ಅಲ್ಲಾಡಿಸೋದಕ್ಕೆ ಗಿಲ್ಲಾಡಿಸೋದಕ್ಕೆ ವಾಟ್‌? ಬಿಗ್‌ಬಾಸ್‌ ಕನ್ನಡದಲ್ಲಿ ಶೋಭಾ ಶೆಟ್ಟಿ ಅಬ್ಬರಕ್ಕೆ ಅವಕ್ಕಾದ ಸ್ಪರ್ಧಿಗಳು, ಯಪ್ಪಾ ಎಂದ ಹನುಮಂತ

ಬಿಗ್‌ಬಾಸ್‌ ಕನ್ನಡ ಸೀಸನ್‌ 11ಕ್ಕೆ ವೈಲ್ಡ್‌ ಕಾರ್ಡ್‌ ಮೂಲಕ ಪ್ರವೇಶ ಪಡೆದಿರುವ ಶೋಭಾ ಶೆಟ್ಟಿ ಮತ್ತು ರಜತ್‌ ತಮ್ಮ ಆಟ ಆರಂಭಿಸಿದ್ದಾರೆ. ಬಿಗ್‌ಬಾಸ್‌ನ ಇಂದಿನ ಸಂಚಿಕೆಯಲ್ಲಿ ಶೋಭಾ ಶೆಟ್ಟಿ ಮತ್ತು ಉಗ್ರಂ ಮಂಜು ನಡುವೆ ಮಾತಿನ ಸಮರ ಕಾಣಿಸಿಕೊಂಡಿದೆ. ಈ ಸಮಯದಲ್ಲಿ ಶೋಭಾ ಶೆಟ್ಟಿ ಆಟವನ್ನು ನೋಡಿ ಹನುಮಂತ "ಯಪ್ಪಾ" ಎಂದು ಅವಕ್ಕಾಗಿದ್ದಾರೆ. ಈ ಕುರಿತು ಕಲರ್ಸ್‌ ಕನ್ನಡ ಪ್ರಮೋದಲ್ಲಿ ಸಾಕಷ್ಟು ವಿಚಾರ ಬಹಿರಂಗವಾಗಿದೆ.

ಹೊಸದಾಗಿ ಬಂದಿರುವ ಶೋಭಾ ಶೆಟ್ಟಿ ಮತ್ತು ರಜತ್‌ ಅವರ ನಡುವೆ ದೊಡ್ಮನೆಗೆ ಕ್ಯಾಪ್ಟನ್‌ ಆಗಲು ಯಾರು ಅರ್ಹರು? ಯಾರು ಅನರ್ಹರು? ಎಂದು ಕಾರಣ ಸಹಿತ ತಿಳಿಸಬೇಕು ಎಂದು ಬಿಗ್‌ಬಾಸ್‌ ಧ್ವನಿ ಕೇಳಿಸುತ್ತದೆ. ಈ ಸಮಯದಲ್ಲಿ ಉಗ್ರಂ ಮಂಜು ಅವರು ಶೋಭಾ ಶೆಟ್ಟಿ ಹೆಸರನ್ನು ಸೂಚಿಸಿ ಇವರು ಅನರ್ಹರು ಎನ್ನುತ್ತಾರೆ. "ರೂಲ್ಸ್‌ ಆಂಡ್‌ ರೆಗ್ಯುಲೇಷನ್‌ ಏನಿರುತ್ತದೆಯೋ, ಅದನ್ನೆಲ್ಲ ಅಲ್ಲಾಡಿಸಿದ್ದು ಶೋಭಾ ಅವರು" ಎಂದು ಉಗ್ರಂ ಮಂಜು ಹೇಳುತ್ತಾರೆ.

ಇದನ್ನು ಕೇಳಿ ಕೋಪಗೊಂಡ ಶೋಭಾ ಶೆಟ್ಟಿ "ಅಲ್ಲಾಡಿಸೋದಕ್ಕೆ ಗಿಲ್ಲಾಡಿಸೋದಕ್ಕೆ ವಾಟ್‌?" ಎಂದು ಪ್ರಶ್ನಿಸುತ್ತಾರೆ. ಈ ಡೈಲಾಗ್‌, ಅಬ್ಬರ ಕೇಳಿ ಹನುಮಂತ ಮತ್ತು ಧನರಾಜ್‌ "ಏನೋಪ್ಪ" ಎಂದುಕೊಳ್ಳುತ್ತಾರೆ. ಇದಾದ ಬಳಿಕ ಮಾತಿನ ಸಮರ ಜಾಸ್ತಿಯಾಗುತ್ತದೆ. "ಯಾಕೆ ಈ ರೀಸನ್‌ ಕೊಡ್ತಾ ಇದ್ದೀರ, ಏನು, ಯಾಕೆ" ಎಂದು ಜಗಳ ಜೋರಾಗುತ್ತದೆ. ಈ ಸಮಯದಲ್ಲಿ ಶೋಭಾ ಶೆಟ್ಟಿ ಜೋರಾಗಿ "ಕೇಳಿಸಿಕೊಳ್ಳಿ" ಎಂದು ಅಬ್ಬರಿಸುತ್ತಾರೆ. "ರೆಸ್ಪೆಕ್ಟ್‌... ಕಳೆದುಕೊಳ್ಳಬೇಡಿ" ಇದನ್ನು ಕೇಳಿ ಹನುಮಂತು "ಏನೂ ಮಾತನಾಡ್ತಾರೆ ರೀ ಯಪ್ಪಾ... ನಾವು ನೀವು ಮಾತ್ರ ಹುಚ್ಚು ನಾಯಿ ಅಂದುಕೊಂಡಿದ್ವಿ..." ಎಂದು ಅಚ್ಚರಿಯಿಂದ ಮಾತನಾಡಿಕೊಳ್ಳುತ್ತಾರೆ.

ಈ ಪ್ರಮೋಗೆ ಸಾಕಷ್ಟು ಜನರು ಕಾಮೆಂಟ್‌ ಮಾಡಿದ್ದಾರೆ. "ಶೋಭಾ ಅವರು ಬಿಗ್‌ಬಾಸ್‌ ನೋಡಿ ಮನೆಯೊಳಗೆ ಹೋಗಿದ್ದಾರೆ. ಅವರಿಗೆ ಯಾರು ಏನು ಅಂತ ಗೊತ್ತು" "ಶೋಭಾ ಬೆಂಕಿ, ಮಂಜಾ.. " "ಶೋಭಾ ಶೆಟ್ಟಿ ಇದು ಆಕ್ಚುವಲಿ ಚೆನ್ನಾಗಿರೋದು, ಮಂಜ ಮತ್ತು ಗೌತಮಿನ ರುಬ್ಬಿ, ಡೀಪ್‌ ಫ್ರೈ ಮಾಡಿ ಮುಕ್ಕಿ ಬಿಡಿ" "ದಿನದಿಂದ ದಿನಕ್ಕೆ ಮಂಜು ಅವರ ಸ್ಕ್ರೀನ್‌ಪ್ಲೇ ಜಾಸ್ತಿ ಆಗ್ತಾ ಇದೆ" "ಈ ಸಮಯದಲ್ಲಿ ಧನರಾಜ್‌ ಮತ್ತು ಹನುಮಂತರ ರಿಯಾಕ್ಷನ್‌ ಖುಷಿ ಕೊಡ್ತು" "ಮಂಜಣ್ಣ ಏನಿಲ್ಲ ಅಂದಾಗ ಕಿರುಚುತ್ತ ಇದ್ದಾರೆ" "ಕಲರ್ಸ್ ಕನ್ನಡ ವಿನಂತಿ ಕ್ಯಾಪ್ಟನ್ ಗೆ ಯಾವುದೇ ಅಧಿಕಾರ ಕೊಟ್ಟಿಲ್ಲ ಯಾಕೆ ಮತ್ತೆ ಕ್ಯಾಪ್ಟನ್ ಯಾಕೆ ಬೇಕು ಕಷ್ಟ ಪಟ್ಟು ಆಡಿರೋರಿಗೆ ಬೆಲೆ ಕೊಡಿ ಒಬ್ಬರನ್ನ Demotivate ಮಾಡಬೇಡಿ" ಎಂದೆಲ್ಲ ಸೋಷಿಯಲ್‌ ಮೀಡಿಯಾದಲ್ಲಿ ಜನರು ಕಾಮೆಂಟ್‌ ಮಾಡಿದ್ದಾರೆ.

ಶೋಭಾ ಶೆಟ್ಟಿ ಮತ್ತು ರಜತ್‌ ಅವರು ಎಂಟ್ರಿ ನೀಡಿದ ಬಳಿಕ ಬಿಬಿಕೆಯಲ್ಲಿ ಮತ್ತೆ ಆಟದ ಕಳೆ ಬಂದುಬಿಟ್ಟಿದೆ ಎಂದು ಸೋಷಿಯಲ್‌ ಮೀಡಿಯಾದಲ್ಲಿ ಚರ್ಚೆಯಾಗುತ್ತಿದೆ. ಇದೀಗ ಇವರಿಬ್ಬರಲ್ಲಿ ಒಬ್ಬರನ್ನು ನಾಯಕತ್ವದಿಂದ ಹೊರಗಿಡುವ ಆಟ ಆರಂಭವಾಗಿದೆ. ಸಹಜವಾಗಿಯೇ ಇದು ಬೆಂಕಿಗೆ ತುಪ್ಪ ಸುರಿದಂತೆ ಆಗಿದೆ. ಇವರಿಬ್ಬರೂ ಕ್ಯಾಪ್ಟನ್‌ ಸೀಟ್‌ಗಾಗಿ ಪ್ರಬಲ ಪೈಪೋಟಿ ನೀಡುತ್ತಿದ್ದಾರೆ.

ವೈಲ್ಡ್‌ಕಾರ್ಡ್‌ ಎಂಟ್ರಿ ನೀಡಿದ ರಜತ್‌ ಬುಜ್ಜಿ ಯಾರು?

ಸ್ಟ್ರಾಂಗ್‌ ಕಂಟೆಸ್ಟೆಂಟ್‌ ಆಗಿ ಎಂಟ್ರಿ ನೀಡಿರುವ ರಜತ್‌ ಬುಜಿ ಅವರು ಈಗಾಗಲೇ ಹಲವು ರಿಯಾಲಿಟಿ ಶೋನಲ್ಲಿ ನಟಿಸಿದ್ದಾರೆ. ಇವರು ಸೋಷಿಯಲ್‌ ಮೀಡಿಯಾದಲ್ಲಿ ಹೆಚ್ಚು ಪ್ರಚಲಿತದಲ್ಲಿದ್ದಾರೆ. ಈಗ ತನ್ನ ಬಿಸ್ನೆಸ್‌ ಕೆಲಸಗಳಲ್ಲಿ ನಿರತರಾಗಿದ್ದರು. ಇತ್ತೀಚೆಗೆ ದರ್ಶನ್‌ ವಿಚಾರಕ್ಕೆ, ವರುಣ್‌ ವರ್ಷ ಕಾವೇರಿ ವಿಚಾರದ ಕುರಿತೂ ಸೋಷಿಯಲ್‌ ಮೀಡಿಯಾದಲ್ಲಿ ಮಾತನಾಡಿದ್ದರು.

ಶೋಭಾ ಶೆಟ್ಟಿ ಯಾರು?

2013ರಲ್ಲಿ ಕನ್ನಡದ ಜನಪ್ರಿಯ ಸೀರಿಯಲ್‌ ಅಗ್ನಿಸಾಕ್ಷಿ ಸೀರಿಯಲ್‌ನಲ್ಲಿ ತನು ಪಾತ್ರದಲ್ಲಿ ಇವರು ಕಿರುತೆರೆ ಪ್ರೇಕ್ಷಕರಿಗೆ ಹತ್ತಿರವಾದರು. ಇದಾದ ಬಳಿಕ 2017ರಲ್ಲಿ ಅಂಜನಿ ಪುತ್ರ ಸಿನಿಮಾದ ಮೂಲಕ ಸಿನಿಮಾದಲ್ಲಿ ನಟಿಸಿದರು. 2017ರಲ್ಲಿ ಕಾವೇರಿ ಎಂಬ ಸೀರಿಯಲ್‌ನಲ್ಲಿ ನಟಿಸಿದರು. ಬಳಿಕ ತೆಲುಗು ಕಿರುತೆರೆಗೆ ಎಂಟ್ರಿ ನೀಡಿದರು. ಇವರ ಕುರಿತು ಸಂಪೂರ್ಣ ವಿವರ ಇಲ್ಲಿದೆ.