ಹೃದಯಸ್ಪರ್ಶಿ: ಪತ್ನಿ ಆರತಿಗೆ ಅಚ್ಚರಿ ನೀಡಿದ ಶಿವ ಕಾರ್ತಿಕೇಯನ್; ಆಕೆಯ ಕಂಗಳ ಭಾವುಕತೆಗೆ ಮನಸೋತ ನೆಟ್ಟಿಗರು- ವಿಡಿಯೋ ನೋಡಿ
Nov 14, 2024 05:18 PM IST
Share
ಪತ್ನಿ ಆರತಿಗೆ ಅಚ್ಚರಿ ನೀಡಿದ ಶಿವ ಕಾರ್ತಿಕೇಯನ್; ಆಕೆಯ ಕಂಗಳ ಭಾವುಕತೆಗೆ ಮನಸೋತ ನೆಟ್ಟಿಗರು- ವಿಡಿಯೋ
- Sivakarthikeyan Wife Aarthy: ಅಮರನ್‌ ಸಿನಿಮಾದಲ್ಲಿ ಕಾರ್ತಿಕೇಯನ್ ಮೇಜರ್‌ ಮಕುಂದ್‌ ಪಾತ್ರದಲ್ಲಿ ನಟಿಸಿದ್ದರು. ತನ್ನ ಪತ್ನಿಯ ಹುಟ್ಟುಹಬ್ಬದಂದು ಶಿವಕಾರ್ತಿಕೇಯನ್‌ ಅಡುಗೆ ಮನೆಗೆ ಅಮರನ್‌ ಲುಕ್‌ನಲ್ಲಿ ಬಂದು ಅಚ್ಚರಿ ನೀಡಿದೆ. ಈ ಹೃದಯಸ್ಪರ್ಶಿ ವಿಡಿಯೋ ವೈರಲ್‌ ಆಗಿದೆ.
ನಟ ಶಿವಕಾರ್ತಿಕೇಯನ್‌ ತನ್ನ ಪತ್ನಿಗೆ ಹುಟ್ಟುಹಬ್ಬದ ಶುಭಾಶಯ ನೀಡಿರುವ ವಿಡಿಯೋ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ. ಅಡುಗೆಮನೆಯಲ್ಲಿ ತನ್ನ ಎಂದಿನ ಕೆಲಸದಲ್ಲಿ ನಿರತರಾಗಿದ್ದ ಮುದ್ದಿನ ಮಡದಿಗೆ ಶಿವಕಾರ್ತಿಕೇಯನ್‌ ಸರ್‌ಪ್ರೈಸ್‌ ನೀಡಿದ್ದಾರೆ. ಅಮರನ್‌ ಸಿನಿಮಾದಲ್ಲಿ ಇವರು ಮೇಜರ್‌ಮುಕುಂದ್‌ ಪಾತ್ರದಲ್ಲಿ ನಟಿಸಿದ್ದರು. ಅದೇ ಮೇಜರ್‌ ಮಕುಂದ್‌ ಉಡುಗೆ ತೊಟ್ಟು ನೇರವಾಗಿ ಅಡುಗೆ ಮನೆಗೆ ಬಂದಿದ್ದಾರೆ. ಯಾವುದೋ ಕೆಲಸದಲ್ಲಿ ನಿರತವಾಗಿದ್ದ ಆರತಿಗೆ ಇವರನ್ನು ಈ ರೂಪದಲ್ಲಿ ಕಂಡು ಅಚ್ಚರಿಯಾಗಿದೆ.
ಈ ವಿಡಿಯೋದಲ್ಲಿ ಮೇಜರ್‌ ಮುಕುಂದ್‌ ಸೇನಾ ಸಮವಸ್ತ್ರ ತೊಟ್ಟು ಶಿವಕಾರ್ತಿಕೇಯನ್‌ ಅಡುಗೆ ಮನೆಗೆ ಬರುವ ದೃಶ್ಯವಿದೆ. ಪತ್ನಿ ಆರತಿ ಅಡುಗೆ ಮನೆಯಲ್ಲಿ ಏನೋ ಕೆಲಸದಲ್ಲ ನಿರತರಾಗಿದ್ದಾರೆ. ಇವರು ಹೋಗಿ ಹಿಂದುಗಡೆ ನಿಂತಿದ್ದಾರೆ. ಏನೋ ಕೆಲಸ ಮಾಡುತ್ತ ತಿರುಗಿ ನೋಡಿದಾಗ ಆಕೆಯ ಆಶ್ಚರ್ಯವಾಗಿದೆ. ಖುಷಿಯಿಂದ ಆಕೆ ಇವರ ಕೈ ಹಿಡಿದು ಬಳಿಕ ಬೆನ್ನಿ ಹಿಂದಕ್ಕೆ ಮುಗ್ಧವಾಗಿ ಸರಿಯುತ್ತಾರೆ. ಈ ಸಮಯದಲ್ಲಿ ತನ್ನ ಪತ್ನಿಗೆ "ಹ್ಯಾಪಿ ಬರ್ತ್‌ಡೇ ಆರತಿ" ಅನ್ನುತ್ತಾರೆ. ಈ ಹೃದಯಸ್ಪರ್ಶಿ ವಿಡಿಯೋ ವೈರಲ್‌ ಆಗಿದೆ. ಈ ವಿಡಿಯೋವನ್ನು ಸೋಷಿಯಲ್‌ ಮೀಡಿಯಾದಲ್ಲಿ ಶಿವಕಾರ್ತಿಕೇಯನ್‌ ಹಂಚಿಕೊಂಡು ಪತ್ನಿಗೆ ಹುಟ್ಟುಹಬ್ಬದ ಶುಭಾಶಯ ಹೇಳಿದ್ದಾರೆ.
"ವಾಹ್‌, ಪಪ್ಪಿ ಕಣ್ಣುಗಳು, ಹೃದಯ ತುಂಬಿ ಬಂತು" ಎಂದು ನಟಿ ಮೋನಿಷಾ ಬ್ಲಿಸ್ಸಿ ಈ ವಿಡಿಯೋಗೆ ಕಾಮೆಂಟ್‌ ಮಾಡಿದ್ದಾರೆ. "ಎಷ್ಟು ಸುಂದರವಾದ ವಿಡಿಯೋ" ಎಂದು ನಟಿ ನಿವೀತಾ ಥಾಮಸ್‌ ಕಾಮೆಂಟ್‌ ಮಾಡಿದ್ದಾರೆ. "ಅಣ್ಣಾ, ಇಬ್ಬರೂ ಕ್ಯೂಟ್‌" ಎಂದು ಫ್ಯಾನ್ಸ್‌ ಕಾಮೆಂಟ್‌ ಮಾಡಿದ್ದಾರೆ. "ಯಾಕೆ ಈ ವಿಡಿಯೋ ಇಷ್ಟು ಚಿಕ್ಕದಿದೆ. ಎಷ್ಟೊಂದು ಕ್ಯೂಟ್‌ ಆಗಿದೆ" "ಅವರ ಪತ್ನಿ ಎಷ್ಟು ಮುಗ್ಧತೆ ಹೊಂದಿದ್ದಾರೆ" "ಅವರ ಕಣ್ಣಲ್ಲಿ ತುಂಬಿರುವ ಅಚ್ಚರಿ, ಪ್ರೀತಿ ನೋಡಿ" ಎಂದೆಲ್ಲ ಫ್ಯಾನ್ಸ್‌ ಕಾಮೆಂಟ್‌ ಮಾಡಿದ್ದಾರೆ.
ಅಮರನ್‌ ತಂಡವನ್ನು ಭೇಟಿಯಾದ ರಜನಿಕಾಂತ್‌
ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿ ಯಶಸ್ವಿ ಪ್ರದರ್ಶನ ಕಾಣುತ್ತಿರುವ ಅಮರನ್‌ ಸಿನಿಮಾವನ್ನು ನಟ ರಜನಿಕಾಂತ್‌ ನೋಡಿ ಮೆಚ್ಚಿದ್ದಾರೆ. ಇತ್ತೀಚೆಗೆ ಅಮರನ್‌ ಚಿತ್ರತಂಡದ ಸದಸ್ಯರನ್ನು ರಜನಿಕಾಂತ್‌ ಭೇಟಿಯಾಗಿದ್ದಾರೆ. "ಸೂಪರ್‌ಸ್ಟಾರ್‌ ರಜನಿಕಾಂತ್‌ ತನ್ನ ಗೆಳೆಯ ಕಮಲ್‌ ಹಾಸನ್‌ಗೆ ಕರೆ ಮಾಡಿ ತನ್ನ ಅಭಿನಂದನೆ ತಿಳಿಸಿದ್ದಾರೆ. ಅವರಿಗೆ ಈ ಸಿನಿಮಾ ತುಂಬಾ ಇಷ್ಟವಾಗಿದೆ. ಅವರು ಅಮರನ್‌ ಚಿತ್ರತಂಡವನ್ನು ಭೇಟಿಯಾಗಿದ್ದಾರೆ. ಶಿವಕಾರ್ತಿಕೇಯನ್‌, ನಿರ್ದೇಶಕ ರಾಜ್‌ಕುಮಾರ್‌ ಪೆರಿಯಸ್ವಾಮಿ, ನಿರ್ಮಾಪಕ ಎಂ ಮಹೇಂದ್ರನ್‌, ಸಿನಿಮಾಟೊಗ್ರಾಫರ್‌ ಸಾಯಿ ಅವರನ್ನು ಮುಖತಃ ಭೇಟಿಯಾಗಿ ಅಭಿನಂದಿಸಿದ್ದಾರೆ" ಎಂದು ರಜ್‌ ಕಮಲ್‌ ಫಿಲ್ಮ್ಸ್‌ ಇಂಟರ್‌ನ್ಯಾಷನಲ್‌ ಎಕ್ಸ್‌ನಲ್ಲಿ ಪೋಸ್ಟ್‌ ಮಾಡಿದೆ.
ಅಮರನ್‌ ಸಿನಿಮಾವು ದಿವಂಗತ ಮೇಜರ್‌ ಮುಕುಂದ್‌ ವರದರಾಜನ್‌ ಜೀವನಗಾಥೆಯನ್ನು ಹೊಂದಿದೆ. ಇವರು 2014ರಲ್ಲಿ ಭಯೋತ್ಪಾದಕರ ವಿರುದ್ಧದ ಹೋರಾಟದಲ್ಲಿ ಕಾಶ್ಮಿರದಲ್ಲಿ ಮೃತಪಟ್ಟಿದ್ದರು. ಇವರ ಜೀವನಕಥೆಯನ್ನೇ ಸಿನಿಮಾವಾಗಿಸಲಾಗಿತ್ತು. ಈ ಸಿನಿಮಾ ಅಕ್ಟೋಬರ್‌ 31ರಂದು ಬಿಡುಗಡೆಯಾಗಿದೆ. ಈ ಚಿತ್ರ ಬಾಕ್ಸ್‌ ಆಫೀಸ್‌ನಲ್ಲಿ 250 ಕೋಟಿ ರೂಪಾಯಿ ಗಳಿಕೆ ಮಾಡಿದೆ. ಈ ಸಿನಿಮಾವು ಇಂಡಿಯಾಸ್‌ ಮೋಸ್ಟ್‌ ಫಿಯರ್‌ಲೆಸ್‌: ಟ್ರೂ ಸ್ಟೋರೀಸ್‌ ಆಫ್‌ ಮಾಡರ್ನ್‌ ಮಿಲಿಟರಿ ಹೀರೋಸ್‌ ಆಧರಿತವಾಗಿದೆ. ಈ ಸಿನಿಮಾದಲ್ಲಿ ನಾಯಕಿಯಾಗಿ ಸಾಯಿ ಪಲ್ಲವಿ ನಟಿಸಿದ್ದಾರೆ.