Bigg Boss Kannada 11: ಮೋಕ್ಷಿತಾ ಮುಖಕ್ಕೆ ಮಂಗಳಾರತಿ ಮಾಡಿದ ವೀಕ್ಷಕ; ಕಿಚ್ಚ ಸುದೀಪ್ ಧ್ವನಿ ಎತ್ತಬೇಕಿರುವ ಸರಣಿ ಪ್ರಶ್ನೆಗಳಿವು
ಶನಿವಾರ ಬಂದೇ ಬಿಡ್ತು. ಅದರಂತೆ, ಈ ವಾರ ಯಾವ ಸ್ಪರ್ಧಿ ಎಲಿಮಿನೇಟ್‌ ಆಗಬಹುದು ಎಂಬ ಕುತೂಹಲ ವೀಕ್ಷಕರಲ್ಲಿದೆ. ಜತೆಗೆ ಈ ವಾರ ಯಾವೆಲ್ಲ ಸ್ಪರ್ಧಿಗಳಿಗೆ ಸುದೀಪ್ ಕ್ಲಾಸ್ ತೆಗೆದುಕೊಳ್ಳಬಹುದು ಎಂದೂ ಜನ ಕಾಯುತ್ತಿದ್ದಾರೆ. ತಮ್ಮ ಅನಿಸಿಕೆಯನ್ನೂ ಹೇಳಿಕೊಳ್ಳುತ್ತಿದ್ದಾರೆ.
Bigg Boss Kannada 11: ಬಿಗ್‌ ಬಾಸ್‌ ಕನ್ನಡ ಸೀಸನ್‌ 11ರಲ್ಲಿ ಈ ವಾರ ಯಾರು ಮನೆಯಿಂದ ಹೊರಹೋಗಬಹುದು? ಹೀಗೊಂದು ಕುತೂಹಲ ಎಲ್ಲರಲ್ಲೂ ಇದೆ. ಜತೆಗೆ ಈ ವಾರ ಯಾವೆಲ್ಲ ಸ್ಪರ್ಧಿಗಳಿಗೆ ಕಿಚ್ಚನಿಂದ ಬಿಸಿ ಮುಟ್ಟಲಿದೆ ಎಂಬುದನ್ನೂ ವೀಕ್ಷಕ ಎದುರು ನೋಡುತ್ತಿದ್ದಾನೆ. ಈ ವಾರ ಬಿಗ್‌ ಮನೆಯಲ್ಲಿ, ಇಬ್ಬರು ಸ್ಪರ್ಧಿಗಳನ್ನು ಸೇರಿಸಿ ಜೋಡಿಯನ್ನಾಗಿ ಮಾಡಲಾಗಿತ್ತು. ಆ ಪೈಕಿ ಕಳಪೆ ಪಟ್ಟ ಪಡೆದ ಧನರಾಜ್ ಜೈಲಿಗೆ ಸೇರಿದರೆ, ಉತ್ತಮ ಪಟ್ಟವನ್ನು ಗೋಲ್ಡ್‌ ಸುರೇಶ್‌ ತಮ್ಮದಾಗಿಸಿಕೊಂಡಿದ್ದಾರೆ. ಭವ್ಯಾ ಗೌಡ ಕ್ಯಾಪ್ಟನ್‌ ಆಗಿ ಆಯ್ಕೆಯಾಗಿದ್ದಾರೆ.
ಬಿಗ್‌ ಬಾಸ್‌ ಸ್ಪರ್ಧಿಗಳು ಒಂದೇ ಸೂರಿನಡಿ ಇದ್ದರೂ, ಎಲ್ಲರ ಜತೆಗೆ ಒಂದೇ ರೀತಿಯ ಬಾಂಡಿಂಗ್‌ ಯಾರಲ್ಲೂ ಇಲ್ಲ. ಕೆಲವರು ಎಲ್ಲರ ಕಣ್ಣಿಗೆ ಒಳ್ಳೆಯವರಂತೆ ಕಂಡರೆ, ಇನ್ನು ಕೆಲವರು ನಾಟಕೀಯತೆ ಮೂಲಕವೇ ಆಟ ಆಡುತ್ತಿದ್ದಾರೆ. ಬೇಕು ಅಂತಲೇ ಧ್ವನಿ ಏರಿಸುವವರೂ ಈ ಮನೆಯಲ್ಲಿದ್ದಾರೆ. ಅದರಂತೆ, ಈಗ ಶನಿವಾರ ಬಂದಿದೆ. ವಾರದ ಕಥೆ ಕಿಚ್ಚನ ಜತೆ ಶೋನಲ್ಲಿ ಈ ವಾರ ಕಿಚ್ಚನಿಂದ ಯಾರಿಗೆಲ್ಲ ಕ್ಲಾಸ್ ಸಿಗಬಹುದು ಎಂಬ ಪ್ರಶ್ನೆಯನ್ನು ಕಲರ್ಸ್‌ ಕನ್ನಡ ಕೇಳಿದೆ. ಆ ಪೈಕಿ ವೀಕ್ಷಕರು ಒಂದಷ್ಟು ಸ್ಪರ್ಧಿಗಳ ವಿರುದ್ಧ ಮುಗಿಬಿದ್ದಿದ್ದಾರೆ. ಸರಣಿ ಪ್ರಶ್ನೆಗಳನ್ನು ಸೋಷಿಯಲ್‌ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.
ವೀಕ್ಷಕರ ಕೋಪ ಯಾರ ಮೇಲೆ?
- ಮೋಕ್ಷಿತ ದುರಹಂಕಾರದ ಮೂಟೆ
- ಮೋಕ್ಷಿತ, ಧನರಾಜ್ ಅವ್ರನ್ನ ಸುಮ್ನೆ ಟಾರ್ಗೆಟ್ ಮಾಡ್ತಿರೋದರ ಬಗ್ಗೆ
- ಮೋಕ್ಷಿತ ಇರ್ರಿಟೇಟಿಂಗ್ ಅನ್ನೋರು ಲೈಕ್ ಮಾಡಿ
- ಧನರಾಜ್ ಅವರನ್ನ ಸುಮ್ನೆ ಟಾರ್ಗೆಟ್ ಮಾಡುವವರಿಗೆ ಚೆನ್ನಾಗಿ ಕ್ಲಾಸ್ ತಗೋಬೇಕು
- ಮೊಕ್ಷಿತ ಯಾಕೆ ಯಾವಾಗ್ಲೂ ಧನರಾಜ್ ಅವರನ್ನ ಟಾರ್ಗೆಟ್ ಮಾಡ್ತಾರೆ... ಬೇರೆಯವರ ಬಗ್ಗೆ ಮಾತಾಡೋಕೆ ಅವರಿಗೆ ಧೈರ್ಯ ಇಲ್ವಾ ಅನ್ನೋದನ್ನ ಕೇಳಿ
- ಮೋಕ್ಷಿತಳ ಅಹಂಕಾರದ ಮಾತುಗಳು, ಮಂಜ- ಮೋಕ್ಷಿತ- ಗೌತಮಿ ಗುಂಪುಗಾರಿಕೆ, ಧನರಾಜ್-ಸುರೇಶರನ್ನ ಎಲ್ಲರೂ ಟಾರ್ಗೆಟ್ ಮಾಡ್ತಿರೋದು.. ಎಲ್ಲಕ್ಕಿಂತ ಮುಖ್ಯವಾಗಿ ನಿಜವಾದ ಕಳಪೆ ಮೋಕ್ಷಿತ ಅನ್ನೋದು ಸ್ಪರ್ಧಿಗಳಿಗೆ ಅರ್ಥ ಮಾಡಿಸಬೇಕು.. ಹಾಗೇ ಚೈತ್ರಳ ಓವರ್ ಡ್ರಾಮಾ
- ಮೋಕ್ಷಿತ ಸರಿಯಾಗಿ ಟಾಸ್ಕ್ ಆಡದೆ ಲಾಸ್ಟ್ ವೀಕ್‌ ಧರ್ಮ ಅವರ ಮೇಲೆ ಹಾಕಿದ್ಲು. ಈ ವಾರ ಅವಳು ಆಡದೆ ಇದ್ದರೂ ಅದನ್ನ ಧನರಾಜ್ ಮೇಲೆ ಹಾಕಿದ್ಲು.. ಅವಳಿಗೆ ತಲೆ ಇದೆ ಅಲ್ವಾ. ಅವ್ಳಿಗೆ ಸ್ಮಾರ್ಟ್ ಆಗಿ ಯೋಚನೆ ಮಾಡಿ ಆಟ ಆಡಲು ಆಗಲ್ವಾ? ಅದನ್ನ ಬಿಟ್ಟು ಬೇರೆ ಅವರ ತಲೆಗೆ ಕಟ್ಟುತ್ತಾಳೆ. ಅವಳಿಗೆ ನಾನೇ ಸರಿ ಅನ್ನೋದು ತಲೆಯಲ್ಲಿ ಜೋರು ಇದೆ. ಅದನ್ನ ಕೆಳಗೆ ಇಳಿಸಿ ಸುದೀಪ್ ಸರ್.
- ಮೋಕ್ಷಿತ ಅವರು ಧನರಾಜ್ ಅವರಿಗೆ ಕಳಪೆ ಕೊಟ್ಟಿದ್ದು ಎಷ್ಟು ಸರಿ ಅನ್ನೋದು ಅವ್ರಿಗೆ ಅರ್ಥ ಮಾಡ್ಸಿ
- ಮಂಜು ಟಾಸ್ಕ್‌ನಲ್ಲಿ ಗೌತಮಿಗೆ ಸಪೋರ್ಟ್ ಮಾಡಿದ್ದು ಚರ್ಚೆ ಮಾಡಬೇಕು.
- ಲೇಡಿ ಗೋಮುಕಾ ವ್ಯಾಗ್ರಾ ಮೋಕ್ಷಿತಾ ಬಗ್ಗೆ
- ಮೈ ತುಂಬಾ ಕೊಬ್ಬು ತುಂಬಿರೋ ಅ ದುರಹಂಕಾರದಿಂದ ಮೇರಿತಾ ಇರೋ ಅ ಮೋಕ್ಷಿತಗೆ ಬೆವರಿಳಿಸಬೇಕು
- ಮಂಜುನ ಉಸ್ತುವಾರಿಯಲ್ಲಿ ತ್ರಿವಿಕ್ರಮ್ ಹಾಗೂ ಭವ್ಯಗೆ ಮೋಸ ಮಾಡಿದ್ರ ಬಗ್ಗೆ ಚರ್ಚೆ ಆಗಬೇಕು
- ದಯವಿಟ್ಟು ಆ ದುರಹಂಕಾರಿ ಮೋಕ್ಷಿತನ ತ್ರಿವಿಕ್ರಮಗೆ ಪೇರ್ ಮಾಡಬೇಡಿ ಅಭಿಮಾನಿಗಳೇ.. ಅವಳು ಅವನನ್ನು ಕಂಡ್ರೆ ಉರ್ಕೋತಾಳೆ, ಅಂತ ಡವ್ ರಾಣಿ ಯಾಕೆ ಬೇಕು ವಿಕ್ಕಿಗೆ, ಕೊಬ್ಬಿನ ರಾಣಿ ಮೋಕ್ಷಿತ
- ಮೋಕ್ಷಿತ ಡಬಲ್ ಗೇಮ್ ಬರೀ ಧನರಾಜ್ ಅವರ ಮೇಲೆ ಮಾತ್ರ ಅವಳ ಪೌರುಷ..
- ಮೋಕ್ಷಿತ ರವರೆ ಕುಣಿಯೋಕೆ ಬಾರದೆ ಇರೋವವರು ನೆಲ ಡೊಂಕು ಅಂತ ಹೇಳಿದ್ರಂತೆ, ಆ ರೀತಿ ಆಯ್ತು ನಿಮ್ದು ಗೋಳು. ಸರಿಯಾಗಿ ಒಂದು ಟಾಸ್ಕ್ ಆಡೋದಕ್ಕೆ ಆಗಿಲ್ಲ ನಿಮ್ಮ ಕೈಲಿ, ಪಾರ್ಟ್ನರ್ ಸರಿ ಇಲ್ಲ ಅಂತೆ, ಸಪೋರ್ಟ್ ಇಲ್ಲ ಅಂತೆ.. ಕಳೆದ ವಾರ ಧರ್ಮ ಕೀರ್ತಿರಾಜ್ ಗೆ ಹೇಳಿದಿರಿ, ಈ ಬಾರಿ ಧನರಾಜ್ ಅಚಾರ್.
