ರಾಹಾ ಹೆಸರಿನಲ್ಲಿ ಆನೆಯನ್ನು ದತ್ತು ಪಡೆದ ರಾಮ್ ಚರಣ್; ಮಗು ಹುಟ್ಟಿ ಒಂದೇ ತಿಂಗಳಲ್ಲಿ ಆಲಿಯಾ ಭಟ್‌ಗೆ ಕಾದಿತ್ತು ಅಚ್ಚರಿ
Oct 12, 2024 07:39 PM IST
Share
ರಾಮ್ ಚರಣ್ ಹಾಗೂ ಮಗಳು ರಾಹಾ ಜೊತೆ ಆಲಿಯಾ
- ರಾಹಾ ಹುಟ್ಟಿದ ಒಂದು ತಿಂಗಳ ನಂತರ ಒಮ್ಮೆ ವಾಕಿಂಗ್‌ಗೆ ಹೋದಾಗ ಯಾರೋ ಬಂದು ಆನೆ ಬಂದಿದೆ ಎಂದರಂತೆ. ಅದನ್ನು ಕೇಳಿ ಆಶ್ವರ್ಯಗೊಂಡು ಪ್ರಶ್ನಿಸಿದಾಗ ರಾಮ್ ಚರಣ್ ಆನೆ ಕಳಿಸಿದ್ದಾರೆ ಎಂದು ಹೇಳಿದರಂತೆ.
ಹೈದರಾಬಾದ್‌ನಲ್ಲಿ ಜಿಗ್ರಾ ಸಿನಿಮಾ ಪ್ರಚಾರ ಮಾಡುವಾಗ, ಆಲಿಯಾ ಭಟ್ RRR ಸಹ-ನಟರಾದ ಜೂನಿಯರ್ ಎನ್‌ಟಿಆರ್ ಮತ್ತು ರಾಮ್ ಚರಣ್ ಅವರೊಂದಿಗೆ ತನ್ನ ಸಂಬಂಧ ಯಾವ ರೀತಿ ಇದೆ ಎನ್ನುವುದರ ಕುರಿತು ಮಾತನಾಡಿದರು. ಆ ಸಂದರ್ಭದಲ್ಲಿ ಅವರು 'ರಾಹಾ' ಅಂದರೆ ಆಲಿಯಾ ಭಟ್ ಮಗಳ ಹೆಸರಿನಲ್ಲಿ ರಾಮ್ ಚರಣ್ ಒಂದು ಆನೆಯನ್ನು ದತ್ತು ಪಡೆದಿದ್ದಾರೆ ಎಂಬ ವಿಚಾರವನ್ನು ಬಹಿರಂಗಪಡಿಸಿದ್ದಾರೆ. ನಿರ್ದೇಶಕ ವಾಸನ್ ಬಾಲಾ ಮತ್ತು ಅವರ ಸಹನಟರಾದ ವೇದಂಗ್ ರೈನಾ ಮತ್ತು ರಾಹುಲ್ ರವೀಂದ್ರನ್ ಅವರೊಂದಿಗೆ ಜಿಗ್ರಾ ಪ್ರಚಾರಕ್ಕಾಗಿ ಆಲಿಯಾ ಭಟ್ ಹೈದರಾಬಾದ್‌ನಲ್ಲಿ ಒಂದು ಪ್ರಚಾರದ ಸಂದರ್ಶನವೊಂದರಲ್ಲಿ ಈ ವಿಚಾರವನ್ನು ತಿಳಿಸಿದ್ದಾರೆ.
ನಿರೂಪಕ ಸುಮಾ ಅವರೊಂದಿಗೆ ಮಾತನಾಡುತ್ತಾ , ಅವರು RRR ಸಹ-ನಟರಾದ ರಾಮ್ ಚರಣ್ ಮತ್ತು ಜೂನಿಯರ್ ಎನ್‌ಟಿಆರ್‌ರೊಂದಿಗೆ ತಮ್ಮ ಬಾಂಧವ್ಯ ಹೇಗಿತ್ತು ಎಂಬುದನ್ನು ಹಂಚಿಕೊಂಡಿದ್ದಾರೆ. ಮಗಳು ರಾಹಾಗೆ ವಿಶೇಷ ಉಡುಗೊರೆಯನ್ನು ರಾಮ್ ಚರಣ್ ನೀಡಿದ್ದಾರೆ ಎಂಬುದಾಗಿ ಅದೇ ಸಂದರ್ಭದಲ್ಲಿ ಹೇಳಿದ್ದಾರೆ. “ಚರಣ್ ಮತ್ತು ನಾನು ಚಿತ್ರದಲ್ಲಿ ಕೆಲಸ ಮಾಡುವಾಗ ನಾವು ಒಟ್ಟಿಗೆ ಹೆಚ್ಚು ಸಮಯ ಕಳೆಯಲಿಲ್ಲ. ಆದರೆ ಪ್ರಚಾರದ ಸಮಯದಲ್ಲಿ ನಾವು ಒಟ್ಟಾಗಿದ್ದೆವು. ಹಾಗಾಗಿ ಆ ಸಮಯದಲ್ಲಿ ನಾವು ಆತ್ಮೀಯ ಗೆಳೆಯರಾದೆವು”. ಮುಂಬೈನ ಚರಣ್ ಪಟ್ಟಣದಲ್ಲಿ ಇರುವಾಗ ರಾಹಾ ಜನಿಸಿದಾಗ ಅದೊಂದು ತಮಾಷೆ ನಡೆಯಿತು ಎಂದು ಹೇಳುತ್ತಾ ರಾಮ್ ಚರಣ್ ಹೇಗೆ ಆನೆಯನ್ನು ಉಡುಗೊರೆಯಾಗಿ ನೀಡಿದರು ಎಂಬ ಬಗ್ಗೆ ಆಲಿಯಾ ಹೇಳಿದ್ದಾರೆ.
ರಾಹಾ ಹುಟ್ಟಿದ ಒಂದು ತಿಂಗಳ ನಂತರ ಒಮ್ಮೆ ವಾಕಿಂಗ್‌ಗೆ ಹೋದಾಗ ಯಾರೋ ಬಂದು ಆನೆ ಬಂದಿದೆ ಎಂದರಂತೆ. ಅದನ್ನು ಕೇಳಿ ಆಶ್ವರ್ಯಗೊಂಡು ಪ್ರಶ್ನಿಸಿದಾಗ ರಾಮ್ ಚರಣ್ ಆನೆ ಕಳಿಸಿದ್ದಾರೆ ಎಂದು ಹೇಳಿದರಂತೆ. ಅದನ್ನು ಕೇಳಿ ನಿಜ ಇದ್ದರೂ ಇರಬಹುದು, ಅವರು ಓಡಾಡುವ ಆನೆಯನ್ನೇ ಕಳಿಸಿರಬಹುದು ಎಂದುಕೊಂಡರಂತೆ. ಆದರೆ ಅವರು ಒಂದು ಆನೆಯ ಪ್ರತಿಮೆಯನ್ನು ಕಳಿಸಿದ್ದರಂತೆ.
ಆದರೆ ನಿಜವಾದ ಆನೆಯನ್ನು ರಾಹಾ ಹೆಸರಿನಲ್ಲಿ ದತ್ತು ಪಡೆದುಕೊಂಡಿದ್ದರಂತೆ. ಅದನ್ನು ಸಾಂಕೇತಿಕವಾಗಿ ಆನೆ ಗೊಂಬೆ ಕಳಿಸುವ ಮೂಲಕ ತಿಳಿಸಿದ್ದರಂತೆ. ಅದು ಮರದ ಆನೆಯಾಗಿತ್ತು. ಆಲಿಯಾ ಭಟ್ ಮಗಳು ರಾಹಾ ಯಾವಾಗಲಾದರೂ ಆ ಆನೆಯ ಪ್ರತಿಮೆ ಜೊತೆ ಆಟ ಆಡುತ್ತಾಳೆ ಎಂದು ಆಲಿಯಾ ಹೇಳಿದ್ದಾರೆ. ಈಗಲೂ ಆಲಿಯಾ ಮನೆಯಲ್ಲಿ ಅದನ್ನು ಜೋಪಾನ ಮಾಡಲಾಗಿದೆ. ರಾಮ್ ಚರಣ್ ರಾಹಾನ ಹೆಸರಿನಲ್ಲಿ ಕಾಡಿನಲ್ಲಿ ಆನೆಯನ್ನು ದತ್ತು ಪಡೆದಿದ್ದು ಇದು ತನಗೆ ತುಂಬಾ ಖುಷಿ ನೀಡಿದೆ ಎಂದು ಹೇಳಿದ್ದಾರೆ.
ವಿಭಾಗ