Pushpa 3 Update: 'ಪುಷ್ಪ 3' ಸಿನಿಮಾದ ಟೈಟಲ್ ರಿವೀಲ್; ವಿಷಯ ಕೇಳಿ ಖುಷಿಯಾದ ಅಲ್ಲು ಅರ್ಜುನ್‌ ಅಭಿಮಾನಿಗಳು

ಅಲ್ಲು ಅರ್ಜುನ್ ಅವರ 'ಪುಷ್ಪ 2: ದಿ ರೂಲ್' ಬಿಡುಗಡೆಗೆ ಕೇವಲ ಎರಡು ದಿನಗಳು ಬಾಕಿ ಉಳಿದಿವೆ ಈ ಸಂದರ್ಭದಲ್ಲಿ ಪುಷ್ಟ 3 ಚಿತ್ರದ ಬಗ್ಗೆ ಅಪ್ಡೇಟ್‌ ಸಿಕ್ಕಿದೆ. ಈ ಹಿಂದೆ ಅಲ್ಲು ಅರ್ಜುನ್ ಅವರು ಈ ವರ್ಷದ ಆರಂಭದಲ್ಲಿ ಸಂದರ್ಶನವೊಂದರಲ್ಲಿ ಪುಷ್ಪ 3 ಕೂಡ ಬರಲಿದೆ ಎಂಬ ಸೂಚನೆ ನೀಡಿದ್ದರೂ ಆಗ ಸಾಕಷ್ಟು ಜನರ ಚಿತ್ತ ಆಕಡೆಯೇ ಇತ್ತು. ವರದಿಗಳ ಪ್ರಕಾರ, ಪುಷ್ಪಾ 3 ಗೆ ಪುಷ್ಪ 3: ದಿ ರಾಂಪೇಜ್ ಎಂದು ಶೀರ್ಷಿಕೆ ಇಡಲಾಗಿದೆ. ಮೂರನೇ ಭಾಗದ ನಿರ್ಮಾಣ ಪ್ರಾರಂಭವಾಗುವ ಮೊದಲು ಅಭಿಮಾನಿಗಳು ಸ್ವಲ್ಪ ಸಮಯ ಕಾಯಬೇಕಾಗಿದೆ.

ಪುಷ್ಪ 2 ಬಿಡುಗಡೆಯ ನಂತರ ನಿರ್ದೇಶಕ ಸುಕುಮಾರ್ ಆರು ತಿಂಗಳ ವಿರಾಮವನ್ನು ತೆಗೆದುಕೊಳ್ಳಲು ಯೋಚಿಸಿದ್ದಾರೆ ಎಂದು ಹೇಳಲಾಗುತ್ತಿದೆ. ದರ ನಂತರ, ಅವರು ರಾಮ್ ಚರಣ್ ಜೊತೆಗಿನ ಪ್ರಾಜೆಕ್ಟ್‌ಗೆ ಕೆಲಸ ಮಾಡಬಹುದು ಎಂದು ಹೇಳಲಾಗುತ್ತಿದೆ.

ಇದನ್ನೂ ಓದಿ: Annayya Serial: ಅಣ್ಣಯ್ಯ ಧಾರಾವಾಹಿಯಲ್ಲಿ ಮಹಾ ತಿರುವು; ಮರಳಿ ಬರ್ತಿದ್ದಾಳೆ ಶಿವು ತಾಯಿ

ಮನೋಬಾಲಾ ವಿಜಯಬಾಲನ್ ಹಂಚಿಕೊಂಡ ಫೋಟೋದಲ್ಲಿ, ಧ್ವನಿ ವಿನ್ಯಾಸಕ ರೆಸುಲ್ ಪೂಕುಟ್ಟಿ ಮತ್ತು ಸಿಬ್ಬಂದಿ ಕಾಣಿಸುತ್ತಿದ್ದಾರೆ. ಮುಂದಿನ ಅಧ್ಯಾಯದ ಶೀರ್ಷಿಕೆಯನ್ನು ಪ್ರದರ್ಶಿಸುವ ಪರದೆಯ ಮುಂದೆ ಅವರು ನಿಂತುಕೊಂಡಿದ್ದಾರೆ. ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡ ಚಿತ್ರಗಳ ಪ್ರಕಾರ, ಪುಷ್ಪ 3 ಶೀರ್ಷಿಕೆ ಪುಷ್ಪ ದಿ ರಾಂಪೇಜ್ ಎನ್ನುವುದು ಬಹುತೇಕ ಖಚಿತವಾಗಿದೆ. ಅಲ್ಲು ಅರ್ಜುನ್, ರಶ್ಮಿಕಾ ಮಂದಣ್ಣ, ಮತ್ತು ಸಂಪೂರ್ಣ ಪುಷ್ಪ 2 ತಂಡ ಈ ಸಿನಿಮಾದಲ್ಲೂ ಕೆಲಸ ಮಾಡುತ್ತದೆ.

#ಪುಷ್ಪಾ3 ದೃಢೀಕರಿಸಲಾಗಿದೆ" ಎಂದು ಶೀರ್ಷಿಕೆ ಬರೆಯಲಾಗಿದೆ ಎಂದು ಈ ಪೋಸ್ಟ್‌ಗೆ ಟ್ಯಾಗ್‌ ಲೈನ್‌ ಬರೆದುಕೊಂಡಿದ್ದಾರೆ. ಈ ಎಲ್ಲಾ ವಿಚಾರವನ್ನು ಗಮನಿಸಿದ ಅಲ್ಲು ಅರ್ಜುನ್ ಅಭಿಮಾನಿಗಳು ಇನ್ನಷ್ಟು ಖುಷಿಯಾಗಿದ್ದಾರೆ. ಮುಂದಿನ ದಿನಗಳಲ್ಲಿ ಪುಷ್ಪರಾಜ್ ಅಭಿಮಾನಿಗಳು ಇನ್ನಷ್ಟು ಹೆಚ್ಚಾಗಲಿದ್ದಾರೆ ಎನ್ನುವುದು ಖಚಿತವಾಗಿದೆ.

ಇದನ್ನೂ ಓದಿ: Sikandar ka Muqaddar: ಹಾವ-ಭಾವದಲ್ಲಿ ಅವ್ಯಕ್ತವಾಗಿ ಅಭಿವ್ಯಕ್ತಿ, ಸಿಕಂದರ್‌ ಕಾ ಮುಕದ್ದರ್ ಸಿನಿಮಾ ಕುರಿತು ಡಾ ರೂಪಾ ರಾವ್ ಬರಹ