OTT Malayalam Movies: ಡಿಸೆಂಬರ್‌ನಲ್ಲಿ ಒಟಿಟಿಯಲ್ಲಿ ಬಿಡುಗಡೆಯಾಗುವ ಬಹುನಿರೀಕ್ಷಿತ ಮಲಯಾಳಂ ಸಿನಿಮಾಗಳಿವು, ಫಹಾದ್ ಫಾಸಿಲ್‌ ಸಿನಿಮವೂ ಇದೆ
Nov 22, 2024 04:56 PM IST
Share
ಡಿಸೆಂಬರ್‌ನಲ್ಲಿ ಒಟಿಟಿಯಲ್ಲಿ ಬಿಡುಗಡೆಯಾಗುವ ಬಹುನಿರೀಕ್ಷಿತ ಮಲಯಾಳಂ ಸಿನಿಮಾಗಳು
- OTT Malayalam Movies: ಡಿಸೆಂಬರ್‌ ತಿಗಳಲ್ಲಿ ಒಟಿಟಿಯಲ್ಲಿ ಹಲವು ಬಹುನಿರೀಕ್ಷಿತ ಮಲಯಾಳಂ ಸಿನಿಮಾಗಳು ಬಿಡುಗಡೆಯಾಗಲಿವೆ. ಸಾಹಸ, ಥ್ರಿಲ್ಲರ್, ಹಾಸ್ಯ ಸೇರಿದಂತೆ ವೈವಿಧ್ಯಮಯ ಮಲಯಾಳಂ ಸಿನಿಮಾಗಳು ಅಮೆಜಾನ್‌ ಪ್ರೈಮ್‌, ನೆಟ್‌ಫ್ಲಿಕ್ಸ್‌, ಜಿಯೋ ಸಿನಿಮಾ, ಡಿಸ್ನಿ ಪ್ಲಸ್‌ ಹಾಟ್‌ಸ್ಟಾರ್‌ ಸೇರಿದಂತೆ ವಿವಿಧ ಒಟಿಟಿಗಳಲ್ಲಿ ಬಿಡುಗಡೆಯಾಗಲಿವೆ.
OTT Malayalam Movies: ಒಟಿಟಿಯಲ್ಲಿ ಮಲಯಾಳ ಸಿನಿಮಾಗಳಿಗೆ ದೊಡ್ಡಮಟ್ಟದ ವೀಕ್ಷಕರಿದ್ದಾರೆ. ಈ ವರ್ಷ ಹಲವು ಬ್ಲಾಕ್‌ಬಸ್ಟರ್‌ ಮಲಯಾಳಂ ಸಿನಿಮಾಗಳು ಬಿಡುಗಡೆಯಾಗಿವೆ. ಇವುಗಳಲ್ಲಿ ಅನೇಕ ಸಿನಿಮಾಗಳು ಈ ವರ್ಷದ ಕೊನೆಗೆ ಒಟಿಟಿಯಲ್ಲಿ ಬಿಡುಗಡೆಯಾಗಲಿವೆ. ಡಿಸೆಂಬರ್‌ನಲ್ಲಿ ಅಮೆಜಾನ್‌ ಪ್ರೈಮ್‌, ಡಿಸ್ನಿ ಪ್ಲಸ್‌ ಹಾಟ್‌ಸ್ಟಾರ್‌, ಜಿಯೋ ಸಿನಿಮಾ, ನೆಟ್‌ಫ್ಲಿಕ್ಸ್‌ ಸೇರಿದಂತೆ ವಿವಿಧ ಒಟಿಟಿಗಳಲ್ಲಿ ಬಿಡುಗಡೆಯಾಗಲಿವೆ. ಮಲಯಾಳನ ಬಹುತೇಕ ಒಟಿಟಿ ಸಿನಿಮಾಗಳು ಕನ್ನಡ ಆಡಿಯೋದಲ್ಲೂ ಲಭ್ಯವಿರಲಿದೆ. ಡಿಸೆಂಬರ್‌ ತಿಂಗಳಲ್ಲಿ ಬೌಗೆನ್‌ವಿಲ್ಲಾ, ಪಾನಿ, ಐ ಆಮ್ ಕ್ಯಾಟಲಾನ್‌ನಂತಹ ಸಿನಿಮಾಗಳು ಒಟಿಟಿಗೆ ಬರಲಿವೆ. ಈ ಥ್ರಿಲ್ಲರ್, ಆಕ್ಷನ್ ಥ್ರಿಲ್ಲರ್ ಮತ್ತು ಕಾಮಿಡಿ ಸಿನಿಮಾಗಳು ಯಾವಾಗ, ಯಾವ ಒಟಿಟಿಗೆ ಆಗಮಿಸಲಿದೆ ಎಂದು ತಿಳಿಯಿರಿ.
ಬೌಗೆನ್‌ವಿಲ್ಲಾ (ಡಿಸ್ನಿ ಪ್ಲಸ್‌ ಹಾಟ್‌ಸ್ಟಾರ್‌)
ಮಲಯಾಳಂ ಸ್ಟಾರ್ ಹೀರೋಗಳಾದ ಫಹಾದ್ ಫಾಜಿಲ್ ಮತ್ತು ಕುಂಚಕೋ ಬೋಬನ್ ಅಭಿನಯದ ಬೌಗೆನ್‌ವಿಲ್ಲಾ ಸಿನಿಮಾವು ಅಕ್ಟೋಬರ್ 17ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿತ್ತು. ಬಾಕ್ಸ್‌ಆಫೀಸ್‌ನಲ್ಲಿ ಸೂಪರ್‌ಹಿಟ್‌ ಆಗಿರುವ ಈ ಸೈಕಲಾಜಿಕಲ್ ಕ್ರೈಮ್ ಥ್ರಿಲ್ಲರ್ ಚಲನಚಿತ್ರವು ಡಿಸೆಂಬರ್‌ನಲ್ಲಿ ಒಟಿಟಿಯಲ್ಲಿ ಸ್ಟ್ರೀಮಿಂಗ್‌ ಆಗಲಿದೆ. ಸ್ಟ್ರೀಮಿಂಗ್‌ ದಿನಾಂಕ ಇನ್ನೂ ಖಚಿತಗೊಂಡಿಲ್ಲ.
ಪಾನಿ - ಥ್ರಿಲ್ಲರ್ ಚಲನಚಿತ್ರ
ಪಾನಿ ಎಂಬ ಈ ಮಲಯಾಳಂ ಸಿನಿಮಾದಲ್ಲಿ ಜೋಜು ಜಾರ್ಜ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಅವರೇ ಈ ಸಿನಿಮಾವನ್ನು ನಿರ್ದೇಶನ ಮಾಡಿದ್ದಾರೆ. ಅಕ್ಟೋಬರ್ 24 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾದ ಚಿತ್ರವು ಡಿಸೆಂಬರ್‌ನಲ್ಲಿ ಒಟಿಟಿಗೆ ಆಗಮಿಸುವ ಸೂಚನೆಯಿದೆ. ಆದರೆ ಈ ಚಿತ್ರದ ಯಾವ ಪ್ಲಾಟ್‌ಫಾರ್ಮ್‌ನಲ್ಲಿ ಬಿಡುಗಡೆಯಾಗಲಿದೆ ಮತ್ತು ಯಾವ ದಿನಾಂಕದಂದು ಬಿಡುಗಡೆಯಾಗಲಿದೆ ಎಂದು ಚಿತ್ರತಂಡ ಇನ್ನೂ ಅಧಿಕೃತವಾಗಿ ಘೋಷಿಸಿಲ್ಲ.
ಐ ಆಮ್ ಕ್ಯಾಟಲಾನ್ - ರೊಮ್ಯಾಂಟಿಕ್ ಕಾಮಿಡಿ
ಪ್ರೇಮಲು ಚಿತ್ರ ಖ್ಯಾತಿಯ ನಸ್ಲಾನೆ ಕೆ ಗಫೂರ್ ಅಭಿನಯದ ಚಿತ್ರ ಐ ಆಮ್ ಕಥಲನ್. ಈ ಸಿನಿಮಾ ನವೆಂಬರ್ ಅಂದರೆ ಈ ತಿಂಗಳು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ. ಮುಂದಿನ ತಿಂಗಳು ಒಟಿಟಿಯತ್ತ ಮುಖ ಮಾಡುವ ಸಾಧ್ಯತೆ ಇದೆ. ಯಾವ ಒಟಿಟಿಯಲ್ಲಿ ಬಿಡುಗಡೆಯಾಗಲಿದೆ ಎಂಬ ಮಾಹಿತಿ ಹೊರಬಿದ್ದಿಲ್ಲ.
ಫೂಟೇಜ್‌- ಥ್ರಿಲ್ಲರ್ ಚಲನಚಿತ್ರ
ಈ ವರ್ಷದ ಆಗಸ್ಟ್‌ನಲ್ಲಿ ಮಲಯಾಳಂ ಥ್ರಿಲ್ಲರ್ ಚಲನಚಿತ್ರ ಫೂಟೇಜ್‌ ಬಿಡುಗಡೆಯಾಗಿದೆ. ಸೈಜು ಶ್ರೀಧರನ್ ನಿರ್ದೇಶನದ ಈ ಚಿತ್ರದಲ್ಲಿ ಗಾಯತ್ರಿ ಅಶೋಕ್, ಮಂಜು ವಾರಿಯರ್ ಮತ್ತು ವಿಶಾಕ್ ನಾಯರ್ ನಟಿಸಿದ್ದಾರೆ. ಈ ಚಿತ್ರವು ಡಿಸೆಂಬರ್‌ನಲ್ಲಿ ಒಟಿಟಿಯಲ್ಲಿ ಬಿಡುಗಡೆಯಾಗುವ ಸಾಧ್ಯತೆಯಿದೆ. ಈ ಚಿತ್ರದ ಒಟಿಟಿ ಬಿಡುಗಡೆ ದಿನಾಂಕ ಸದ್ಯದಲ್ಲಿಯೇ ಪ್ರಕಟವಾಗುವ ಸಾಧ್ಯತೆಯಿದೆ.
ಮುರಾ
ಇದು ಮಲಯಾಳಂನ ರಿವೇಂಜ್‌ ಡ್ರಾಮಾ ಸಿನಿಮಾ. ಈ ಚಿತ್ರ ಕೂಡ ಈ ತಿಂಗಳಲ್ಲಿ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿದೆ. ಮುಂದಿನ ತಿಂಗಳು ಒಟಿಟಿಗೆ ಆಗಮಿಸುವ ಸೂಚನೆಯಿದೆ. ಈ ಸಿನಿಮಾ ಡಿಸ್ನಿ ಪ್ಲಸ್‌ ಹಾಟ್‌ಸ್ಟಾರ್‌ನಲ್ಲಿ ಸ್ಟ್ರೀಮಿಂಗ್‌ ಆಗಲಿದೆ. ಸ್ಟ್ರೀಮಿಂಗ್‌ ದಿನಾಂಕ ಸದ್ಯದಲ್ಲಿಯೇ ಹೊರಬೀಳಲಿದೆ.
ಆನಂದ್ ಶ್ರೀಬಾಲಾ - ಮಿಸ್ಟರಿ ಥ್ರಿಲ್ಲರ್
ಆನಂದ್ ಶ್ರೀಬಾಲಾ ಮಲಯಾಳಂ ಮಿಸ್ಟರಿ ಥ್ರಿಲ್ಲರ್ ಚಿತ್ರವಾಗಿದ್ದು ನವೆಂಬರ್ 15ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿದೆ. ಅಪರ್ಣಾ ದಾಸ್, ಅರ್ಜುನ್ ಅಶೋಕನ್ ಮತ್ತು ಸಂಗೀತಾ ನಟಿಸಿರುವ ಈ ಚಿತ್ರವು ಡಿಸೆಂಬರ್‌ನಲ್ಲಿ ಒಟಿಟಿಗೆ ಆಗಮಿಸಲಿದೆ. IMDb ನಲ್ಲಿ 8.8 ರೇಟಿಂಗ್ ಹೊಂದಿರುವ ಈ ಚಿತ್ರ ಬಿಡುಗಡೆ ದಿನಾಂಕ ಇನ್ನೂ ಪ್ರಕಟವಾಗಿಲ್ಲ.
ಹೀಗೆ ಮಲಯಾಳಂನ ಹಲವು ಸಿನಿಮಾಗಳು ಮುಂದಿನ ತಿಂಗಳು ಬಿಡುಗಡೆಯಾಗಲು ಸರತಿಯಲ್ಲಿವೆ. ವಿಶೇಷವಾಗಿ ಕ್ರಿಸ್‌ಮಸ್‌ ರಜಾ ಅವಧಿಯಲ್ಲಿ ಮನೆಯಲ್ಲಿಯೇ ಕುಳಿತು ಸಿನಿಮಾ ನೋಡಲು ಬಯಸುವವರಿಗೆ ಮಲಯಾಳಂನ ಹಲವು ಸಿನಿಮಾಗಳು ಕಾಯುತ್ತಿವೆ ಎನ್ನಬಹುದು.