Yash 19: ಕೊನೆಗೂ ದೊಡ್ಡ ಸಿಗ್ನಲ್‌ ಕೊಟ್ಟ ಯಶ್‌; ಲೋಡಿಂಗ್‌ ಆಗ್ತಿದೆ ರಾಕಿಂಗ್‌ ಸ್ಟಾರ್‌ ಹೊಸ ಸಿನಿಮಾ
Dec 03, 2023 08:28 PM IST
Share
ಯಶ್‌ ಮುಂದಿನ ಸಿನಿಮಾ ಯಾವುದು? ಲೋಡಿಂಗ್‌ ಸಿಗ್ನಲ್‌ ನೀಡಿದ ಯಶ್‌
- KGF actor Yash: ಕೆಜಿಎಫ್‌ ನಟ ಯಶ್‌ ಅವರು ಇನ್‌ಸ್ಟಾಗ್ರಾಂನಲ್ಲಿ ಲೋಡಿಂಗ್‌ ಎಂಬ ಪೋಸ್ಟರ್‌ ಅಪ್ಲೋಡ್‌ ಮಾಡಿದ್ದಾರೆ. ಈ ಮೂಲಕ ದೊಡ್ಡ ಅಪ್‌ಡೇಟ್‌ ಸದ್ಯದಲ್ಲಿಯೇ ನೀಡುವ ಸೂಚನೆ ನೀಡಿದ್ದರು. ಯಶ್‌ ಕಡೆಯಿಂದ ಒಂದೆರಡು ದಿನಗಳಲ್ಲಿಯೇ ಅಪ್‌ಡೇಟ್‌ ಬರುವ ಸೂಚನೆಯಿದೆ.
Kannada Actor Yash Updates: ಕನ್ನಡ ನಟ ಯಶ್‌ ಕೆಜಿಎಫ್‌ ಭಾಗ 1 ಮತ್ತು ಕೆಜಿಎಫ್‌ ಭಾಗ 2ರ ಬಳಿಕ ಯಾವುದೇ ಹೊಸ ಸಿನಿಮಾದ ಕುರಿತು ಅಪ್‌ಡೇಟ್‌ ನೀಡಿಲ್ಲ. ಇವರು ಹಿಂದಿ ರಾಮಾಯಣದಲ್ಲಿ ನಟಿಸುತ್ತಿದ್ದಾರೆ. ಇದಲ್ಲದೆ ಬೇರೆ ಯಾವುದೇ ಅಪ್‌ಡೇಟ್‌ ನೀಡಿಲ್ಲ. ದಸರಾ ಹಬ್ಬದ ಸಮಯದಲ್ಲಿಯಾದರೂ ಯಶ್‌ ಅವರು ಏನಾದರೂ ಶುಭ ಸುದ್ದಿ ನೀಡಬಹುದು ಎಂದು ಅಭಿಮಾನಿಗಳು ಕಾದಿದ್ದರು. ಆದರೆ, ದಸರಾ, ಆಯುಧ ಪೂಜೆ ಮುಗಿದರೂ ಯಶ್‌ ಕಡೆಯಿಂದ ಏನೂ ಅಪ್‌ಡೇಟ್‌ ಬಂದಿರಲಿಲ್ಲ. ದೀಪಾವಳಿ ಹಬ್ಬದ ಸಮಯದಲ್ಲಿಯಾದರೂ ಯಶ್‌ ದೊಡ್ಡ ಸುದ್ದಿ ಏನಾದರೂ ನೀಡಬಹುದು ಎಂದು ಸಾಕಷ್ಟು ಜನರು ನಿರೀಕ್ಷೆಯಲ್ಲಿದ್ದರು. ದೀಪಾವಳಿ ಪಟಾಕಿ ಸದ್ದು ಮುಗಿದರೂ ಯಶ್‌ ಕಡೆಯಿಂದ ಏನೂ ಅಪ್‌ಡೇಟ್‌ ಬಂದಿರಲಿಲ್ಲ. ಇದನ್ನೂ ಓದಿ: ನಟನೆಯಲ್ಲಿ ಮಾಸ್‌ ಕಾಸ್‌ನಲ್ಲೂ ಬಾಸ್‌: ರಜನಿಕಾಂತ್‌ರಿಂದ ರಾಕಿಂಗ್‌ ಸ್ಟಾರ್‌ ಯಶ್‌ವರೆಗೆ, ದಕ್ಷಿಣ ಭಾರತದ 7 ಶ್ರೀಮಂತ ನಟರು ಇವರೇ ನೋಡಿ
ಯಶ್‌ ಲೋಡಿಂಗ್‌
ಆದರೆ, ಇದೀಗ ಯಶ್‌ ಕಡೆಯಿಂದ ಒಂದು ಅಪ್‌ಡೇಟ್‌ ಬಂದಿದೆ. ಅವರು ತಮ್ಮ ಇನ್‌ಸ್ಟಾಗ್ರಾಂ ಅಕೌಂಟ್‌ನ ಪ್ರೊಫೈಲ್‌ ಫಿಕ್ಚರ್‌ ಬದಲಾಯಿಸಿದ್ದಾರೆ. ನೀವೇನ್ರಿ, ಪ್ರೊಫೈಲ್‌ ಫಿಕ್ಚರ್‌ ಬದಲಾಯಿಸಿದರೆ ಅದೊಂದು ಸುದ್ದಿಯಾ ಎಂದು ಪ್ರಶ್ನಿಸಬಹುದು. ಸಿನಿಮಾ ನಟಿಯರು, ನಟರು ಪ್ರತಿನಿತ್ಯ ಇನ್‌ಸ್ಟಾಗ್ರಾಂನಲ್ಲಿ ಹೊಸ ಫೋಟೋಗಳನ್ನು ಅಪ್ಲೋಡ್‌ ಮಾಡುವುದು ಸಾಮಾನ್ಯ. ಇದರಲ್ಲಿ ಏನಿದೆ ವಿಶೇಷ ಎಂದು ಕೇಳುವಿರಾ? ಖಂಡಿತಾ ಇದೆ, ಇನ್‌ಸ್ಟಾಗ್ರಾಂನಲ್ಲಿ ಯಶ್‌ ತಮ್ಮ ಪ್ರೊಫೈಲ್‌ ಫಿಕ್ಚರ್‌ನಲ್ಲಿ ತಮ್ಮ ಫೋಟೋ ಬದಲಾಯಿಸಿಲ್ಲ. ಲೋಡಿಂಗ್‌ ಎಂಬ ಪೋಸ್ಟರ್‌ ಅನ್ನು ಅಪ್ಲೋಡ್‌ ಮಾಡಿದ್ದಾರೆ. ಈ ಮೂಲಕ ಏನು ಲೋಡಿಂಗ್‌ ಎಂಬ ಕುತೂಹಲವನ್ನು ಜನರಲ್ಲಿ ಮೂಡಿಸಿದ್ದಾರೆ.
ಲೋಡಿಂಗ್‌ ಎಂದರೆ ಸದ್ಯದಲ್ಲಿಯೇ ಲೋಡ್‌ ಆಗಲಿದೆ ಎನ್ನುವುದರ ಸೂಚನೆ. ಈಗಿನ ಹೈಸ್ಪೀಡ್‌ ಇಂಟರ್‌ನೆಟ್‌ ಕಾಲದಲ್ಲಿ ಯಾವುದೇ ವಿಡಿಯೋಗಳು ಬಫರ್‌ ಇಲ್ಲದೆ ತಕ್ಷಣ ಲೋಡ್‌ ಆಗುತ್ತವೆ. ಆದರೆ, ಯಶ್‌ ಅವರ ಈ ಲೋಡಿಂಗ್‌ ಅಪ್‌ಡೇಟ್‌ ಎಷ್ಟು ಬೇಗ ಬರುತ್ತದೆ ಎಂಬ ವಿವರವಿಲ್ಲ. ಸದ್ಯದಲ್ಲಿ ಯಶ್‌ ಹೊಸ ಸುದ್ದಿ ಅಪ್‌ಡೇಟ್‌ ಮಾಡಲಿದ್ದಾರೆ ಎಂದು ಅಭಿಮಾನಿಗಳು ಅಂದಾಜಿಸಿದ್ದಾರೆ.
ಇನ್‌ಸ್ಟಾಗ್ರಾಂನಲ್ಲಿ ಇದು ಡಿಸ್‌ಪ್ಲೇ ಇಮೇಜ್‌ ಆಗಿರುವುದರಿಂದ ಇಲ್ಲಿ ಅಭಿಮಾನಿಗಳಿಗೆ ಕಾಮೆಂಟ್‌ ಮಾಡಲು ಅವಕಾಶವಿಲ್ಲ. ಆದರೆ, ಫೇಸ್‌ಬುಕ್‌ ಪ್ರೊಫೈಲ್‌ ಫಿಕ್ಚರ್‌ನಲ್ಲಿ ಬದಲಾದ ಲೋಡಿಂಗ್‌ ಇಮೇಜ್‌ಗೆ ಸಾಕಷ್ಟು ಜನರು ಪ್ರತಿಕ್ರಿಯೆ ನೀಡಿದ್ದಾರೆ. "ಕಾಯುವುದು ಸಾಧ್ಯವಿಲ್ಲ, ದೊಡ್ಡ ಘೋಷಣೆಗಾಗಿ ಕಾಯುತ್ತಿದ್ದೇವೆ, ಬಹುನಿರೀಕ್ಷೆಯಿಂದ ಕಾಯುತ್ತಿದ್ದೇವೆ" ಎಂದು ಸಾಕಷ್ಟು ಅಭಿಮಾನಿಗಳು ಕಾಮೆಂಟ್‌ ಮಾಡಿದ್ದಾರೆ. "ಕೆಜಿಎಫ್‌ 3ಗಾಗಿ ಕಾಯಲಾರೆವು" ಎಂದು ಕೂಡ ಕೆಲವರು ಕಾಮೆಂಟ್‌ ಮಾಡಿದ್ದಾರೆ. ವೈಟಿಂಗ್‌ ಫ್ರಮ್‌ ಬಾಂಗ್ಲಾದೇಶ್‌ ಇತ್ಯಾದಿ ವಿದೇಶಿ ಕಾಮೆಂಟ್‌ಗಳು ಕಾಣಿಸುತ್ತಿವೆ. ಅರೇಬಿಕ್‌ ಭಾಷೆಯ ಕಾಮೆಂಟ್‌ಗಳೂ ಇವೆ. ಈ ಮೂಲಕ ಯಶ್‌ ನೀಡಲಿರುವ ಅಪ್‌ಡೇಟ್‌ಗೆ ಭಾರತ ಮಾತ್ರವಲ್ಲದೆ ಜಗತ್ತಿನಾದ್ಯಂತ ಇರುವ ಅಭಿಮಾನಿಗಳು ಕಾಯುತ್ತಿರುವಂತೆ ಕಾಣಿಸುತ್ತಿದೆ. ಇದನ್ನು ನೋಡಿ: ಯಶ್‌ ಜತೆಗಿನ ಕ್ಯೂಟ್‌ ಫೋಟೋಗಳನ್ನು ಹಂಚಿಕೊಂಡ ರಾಧಿಕಾ ಪಂಡಿತ್‌; ರಾಕಿಂಗ್‌ ಜೋಡಿ ಫೋಟೋಸ್‌ ನೋಡಿ ಏನಂದ್ರು ಫ್ಯಾನ್ಸ್‌
ಯಶ್‌ರ ಮುಂದಿನ ಸಿನಿಮಾ
ಕೆಜಿಎಫ್‌ ನಟ ಯಶ್‌ರ ಮುಂದಿನ ಸಿನಿಮಾ ಯಾವುದು ಎಂಬ ಕುತೂಹಲ ಎಲ್ಲರಲ್ಲಿಯೂ ಇದೆ. 2016ರಲ್ಲಿ ಸಂತು ಸ್ಟ್ರೈಟ್‌ ಫಾರ್ವಾರ್ಡ್‌ ಬಳಿಕ ಕೆಜಿಎಫ್‌ನಲ್ಲಿ ನಟಿಸಿದ್ದರು. ಕೆಜಿಎಫ್‌ನ ಅಭೂತಪೂರ್ವ ಗೆಲುವಿನ ಬಳಿಕ ಯಶ್‌ ಅವರ ಮೇಲೆ ಅಭಿಮಾನಿಗಳ ನಿರೀಕ್ಷೆಯೂ ದೊಡ್ಡದಾಗಿದೆ. ಹೀಗಾಗಿ, ಇವರು ನೀಡುವ ಮುಂದಿನ ಅಪ್‌ಡೇಟ್‌ ಏನು ಎಂಬ ಕುತೂಹಲ ಯಶ್‌ ಅಭಿಮಾನಿಗಳಲ್ಲಿದೆ.