ನಟನೆಯಲ್ಲಿ ಮಾಸ್‌ ಕಾಸ್‌ನಲ್ಲೂ ಬಾಸ್‌: ರಜನಿಕಾಂತ್‌ರಿಂದ ರಾಕಿಂಗ್‌ ಸ್ಟಾರ್‌ ಯಶ್‌ವರೆಗೆ, ದಕ್ಷಿಣ ಭಾರತದ 7 ಶ್ರೀಮಂತ ನಟರು ಇವರೇ ನೋಡಿ
- Top 7 richest actors in South India: ಅತ್ಯಧಿಕ ಸಂಭಾವನೆ ಪಡೆಯುವ ನಟರಲ್ಲಿ ರಾಕಿಂಗ್‌ ಸ್ಟಾರ್‌ ಯಶ್‌ ಕೂಡ ಸ್ಥಾನ ಪಡೆದಿದ್ದಾರೆ. ದಕ್ಷಿಣ ಭಾರತದಲ್ಲಿ ರಜನಿಕಾಂತ್‌, ಪ್ರಭಾಸ್‌, ವಿಜಯ್‌, ಕಮಲ್‌ ಹಾಸನ್‌, ಅಲ್ಲು ಅರ್ಜುನ್‌, ರಾಮ್‌ ಚರಣ್‌ ಮತ್ತು ರಾಕಿಂಗ್‌ ಸ್ಟಾರ್‌ ಯಶ್‌ ಅವರು ಪಡೆಯುವ ಸಂಭಾವನೆಯ ವಿವರ ಇಲ್ಲಿದೆ.
- Top 7 richest actors in South India: ಅತ್ಯಧಿಕ ಸಂಭಾವನೆ ಪಡೆಯುವ ನಟರಲ್ಲಿ ರಾಕಿಂಗ್‌ ಸ್ಟಾರ್‌ ಯಶ್‌ ಕೂಡ ಸ್ಥಾನ ಪಡೆದಿದ್ದಾರೆ. ದಕ್ಷಿಣ ಭಾರತದಲ್ಲಿ ರಜನಿಕಾಂತ್‌, ಪ್ರಭಾಸ್‌, ವಿಜಯ್‌, ಕಮಲ್‌ ಹಾಸನ್‌, ಅಲ್ಲು ಅರ್ಜುನ್‌, ರಾಮ್‌ ಚರಣ್‌ ಮತ್ತು ರಾಕಿಂಗ್‌ ಸ್ಟಾರ್‌ ಯಶ್‌ ಅವರು ಪಡೆಯುವ ಸಂಭಾವನೆಯ ವಿವರ ಇಲ್ಲಿದೆ.
(1 / 8)
Top 7 richest actors in South India: ದಕ್ಷಿಣ ಭಾರತದ ಸ್ಟಾರ್‌ ನಟರು ಪಡೆಯುವ ವೇತನ ಈಗ ಬಾಲಿವುಡ್‌ನ ನಟನಟಿಯರಿಗೆ ಸವಾಲು ಹಾಕುವಂತೆ ಇದೆ. ರಜನಿಕಾಂತ್‌, ಪ್ರಭಾಸ್‌, ದಳಪತಿ ವಿಜಯ್‌, ಕಮಲ್‌ಹಾಸನ್‌, ಅಲ್ಲೂ ಅರ್ಜುನ್‌, ರಾಕಿಂಗ್‌ ಸ್ಟಾರ್‌ ಯಶ್‌, ರಾಮ್‌ ಚರಣ್‌ ಅವರು ಅತ್ಯಧಿಕ ಸಂಭಾವನೆ ಪಡೆಯುವ ನಟರು. ಜತೆಗೆ, ಇವರು ದಕ್ಷಿಣ ಭಾರತದ ಶ್ರೀಮಂತ ನಟರೂ ಹೌದು.
(2 / 8)
ರಜನಿಕಾಂತ್‌: ಭಾರತದ ಶ್ರೀಮಂತ ನಟನೆಯಲ್ಲಿ ಒಬ್ಬರಾದ ರಜನಿಕಾಂತ್‌ ಪ್ರತಿಚಿತ್ರಕ್ಕೆ ಅಂದಾಜು 150 ಕೋಟಿ ರೂಪಾಯಿ ಸಂಭಾವನೆ ಪಡೆಯುತ್ತಾರೆ. ಇವರ ಬಹುತೇಕ ಚಿತ್ರಗಳು ಬಾಕ್ಸ್‌ ಆಫೀಸ್‌ನಲ್ಲಿ ಭರ್ಜರಿ ಗಳಿಕೆ ಮಾಡುತ್ತವೆ. ಬೆಂಗಳೂರಿನಲ್ಲಿ ಬಿಎಂಟಿಸಿ ಚಾಲಕರಾಗಿದ್ದ ರಜನಿಕಾಂತ್‌ ಈಗ ಜಗತ್ತಿನ ಪ್ರಮುಖ ನಟರಲ್ಲಿ ಒಬ್ಬರು. ಇವರು ದಕ್ಷಿಣ ಭಾರತದ ಅತ್ಯಧಿಕ ವೇತನ ಪಡೆಯುವ ನಟರಾಗಿದ್ದಾರೆ.
(3 / 8)
ಪ್ರಭಾಸ್‌: ಬಾಹುಬಲಿ ಚಿತ್ರದ ಬಳಿಕ ಪ್ರಭಾಸ್‌ ಅವರು ದಕ್ಷಿಣ ಭಾರತದ ಶ್ರೀಮಂತ ನಟರಲ್ಲಿ ಒಬ್ಬರಾಗಿದ್ದಾರೆ. ಈ ಚಿತ್ರದ ಬಳಿಕ ಅವರ ಕೆಲವು ಚಿತ್ರಗಳು ನಿರೀಕ್ಷೆಯಷ್ಟು ಯಶಸ್ಸು ಪಡೆದಿಲ್ಲ. ಜತೆಗೆ, ಬಾಹುಬಲಿ ಬಳಿಕದ ಚಿತ್ರಗಳಿಗೆ ಎಷ್ಟು ಸಂಭಾವನೆ ಪಡೆದಿದ್ದಾರೆ ಎನ್ನುವುದೂ ಗೊತ್ತಿಲ್ಲ. ವರದಿಗಳ ಪ್ರಕಾರ ಪ್ರಭಾಸ್‌ ಅವರು ಪ್ರತಿ ಚಿತ್ರದಲ್ಲಿ ನಟಿಸಲು 150 ಕೋಟಿ ರೂಪಾಯಿ ಪಡೆಯುತ್ತಾರೆ.
(4 / 8)
ದಳಪತಿ ವಿಜಯ್‌: ತಮಿಳು ನಟ ದಳಪತಿ ವಿಜಯ್‌ ಅವರ ನಟನೆಯ ಲಿಯೋ ಇತ್ತೀಚೆಗೆ ಬಿಡುಗಡೆಯಾಗಿದೆ. ಇವರು ಪ್ರತಿಚಿತ್ರಕ್ಕೆ 150 ಕೋಟಿ ರೂಪಾಯಿ ಸಂಭಾವನೆ ಪಡೆಯುತ್ತಾರೆ. ಇವರು ಕೂಡ ಪ್ರಭಾಸ್‌ ಮತ್ತು ರಜನಿಕಾಂತ್‌ರಷ್ಟೇ ಸಂಭಾವನೆ ಪಡೆಯುವ ನಟ.
(5 / 8)
ಕಮಲ್‌ ಹಾಸನ್‌: ಕನ್ನಡದಲ್ಲಿ ರಾಮ ಶಾಮ ಭಾಮ ಮುಂತಾದ ಚಿತ್ರಗಳಲ್ಲಿ ನಟಿಸಿರುವ ಈ ಬಹುಭಾಷಾ ನಟನ ನಟನೆಗೆ ಮನಸೋಲದವರು ಇರಲಿಕ್ಕಿಲ್ಲ. ಇವರು ಒಂದು ಸಿನಿಮಾಕ್ಕೆ 150 ಕೋಟಿ ರೂಪಾಯಿ ಪಡೆಯುತ್ತಾರೆ. ದಕ್ಷಿಣ ಭಾರತದ ಅತ್ಯಧಿಕ ವೇತನ ಪಡೆಯುವ ನಟರಲ್ಲಿ ಒಬ್ಬರಾಗಿದ್ದಾರೆ.
(6 / 8)
ಅಲ್ಲೂ ಅರ್ಜುನ್‌: ತೆಲುಗು ನಟ ಅಲ್ಲೂ ಅರ್ಜುನ್‌ ಕೂಡ ಬಹುಬೇಡಿಕೆಯ ನಟ. ಇವರು ಪ್ರತಿ ಸಿನಿಮಾಕ್ಕೆ 125 ಕೋಟಿ ರೂಪಾಯಿ ಸಂಭಾವನೆ ಪಡೆಯುತ್ತಾರೆ. ಆದರೆ, ಪುಷ್ಪ 1 ಸಿನಿಮಾಕ್ಕೆ ಇವರು 45 ಕೋಟಿ ರೂಪಾಯಿ ಪಡೆದಿದ್ದರು. ಪುಷ್ಪ ಭಾಗ 2ಕ್ಕೆ ಇದರ ಡಬಲ್‌ ವೇತನ ಪಡೆದಿದ್ದರು. (filmfare)
(7 / 8)
ರಾಮ್‌ ಚರಣ್‌: ಚಿರಂಜೀವಿ ಪುತ್ರ ರಾಮ್‌ ಚರಣ್‌ ಕೂಡ ಅತ್ಯಧಿಕ ವೇತನ ಪಡೆಯುವ ದಕ್ಷಿಣ ಭಾರತದ ನಟ. ಇವರು ಪ್ರತಿಸಿನಿಮಾಕ್ಕೆ 100 ಕೋಟಿ ರೂಪಾಯಿ ಪಡೆಯುತ್ತಿದ್ದಾರೆ. ಆರ್‌ಆರ್‌ಆರ್‌ ಸಿನಿಮಾದ ಬಳಿಕ ಇವರ ಸಂಭಾವನೆ ಈ ಮಟ್ಟಕ್ಕೆ ತಲುಪಿದೆ. ಇದಕ್ಕೂ ಮೊದಲು ಪ್ರತಿ ಚಿತ್ರಕ್ಕೆ 35-50 ಕೋಟಿ ರೂಪಾಯಿ ಪಡೆಯುತ್ತಿದ್ದರು.
(8 / 8)
ರಾಕಿಂಗ್‌ ಸ್ಟಾರ್‌ ಯಶ್‌: ಕೆಜಿಎಫ್‌ ಮೂಲಕ ಖ್ಯಾತಿ ಪಡೆದ ರಾಕಿಂಗ್‌ ಸ್ಟಾರ್‌ ಯಶ್‌ ಕೂಡ ದಕ್ಷಿಣ ಭಾರತದ ಶ್ರೀಮಂತ ನಟರ ಸಾಲಿಗೆ ಸೇರಿರುವುದು ಖುಷಿಯ ವಿಚಾರ. ಇವರು ಕೆಜಿಎಫ್‌ನಲ್ಲಿ ನಟಿಸಲು ಸುಮಾರು 30 ಕೋಟಿ ರೂಪಾಯಿ ತೆಗೆದುಕೊಂಡಿದ್ದರು. ಕೆಜಿಎಫ್‌ 2ಗೆ ಇವರು 50 ಕೋಟಿ ರೂಪಾಯಿಗೂ ಹೆಚ್ಚು ಸಂಭಾವನೆ ಪಡೆದಿದ್ದರು. ತೆಲುಗು ಸಿನಿಮಾವೊಂದಕ್ಕೆ ಯಶ್‌ಗೆ 100 ಕೋಟಿ ರೂಪಾಯಿ ಸಂಭಾವನೆ ನೀಡಲು ನಿರ್ದೇಶಕರು ಮುಂದೆ ಬಂದಿದ್ದಾರೆ. ದಿಲ್‌ ರಾಜಾ ಅವರ ಸಿನಿಮಾಕ್ಕೆ ಒಪ್ಪಿದರೆ ಯಶ್‌ ಕೋಟ ನೂರು ಕೋಟಿ ವೇತನ ಪಡೆಯುವ ನಟರಾಗಲಿದ್ದಾರೆ. (disclaimer: ಲಭ್ಯವಿರುವ ಮಾಹಿತಿ ಆಧರಿಸಿದ ಬರಹ. ಕಲಾವಿದರು ಪಡೆಯುವ ವೇತನ, ಸಂಭಾವನೆ ಕುರಿತು ಅಧಿಕೃತ ಮಾಹಿತಿ ಲಭ್ಯವಿಲ್ಲ)(wallpapers)
ಇತರ ಗ್ಯಾಲರಿಗಳು