ರಾಮ್‌ ಚರಣ್ ಅಭಿನಯದ ಗೇಮ್‌ ಚೇಂಜರ್ ಸಿನಿಮಾ ಟೀಸರ್ ರಿಲೀಸ್‌; ಅಭಿಮಾನಿಗಳಿಗೆ ಭರ್ಜರಿ ಖುಷಿ

ರಾಮ್ ಚರಣ್ ಅಭಿನಯದ ಚಿತ್ರ ಗೇಮ್‌ ಚೇಂಜರ್‌ ಸಿನಿಮಾ ಟೀಸರ್‌ಗಾಗಿ ಅಭಿಮಾನಿಗಳು ತುಂಬಾ ಕಾತರದಿಂದ ಕಾಯುತ್ತಿದ್ದರು. ಹೊಸ ಮ್ಯಾನರಿಸಂ ಮತ್ತು ಡೈಲಾಗ್ ಡೆಲಿವರಿ ಮೂಲಕ ರಾಮ್ ಚರಣ್ ಸಿನಿಮಾದ ನಿರೀಕ್ಷೆಯನ್ನು ಹೆಚ್ಚಿಸಿದ್ದಾರೆ. ಗ್ಲೋಬಲ್ ಸ್ಟಾರ್ ರಾಮ್ ಚರಣ್ ಅಭಿನಯದ ಗೇಮ್ ಚೇಂಜರ್ ಚಿತ್ರದ ಟೀಸರ್ ಈಗಾಗಲೇ ಬಿಡುಗಡೆಯಾಗಿದೆ. ಸೆನ್ಸೇಷನಲ್ ಡೈರೆಕ್ಟರ್ ಶಂಕರ್ ನಿರ್ದೇಶನದ ಈ ಸಿನಿಮಾದಲ್ಲಿ ರಾಮ್ ಚರಣ್ ಜತೆಯಾಗಿ ಕಿಯಾರಾ ಅಡ್ವಾಣಿ ನಟಿಸಿದ್ದಾರೆ . ಭಾರೀ ನಿರೀಕ್ಷೆಗಳ ನಡುವೆ ಬರುತ್ತಿರುವ ಈ ಸಿನಿಮಾದ ಟೀಸರ್ ಅನ್ನು ಉತ್ತರ ಪ್ರದೇಶದ ರಾಜಧಾನಿ ಲಕ್ನೋದಲ್ಲಿ ಚಿತ್ರತಂಡ ಬಿಡುಗಡೆ ಮಾಡಿದೆ.

ಗೇಮ್ ಚೇಂಜರ್ ಚಿತ್ರ ತೆಲುಗು ಮತ್ತು ತಮಿಳಿನ ಜೊತೆಗೆ ಹಿಂದಿಯಲ್ಲೂ ಬಿಡುಗಡೆಯಾಗಲಿದೆ. ಚುನಾವಣೆಯನ್ನು ಸುಸೂತ್ರವಾಗಿ ನಡೆಸುವ ಅಧಿಕಾರಿಯ ಪಾತ್ರದಲ್ಲಿ ರಾಮ್ ಚರಣ್ ಕಾಣಿಸಿಕೊಳ್ಳಲಿದ್ದಾರೆ ಎಂಬುದು ಟೀಸರ್ ನೋಡಿದರೆ ಮೇಲ್ನೋಟಕ್ಕೆ ತಿಳಿಯುತ್ತದೆ. ಹಿರಿಯ ನಟರಾದ ಶ್ರೀಕಾಂತ್, ಎಸ್.ಜೆ.ಸೂರ್ಯ , ಸಮುದ್ರಖನಿ ಮತ್ತು ಅಂಜಲಿ, ಸುನೀಲ್ ಮತ್ತು ನವೀನಚಂದ್ರ ಕೂಡ ಈ ಚಿತ್ರದಲ್ಲಿ ನಟಿಸಿದ್ದಾರೆ.

ಇದನ್ನೂ ಓದಿ: ಸೂರ್ಯ ಅಭಿನಯದ ಕಂಗುವಾ ರಿಲೀಸ್‌ ದಿನಾಂಕ ಫಿಕ್ಸ್‌; 10 ಭಾಷೆಗಳಲ್ಲಿ ಬಿಡುಗಡೆಯಾಗಲಿದೆ ಫ್ಯಾಂಟಸಿ ಆಕ್ಷನ್‌ ಸಿನಿಮಾ

ಟೀಸರ್ ಬಗ್ಗೆ
ಗೇಮ್ ಚೇಂಜರ್ ಚಿತ್ರದ ಟೀಸರ್ ಇಂದು ಬಿಡುಗಡೆಯಾದಾಗಿನಿಂದ ಅಭಿಮಾನಿಗಳು ಇನ್ನಷ್ಟು ಖುಷಿಯಾಗಿದ್ದಾರೆ. ಐಮ್‌ ಅನ್‌ ಪ್ರಿಡಿಕ್ಟೇಬಲ್ ಎಂದು ಟೀಸರ್ ಕೊನೆಯಲ್ಲಿ ರಾಮ್‌ ಚರಣ್ ಒಂದು ಡೈಲಾಗ್ ಹೇಳಿದ್ದಾರೆ. ಅವರ ಈ ಡೈಲಾಗ್‌ಗೆ ಜನರು ಮೆಚ್ಚಿಕೊಂಡಿದ್ದಾರೆ. ಹಿಂದೆ ಎಂದೂ ನೋಡಿರದ ಒಂದು ಹೊಸ ಅವತಾರದಲ್ಲಿ ರಾಮ್‌ ಚರಣ್ ಕಾಣಿಸಿಕೊಂಡಿದ್ದಾರೆ. ಕ್ಲಾಸ್‌ ಹಾಗೂ ಮಾಸ್‌ ಎರಡೂ ರೀತಿಯ ವೀಕ್ಷಕರಿಗೆ ಈ ಸಿನಿಮಾ ಇಷ್ಟವಾಗುವ ರೀತಿ ಕಾಣಿಸುತ್ತದೆ. ಈಗಾಗಲೇ ಎರಡು ಹಾಡುಗಳು ಮತ್ತು ಅನೇಕ ಪೋಸ್ಟರ್‌ಗಳು ಬಿಡುಗಡೆಯಾಗಿದೆ. ನೀವು ಟೀಸರ್‌ ಅನ್ನೂ ಸಹ ಇದೀಗ ನೋಡಬಹುದು. ಇದರಲ್ಲಿ ಚರಣ್ ಪೊಲಿಟಿಕಲ್ ಸೂಟ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ.

ಇದನ್ನೂ ಓದಿ: ಕೊನೆಗೂ ರಿವೀಲ್‌ ಆಯ್ತು ‘ಬಘೀರ’ ಸಿನಿಮಾದ ಈ ವರೆಗಿನ ಕಲೆಕ್ಷನ್‌ ರಿಪೋರ್ಟ್‌! ಸಕ್ಸಸ್‌ ಮೀಟ್‌ನಲ್ಲಿ ನಿರ್ದೇಶಕರಿಂದಲೇ ಬಹಿರಂಗ