Bigg Boss Kannada: ಬಿಗ್‌ ಬಾಸ್‌ ಮನೆಯಲ್ಲಿ ಇನ್ನು ಮುಂದೆ ಜೋಡಿಯಾಟ; ಮತ್ತೆ ಜೋಡಿಯಾದ ಧರ್ಮ, ಐಶ್ವರ್ಯ
ಬಿಗ್‌ ಬಾಸ್‌ ಮನೆಯಲ್ಲಿ ಇತ್ತೀಚಿನ ದಿನಗಳಲ್ಲಿ ಕಿತ್ತಾಟ, ಜಗಳಗಳು ಕಡಿಮೆಯಾಗಿ ಹೊಸ ಆಟವೊಂದು ಖುಷಿಯಿಂದ ಆರಂಭವಾಗಿದೆ. ಮನೆಯಲ್ಲಿ ಈ ರೀತಿ ವಾತಾವರಣ ನೋಡಿ ಬಹಳ ದಿನಗಳೇ ಕಳೆದಿತ್ತು.
ಬಿಗ್‌ ಬಾಸ್‌ ಮನೆಯಲ್ಲಿ ಹೊಸ ಟಾಸ್ಕ್‌ ನೀಡಲಾಗಿದೆ. ಕಿಚ್ಚ ಸುದೀಪ್ ಅವರು ಈ ಬಾರಿ ಮನೆಯಲ್ಲಿ ಹೊಸ ರೀತಿಯ ಆಟ ಆರಂಭವಾಗಲಿದೆ ಎಂಬ ಸೂಚನೆಯನ್ನು ನೀಡಿದ್ದರು. ಅದರಂತೆ ಬಿಗ್‌ ಬಾಸ್‌ ಈಗ ಮನೆಯಲ್ಲಿ ಜೋಡಿಗಳನ್ನು ನೀಡಿದ್ದಾರೆ. ಜೋಡಿಗಳು ಎಂದರೆ ಆಟದಲ್ಲಿ ಮಾತ್ರವಲ್ಲ ಎಲ್ಲಾ ರೀತಿಯಲ್ಲೂ ಒಟ್ಟಾಗಿಯೇ ಆಟ ಆಡಬೇಕು ಎಂದು ಹೇಳಿದ್ದಾರೆ. ಅದೇ ರೀತಿ ಎಲ್ಲರೂ ತಮ್ಮ ತಮ್ಮ ಜೋಡಿಯ ಜೊತೆ ಸೊಂಟಕ್ಕೆ ಪಟ್ಟಿಕೊಂದನ್ನು ಕಟ್ಟಿಕೊಂಡು ಒಂದಾಗಿದ್ದಾರೆ. ಗೌತಮಿ ಹಾಗೂ ಹನುಮಂತ ಒಂದು ಜೋಡಿಯಾಗಿದ್ದಾರೆ. ಇನ್ನು ಭವ್ಯಾ ಗೌಡ ಹಾಗೂ ಉಗ್ರಂ ಮಂಜು ಒಂದು ಜೋಡಿಯಾಗಿದ್ದಾರೆ.
ಅದೇ ರೀತಿ ಇನ್ನೂ ಸಾಕಷ್ಟು ಜೋಡಿಗಳನ್ನು ಮಾಡಲಾಗಿದೆ. ಅದರಲ್ಲಿ ಧರ್ಮ ಹಾಗೂ ಐಶ್ವರ್ಯ ಅವರನ್ನೂ ಕೂಡ ಜೋಡಿ ಮಾಡಲಾಗಿದೆ. ಚೈತ್ರಾ ಕುಂದಾಪುರ ಹಾಗೂ ಶಿಶಿರ್, ಗೋಲ್ಡ್‌ ಸುರೇಶ್‌ ಮತ್ತು ಅನುಷಾ ಹೀಗೆ ಒಂದಷ್ಟು ಜೋಡಿಗಳನ್ನು ಮಾಡಿದ್ದಾರೆ. ಅದೇ ರೀತಿ ಇನ್ನು ಮುಂದಿನ ದಿನಗಳಲ್ಲಿ ಬಿಗ್‌ ಬಾಸ್‌ ಮನೆಯಲ್ಲಿ ಆಟಗಳು ಇನ್ನಷ್ಟು ಚುರುಕಾಗಲಿದೆ.
ಅಷ್ಟೇ ಅಲ್ಲ ಜನರಿಗೆ ಮನರಂಜನೆಯ ಕೊರತೆ ಆಗದಂತೆ ಈ ಜೋಡಿಗಳೇ ಮಾಡುತ್ತವೆ ಎಂದು ಭರವಸೆ ಹುಟ್ಟಿಸುವ ರೀತಿಯಲ್ಲಿ ಇಂದಿನ ಪ್ರೋಮೋ ಬಿಡುಗಡೆಯಾಗಿದೆ. ಹನುಮಂತನ ಜೊತೆ ಜೋಡಿಯಾದವರಿಗೆ ಬಿಗ್‌ ಬಾಸ್‌ ಒಂದು ವಿಶ್‌ ಮಾಡಿದ್ದಾರೆ. ಯಾಕೆಂದರೆ ಹನುಮಂತ ಇಡೀ ದಿನ ಹೂಸು ಬಿಡುತ್ತಿರುತ್ತಾರೆ. ಆ ಕಾರಣಕ್ಕಾಗಿ ನಿಮಗೆ ಆಲ್‌ ದ ಬೆಸ್ಟ್‌ ಎಂದಿದ್ದಾರೆ. ಇದನ್ನು ಕೇಳಿ ಗೌತಮಿ ನಕ್ಕಿದ್ದಾರೆ.
ಇನ್ನು ಅನುಷಾ, ಧರ್ಮ ಹಾಗೂ ಐಶ್ವರ್ಯ ಈ ಮೂವರಲ್ಲಿ ಯಾವಾಗಲೂ ಒಂದು ರೀತಿಯ ಸಣ್ಣ ವೈಮನಸ್ಸು ಗೆಳೆತನದ ವಿಷಯದಲ್ಲಿ ಆಗುತ್ತಿತ್ತು. ಈ ಬಾರಿ ಧರ್ಮ ಅವರನ್ನು ಜೋಡಿಯಾಗಿ ಐಶ್ವರ್ಯ ಅವರಿಗೆ ನೀಡಲಾಗಿದೆ. ಈಗ ಧರ್ಮ ಅವರು ಐಶ್ವರ್ಯ ಅವರಿಗೆ ಮೇಕಪ್ ಮಾಡಿದ್ಧಾರೆ ಇದನ್ನು ಅನುಷಾ ಹತ್ತಿರ ಐಶ್ವರ್ಯ ಹೇಳಿದ್ದಾರೆ. ಈ ರೀತಿಯಾಗಿ ಮತ್ತೆ ಮನೆಯಲ್ಲಿ ಅದೇ ಹಳೆಯ ವಾತಾವರಣ ನಿರ್ಮಾಣವಾಗುವ ಸಾಧ್ಯತೆಯೂ ಇದೆ.
ಈ ವಾರ ಬಚಾವ್ ಆದ ಭವ್ಯಾ ಈಗ ಉಗ್ರಂ ಮಂಜು ಜೋಡಿ
ಇನ್ನು ಈ ವಾರ ಯಾರೂ ಮನೆಯಿಂದ ಆಚೆ ಹೋಗಿಲ್ಲ. ಭವ್ಯಾ ಗೌಡ ಅವರು ಮನೆಯ ಮುಖ್ಯ ದ್ವಾರದವರೆಗೆ ಹೋಗಿ ಮತ್ತೆ ವಾಪಸ್ ಆಗಿದ್ದಾರೆ. ಬಿಗ್‌ ಬಾಸ್‌ ಮನೆಯಲ್ಲಿ ಈ ವಾರ ನಾಮಿನೇಷನ್ ನಡೆದಿಲ್ಲ. ನಾಮಿನೇಷನ್ ಮಾಡಲು ನಿರ್ಧರಿಸಿ ಆ ನಿರ್ಧಾರವನ್ನು ಹಿಂಪಡೆದಂತೆ ತೋರುವ ರೀತಿಯಲ್ಲಿ ನಿನ್ನೆಯ ಕಿಚ್ಚನ ಪಂಚಾಯ್ತಿ ಇತ್ತು. ಬಿಗ್‌ ಬಾಸ್‌ ಮನೆಯಲ್ಲಿ ಸಾಮಾನ್ಯವಾಗಿ ವಾರದಿಂದ ವಾರಕ್ಕೆ ಸ್ಪರ್ಧಿಗಳ ಸಂಖ್ಯೆ ಕಡಿಮೆಯಾಗುತ್ತಾ ಬರುತ್ತದೆ. ಕಡಿಮೆ ಆದಂತೆ ಆಟದ ಕಾವು ಕೂಡ ಹೆಚ್ಚುತ್ತದೆ. ಅದೇ ರೀತಿ ಈ ವಾರ ಬಿಗ್‌ ಬಾಸ್‌ ಮನೆಯಿಂದ ಯಾರು ಎಲಿಮಿನೇಟ್ ಆಗಿದ್ದಾರೆ ಎಂದು ತಿಳಿದುಕೊಳ್ಳುವ ಕುತೂಹಲ ಜನರಿಗಿರುತ್ತದೆ. ಈ ವಾರ ಬಿಗ್‌ ಬಾಸ್‌ ಮನೆಯಿಂದ ಭವ್ಯಾ ಗೌಡ ಅವರು ನಾಮಿನೇಟ್‌ ಆಗಿ ಹೊರಬರುತ್ತಾರೆ ಎಂದು ಎಲ್ಲರೂ ಅಂದುಕೊಂಡಿದ್ದರು. ಆದರೆ ಹಾಗಾಗದ ಕಾರಣ ಅವರು ಈಗ ಉಗ್ರಂ ಮಂಜು ಅವರಿಗೆ ಜೋಡಿಯಾಗಿ ಮನೆಯಲ್ಲಿ ಉಳಿದಿದ್ದಾರೆ.
