ಐಎಂಡಿಬಿಯ 250 ಸಾರ್ವಕಾಲಿಕ ಭಾರತೀಯ ಶ್ರೇಷ್ಠ ಸಿನಿಮಾಗಳಿವು; ಲಿಸ್ಟ್‌ನಲ್ಲಿದೆ ರಕ್ಷಿತ್‌ ಶೆಟ್ಟಿ, ಯಶ್‌ ಅಭಿನಯದ ಚಿತ್ರಗಳು
Oct 03, 2024 04:22 PM IST
Share
ಐಎಂಡಿಬಿಯ 250 ಸಾರ್ವಕಾಲಿಕ ಭಾರತೀಯ ಶ್ರೇಷ್ಠ ಸಿನಿಮಾಗಳಿವು; ಲಿಸ್ಟ್‌ನಲ್ಲಿದೆ ರಕ್ಷಿತ್‌ ಶೆಟ್ಟಿ, ಯಶ್‌ ಅಭಿನಯದ ಚಿತ್ರಗಳು
ಸಿನಿಮಾ, ಟಿವಿ ಶೋ ಹಾಗೂ ಸಿನಿಮಾ ತಾರೆಯರ ಅಧಿಕೃತ ಮಾಹಿತಿ ಮೂಲವೆನಿಸಿಕೊಂಡಿರುವ ವಿಶ್ವ ಪ್ರಸಿದ್ಧ ಐಎಂಡಿಬಿ ಸೆಪ್ಟೆಂಬರ್ 22ರಲ್ಲಿ ಭಾರತೀಯ ಟಾಪ್ 250 ಸಿನಿಮಾಗಳ ಲಿಸ್ಟ್‌ ಸಿದ್ದಪಡಿಸಿದೆ. ಅದರಲ್ಲಿ ಕನ್ನಡದ ಕಾಂತಾರ, 777 ಚಾರ್ಲಿ, ಕೆಜಿಎಫ್ ಭಾಗ 1, ಕೆಜಿಎಫ್ ಭಾಗ 2 ಸಿನಿಮಾಗಳು ಕೂಡಾ ಸೇರಿವೆ.
ಐಎಂಡಿಬಿ ಜಗತ್ತಿನ ಸಿನಿಮಾ, ಟಿವಿ ಶೋ ಹಾಗೂ ಸಿನಿಮಾ ತಾರೆಯರ ಅಧಿಕೃತ ಮಾಹಿತಿ ಮೂಲವೆನಿಸಿಕೊಂಡಿರುವ ವಿಶ್ವಪ್ರಸಿದ್ಧ ತಾಣ. ಅಕ್ಟೋಬರ್ 2022ರಲ್ಲಿ ಆರಂಭವಾದ ಐಎಂಡಿಬಿ ಇನ್‌ಸ್ಟಾಗ್ರಾಂ ಖಾತೆಯು ಇದುವರೆಗೂ 250,000 ಫಾಲೋವರ್‍‌ಗಳನ್ನು ಗಳಿಸಿದೆ. ಜನರಿಗೆ ಇನ್ನಷ್ಟು ಮಾಹಿತಿ ನೀಡುವ ಉದ್ದೇಶದಿಂದ ಐಎಂಡಿಬಿ ಸಾರ್ವಕಾಲಿಕ ಶ್ರೇಷ್ಠ ಟಾಪ್ 250 ಭಾರತೀಯ ಸಿನಿಮಾಗಳ ಪೋಸ್ಟರ್ ವಿನ್ಯಾಸಗೊಳಿಸಿದೆ. ಇದನ್ನು ಆಯ್ದ ಮನರಂಜನಾ ಉದ್ಯಮದ ನಾಯಕರಿಗೆ ಉಡುಗೊರೆಯಾಗಿ ನೀಡಲಾಗುತ್ತಿದೆ. ಜೊತೆಗೆ ಐಎಂಡಿಬಿ ಇಂಡಿಯಾ, ಇನ್‌ಸ್ಟಾಗ್ರಾಮ್‌ನಲ್ಲಿ ಸ್ಪರ್ಧೆಯನ್ನು ಆಯೋಜಿಸುತ್ತದೆ, ಆಯ್ದ ಅಭಿಮಾನಿಗಳಿಗೆ ಈ ಪೋಸ್ಟರ್ ಗೆಲ್ಲುವ ಅವಕಾಶವನ್ನು ನೀಡುತ್ತಿದೆ. ಸ್ಪರ್ಧೆ ಕುರಿತು ಇನ್ನಷ್ಟು ತಿಳಿದುಕೊಳ್ಳಲು ಐಎಂಡಿಬಿ ಇಂಡಿಯಾ ಇನ್‌ಸ್ಟಾಗ್ರಾಮ್‌ ಗೆ ಭೇಟಿ ನೀಡಿ.
ಐಎಂಡಿಬಿ ಟಾಪ್ 250 ಭಾರತೀಯ ಚಲನಚಿತ್ರಗಳ ಪಟ್ಟಿಯು ಅತ್ಯಧಿಕ-ರೇಟಿಂಗ್‌ ಪಡೆದ ಭಾರತೀಯ ಚಲನಚಿತ್ರಗಳ ಸಂಗ್ರಹವಾಗಿದೆ. ಇದು ಅಭಿಮಾನಿಗಳಿಗೆ ಹೊಸ ಸಿನಿಮಾಗಳನ್ನು ಸಂಭ್ರಮಿಸಲು ಮತ್ತು ಅನ್ವೇಷಿಸಲು ನೆರವಾಗುತ್ತದೆ. IMDb ನಲ್ಲಿ ನಿಯಮಿತವಾಗಿ ಮತ ಚಲಾಯಿಸುವ ಐಎಂಡಿಬಿ ಬಳಕೆದಾರರ ರೇಟಿಂಗ್‌ಗಳಿಂದ ಈ ಡೈನಾಮಿಕ್ ಪಟ್ಟಿಯಲ್ಲಿರುವ ಶೀರ್ಷಿಕೆಗಳನ್ನು ನಿರ್ಧರಿಸಲಾಗುತ್ತದೆ. 2023ರ ವಿಮರ್ಶಾತ್ಮಕವಾಗಿ ಮೆಚ್ಚುಗೆ ಪಡೆದ 12th Fail ಸಿನಿಮಾ ಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿದೆ. ಇದರ ಜೊತೆಗೆ ಮಹಾರಾಜ, ಕಾಂತಾರ, 777 ಚಾರ್ಲಿ, ಕೆಜಿಎಫ್, ಲಾಪತಾ ಲೇಡೀಸ್, ಪಥೇರ್‌ ಪಾಂಚಾಲಿ, ರಾಕೆಟ್ರಿ: ದಿ ನಂಬಿ ಎಫೆಕ್ಟ್ಸ್‌, ಪಿಕೆ, ದಿ ಹೀರೋ ಸೇರಿ ವಿವಿಧ ಭಾಷೆಗಳ ಸಿನಿಮಾಗಳಿವೆ. ಇದು ಭಾರತೀಯ ಸಿನಿಮಾದ ವೈವಿಧ್ಯತೆಯನ್ನು ಪ್ರದರ್ಶಿಸುತ್ತದೆ. ಲಿಸ್ಟ್‌ನಲ್ಲಿರುವ 250 ಸಿನಿಮಾಗಳು IMDb ನಲ್ಲಿ 8.5 ಮಿಲಿಯನ್‌ಗಿಂತಲೂ ಹೆಚ್ಚು ಮತಗಳನ್ನು ಪಡೆದಿವೆ.
22 ಸೆಪ್ಟೆಂಬರ್ 2024 ರಲ್ಲಿ ತಯಾರಾದ ಟಾಪ್ 20 ಸಿನಿಮಾಗಳ ಲಿಸ್ಟ್‌ ಇಲ್ಲಿದೆ
1. 12 ಫೇಲ್‌
2. ಗೋಲ್‌ಮಾಲ್‌
3. ನಾಯಕನ್‌
4. ಮಹಾರಾಜ
5. ಅಪುರ್ ಸಂಸಾರ್
6. ಅನ್‌ಬೆ ಶಿವಂ
7. ಪೆರಿಯೆರುಂ ಪೆರುಮಾಳ್‌
8. 3 ಈಡಿಯಟ್ಸ್‌
9. #ಹೋಮ್‌
10. ಮಣಿಚಿತ್ರತಾಳ್‌
11. ಬ್ಲಾಕ್‌ ಫ್ರೈಡೇ
12. ಕುಂಬಳಂಗಿ ನೈಟ್ಸ್‌
13. ರಾಕೆಟ್ರಿ: ದಿ ನಂಬಿ ಎಫೆಕ್ಟ್ಸ್‌
14. 777 ಚಾರ್ಲಿ
15. ಕರೀಡಿಂ
16. ಕೇರಾಫ್‌ ಕಂಚಾರಪಾಲೆಂ
17. ತಾರೆ ಝಮೀನ್‌ ಪರ್‍
18. ಸಂದೇಶಂ
19. ದಂಗಲ್
20. ಲಾಪತಾ ಲೇಡೀಸ್
ಲಿಸ್ಟ್‌ನಲ್ಲಿ ಸೇರಿದೆ ಸೀಕ್ವೆಲ್‌ ಚಿತ್ರಗಳು
ಮಣಿರತ್ನಂ ನಿರ್ದೇಶನದ 7 ಚಿತ್ರಗಳು ಈ ಪಟ್ಟಿಯಲ್ಲಿದ್ದು ನಂತರದ ಸ್ಥಾನದಲ್ಲಿ ಅನುರಾಗ್‌ ಕಶ್ಯಪ್ ನಿರ್ದೇಶನದ 6 ಚಿತ್ರಗಳು ಲಿಸ್ಟ್‌ನಲ್ಲಿ ಸ್ಥಾನ ಪಡೆದುಕೊಂಡಿವೆ. ಅಚ್ಚರಿಯ ಸಂಗತಿಯೆಂದರೆ ಸೀಕ್ವೆಲ್‌ಗಳನ್ನು ಒಳಗೊಂಡ 6 ಚಿತ್ರಗಳೂ ಈ ಪಟ್ಟಿಯಲ್ಲಿದೆ. ದೃಶ್ಯಂ ( ಮಲಯಾಳಂ) ಮತ್ತು ದೃಶ್ಯಂ 2 (ಮಲಯಾಳಂ), ದೃಶ್ಯಂ (ಹಿಂದಿ) ಮತ್ತು ದೃಶ್ಯಂ 2 (ಹಿಂದಿ), ಮುನ್ನಾ ಭಾಯಿ ಎಂಬಿಬಿಎಸ್ ಮತ್ತು ಲಗೇ ರಹೋ ಮುನ್ನಾ ಭಾಯಿ, ಜಿಗರ್‍‌ಥಂಡಾ, ಮತ್ತು ಜಿಗರ್‍ ಥಂಡಾ ಡಬಲ್ ಎಕ್ಸ್‌, ಕೆಜಿಎಫ್: ಚಾಪ್ಟರ್ 1 ಮತ್ತು ಕೆಜಿಎಫ್ ಚಾಪ್ಟರ್ 2 ಮತ್ತು ಬಾಹುಬಲಿ:ದಿ ಬಿಗಿನಿಂಗ್‌ ಮತ್ತು ಬಾಹುಬಲಿ 2: ದಿ ಕನ್‌ಕ್ಲೂಷನ್‌ ಸಿನಿಮಾಗಳು ಪಟ್ಟಿಯಲ್ಲಿದೆ.