ಮೈನವಿರೇಳಿಸುವ ಆಕ್ಷನ್‌ ಪ್ಯಾಕ್ಡ್‌ ಸಿಟಾಡೆಲ್‌ ಹನಿ ಬನ್ನಿ ವೆಬ್‌ ಸಿರೀಸ್‌ ಟ್ರೇಲರ್‌ ರಿಲೀಸ್;‌ ಈ ಸರಣಿಯ ವೀಕ್ಷಣೆ ಯಾವಾಗ, ಎಲ್ಲಿ?

Citadel: Honey Bunny Web Series Trailer: 'ಫ್ಯಾಮಿಲಿ ಮ್ಯಾನ್' ಸಿರೀಸ್‌ ಮೂಲಕ ಹೆಸರುವಾಸಿಯಾದವರು ನಿರ್ದೇಶಕ ಜೋಡಿ ರಾಜ್ ಮತ್ತು ಡಿಕೆ. ಈಗ ಇವರಿಬ್ಬರು ಮತ್ತೊಂದು ವೆಬ್ ಸೀರಿಸ್‌ನೊಂದಿಗೆ ಬರುತ್ತಿದ್ದಾರೆ. ಸೌತ್‌ ಮತ್ತು ಬಾಲಿವುಡ್‌ ಸಿನಿಮಾರಂಗವನ್ನು ಈ ಸಿಟಾಡೆಲ್‌; ಹನಿ ಬನಿ ಸಿರೀಸ್‌ನಲ್ಲಿ ಒಂದಾಗಿಸಿದ್ದಾರೆ. ಅಂದರೆ, ದಕ್ಷಿಣದ ನಟಿ ಸಮಂತಾ ರುತ್‌ಪ್ರಭು ಮತ್ತು ಬಾಲಿವುಡ್ ನಟ ವರುಣ್‌ ಧವನ್‌ ಈ ಸಿರೀಸ್‌ನಲ್ಲಿ ಮುಖ್ಯಭೂಮಿಕೆಯಲ್ಲಿದ್ದಾರೆ. ಇದೀಗ ಇದೇ ಸಿರೀಸ್‌ನ ಆಕ್ಷನ್‌ ಟ್ರೇಲರ್‌ ರಿಲೀಸ್‌ ಆಗಿದೆ. ಈ ಸಿರೀಸ್‌ ಯಾವಾಗ, ಯಾವ ಒಟಿಟಿಯಲ್ಲಿ ಸ್ಟ್ರೀಮಿಂಗ್‌ ಆರಂಭಿಸಲಿದೆ ಎಂಬ ಮಾಹಿತಿಯೂ ಹೊರಬಿದ್ದಿದೆ.

ಹಾಲಿವುಡ್‌ನ 'ಸಿಟಾಡೆಲ್' ಸಿರೀಸ್‌ನ ರಿಮೇಕ್‌

2023ರಲ್ಲಿ ಹಾಲಿವುಡ್‌ನಲ್ಲಿ ನಿರ್ಮಾಣವಾಗಿದ್ದ 'ಸಿಟಾಡೆಲ್' ವೆಬ್‌ ಸಿರೀಸ್‌ ಪ್ರೈಂನಲ್ಲಿ ರಿಲೀಸ್‌ ಆಗಿತ್ತು. ಇದರಲ್ಲಿ ಪ್ರಿಯಾಂಕಾ ಚೋಪ್ರಾ ಮತ್ತು ರಿಚರ್ಡ್ ಮ್ಯಾಡೆನ್ ಮುಖ್ಯಭೂಮಿಕೆಯಲ್ಲಿ ನಟಿಸಿದ್ದರು. ಇದೇ ಸಿರೀಸ್‌ ಹಿಂದಿಗೂ ರಿಮೇಕ್‌ ಆಗಲಿದೆ ಎಂದಾಗ ಹೆಚ್ಚು ಸುದ್ದಿ ಜತೆಗೆ ಸದ್ದು ಮಾಡಿತ್ತು ಈ ಸರಣಿ. ವರುಣ್‌ ಧವನ್‌ ಮತ್ತು ಸಮಂತಾ ರುತ್ ಪ್ರಭು ಪ್ರಮುಖ ಪಾತ್ರಗಳಲ್ಲಿ ನಟಿಸಿಲಿದ್ದಾರೆ ಎಂಬ ವಿಚಾರ ಹೊರಬಿದ್ದ ಬಳಿಕ ಚಿತ್ರದ ಮೇಲಿನ ನಿರೀಕ್ಷೆ ಮುಗಿಲು ಮುಟ್ಟಿತ್ತು.

ಇದನ್ನೂ ಓದಿ: ಧರ್ಮ ಕೀರ್ತಿರಾಜ್‌, ಉಗ್ರಂ ಮಂಜು ನಟನೆಯ ಟೆನಂಟ್‌ ಟೀಸರ್‌ ರಿಲೀಸ್‌; ನವೆಂಬರ್‌ನಲ್ಲಿ ಸಿನಿಮಾ ಬಿಡುಗಡೆ

ಸಿಟಾಡೆಲ್‌ ಹನಿ ಬನ್ನಿ ವೆಬ್‌ಸಿರೀಸ್‌ ಗೂಢಚಾರಿಗಳ ಸುತ್ತ ಹೆಣೆದ ಆಕ್ಷನ್‌ ಪ್ಯಾಕ್ಡ್‌ ವೆಬ್‌ಸಿರೀಸ್‌. ವರುಣ್‌ ಧವನ್ ಅವರಿಂದಲೇ ಶುರುವಾಗುವ ಟ್ರೇಲರ್‌ನಲ್ಲಿ ಸಾಹಸ ದೃಶ್ಯಗಳು ಮೈ ಜುಂ ಎನಿಸುವಂತಿವೆ. ಒಂದು ಕಡೆ ವರುಣ್‌ ಧವನ್‌ ಕೈಯಿಂದ ಗುಂಡುಗಳು ಸಿಡಿಯುತ್ತಿದ್ದರೆ, ಮತ್ತೊಂದು ಕಡೆ ಅದೇ ಫೋರ್ಸ್‌ನಲ್ಲಿ ಸಮಂತಾ ಸಹ ಮಗಳ ಉಳಿವಿಗಾಗಿ ಸಾಹಸ ಮೆರೆದಿದ್ದಾರೆ. ನಿತ್ಯ ಅಲ್ಲೊಂದು ಇಲ್ಲೊಂದು ಘಟಿಸುವ ಅವಘಡಗಳ ಬೆನ್ನತ್ತಿ ಹೋಗುವ ಈ ಜೋಡಿ, ಹೇಗೆ ಆ ಅನಾಹುತಗಳನ್ನು ತಪ್ಪಿಸುತ್ತಾರೆ ಎಂಬುದೇ ಸಿರೀಸ್‌ನ ಕಥೆ.

ಪಾತ್ರವರ್ಗದಲ್ಲಿ ಯಾರೆಲ್ಲ ನಟಿಸಿದ್ದಾರೆ?

ಹನಿ ಪಾತ್ರದಲ್ಲಿ ಸಮಂತಾ, ಬನ್ನಿ ಪಾತ್ರದಲ್ಲಿ ವರುಣ್‌ ಧವನ್‌ ಕಾಣಿಸಿಕೊಂಡಿದ್ದಾರೆ. ಈ ಸಿರೀಸ್‌ನಲ್ಲಿ ಕೆ.ಕೆ. ಮೆನನ್ ಸಿಮ್ರಾನ್, ಸಾಕಿಬ್ ಸಲೀಮ್, ಸಿಕಂದರ್ ಖೇರ್, ಸೋಹಮ್ ಮಜುಂದಾರ್, ಶಿವಂಕೀತ್ ಪರಿಹಾರ್ ಮತ್ತು ಕಶ್ವಿ ಮಜ್ಮುದಾರ್ ನಟಿಸಿದ್ದಾರೆ. ಸದ್ಯ ಟ್ರೇಲರ್‌ ಮೂಲಕ ನೋಡುಗರ ಗಮನ ಸೆಳೆದ ಈ ಸಿರೀಸ್‌, ಟ್ರೇಲರ್‌ನ ಕೊನೆಯಲ್ಲಿ ಬಿಡುಗಡೆಯ ದಿನಾಂಕವನ್ನೂ ಘೋಷಿಸಿ, ಬಹುದಿನಗಳ ಕಾಯುವಿಕೆಗೆ ಬ್ರೇಕ್‌ ಹಾಕಿದೆ.

ಇದನ್ನೂ ಓದಿ: ನಾನು ಇರೋವರೆಗೂ ಅವರನ್ನು ಏನೂ ಮಾಡೋಕೆ ಆಗೊಲ್ಲ; ಲಾರೆನ್ಸ್ ಬಿಷ್ಣೋಯ್ ಟೀಮ್‌ಗೆ ಸಲ್ಮಾನ್ ಖಾನ್‌ ಬಾಡಿಗಾರ್ಡ್‌ ಶೇರಾ ಸವಾಲು

ಯಾವಾಗ ರಿಲೀಸ್‌?

'ಸಿಟಾಡೆಲ್: ಹನಿ ಬನ್ನಿ' ನವೆಂಬರ್ 7 ರಂದು ಭಾರತ ಸೇರಿ 240ಕ್ಕೂ ಹೆಚ್ಚು ದೇಶಗಳಲ್ಲಿ ಅಮೆಜಾನ್‌ ಪ್ರೈಮ್ ವಿಡಿಯೋದಲ್ಲಿ ಬಿಡುಗಡೆಯಾಗಲಿದೆ. ಈ ಸರಣಿಯನ್ನು ರಾಜ್ ಮತ್ತು ಡಿಕೆ (ರಾಜ್ ನಿಡಿಮೋರು ಮತ್ತು ಕೃಷ್ಣ ಡಿಕೆ) ನಿರ್ದೇಶಿಸಿದ್ದಾರೆ. ಈ ಸರಣಿಯನ್ನು D2R ಫಿಲ್ಮ್ಸ್, ಅಮೆಜಾನ್ MGM ಸ್ಟುಡಿಯೋಸ್ ಮತ್ತು AGBOನ ರುಸ್ಸೋ ಬ್ರದರ್ಸ್ ನಿರ್ಮಿಸಿದ್ದಾರೆ.

ಇದನ್ನೂ ಓದಿ: ವಿಶ್ರಾಂತಿ ಅಗತ್ಯ,ಆದ್ರೆ ಮತ್ತೆ ಬನ್ನಿ,ಬಿಗ್‌ಬಾಸ್‌ ಕಾರ್ಯಕ್ರಮಕ್ಕೆ ನಿಮ್ಮ ಅಗತ್ಯವಿದೆ; ಸುದೀಪ್‌ಗೆ ಬಹಿರಂಗ ಪತ್ರ ಬರೆದ ಪ್ರಶಾಂತ್‌ ಸಂಬರ್ಗಿ