Pushpa 2 The Rule: ನವೆಂಬರ್ 17ರಂದು ಅಲ್ಲು ಅರ್ಜುನ್ ಅಭಿನಯದ ಪುಷ್ಪ 2 ಟ್ರೇಲರ್ ರಿಲೀಸ್‌; ಚಿತ್ರತಂಡದಿಂದ ಬಿಗ್‌ ಅಪ್ಡೇಟ್‌
Nov 11, 2024 04:26 PM IST
Share
ನವೆಂಬರ್ 17ರಂದು ಅಲ್ಲು ಅರ್ಜುನ್ ಅಭಿನಯದ ಪುಷ್ಪ 2 ಟ್ರೇಲರ್ ರಿಲೀಸ್‌
- Pushpa 2 Trailer: ಅಲ್ಲು ಅರ್ಜುನ್, ರಶ್ಮಿಕಾ ಮಂದಣ್ಣ ಅಭಿನಯದ ಪುಷ್ಪ 2 ಚಿತ್ರದ ಬಹುನಿರೀಕ್ಷಿತ ಟ್ರೇಲರ್ ನವೆಂಬರ್ 17ರಂದು ಬಿಡುಗಡೆಯಾಗಲಿದ್ದು, ಭಾರತದಾದ್ಯಂತ ಅಭಿಮಾನಿಗಳ ಉತ್ಸಾಹ ಹೆಚ್ಚಿಸಿದೆ. ಈ ವರ್ಷದ ಕೊನೆಗೆ ಪುಷ್ಪ ಅಭಿಮಾನಿಗಳಿಗೆ ಸಡಗರ ಕಾದಿದೆ.
Pushpa 2 The Rule Trailer: ಅಲ್ಲು ಅರ್ಜುನ್, ರಶ್ಮಿಕಾ ಮಂದಣ್ಣ ಅಭಿನಯದ ಪುಷ್ಪ 2 ಚಿತ್ರದ ಬಹುನಿರೀಕ್ಷಿತ ಟ್ರೇಲರ್ ನವೆಂಬರ್ 17ರಂದು ಬಿಡುಗಡೆಯಾಗಲಿದೆ. 2024 ಈ ವರ್ಷ ಮುಗಿಯುವುದರ ಒಳಗಡೆ ಜನರಿಗೆ ಭರ್ಜರಿ ಮನರಂಜನೆ ನೀಡಲು ‘ಪುಷ್ಪ 2’ ಗ್ರಾಂಡ್ ಎಂಟ್ರಿ ಕೊಡಲಿದೆ. ಅಲ್ಲು ಅರ್ಜುನ್ ಅವರ ಪುಷ್ಪ 2 ದೇಶದಾದ್ಯಂತ ಬಿಡುಗಡೆಯಾಗಲಿದೆ. ಪಾಟ್ನಾ, ಕೋಲ್ಕತ್ತಾ, ಚೆನ್ನೈ, ಕೊಚ್ಚಿ, ಬೆಂಗಳೂರು, ಮುಂಬೈ ಮತ್ತು ಹೈದರಾಬಾದ್‌ನಂತಹ ಪ್ರಮುಖ ನಗರಗಳ ಥಿಯೇಟರ್‌ನಲ್ಲಿ ಪುಷ್ಪ 2 ಮಿಂಚಲಿದೆ.ಇನ್ನು ಪ್ರಚಾರ ಕೂಡ ಅಬ್ಬರದಿಂದ ನಡೆಯುತ್ತಿದ್ದು ಜನರು ಸಿನಿಮಾಕ್ಕಾಗಿ ಕಾಯುತ್ತಿದ್ದಾರೆ. ಜನಪ್ರಿಯ ಟಾಕ್ ಶೋ ‘NBK ಅನ್‌ಸ್ಟಾಪಬಲ್‌’ ಕಾರ್ಯಕ್ರಮದಲ್ಲಿ ಅಲ್ಲು ಅರ್ಜುನ್ ಕಾಣಿಸಿಕೊಂಡಿದ್ದಾರೆ.
ಅಲ್ಲು ಅರ್ಜುನ್ ಅವರನ್ನು ಪುಷ್ಪರಾಜ್ ಆಗಿ ಕಾಣಲು ಅಭಿಮಾನಿಗಳು ಹಾತೊರೆಯುತ್ತಿದ್ದಾರೆ. ಇದೀಗ ಚಿತ್ರತಂಡವು ಅಭಿಮಾನಿಗಳಿಗೆ ಸಿಹಿ ಸುದ್ದಿಯೊಂದನ್ನು ನೀಡಿದೆ. ಇದೇ ತಿಂಗಳು ಅಂದರೆ ನವೆಂಬರ್ 17ಕ್ಕೆ ಟ್ರೇಲರ್ ಲಾಂಚ್ ಆಗಲಿದೆ ಎಂಬ ಸುದ್ದಿ ಅಧಿಕೃತವಾಗಿ ಹೊರಬಿದ್ದಿದೆ. ಅಲ್ಲು ಅರ್ಜುನ್ ಅವರ ಅಭಿಮಾನಿಗಳು ಭಾರೀ ಕಾತುರತೆಯಿಂದ ಕಾಯುತ್ತಿದ್ದ ಟ್ರೇಲರ್ ಯಾವಾಗ ಬಿಡುಗಡೆಯಾಗುತ್ತದೆ ಎಂಬ ಸುಳಿವು ಸಿಕ್ಕಂತಾಗಿದೆ.
NBK ಅನ್‌ಸ್ಟಾಪಬಲ್‌ ಟಾಕ್ ಶೋದಲ್ಲಿ ಕೂಡ ಚಿತ್ರದ ಕುರಿತು ಅಲ್ಲು ಅರ್ಜುನ್ ಸಾಕಷ್ಟು ಮಾತನಾಡಿದ್ದಾರೆ. ರಶ್ಮಿಕಾ ಮಂದಣ್ಣ ಮತ್ತು ಸಮಂತಾ ರುತ್ ಪ್ರಭು ಹಾಗೂ ಶ್ರೀಲೀಲಾ ಇವರೆಲ್ಲರನ್ನೂ ಪ್ರೇಕ್ಷಕರು ನೆನಪಿಸಿಕೊಂಡಿದ್ದಾರೆ. ಇನ್ನು ಶ್ರೀಲೀಲಾ ಅವರೊಂದಿಗಿನ ಐಟ್‌ಮ್ ಸಾಂಗ್‌ನ ಲುಕ್ ಕೂಡ ರಿವೀಲ್ ಆಗಿದೆ. ಸಮಂತಾ ಅವರಿಗಿಂತ ಹಾಟ್ ಆಗಿ ಶ್ರೀಲೀಲಾ ಕಾಣುತ್ತಿದ್ದಾರೆ ಎಂದು ಜನರು ಕಾಮೆಂಟ್ ಕೂಡ ಮಾಡಿದ್ದರು.
ಶೂಟಿಂಗ್ ಮುಕ್ತಾಯ
ಟ್ರೇಲರ್ ಲಾಂಚ್ ಬಗ್ಗೆ ಚಿತ್ರತಂಡ ಹಂಚಿಕೊಂಡು ಅಧಿಕೃತ ಮಾಹಿತಿ ಇಲ್ಲಿದೆ ಗಮನಿಸಿ. ಇತ್ತೀಚಿನ ಅಪ್‌ಡೇಟ್‌ಗಳ ಪ್ರಕಾರ, ಟ್ರೇಲರ್ 3 ನಿಮಿಷ ಮತ್ತು 45 ಸೆಕೆಂಡ್‌ಗಳಷ್ಟು ಉದ್ದವಿದ್ದು ಚಿತ್ರದ ಬಗ್ಗೆ ಭಾರೀ ಸುಳಿವನ್ನು ನೀಡಲಿದೆ. ಪ್ರೇಕ್ಷಕರಲ್ಲಿ ಚಿತ್ರದ ಬಗ್ಗೆ ಇನ್ನಷ್ಟು ಭರವಸೆ ಮೂಡಿಸಲಿದೆ. ಪುಷ್ಪಾ 2 ನ ಸಂಪೂರ್ಣ ಚಿತ್ರೀಕರಣವು ನವೆಂಬರ್ 12 ಅಥವಾ 13 ರೊಳಗೆ ಮುಕ್ತಾಯಗೊಳ್ಳುವ ನಿರೀಕ್ಷೆಯಿದೆ. ಟ್ರೈಲರ್ ಬಿಡುಗಡೆಗೆ ಕೆಲವೇ ದಿನಗಳಲ್ಲಿ ಅಂತಿಮ ಸಿದ್ಧತೆ ಮಾಡಿಕೊಳ್ಳುತ್ತಿದ್ದಾರೆ ಎಂಬ ಮಾಹಿತಿ ಇದೆ.
ಹೇಗಿದೆ ಪ್ರಚಾರ, ತಯಾರಿ?
ಹೆಚ್ಚಿಸಿರುವ ಪುಷ್ಪ 2 ತಂಡವು ಚಿತ್ರದ ಪ್ರಚಾರಕ್ಕಾಗಿ ರಾಷ್ಟ್ರವ್ಯಾಪಿ 6 ನಗರಗಳ ಪ್ರವಾಸವನ್ನು ಯೋಜಿಸಿದೆ. ಈ ಪ್ರವಾಸವು ಭಾರತದಾದ್ಯಂತ ಪ್ರೇಕ್ಷಕರೊಂದಿಗೆ ಸಂಪರ್ಕ ಸಾಧಿಸುವ ಗುರಿಯನ್ನು ಹೊಂದಿದೆ. ಪುಷ್ಪ 2 ಭಾರಿ ನಿರೀಕ್ಷೆಯನ್ನು ಹುಟ್ಟುಹಾಕಿದೆ, ಮೊದಲ ಚಿತ್ರದ ಯಶಸ್ಸನ್ನು ಕಂಡ ಅಭಿಮಾನಿಗಳು ಪುಷ್ಪ 2ಮೇಲೆ ಸಹಜವಾಗಿಯೇ ಒಂದಿಷ್ಟು ನಿರೀಕ್ಷೆಗಳನ್ನು ಇಟ್ಟುಕೊಂಡಿದ್ದಾರೆ.
(Tollywood Actor Allu Arjun Rashmika Mandanna starrer pushpa 2 The rule movie trailer will be released on November 17th 2024)