Rashmika 27th Birthday: ರಶ್ಮಿಕಾ ಮಂದಣ್ಣ ಹುಟ್ಟುಹಬ್ಬಕ್ಕೆ ಕಾಮನ್‌ ಡಿಪಿ ರಿಲೀಸ್‌ ಮಾಡಿ ಶುಭ ಕೋರಿದ ಮಹಾನಟಿ

ಅಭಿಮಾನಿಗಳು ಪ್ರೀತಿಯಿಂದ ನ್ಯಾಷನಲ್‌ ಕ್ರಷ್‌ ಎಂದು ಕರೆಯುವ ರಶ್ಮಿಕಾ ಮಂದಣ್ಣ ಇಂದು 27ನೇ ವಸಂತಕ್ಕೆ ಕಾಲಿಟ್ಟಿದ್ದಾರೆ. ವಾರದಿಂದಲೇ ಅಭಿಮಾನಿಗಳು ತಮ್ಮ ಮೆಚ್ಚಿನ ನಟಿಯ ಹುಟ್ಟುಹಬ್ಬ ಆಚರಿಸಲು ಕಾಯುತ್ತಿದ್ದಾರೆ. ನಿನ್ನೆ ರಾತ್ರಿಯಿಂದ ರಶ್ಮಿಕಾಗೆ ಸಾಮಾಜಿಕ ಜಾಲತಾಣದ ಮೂಲಕ ಶುಭ ಕೋರಲು ಆರಂಭಿಸಿದ್ದಾರೆ.

ಇದನ್ನೂ ಓದಿ: ಪ್ರೀತಿಯ ಮೌಲ್ಯ ಅರ್ಥವಾಗದವರಿಗೆ ಕೊನೆಗೆ ಉಳಿಯುವುದು ಕಣ್ಣೀರು.. ನಾಗಚೈತನ್ಯ-ಶೋಭಿತಾ ಡೇಟಿಂಗ್‌ ಬಗ್ಗೆ ಸ್ಯಾಮ್‌ ಕಾಮೆಂಟ್‌?

ರಕ್ಷಿತ್‌ ಶೆಟ್ಟಿ ಜೊತೆ 'ಕಿರಿಕ್‌ ಪಾರ್ಟಿ' ಚಿತ್ರದಲ್ಲಿ ನಟಿಸುವ ಮೂಲಕ ಸಿನಿ ಕರಿಯರ್‌ ಆರಂಭಿಸಿದ ರಶ್ಮಿಕಾ ಮಂದಣ್ಣ ಈಗ ಬಾಲಿವುಡ್‌ನಲ್ಲಿ ಬೇಡಿಕೆ ನಟಿಯಾಗಿ ಹೆಸರು ಮಾಡಿದ್ದಾರೆ. ತಾವು ಇಷ್ಟು ಎತ್ತರಕ್ಕೆ ಬೆಳೆಯುತ್ತೇನೆ ಎಂದು ಸ್ವತ: ರಶ್ಮಿಕಾ ಕೂಡಾ ಊಹಿಸಿರಲಿಲ್ಲವೇನೋ. ಅಂದಿನಿಂದ ಇದುವರೆಗೂ ರಶ್ಮಿಕಾ ವೈಯಕ್ತಿಕ ಜೀವನದಲ್ಲಿ ಸಾಕಷ್ಟು ಏಳುಬೀಳುಗಳಾದರೂ ರಶ್ಮಿಕಾ ಯಾವುದಕ್ಕೂ ತಲೆ ಕೆಡಿಸಿಕೊಳ್ಳದೆ ತಮ್ಮ ವೃತ್ತಿಯತ್ತ ಫೋಕಸ್‌ ಮಾಡಿದ್ದಾರೆ. ಅನೇಕ ಸ್ಟಾರ್‌ ನಟರೊಂದಿಗೆ ತೆರೆ ಹಂಚಿಕೊಂಡಿದ್ದಾರೆ. ಇನ್ನು ರಶ್ಮಿಕಾ ಬರ್ತ್‌ಡೇ ವಿಷೇಷವಾಗಿ ಅವರ ಅಭಿಮಾನಿಗಳು ಕಾಮನ್‌ ಡಿಪಿ ಕೂಡಾ ತಯಾರಿಸಿದ್ದಾರೆ. ಈ ಡಿಪಿ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗುತ್ತಿದೆ.

ರಾಷ್ಟ್ರಪ್ರಶಸ್ತಿ ವಿಜೇತ ನಟಿ ಕೀರ್ತಿ ಸುರೇಶ್‌, ರಶ್ಮಿಕಾ ಮಂದಣ್ಣ ಹುಟ್ಟುಹಬ್ಬಕ್ಕೆ ಕಾಮನ್‌ ಡಿಪಿ ಬಿಡುಗಡೆ ಮಾಡಿದ್ದಾರೆ. ಕೀರ್ತಿ ತಮ್ಮ ಸೋಷಿಯಲ್‌ ಮೀಡಿಯಾದಲ್ಲಿ ಈ ಕಾಮನ್‌ ಡಿಪಿ ರಿಲೀಸ್‌ ಮಾಡಿದ್ದಾರೆ. ''ರಶ್ಮಿಕಾ ಮಂದಣ್ಣ ಅವರ ಕಾಮನ್‌ ಡಿಪಿ ಬಿಡುಗಡೆ ಮಾಡುತ್ತಿದ್ದೇನೆ. ಅಡ್ವಾನ್ಸ್‌ ಆಗಿ ಹುಟ್ಟುಹಬ್ಬದ ಶುಭಾಶಯಗಳು ಡಿಯರ್‌, ನಿಮಗೆ ಒಳ್ಳೆಯದಾಗಲಿ'' ಎಂದು ಕೀರ್ತಿ ಹಾರೈಸಿದ್ದಾರೆ. ದೊಡ್ಡ ಅರಮನೆಯಲ್ಲಿ ರಶ್ಮಿಕಾ ಮಂದಣ್ಣ ಚಿನ್ನದ ಬಣ್ಣದ ಸೀರೆ ಧರಿಸಿ ನಿಂತಿರುವಂತೆ ಅಭಿಮಾನಿಗಳು ಕಾಮನ್‌ ಡಿಪಿ ತಯಾರಿಸಿದ್ದಾರೆ. ಈ ಡಿಪಿಯಲ್ಲಿ ಹ್ಯಾಪಿ ಬರ್ತ್‌ಡೇ ರಶ್ಮಿಕಾ ಎಂದು ಇಂಗ್ಲೀಷ್‌ನಲ್ಲಿ ಬರೆಯಲಾಗಿದೆ. ಅದರ ಕೆಳಗೆ ತಮಿಳು, ಹಿಂದಿ, ತೆಲುಗು, ಮಲಯಾಳಂ, ಕನ್ನಡ ಎಂದು ಆಯಾ ಭಾಷೆಗಳಲ್ಲಿ ಅಕ್ಷರಗಳಲ್ಲಿ ಬರೆಯಲಾಗಿದೆ. ಆದರೆ ಕನ್ನಡವನ್ನು ಕೊನೆಯಲ್ಲಿ ಬರೆದಿರುವುದಕ್ಕೆ ಕನ್ನಡಿಗರು ಬೇಸರ ವ್ಯಕ್ತಪಡಿಸಿದ್ದಾರೆ.

ಹುಚ್ಚ ವೆಂಕಟ್‌ ದನಿಗೂಡಿಸಿರುವ 'ಮಾಜರ್‌' ಆಡಿಯೋ ಬಿಡುಗಡೆಗೊಳಿಸಿದ ಸಚಿವ ಕೆ‌. ಗೋಪಾಲಯ್ಯ

ರಶ್ಮಿಕಾ ಬರ್ತ್‌ಡೇಗಾಗಿ ಇಂದು ಅವರ ಹೊಸ ಸಿನಿಮಾಗಳು ಅನೌನ್ಸ್‌ ಆಗುವ ಸಾಧ್ಯತೆ ಇದೆ. ಜೊತೆಗೆ ಅವರು ಈಗ ನಟಿಸುತ್ತಿರುವ ತೆಲುಗಿನ ಪುಷ್ಪ-2 ಹಾಗೂ ಹಿಂದಿಯ ಅನಿಮಲ್‌ ಚಿತ್ರದ ಪೋಸ್ಟರ್‌ ರಿಲೀಸ್‌ ಆಗುವ ಸಾಧ್ಯತೆ ಇದೆ. ಮಹಿಳಾ ಪ್ರದಾನ ಸಿನಿಮಾವೊಂದನ್ನು ರಶ್ಮಿಕಾ ಒಪ್ಪಿಕೊಂಡಿದ್ದು ಆ ಚಿತ್ರದ ಬಗ್ಗೆ ಕೂಡಾ ಇಂದು ಅಪ್‌ಡೇಟ್‌ ದೊರೆಯುವ ಸಾಧ್ಯತೆ ಇದೆ. ಇತ್ತೀಚೆಗೆ ರಶ್ಮಿಕಾ ಹಾಗೂ ನಿತಿನ್‌ ಜೋಡಿಯ ಹೊಸ ಸಿನಿಮಾ ಮುಹೂರ್ತ ನೆರವೇರಿತ್ತು. ಮೆಗಾಸ್ಟಾರ್‌ ಚಿರಂಜೀವಿ ಈ ಸಿನಿಮಾಗೆ ಕ್ಲಾಪ್‌ ಮಾಡಿ ಚಿತ್ರತಂಡಕ್ಕೆ ವಿಶ್‌ ಮಾಡಿದ್ದರು. ನಿತಿನ್-ರಶ್ಮಿಕಾ ಇದಕ್ಕೂ ಮುನ್ನ ಭೀಷ್ಮ ಚಿತ್ರದಲ್ಲಿ ಜೊತೆಯಾಗಿ ನಟಿಸಿದ್ದರು. ಒಟ್ಟಿನಲ್ಲಿ ರಶ್ಮಿಕಾ ಹೊಸ ಸಿನಿಮಾ ಅಪ್‌ಡೇಟ್‌ ತಿಳಿಯಲು ಅಭಿಮಾನಿಗಳು ಕಾಯುತ್ತಿದ್ದಾರೆ.