ಒಟಿಟಿಯಲ್ಲಿ ರಿಲೀಸ್‌ ಆಗ್ತಿದೆ ಕಿಶೋರ್‌ ಅಭಿನಯದ ತಮಿಳು ವೆಬ್ ಸಿರೀಸ್; ಕನ್ನಡದಲ್ಲೂ ಸ್ಟ್ರೀಮ್‌ ಆಗಲಿದೆ ಪ್ಯಾರಾಚೂಟ್
Nov 16, 2024 03:11 PM IST
Share
ನವೆಂಬರ್ 29 ರಂದು ಡಿಸ್ನಿ ಪ್ಲಸ್‌ ಹಾಟ್‌ಸ್ಟಾರ್‌ನಲ್ಲಿ ರಿಲೀಸ್‌ ಆಗಲಿದೆ ಕಿಶೋರ್‌ ಅಭಿನಯದ ಪ್ಯಾರಾಚೂಟ್ ವೆಬ್ ಸಿರೀಸ್
ಕಿಶೋರ್‌ ಅಭಿನಯದ ಪ್ಯಾರಾಚೂಟ್ ವೆಬ್ ಸಿರೀಸ್ ನವೆಂಬರ್ 29 ರಿಂದ ಡಿಸ್ನಿ ಪ್ಲಸ್‌ ಹಾಟ್‌ಸ್ಟಾರ್‌ನಲ್ಲಿ ಸ್ಟ್ರೀಮ್‌ ಆಗಲಿದೆ. ಈ ವೆಬ್ ಸರಣಿ ನೋಡಲು ಸಿನಿಪ್ರಿಯರು ಕಾಯತ್ತಿದ್ದಾರೆ. ಈ ವೆಬ್ ಸಿರೀಸನ್ನು ರಾಸು ರಂಜಿತ್‌ ನಿರ್ದೇಶನ ಮಾಡಿದ್ದಾರೆ.
ಸಸ್ಪೆನ್ಸ್‌ ಥ್ರಿಲ್ಲರ್‌ ಸಿನಿಮಾಗಳನ್ನು ಇಷ್ಟಪಡುವ ಪ್ರೇಕ್ಷಕರಿಗಾಗಿ ಡಿಸ್ನಿ+ಹಾಟ್‌ಸ್ಟಾರ್‌ನಲ್ಲಿ ಪ್ಯಾರಾಚೂಟ್ ಹೆಸರಿನ ಹೊಸ ವೆಬ್ ಸಿರೀಸ್ ಎಂಟ್ರಿ ಕೊಡಲು ಸಜ್ಜಾಗಿದೆ. ಮಿಡ್ಲ್‌ ಕ್ಲಾಸ್‌ ಫ್ಯಾಮಿಲಿ ಕಥೆ ಹೊಂದಿರುವ ವೆಬ್ ಸರಣಿ ಇದು. ಸಣ್ಣ ಪುಟ್ಟ ವಿಚಾರಕ್ಕೂ ಹೊಡೆದು ಶಿಕ್ಷಿಸುವ ತಂದೆಗೆ ಗೊತ್ತಾಗದಂತೆ ಬೈಕ್‌ನಲ್ಲಿ ಪ್ರಯಾಣಿಸುವ ಇಬ್ಬರು ಮಕ್ಕಳು, ಸಮಸ್ಯೆಗೆ ಸಿಲುಕುತ್ತಾರೆ. ನಂತರ ಏನಾಗುತ್ತದೆ? ಅಲ್ಲಿಂದ ಅವರು ಹೇಗೆ ಹೊರ ಬರುತ್ತಾರೆ ಎನ್ನುವುದು ಈ ವೆಬ್ ಸರಣಿ ಕಥೆ.
ರಾಸು ರಂಜಿತ್‌ ನಿರ್ದೇಶನ ಮಾಡಿರುವ ವೆಬ್ ಸಿರೀಸ್
ಪ್ಯಾರಾಚೂಟ್ ವೆಬ್ ಸಿರೀಸ್‌ಗೆ ರಾಸು ರಂಜಿತ್‌ ನಿರ್ದೇಶನ ಮಾಡಿದ್ದಾರೆ. ಕನ್ನಡ ನಟ ಕಿಶೋರ್‌, ಕುಕು ವಿತ್‌ ಕೋಮಲಿ ಖ್ಯಾತಿಯ ಕನಿ ಈ ವೆಬ್ ಸರಣಿಯಲ್ಲಿ ಜೋಡಿಯಾಗಿ ನಟಿಸಿದ್ದಾರೆ. ಪೊಲೀಸ್‌ ಪಾತ್ರದಲ್ಲಿ ಕೃಷ್ಣ ಕುಲಶೇಖರನ್‌ ನಟಿಸಿದ್ದಾರೆ. ಈಗ ಈ ವೆಬ್ ಸರಣಿಯಲ್ಲಿ ನಟಿಸಿರುವುದು ಮಾತ್ರವಲ್ಲದೆ, ಈ ವೆಬ್ ಸಿರೀಸ್ ನಿರ್ಮಾಣ ಕೂಡಾ ಮಾಡಿದ್ದಾರೆ. ಪ್ಯಾರಾಚೂಟ್ ವೆಬ್ ಸರಣಿಗೆ ಯುವನ್‌ ಶಂಕರ್‌ ರಾಜಾ ಸಂಗೀತ ನೀಡಿದ್ದಾರೆ. ವೆಬ್ ಸಿರೀಸ್ ತಂಡ ಇತ್ತೀಚೆಗೆ ಟ್ರೈಲರ್‌ ಬಿಡುಗಡೆ ಮಾಡಿದ್ದು ಒಟಿಟಿಯಲ್ಲಿ ಸಿರೀಸ್ ನೋಡಲು ಮನರಂಜನಾಪ್ರಿಯರು ಕಾಯುತ್ತಿದ್ದಾರೆ. ಹಿನ್ನೆಲೆ ಸಂಗೀತ ಬಹಳ ಚೆನ್ನಾಗಿದೆ ಎಂದು ನೋಡುಗರು ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.
ಕನ್ನಡ ನಟ ಕಿಶೋರ್‌ ನಟಿಸಿರುವ ಪ್ಯಾರಾಚೂಟ್
ಪ್ರತಿಯೊಂದು ವಿಚಾರದಲ್ಲೂ ಕಟ್ಟುನಿಟ್ಟಾಗಿರುವ ಮೋಹನನ್ನು ಕಂಡರೆ ಮಕ್ಕಳು ಹೆದರುತ್ತಾರೆ. ಒಮ್ಮೆ ಮೋಹನನ ಮಗ ಪರೀಕ್ಷೆಯಲ್ಲಿ ಕಡಿಮೆ ಅಂಕ ತೆಗೆದಿದ್ದಕ್ಕೆ ಮನಸೋ ಇಚ್ಛೆ ಥಳಿಸುತ್ತಾನೆ. ಮಕ್ಕಳಿಗೆ ಹೊರಗೆ ಸುತ್ತಾಡಬೇಕೆಂಬ ಆಸೆ. ಆದರೆ ಮೋಹನ ಮಾತ್ರ ಮಕ್ಕಳನ್ನು ಎಲ್ಲೂ ಕರೆದುಕೊಂಡು ಹೋಗುವುದಿಲ್ಲ. ಒಮ್ಮೆ ಮೋಹನನಿಗೆ ತಿಳಿಯದೆ ಮಕ್ಕಳು ಸ್ಕೂಟರ್‌ ತೆಗೆದುಕೊಂಡು ಊರು ಸುತ್ತುತ್ತಾರೆ. ಅದರೆ ನಡುವೆ ಇಬ್ಬರೂ ತಪ್ಪಿಸಿಕೊಳ್ಳುತ್ತಾರೆ. ಮಕ್ಕಳು ಮನೆಯಲ್ಲಿ ಕಾಣದೆ ಮೋಹನ ಹಾಗೂ ಹೆಂಡತಿ ಕಂಗಾಲಾಗಿ. ಪೊಲೀಸರಿಗೆ ದೂರು ನೀಡುತ್ತಾರೆ.
ವೆಬ್ ಸಿರೀಸ್‌ನಲ್ಲಿ ಟ್ವಿಸ್ಟ್‌ ಮೇಲೆ ಟ್ವಿಸ್ಟ್‌ ನೋಡಬಹುದು. ಮಕ್ಕಳನ್ನು ಯಾರಾದರೂ ಅಪಹರಿಸಿದ್ದಾರೆಯೇ? ಆ ಬೈಕ್ ಕದ್ದವರು ಯಾರು? ಬೈಕಿಗೂ ಕುಟುಂಬಕ್ಕೂ ಏನು ಸಂಬಂಧ? ಪೊಲೀಸರ ಪ್ರವೇಶದ ನಂತರ ಆ ಕುಟುಂಬದಲ್ಲಿ ಏನಾಗುತ್ತದೆ? ಎಂದು ತಿಳಿಯಬೇಕಾದರೆ ಈ ವೆಬ್ ಸೀರಿಸ್ ನೋಡಲೇಬೇಕು.
ಪ್ಯಾರಾಚೂಟ್ ವೆಬ್ ಸರಣಿಯು ನವೆಂಬರ್ 29 ರಿಂದ ಡಿಸ್ನಿ+ ಹಾಟ್‌ಸ್ಟಾರ್‌ನಲ್ಲಿ ಸ್ಟ್ರೀಮಿಂಗ್ ಆಗಲಿದೆ. ಈ ಸರಣಿಯು ತೆಲುಗು, ತಮಿಳು, ಕನ್ನಡ, ಮಲಯಾಳಂ, ಹಿಂದಿ ಜೊತೆಗೆ ಮರಾಠಿ ಮತ್ತು ಬೆಂಗಾಲಿ ಭಾಷೆಗಳಲ್ಲಿ ಸ್ಟ್ರೀಮ್‌ ಆಗಲಿದೆ.