DKD: ವೇದಿಕೆಯಲ್ಲಿ ನಕ್ಕು ನಲಿಸಿದ ಗಿಲ್ಲಿ; ನಿನ್ನೊಬ್ಬನ ಕಾಮಿಡಿ ನೋಡಿದ್ರೆ ಸಾಕು ಗುರು ಟೆನ್ಶನ್ ಎಲ್ಲ ಮಾಯವಾಗುತ್ತೆ ಎಂದ ವೀಕ್ಷಕರು
Oct 20, 2024 10:17 PM IST
Share
ನಿರ್ಣಾಯಕರನ್ನು ವೇದಿಕೆಯಲ್ಲಿ ನಕ್ಕು ನಲಿಸಿದ ಗಿಲ್ಲಿ
- ಡ್ಯಾನ್ಸ್‌ ಕರ್ನಾಟಕ ಡ್ಯಾನ್ಸ್‌ ವೇದಿಕೆಯಲ್ಲಿ ಗಿಲ್ಲಿ ಬಂದರೆ ಒಂದು ರೀತಿಯ ಎನರ್ಜಿ ಬಂದಂತೆ ಎಂದು ಎಲ್ಲರೂ ಹೇಳುತ್ತಾರೆ. ಇನ್ನು ಗಿಲ್ಲಿ ಅಭಿಮಾನಿಗಳ ಸಂಖ್ಯೆ ದಿನೇ ದಿನೇ ಹೆಚ್ಚುತ್ತಿದೆ. ಗಿಲ್ಲಿ ಇಂದು ವೇದಿಕೆಯಲ್ಲಿ ಯಾವ ರೀತಿ ಕಾಮಿಡಿ ಮಾಡಿದ್ದಾರೆ ನೋಡಿ.
ಗಿಲ್ಲಿ ಯಾವಾಗ ವೇದಿಕೆ ಮೇಲೆ ಬಂದರೂ ಅಂದು ನಗುವಿನ ಔತಣ ಇದೆ ಎಂದೇ ಅರ್ಥ. ಡ್ಯಾನ್ಸ್‌ ಕರ್ನಾಟಕ ಡ್ಯಾನ್ಸ್‌ ವೇದಿಕೆಯಲ್ಲಿ ಗಿಲ್ಲಿ ಬಂದರೆ ಒಂದು ರೀತಿಯ ಎನರ್ಜಿ ಬಂದಂತೆ ಎಂದು ಎಲ್ಲರೂ ಹೇಳುತ್ತಾರೆ. ಇನ್ನು ಗಿಲ್ಲಿ ಅಭಿಮಾನಿಗಳ ಸಂಖ್ಯೆ ದಿನೇ ದಿನೇ ಹೆಚ್ಚುತ್ತಿದೆ. ಗಿಲ್ಲಿ ಇಂದು ವೇದಿಕೆಯಲ್ಲಿ ಗಗನಾ ಹಾಗೂ ಅವರು ಇರುವ ಒಂದಷ್ಟು ಸಿನಿಮಾ ಪೋಸ್ಟರ್‌ಗಳನ್ನು ರಿಕ್ರಿಯೇಟ್ ಮಾಡಿದ್ದಾರೆ. ಗಗನಾ ಅವರನ್ನು ಯಾವಾಗಲೂ ತಾನು ಪ್ರೀತಿಸುತ್ತೇನೆ ಎಂದು ವೇದಿಕೆಯಲ್ಲಿ ತಮಾಷೆಯಾಗಿ ಪೀಡಿಸುವ ರೀತಿಯಲ್ಲಿ ಏನಾದರೂ ಒಂದು ಹೊಸ ಕಾಮಿಡಿಯನ್ನು ಮಾಡುತ್ತಾರೆ.
ಆದರೆ ಈ ಬಾರಿ ಮಾಡಿದ ಕಾಮಿಡಿಗೆ ಜನ ಸಿಕ್ಕಾಪಟ್ಟೆ ನಕ್ಕಿದ್ದಾರೆ. ಇನ್ನು ನಿರ್ಣಾಯಕರಾದ ರಕ್ಷಿತಾ, ವಿಜಯ್‌ ರಾಘವೇಂದ್ರ ಹಾಗೂ ಶಿವರಾಜ್‌ ಕುಮಾರ್ ಸಹ ಹೊಟ್ಟೆ ಹುಣ್ಣಾಗುವಷ್ಟು ನಕ್ಕಿದ್ದಾರೆ. ಬಾಹುಬಲಿ ಸಿನಿಮಾದ ರಿಕ್ರಿಯೇಶನ್ ಮಾಡಬೇಕು ಎಂದು ಅನುಶ್ರೀ ಅವರು ಹೇಳುತ್ತಾರೆ.. ಆಗ ಗಿಲ್ಲಿಗೆ ಪೇಚಾಟ ಎದುರಾಗುತ್ತದೆ. ಗಗನಾ ಅವರನ್ನು ತಮ್ಮ ಹೆಗಲ ಮೇಲೆ ನಡೆಸಿಕೊಳ್ಳಬೇಕಾಗುತ್ತದೆ. ಆಗ ಗಿಲ್ಲಿ ಅಷ್ಟು ಸುಲಭಕ್ಕೆ ಒಪ್ಪಿಕೊಳ್ಳುವುದಿಲ್ಲ. ಆದರೂ ನಂತರದಲ್ಲಿ ಒಪ್ಪಿಕೊಳ್ಳುತ್ತಾರೆ.
ಎರಡೂ ಪಕ್ಕದಲ್ಲಿ ವೇದಿಕೆಗೆ ಹತ್ತಲು ಬಳಸುವ ಏಣಿಯ ಮೆಟ್ಟಿಲಿನ ರೀತಿ ಸ್ಪೆಪ್ಸ್‌ಗಳನ್ನು ತಂದಿಡುತ್ತಾರೆ. ಒಂದು ಬದಿಯಿಂದ ಇನ್ನೊಂದು ಬದಿಗೆ ಗಗನಾ ನಡೆದುಕೊಂಡು ಹೋಗುವಾಗ ಗಿಲ್ಲಿ ಭುಜದ ಮೇಲೆ ಸಾಗುತ್ತಾರೆ. ಪ್ರಭಾಸ್‌ ಅನುಶ್ಕಾ ರೀತಿಯಲ್ಲಿ ಈ ಸೀನ್ ಇರುತ್ತದೆ. ಈ ರೀತಿ ಮಾಡುವುದನ್ನು ನೋಡಿ ವೇದಿಕೆಯಲ್ಲಿದ್ದ ಎಲ್ಲರೂ ಬಿದ್ದೂ ಬಿದ್ದೂ ನಗುತ್ತಾರೆ. ಇನ್ನು ಗಗನಾ ಅಲ್ಲಿಂದ ಆಚೆ ಸಾಗುತ್ತಿದ್ದಂತೆ. ಕಾರ್ಯಕ್ರಮದಲ್ಲಿದ್ದ ಇನ್ನೂ ಕೆಲವು ಸ್ಪರ್ಧಿಗಳು ಸಾಲಿನಲ್ಲಿ ಬಂದು ನಿಲ್ಲುತ್ತಾರೆ.
ಆ ವಿಡಿಯೋ ಇಲ್ಲೇ ಇದೆ ನೋಡಿ
ಮೊದಲಿಗೆ ರವಿಚಂದ್ರನ್ ಅವರ ಪ್ರೇಮಲೋಕ ಸಿನಿಮಾದ ಪೋಸ್ಟರ್ ರಿಕ್ರಿಯೇಟ್ ಮಾಡಿರುತ್ತಾರೆ. ಅದನ್ನು ನೋಡಿ ಗಗನಾಳನ್ನು ವೇದಿಕೆಯ ಮೇಲೆ ಕರೆಯುತ್ತಾರೆ. ಗಗನಾ ವೇದಿಕೆಗೆ ಬಂದ ನಂತರ ಅದನ್ನು ಮತ್ತೊಮ್ಮೆ ಗಗನಾ ಜೊತೆ ರಿಕ್ರಿಯೇಟ್ ಮಾಡುವುದಾಗಿ ಕೇಳಿ ಮತ್ತೆ ಅದೇ ರೀತಿ ನಿಲ್ಲುತ್ತಾರೆ. ಅವರಿಬ್ಬರ ಜೋಡಿ ನೋಡಿ, ಗಿಲ್ಲಿ ಮಾಡುವ ತಮಾಷೆಗಳನ್ನು ಕಂಡು ಎಲ್ಲರೂ ನಕ್ಕು ನಕ್ಕು ಸುಸ್ತಾಗಿದ್ದಾರೆ.
ಈ ಪ್ರೋಮೋ ಬಿಡುಗಡೆಯಾದ ಏಳು ತಾಸುಗಳಲ್ಲಿ 1.2 ಮಿಲಿಯನ್ ವೀವ್ಸ್‌ ಪಡೆದುಕೊಂಡಿದೆ. 400ಕ್ಕೂ ಅಧಿಕ ಕಾಮೆಂಟ್‌ಗಳಿವೆ. ಎಲ್ಲರೂ ಗಿಲ್ಲಿಯನ್ನು ಮೆಚ್ಚಿಕೊಂಡು ನೀನು ಸದಾ ಇದೇ ರೀತಿ ನಗಿಸುತ್ತಿರಬೇಕು ಎಂದು ಹೇಳಿದ್ದಾರೆ. ನಿಮ್ಮ ಈ ಕ್ರಿಯೇಟಿವಿಟಿ ಪ್ರಯತ್ನವನ್ನು ಮೆಚ್ಚಲೇಬೇಕು ಎಂದು ಹಲವರು ಕಾಮೆಂಟ್ ಮಾಡಿದ್ದಾರೆ.