬ್ರಾಂಡ್
- Bigg Boss Kannada 11: ಬಿಗ್ ಬಾಸ್ ಮನೆಯಿಂದ ಆಸ್ಪತ್ರೆ ಪಾಲಾಗಿ ಮರಳಿ ಬಿಗ್ ಮನೆಗೆ ಬಂದಿದ್ದ ಚೈತ್ರಾ ಕುಂದಾಪುರ ಅವರಿಗೆ ಕಿಚ್ಚ ಸುದೀಪ್‌ ವಾರದ ಕಥೆಯಲ್ಲಿ ಕ್ಲಾಸ್‌ ತೆಗೆದುಕೊಂಡಿದ್ದಾರೆ. ಅದ್ಯಾವ ಮಟ್ಟಿಗೆ ಎಂದರೆ, ಉಸಿರುಗಟ್ಟಿಸುವ ವಾತಾವರಣದಲ್ಲಿ ಇರಲು ನನಗೆ ಆಗ್ತಿಲ್ಲ. ಈಗಲೇ ನಾನು ಹೊರಡುವೆ ಎಂದಿ ಕ್ಯಾಮರಾ ಮುಂದೆ ಕಣ್ಣೀರಾಗಿದ್ದಾರೆ.
Bigg boss Kannada 11: ಬಿಗ್ ಬಾಸ್ ಮನೆಯಲ್ಲಿ ಶನಿವಾರದ ವಾರದ ಕಥೆ ಕಿಚ್ಚನ ಜೊತೆ ಏಪಿಸೋಡ್‌ನಲ್ಲಿ, ಕಿಚ್ಚ ಸುದೀಪ್‌ ಮನೆಯ ಕೆಲವು ಸ್ಪರ್ಧಿಗಳ ವಿರುದ್ಧ ಗರಂ ಆಗಿದ್ದಾರೆ. ಆ ಪೈಕಿ ಇಡೀ ವಾರ ಮನೆಯಲ್ಲಿ ಒಂದಿಲ್ಲ ಒಂದು ಕಾರಣಕ್ಕೆ ಸುದ್ದಿಯಾಗಿದ್ದ ಚೈತ್ರಾ ಕುಂದಾಪುರ, ವಿರುದ್ಧ ಚೂರು ಏರುಧ್ವನಿಯಲ್ಲಿಯೇ ಮಾತನಾಡಿದ್ದಾರೆ. ಪ್ರಶ್ನೆಗಳ ಸುರಿಮಳೆಯನ್ನೇ ಸುರಿಸಿದ್ದಾರೆ. ಹೊಸ ಪ್ರೋಮೋ ನೋಡುತ್ತಿದ್ದರೆ, ಇರಲಾರದೇ ಇರುವೆ ಬಿಟ್ಟುಕೊಂಡ್ರಾ ಚೈತ್ರಾ? ಎಂದೆನಿಸುತ್ತದೆ. ಹಾಗಾದರೆ, ಅಷ್ಟಕ್ಕೂ ಆಗಿದ್ದೇನು? ಇಲ್ಲಿದೆ ವಿವರ.
ಶುಕ್ರವಾರದ ಏಪಿಸೋಡ್‌ನಲ್ಲಿ ಬಾತ್‌ರೂಮ್‌ನಲ್ಲಿ ಚೈತ್ರಾ ಕುಂದಾಪುರ ಪ್ರಜ್ಞೆ ತಪ್ಪಿ ಬಿದ್ದಿದ್ದರು. ಕೂಡಲೇ ಲಿವೀಂಗ್‌ ಏರಿಯಾದಲ್ಲಿದ್ದ ಮೋಕ್ಷಿತಾ ಮತ್ತು ಗೌತಮಿಯನ್ನು ತಕ್ಷಣ ಬಾತ್‌ರೂಮ್‌ಗೆ ಕಳಿಸಿ, ಚೈತ್ರಾಗೆ ಸಹಾಯ ಮಾಡುವಂತೆ ಕಳಿಸಿದ್ದರು. ಅದಾದ ಬಳಿಕ ಚೈತ್ರಾ ಅವರಿಗೆ ನೀರು ಕುಡಿಸಿ, ಕನ್ಫೆಷನ್‌ ರೂಮ್‌ಗೆ ಕಳಿಸಲಾಗಿತ್ತು. ಅಲ್ಲಿಂದ ಒಂದು ದಿನ ಆಸ್ಪತ್ರೆ ಪಾಲಾಗಿದ್ದ ಚೈತ್ರಾ, ಚಿಕಿತ್ಸೆ ಪಡೆಯುತ್ತಲೇ, ವೈದ್ಯರ ಬಳಿ ಹೊರಗಡೆ ಏನು ನಡೆಯುತ್ತಿದೆ. ಯಾರ ಆಟ ಹೇಗಿದೆ? ಏನೆಲ್ಲ ಬದಲಾವಣೆ ಮಾಡಿಕೊಳ್ಳಬೇಕು ಎಂಬಿತ್ಯಾದಿ ಪ್ರಶ್ನೆಗಳಿಗೆ ಉತ್ತರ ಪಡೆದುಕೊಂಡು ಮನೆಗೆ ಮರಳಿದ್ದರು.
ಹೊರಗಿನ ವಿಚಾರ ಮನೆಯಲ್ಲಿ ಚರ್ಚೆ
ಹೊರಗಿನ ವಿಚಾರವನ್ನು ತಿಳಿದುಕೊಂಡಿದ್ದು ಸರಿ. ಆದರೆ, ಹಾಗೆ ಕೇಳಿಸಿಕೊಂಡ ಎಲ್ಲ ವಿಚಾರಗಳನ್ನು ಬಿಗ್ ಬಾಸ್ ಮನೆಯ ಇತರ ಸ್ಪರ್ಧಿಗಳ ಮುಂದೆ ಬಂದು ಒಬ್ಬೊಬ್ಬರಿಗೆ ಹೇಳಿದ್ದಾರೆ. ಬಿಗ್ ಬಾಸ್ ಮನೆಯ ಜೈಲಿನ ಪಕ್ಕ ಕೂತ ಚೈತ್ರಾ, ಮೂರು ದಿನದಿಂದ ವೆದರ್‌ ಚೇಂಜ್‌ ಇದೆಯೆಂದು ಚೈತ್ರಾ ಹೇಳಿದ್ದಾರೆ. ಪಕ್ಕದಲ್ಲಿದ್ದ ಉಗ್ರಂ ಮಂಜು, ಇಲ್ಲಿಯ ವೆದರ್‌ ಹೇಗಿದೆ ಎಂದು ಕೇಳಿದ್ದಾರೆ. ಇಲ್ಲ ಹೇಳುವಂತಿಲ್ಲ ಎಂದು ಸನ್ನಿ ಮೂಲಕ ಮಾತನಾಡಿದ್ದಾರೆ. ಅದಾದ ಬಳಿಕ ಬಿಗ್ ಬಾಸ್ ಒಂದು ಬಾರಿ ಎಚ್ಚರಿಸಿದ್ದಾರೆ.
ಚೈತ್ರಾಗೆ ಕಿಚ್ಚನ ಕ್ಲಾಸ್‌
ವಿಕ್ಕಿ ಅಣ್ಣ ನಿಮಗೆ ಎಲ್ಲೂ ಬೆಲೆ ಇಲ್ಲ ಬಿಡಿ. ಎಲ್ಲರೂ ನಾಟ್‌ ಓಕೆ ಎಂದು ಬಿಗ್ ಬಾಸ್ ಮನೆಯ ಎಲ್ಲರಿಗೂ ಹೊರಗಿನ ಅಭಿಪ್ರಾಯಗಳನ್ನು ಹೇಳಿದ್ದಾರೆ. ಇದೇ ವಿಚಾರವನ್ನೇ ಕೈಗೆತ್ತಿಕೊಂಡ ಕಿಚ್ಚ ಸುದೀಪ್‌, ಚೈತ್ರಾ ಅವರೇ ಇದೆಲ್ಲವನ್ನು ಹೇಳುವ ನಿಮ್ಮ ಉದ್ದೇಶ ಏನು ಎಂದಿದ್ದಾರೆ. ಅಷ್ಟಕ್ಕೆ, ನಾನೇ ಡಾಕ್ಟರ್‌ ಹತ್ರ ಕೇಳಿದ್ದೆ. ಅವರು ಹೇಳಿದ್ರು. ನಿಮ್ಮ ಓಪಿನಿಯನ್‌ ಹೇಗಿದೆ ಎಂದು ಕೇಳಿದ್ದೆ. ಅಷ್ಟಕ್ಕೆ ಉಷ್‌... ಎಂದು ಬಾಯಿ ಮೇಲೆ ಬೆರಳಿಟ್ಟುಕೊಂಡ ಸುದೀಪ್‌ ಎಚ್ಚರಿಸಿದ್ದಾರೆ. ಇತ್ತ ಕ್ಯಾಮರಾ ಮುಂದೆ ಬಂದು, ಉಸಿರುಗಟ್ಟಿಸುವ ವಾತಾವರಣದಲ್ಲಿ ಇರಲು ನನಗೆ ಆಗ್ತಿಲ್ಲ. ಈಗಲೇ ನಾನು ಹೊರಡುವೆ ಎಂದಿದ್ದಾರೆ.
ವೀಕ್ಷಕರ ಕಾಮೆಂಟ್‌ಗಳೇನು?
ಈ ಪ್ರೋಮೋವನ್ನು ಕಲರ್ಸ್‌ ಕನ್ನಡ ತನ್ನ ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಳ್ಳುತ್ತಿದ್ದಂತೆ, ಚೈತ್ರಾ ಕುಂದಾಪುರ ವಿರುದ್ಧ ವೀಕ್ಷಕರು ಗರಂ ಆಗಿದ್ದಾರೆ. ಶಿಶಿರ್‌ಗೆ ಮಾಡಿದ ನಂಬಿಕೆ ದ್ರೋಹವನ್ನೂ ಇಟ್ಟುಕೊಂಡು, ತರಹೇವಾರಿ ಕಾಮೆಂಟ್‌ ಮಾಡುತ್ತಿದ್ದಾರೆ.
- ತ್ರಿವಿಕ್ರಮ್ ನ ಕುಗ್ಗಿಸೋ ಪ್ಲಾನ್ ಚೈತ್ರಂದು
- ಚೈತ್ರಾ ಪಿನ್ ರಾಣಿ ಅನ್ನೋರು ಲೈಕ್ ಮಾಡಿ
- ಚೈತ್ರ ಕುಂದಾಪುರ್ ಮತ್ತು ಮೋಕ್ಷಿತ ಬಿಗ್ ಬಾಸ್ ಮನೆಯಲ್ಲಿ ಇರೋದಕ್ಕೆ ಅರ್ಹತೆ ಇಲ್ಲದ ಅಭ್ಯರ್ಥಿಗಳು
- ಕಳ್ಳಿ ಯಾವತ್ತೂ ಚೇಂಜ್‌ ಆಗಲ್ಲ
- ಶಿಶಿರ್ ಅವರಿಗೆ ಮಾಡಿದ ಅನ್ಯಾಯಕ್ಕೆ ತಕ್ಕ ಶಾಸ್ತಿ ಆಗ್ತಿದೆ. ಕರ್ಮ ರಿಟರ್ನ್ಸ್
- ಅಕ್ಕ ಹೊರಗಡೆ ಜನಗಳನ್ನ ಯಾಮಾರಿಸಿದ ಹಾಗೆ ಬಿಗ್ ಬಾಸ್ ಅಂಡ್ ಕಿಚ್ಚನ ಯಾಮಾರಿಸೋಕ್ಕೆ ಹೋಗ್ತಿದ್ದಾಳೆ