Bigg Boss Kannada 11: ಬಿಗ್ ಬಾಸ್‌ ಮನೆಗೆ ವೈಲ್ಡ್‌ಕಾರ್ಡ್ ಎಂಟ್ರಿ; ಮನೆಯೊಳಡೆ ಬಂದವರ್ಯಾರು? ಹೋದೋರ್ಯಾರು?

ಈ ಬಾರಿ ಬಿಗ್‌ ಬಾಸ್‌ ಮನೆಗೆ ಇಬ್ಬರು ಸ್ಪರ್ಧಿಗಳು ವೈಲ್ಡ್‌ ಕಾರ್ಡ್‌ ಮೂಲಕ ಮನೆಯೊಳಗಡೆ ಬಂದಿದ್ದಾರೆ. ಈ ಕುರಿತು ಪ್ರೋಮೋ ಈಗಾಗಲೇ ಬಿಡುಗಡೆಯಾಗಿದೆ. ಮನೆಯೊಳಗಡೆ ಯಾವ ಸ್ಪರ್ಧಿ ಹೋಗುತ್ತಿದ್ದಾರೆ ಎಂದು ಇದುವರೆಗೂ ಕಲರ್ಸ್ ಅಧಿಕೃತವಾಗಿ ಯಾವ ಹೆಸರನ್ನೂ ತಿಳಿಸಿಲ್ಲ. ಆದರೆ ವೀಕ್ಷಕರು ಶೋಭಾ ಶೆಟ್ಟಿ ಹಾಗೂ ರಜತ್ ಎನ್ನುವವರು ಈ ವಾರ ಬಿಗ್‌ ಬಾಸ್‌ ಮನೆಗೆ ಎಂಟ್ರಿ ಕೊಟ್ಟಿದ್ದಾರೆ ಎಂದು ಕಾಮೆಂಟ್ ಮಾಡುತ್ತಿದ್ದಾರೆ. ಬಿಗ್‌ ಬಾಸ್‌ ಮನೆಯಲ್ಲಿ ಈ ವಾರ ಎಲಿಮಿನೇಷನ್ ಕೂಡ ಇದೆ. ಹಿಂದಿನ ಬಾರಿ ಯಾರೂ ಬಿಗ್‌ ಬಾಸ್‌ ಮನೆಯಿಂದ ಹೊರ ಹೋಗಿರಲಿಲ್ಲ. ಆದರೆ ಈ ಬಾರಿ ಖಂಡಿತ ಒಬ್ಬರು ಎಲಿಮಿನೇಟ್ ಆಗುತ್ತಾರೆ.

ಈ ವಾರ ಅನುಷಾ ಅವರು ಬಿಗ್ ಬಾಸ್‌ ಮನೆಯಿಂದ ಎಲಿಮಿನೇಟ್ ಆಗಿ ಹೊರಬಂದಿದ್ದಾರೆ ಎಂದು ಹೇಳಲಾಗುತ್ತಿದೆ. ಇದೀಗ ಕಲರ್ಸ್ ಕನ್ನಡ ಬಿಡುಗಡೆಮಾಡಿದ ಪ್ರೋಮೋದಲ್ಲಿ ಇಬ್ಬರು ಹೊಸ ಕಂಟೆಸ್ಟೆಂಟ್ಸ್‌ ಬಿಗ್‌ ಬಾಸ್‌ ಮನೆಗೆ ಎಂಟ್ರಿ ಕೊಡುತ್ತಿರುವುದು ಕಾಣಿಸಿದೆ.

ಇದನ್ನೂ ಓದಿ: Bhairathi Ranagal: ಶಿವಣ್ಣನ ಭೈರತಿ ರಣಗಲ್‌ ಎರಡನೇ ದಿನದ ಕಲೆಕ್ಷನ್‌ ರಿಪೋರ್ಟ್‌ ಬಹಿರಂಗ; ಈ ವರೆಗೂ ಈ ಸಿನಿಮಾ ಗಳಿಸಿದ್ದೆಷ್ಟು?

ಮುಖ ಕಾಣ್ತಿಲ್ಲ ಯಾರು ಹೋದವರು ಎಂದು ಹಲವರು ಕುತೂಹಲದಿಂದ ಇಂದಿನ ಎಪಿಸೋಡ್‌ಗಾಗಿ ಕಾಯುತ್ತಿದ್ದಾರೆ. ಜನರಲ್ಲಿ ಕುತೂಹಲ ಹೆಚ್ಚಿಸುವ ಕಾರಣಕ್ಕಾಗಿ ಸ್ಪರ್ಧಿಗಳ ಮುಖವನ್ನು ತೋರಿಸಿಲ್ಲ. ಈ ಶೋಭಾ ಶೆಟ್ಟಿ ಬಿಗ್ಬಾಸ್ ತೆಲುಗುದಲ್ಲಿ ಗದ್ದಲ ಎಬ್ಬಿಸಿದ್ಲು ಇಲ್ಲಿ ಇವಾಗ ಏನು ಆಗುತ್ತೊ ನೋಡಬೇಕು ಆದರೆ ಆಟ ಮಾತ್ರ ಸಖತ್ ಆಗಿ ಇರುತ್ತೆ ಎಂದು ಇನ್ನಷ್ಟು ಜನ ಕಾಮೆಂಟ್ ಮಾಡಿದ್ದಾರೆ.

ಕೆಲವರಿಗೆ ಬಿಗ್‌ ಬಾಸ್‌ ವೈಲ್ಡ್‌ ಕಾರ್ಡ್‌ ಎಂಟ್ರಿ ಕೊಡುತ್ತಿರುವ ಸ್ಪರ್ಧಿಗಳ ಬಗ್ಗೆ ಈಗಾಗಲೇ ಮಾಹಿತಿ ಇರುವಂತಿದೆ. ಇನ್ನು ಕೆಲವರು ಕುತೂಹಲದಿಂದ ಕಾಯುತ್ತಿದ್ದಾರೆ. ಮಹಿಳಾ ಸ್ಪರ್ಧಿ ಹಾಗೂ ಇನೊಬ್ಬ ಪುರುಷ ಸ್ಪರ್ಧಿ ಒಟ್ಟಿಗೆ ಇಬ್ಬರು ಸ್ಪರ್ಧಿಗಳು ಮನೆಯೊಳಗೆ ಹೋಗಿದ್ದಾರೆ. ಕೆಂಪು ಹಾಗೂ ಕಪ್ಪು ಬಣ್ಣದ ಉಡುಪು ತೊಟ್ಟಿದ್ದಾರೆ ಎನ್ನುವುದು ಮಾತ್ರ ಮೇಲ್ನೋಟಕ್ಕೆ ಕಾಣಿಸುತ್ತಿದೆ.

ಇದನ್ನೂ ಓದಿ: ತಪ್ಪು ಮಾಡಿ ಎದುರುತ್ತರ ನೀಡಿದ ಚೈತ್ರಾಗೆ ಬಾಯ್ಮುಚ್ಚಿಸಿದ ಕಿಚ್ಚ!‌ ಬಿಗ್‌ ಬಾಸ್‌ ತೊರೆಯುವ ನಿರ್ಧಾರಕ್ಕೆ ಬಂದ ಕುಂದಾಪುರದ ಫೈರ್‌ ಬ್ರಾಂಡ್