Suriya Crush: ನಟ ಸೂರ್ಯ ಕ್ರಶ್ ಸೀಕ್ರೆಟ್ ಹೇಳಿದ ಕಾರ್ತಿ; ಆ ಅದೃಷ್ಟ ಕನ್ಯೆ ಯಾರು ನೋಡಿ

ಇತ್ತೀಚೆಗಷ್ಟೇ ನಂದಮೂರಿ ಬಾಲಕೃಷ್ಣ ನಡೆಸಿಕೊಡುತ್ತಿದ್ದ ‘ಅನ್‌ಸ್ಟಾಪ್‌ಬಲ್ ವಿತ್‌ ಎನ್‌ಬಿಕೆ’ ಟಾಕ್‌ ಶೋಗೆ ಬಂದಿದ್ದ ಹೀರೋ ಸೂರ್ಯ ತಮ್ಮ ನೆಚ್ಚಿನ ಆಹಾರದಿಂದ ಹಿಡಿದು ನೆಚ್ಚಿನ ಸಿನಿಮಾದವರೆಗೆ ಎಲ್ಲವನ್ನೂ ಹಂಚಿಕೊಂಡರು. ಆದರೆ ಬಾಲಯ್ಯ ಅವರು ಕೇಳಿದ ಒಂದು ಪ್ರಶ್ನೆಗೆ ಮಾತ್ರ ಸೂರ್ಯ ಉತ್ತರಿಸಲು ನಿರಾಕರಿಸಿದ್ದರು. ಹಾಗಾದ್ರೆ ಆ ಕುತೂಹಲಕಾರಿ ಪ್ರಶ್ನೆ ಯಾವುದು ಎಂಬ ಅನುಮಾನವಾ? ಆ ಕುತೂಹಲ ಕಾರಿ ಪ್ರಶ್ನೆ ಸೂರ್ಯ ಅವರ ಕ್ರಶ್‌ ಯಾರು ಎಂಬುದಾಗಿತ್ತು. ಆದರೆ ಈ ಪ್ರಶ್ನೆಗೆ ಉತ್ತರ ನೀಡಲು ಅವರು ನಿರಾಕರಿಸಿದ್ದರು. ಸೂರ್ಯನ ಸಹೋದರ ಕಾರ್ತಿಕ್‌ಗೆ ಕರೆ ಮಾಡಿ ಈ ಪ್ರಶ್ನೆಗೆ ಉತ್ತರವನ್ನು ಪಡೆದುಕೊಳ್ಳಲಾಯಿತು.

ನಿಮ್ಮ ನೆಚ್ಚಿನ ಆಹಾರ ಯಾವುದು ಎಂದು ಕೇಳಿದ ಪ್ರಶ್ನೆಗೆ ನನ್ನ ನೆಚ್ಚಿನ ಆಹಾರ ಬಿರಿಯಾನಿ ಎಂದು ಸೂರ್ಯ ಉತ್ತರಿಸಿದ್ದರು. ಆ ನಂತರ ನೀವು ಯಾವ ವಯಸ್ಸಿನಲ್ಲಿ ನಿಮ್ಮ ಮೊದಲ ಕ್ರಶ್‌ ಹೊಂದಿದ್ದಿರಿ ಎಂದು ಕೇಳಲಾಯಿತು. ಆದರೆ ಅಷ್ಟು ಸುಲಭವಾಗಿ ಸೂರ್ಯ ಕಡೆಯಿಂದ ಯಾವುದೇ ಉತ್ತರವೂ ಬರಲಿಲ್ಲ. ಅವಳು ಯಾರು ಎಂದು ಬಾಲಯ್ಯ ಕೇಳಿದಾಗ ಸೂರ್ಯ ತಡವರಿಸಿದ್ದರು. ಬಾಲಯ್ಯ ಅವರ ಒತ್ತಾಯದ ಹೊರತಾಗಿಯೂ, ಸೂರ್ಯ ಅವರು ಯಾರ ಹೆಸರನ್ನೂ ಹೇಳಲು ಬಯಸಲಿಲ್ಲ.

ಇದನ್ನೂ ಓದಿ: ರಾಮ್‌ ಚರಣ್ ಅಭಿನಯದ ಗೇಮ್‌ ಚೇಂಜರ್ ಸಿನಿಮಾ ಟೀಸರ್ ರಿಲೀಸ್‌; ಅಭಿಮಾನಿಗಳಿಗೆ ಭರ್ಜರಿ ಖುಷಿ

ಬಾಲಯ್ಯ ನಂತರ ಅವರ ಸಹೋದರ ಕಾರ್ತಿಕ್‌ಗೆ ಕಾಲ್ ಮಾಡಿ ಈ ಪ್ರಶ್ನೆಗೆ ಉತ್ತರವನ್ನು ಪಡೆದುಕೊಳ್ಳಲು ಮುಂದಾದರು. ಆ ಪ್ರಶ್ನೆಗೆ ಕಾರ್ತಿಕ್ ಉತ್ತರಿಸಿದರು. ಚುಕುಬುಕು ಚುಕುಬುಕು ರೈಲೆ ಎಂಬ ಹಳೆಯ ಹಾಡೊಂದಿದೆ ಎಂದು ಅವರು ಉತ್ತರಿಸುತ್ತಿದ್ದಂತೆಯೇ ಸೂರ್ಯ ನಿಲ್ಲಿಸಲು ಸೂಚಿಸಿದರು. ಆದರೆ ಅಷ್ಟರಲ್ಲಾಗಲೇ ಎಲ್ಲರೂ ಅಂದಾಜಿಸಿದ್ದರು. 1993 ರ ಜಂಟಲ್ ಮೆನ್ ಚಿತ್ರದಲ್ಲಿ ಚಿಕುಬುಕು ರೈಲೆ ಎಂಬ ವಿಶೇಷ ಗೀತೆಯಲ್ಲಿ ಫ್ರಭುದೇವ್ ಅವರ ಜೊತೆ ಡಾನ್ಸ್‌ ಮಾಡಿದ ಗೌತಮಿ ಅವರ ಕ್ರಶ್ ಎಂದು ಗೊತ್ತಾಯಿತು.

ಈ ಘಟನೆ ಆದ ನಂತರ ನಾಳಿನ ನ್ಯೂಸ್‌ ಪೇಪರ್ ತುಂಬಾ ಇದೇ ಸುದ್ದಿಯಾಗುತ್ತದೆ ಎಂದು ಬಾಲಯ್ಯ ಹೇಳಿದ್ದಾರೆ.

ನವೆಂಬರ್‌ 14ರಂದು ಕಂಗುವಾ ಬಿಡುಗಡೆಯಾಗಲಿದೆ. ಸೂರ್ಯ, ದಿಶಾ ಪಟಾನಿ ನಟನೆಯ ಬಿಗ್‌ಬಜೆಟ್‌ ಚಿತ್ರ ನೋಡಲು ಕಾಯುತ್ತಿರುವ ಎಲ್ಲ ಅಭಿಮಾನಿಗಳಿಗೆ ಇದು ಸಂತಸ ತಂದಿದೆ. ಎಂಟು ಭಾಷೆಗಳಲ್ಲಿ ನೀವು ಈ ಸಿನಿಮಾ ನೋಡಬಹುದು.

ಇದನ್ನೂ ಓದಿ: ನವೆಂಬರ್‌ 14ರಂದು ಕಂಗುವಾ ಬಿಡುಗಡೆ: ಸೂರ್ಯ, ದಿಶಾ ಪಟಾನಿ ನಟನೆಯ ಬಿಗ್‌ಬಜೆಟ್‌ ಚಿತ್ರ ನೋಡಲು ಹೆಚ್ಚಿದ ಕಾತರ