ತೆಲುಗಿನಲ್ಲಿ ‘ಸಿವಿಲ್‌ ಇಂಜಿನಿಯರ್‌’ ಹೆಸರಲ್ಲಿ ಡಬ್‌ ಆಯ್ತು ಪುನೀತ್‌ ರಾಜ್‌ಕುಮಾರ್‌ ಸಿನಿಮಾ; ಈ ಒಟಿಟಿಯಲ್ಲಿ ಸ್ಟ್ರೀಮಿಂಗ್‌

OTT Release Movies List This Week: ಈ ವಾರ ಸುಮಾರು 18 ಸಿನಿಮಾಗಳು ಒಟಿಟಿಯಲ್ಲಿ ಡಿಜಿಟಲ್ ಸ್ಟ್ರೀಮಿಂಗ್ ಆಗಲಿವೆ. ಆ ಪೈಕಿ ಇನ್ನೇನು ಶೀಘ್ರದಲ್ಲಿ ಇನ್ನೂ ಮೂರು ಸಿನಿಮಾಗಳು ಒಟಿಟಿ ಅಂಗಳ ಪ್ರವೇಶಿಸಲು ಸಜ್ಜಾಗಿವೆ. ಇದೆಲ್ಲದರ ನಡುವೆ ಅಚ್ಚರಿಯ ವಿಚಾರ ಏನೆಂದರೆ, ಪುನೀತ್‌ ರಾಜ್‌ಕುಮಾರ್‌ ನಟನೆಯ ಚಕ್ರವ್ಯೂಹ ಸಿನಿಮಾ ಸಹ ಇದೀಗ ತೆಲುಗಿಗೆ ಡಬ್‌ ಆಗಿ ಒಟಿಟಿಯಲ್ಲಿ ಬಿಡುಗಡೆ ಆಗುತ್ತಿದೆ. ಈ ಸಿನಿಮಾದ ಜತೆಗೆ ಇನ್ನೂ ಹಲವು ಸಿನಿಮಾಗಳು ಸ್ಟ್ರೀಮಿಂಗ್‌ ಆರಂಭಿಸಲಿವೆ.

ಟೈಮ್ ಕಟ್

ಟೈಮ್ ಟ್ರಾವೆಲ್ ಮತ್ತು ಕ್ರೈಮ್ ಥ್ರಿಲ್ಲರ್ ಕಥಾಹಂದರವುಳ್ಳ, ಸಸ್ಪೆನ್ಸ್ ಎಳೆಯ ಸಿನಿಮಾ ಟೈಮ್‌ ಕಟ್.‌ ಹಾಲಿವುಡ್‌ನಲ್ಲಿ ತಯಾರಾಗಿರುವ ಈ ಸಿನಿಮಾ, ಸೈನ್ಸ್‌ ಫಿಕ್ಷನ್‌ ಆಧರಿತವೂ ಹೌದು. ಕೊಲೆ ಪ್ರಕರಣದ ತನಿಖೆಯ ಜತೆಗೆ ಭಯ ಹುಟ್ಟಿಸುವ ಥ್ರಿಲ್ಲರ್‌ ಗುಣಗಳೂ ಈ ಸಿನಿಮಾದಲ್ಲಿದೆ. ಎಸ್ ಎಂಟರ್ಟೈನ್ಮೆಂಟ್ ಬ್ಯಾನರ್ ಅಡಿಯಲ್ಲಿ ನಿರ್ಮಿಸಲಾಗಿರುವ ಈ ಚಿತ್ರವನ್ನು ಮಹಿಳಾ ನಿರ್ದೇಶಕಿ ಹನ್ನಾ ಮ್ಯಾಕ್ ಫೆರ್ಸನ್ ನಿರ್ದೇಶಿಸಿದ್ದಾರೆ. ಅಕ್ಟೋಬರ್ 30 ರಿಂದ ನೆಟ್‌ಫ್ಲಿಕ್ಸ್‌ ಒಟಿಟಿಯಲ್ಲಿ ಈ ಸಿನಿಮಾ ಪ್ರಸಾರವಾಗಲಿದೆ. ಇದು ಇಂಗ್ಲಿಷ್, ತೆಲುಗು, ತಮಿಳು ಮತ್ತು ಹಿಂದಿ ಭಾಷೆಗಳಲ್ಲಿ ಸ್ಟ್ರೀಮಿಂಗ್‌ ಆರಂಭಿಸಲಿದೆ. ಟೈಮ್ ಕಟ್

ಇದನ್ನೂ ಓದಿ: ‘ನೀನಿಲ್ಲದ ಮೇಲೆ ನಿನ್ನಂತೆ ಯಾರನ್ನೂ ಕಂಡಿಲ್ಲ’; ಪುನೀತ್‌ ರಾಜ್‌ಕುಮಾರ್‌ ನೆನೆದು ನಟ ಜಗ್ಗೇಶ್‌ ಭಾವುಕ, ಆಂಕರ್‌ ಅನುಶ್ರೀಯಿಂದ ಕರಾಳ ದಿನ

ಹಾರ್ಟ್‌ಬೀಟ್‌

ತಮಿಳಿನಲ್ಲಿ ತಯಾರಾದ ವೆಬ್ ಸರಣಿ ಹಾರ್ಟ್ ಬೀಟ್ ಅಕ್ಟೋಬರ್ 30ರಿಂದ ಒಟಿಟಿಯಲ್ಲಿ ಪ್ರಸಾರವಾಗಲಿದೆ. ಈ ವೆಬ್ ಸರಣಿ ಡಿಸ್ನಿ ಪ್ಲಸ್ ಹಾಟ್‌ಸ್ಟಾರ್‌ ಒಟಿಟಿಯಲ್ಲಿ ಬಿಡುಗಡೆಯಾಗಲಿವೆ. ಮೆಡಿಕಲ್‌ ರೊಮ್ಯಾಂಟಿಕ್ ಡ್ರಾಮಾ ಹಿನ್ನೆಲೆಯ ಈ ಸರಣಿಯ ಟ್ರೇಲರ್‌ ಸಹ ಅಷ್ಟೇ ಕುತೂಹಲ ಮೂಡಿಸಿದೆ. ದೀಪಾ ಬಾಲು, ಚಾರುಕೇಶ್, ಪಡಿನ್ ಕುಮಾರ್, ಯೋಗಲಕ್ಷ್ಮಿ, ಸರ್ವ, ಗುರು ಲಕ್ಷ್ಮಣ್ ಪ್ರಮುಖ ಪಾತ್ರಗಳಲ್ಲಿದ್ದಾರೆ.

ಪುನೀತ್‌ ರಾಜ್‌ಕುಮಾರ್‌ ಈಗ ಸಿವಿಲ್ ಎಂಜಿನಿಯರ್

2016ರಲ್ಲಿ ಪುನೀತ್‌ ರಾಜ್‌ಕುಮಾರ್‌ ನಟನೆಯ ಚಕ್ರವ್ಯೂಹ ಸಿನಿಮಾ ಬಿಡುಗಡೆ ಆಗಿತ್ತು. ಈಗ ಇದೇ ಸಿನಿಮಾ 'ಸಿವಿಲ್ ಎಂಜಿನಿಯರ್' ಹೆಸರಿನಲ್ಲಿ ತೆಲುಗಿಗೆ ಡಬ್‌ ಆಗಿ ಒಟಿಟಿಯಲ್ಲಿ ಬಿಡುಗಡೆ ಆಗುತ್ತಿದೆ. ಈ ಸಿನಿಮಾ ಅಕ್ಟೋಬರ್ 30ರಿಂದ Bcineet OTTಯಲ್ಲಿ ಡಿಜಿಟಲ್ ಸ್ಟ್ರೀಮ್ ಆಗಲಿದೆ. ಈ ಚಿತ್ರದಲ್ಲಿ ರಚಿತಾ ರಾಮ್ ನಾಯಕಿಯಾಗಿ ನಟಿಸಿದ್ದು, ಶರವಣನ್‌ ಈ ಚಿತ್ರದ ನಿರ್ದೇಶಕರು.

ಇದನ್ನೂ ಓದಿ: ಅಪ್ಪನಿಗೆ ಇಷ್ಟದ ಕೇಕ್‌ ಅರ್ಪಿಸಿ, ಪೂಜೆ ಸಲ್ಲಿಸಿದ ಪುತ್ರಿ ವಂದಿತಾ; ಅಮ್ಮ ಅಶ್ವಿನಿ ಪುನೀತ್‌ ರಾಜ್‌ಕುಮಾರ್‌, ರಾಘಣ್ಣ ಸೇರಿ ಹಲವರು ಭಾಗಿ

ಲವ್ 911 ಒಟಿಟಿ

ಕೊರಿಯನ್ ರೊಮ್ಯಾಂಟಿಕ್ ಥ್ರಿಲ್ಲರ್ ಸಿನಿಮಾ ಲವ್ 911. ಈ ಸಿನಿಮಾ, ಅಕ್ಟೋಬರ್ 30ರಂದು ಅಮೆಜಾನ್‌ ಪ್ರೈಂನಲ್ಲಿ ಡಿಜಿಟಲ್‌ ಸ್ಟ್ರೀಮಿಂಗ್‌ ಆಗಲಿದೆ. ಲವ್ 911 ಸಿನಿಮಾ ಕೊರಿಯನ್, ಹಿಂದಿ, ತೆಲುಗು ಮತ್ತು ತಮಿಳು ಭಾಷೆಗಳಲ್ಲಿ ಡಬ್‌ ಆಗಿದ್ದು, ಅಮೆಜಾನ್ ಪ್ರೈಮ್‌ನಲ್ಲಿ ಸ್ಟ್ರೀಮಿಂಗ್ ಆರಂಭಿಸಲಿದೆ.