Google Doodle New year:2023ಕ್ಕೆ ವಿದಾಯ, 2024ರ ಹೊಸ ವರ್ಷ ಸ್ವಾಗತಕ್ಕೆ ಗೂಗಲ್‌ ಡ್ಯೂಡಲ್‌ ನೋಟ ಹೇಗಿದೆ

ಈಗ ಎಲ್ಲೆಡೆ 2023ರ ವರ್ಷವನ್ನು ಬೀಳ್ಕೊಡುವ ಬೇಸರದ ಸನ್ನಿವೇಶ. ಮತ್ತೊಂದು ಕಡೆ ಹೊಸ ವರ್ಷ 2024 ಬರ ಮಾಡಿಕೊಳ್ಳುವ ಸಂತಸದ ಸಮಯ. ಎರಡೂ ಒಟ್ಟೊಟ್ಟಿಗೆ ಪ್ರತಿ ವರ್ಷ ಬಂದೇ ಬರುತ್ತವೆ. ಎರಡನ್ನೂ ವಿಭಿನ್ನವಾಗಿ ನೋಡುವ ಪ್ರಯತ್ನ ಪ್ರತಿಯೊಬ್ಬರು ಮಾಡುತ್ತಾರೆ. ಅಂದರೆ ಹಳೆಯ ವರ್ಷದ ನೆನಪುಗಳನ್ನು ಮೆಲುಕು ಹಾಕುತ್ತಲೇ ಹೊಸ ವರ್ಷದ ಮೆಟ್ಟಿಲುಗಳನ್ನು ಏರುವ ಸಮಯ. ಇದನ್ನು ಗೂಗಲ್‌ ಕೂಡ ಭಿನ್ನವಾಗಿಯೇ ರೂಪಿಸಿದೆ. ನೀವು ಗೂಗಲ್‌ ಪೇಜ್‌ಗೆ ಹೋದರೆ ಗೂಗಲ್‌ ಡ್ಯೂಡಲ್‌ ಕಾಣುತ್ತದೆ. ಇದರಲ್ಲಿ ಹಳೆಯ ವರ್ಷದ ನೆನಪುಗಳನ್ನು ಮಾಡಿಕೊಳ್ಳುವ, ಹೊಸ ವರ್ಷವನ್ನು ಸಡಗರದಿಂದ ಬರ ಮಾಡಿಕೊಳ್ಳುವ ಸಂದೇಶಗಳಿವೆ. ಗೂಗಲ್‌ ಡ್ಯೂಡಲ್‌ನಲ್ಲಿ 2023ರ ವರ್ಷವನ್ನು ಬೀಳ್ಕೊಡುವ ಬೇಸರದ ಮೀಮ್ಸ್‌ಗಳಿವೆ. ಬೇಸರದ ಮುಖಭಾವದೊಂದಿಗೆ ಮೀಮ್ಸ್‌ಗಳು ಹಾದು ಹೋಗುವ 2023ರ ಡ್ಯೂಡಲ್‌ ಇದೆ.

ಇದನ್ನೂ ಓದಿರಿ:2023 Recap: ಮನೆಯಿಂದ ಹೊರಗೆ ಹೋದ ಶಿವಪ್ಪ ಮತ್ತೆ ಜೀವಂತವಾಗಿ ಬರಲೇ ಇಲ್ಲ

ಇದೇ ರೀತಿ ಹೊಸ ವರ್ಷವನ್ನು ಸ್ವಾಗತಿಸಿಲು 3… 2… 1 ಎನ್ನುವ ಕ್ಷಣಗಣನೆಯನ್ನೂ ನೀಡಲಾಗಿದೆ. ಹೊಸ ವರ್ಷಕ್ಕೆ ಬೆಳಕಿನ ಚಿತ್ತಾರದ ಕ್ಷಣಗಳನ್ನು ಮೂಡಿಸಲಾಗಿದೆ. ಇನ್ನೇನು ಹೊಸ ವರ್ಷ ಬಂದೇ ಬಿಟ್ಟಿತು ಎಂದು ನೆನಪಿಸುವ ಪ್ರಯತ್ನವನ್ನು ಗೂಗಲ್‌ ಮಾಡಿದೆ.

ಕೊನೆಯ ಕ್ಷಣಗಳನ್ನು ದಾಟಿಕೊಂಡು ಹೊಸ ವರ್ಷವನ್ನು ಬರ ಮಾಡಿಕೊಳ್ಳುವ ಖುಷಿ ನಮ್ಮಲ್ಲಿ ಇರಲಿ. ಜಗತ್ತಿನ ಎಲ್ಲೆಡೆ ಈಗ ಹೊಸ ವರ್ಷವನ್ನು ಸಂತಸದಿಂದಲೇ ಬರ ಮಾಡಿಕೊಳ್ಳುವ ಕ್ಷಣ ಎದುರಾಗುತ್ತಿದೆ. ನಮ್ಮ ಹೊಸ ಸಂಕಲ್ಪಗಳು, ಶುಭಾಶಗಳೊಂದಿಗೆ ಮುಂದುವರಿಯೋಣ, ಪ್ರೀತಿ, ಸಂತಸ, ಯಶಸ್ಸು ಎಲ್ಲವೂ ಸಿಗುವಂತಾಗಲಿ ಎಂದು ಗೂಗಲ್‌ ಶುಭಾಶಯಗಳನ್ನು ಕೋರಿದೆ.

ಇದನ್ನೂ ಓದಿರಿ: 2023 Recap: ಅಳಿಯ ಹುಟ್ಟಿದ ಖುಷಿ, ಮಾತಂಗ ಬೆಟ್ಟ ಹತ್ತಿದ ಸಂಭ್ರಮ; 2023ರ ಪಯಣ ಮೆಲುಕು ಹಾಕಿದಾಗ ಕಂಡ ಬೆಸ್ಟ್‌ ಸಂಗತಿಗಳಿವು

ಹೊಸ ವರ್ಷವನ್ನು ಬರ ಮಾಡಿಕೊಳ್ಳಲು ನಾವೇ ರೂಪಿಸಿಕೊಂಡ ಖುಷಿಯ ಕ್ಷಣಗಳಿಗೆ ಅಣಿಯಾಗುತ್ತಿದ್ದೇವೆ. ಕೆಲವು ಭಾರೀ ಸಂಭ್ರಮಕ್ಕೆ, ಮತ್ತೆ ಕೆಲವರು ಕುಟುಂಬದವರು, ಸ್ನೇಹಿತರೊಂದಿಗೆ ಪ್ರವಾಸ ಕೈಗೊಂಡು, ಇನ್ನಷ್ಟು ಮಂದಿ ಮನೆಯಲ್ಲಿಯೇ ಇದ್ದುಕೊಂಡು ಹೊಸ ವರ್ಷ ಬರ ಮಾಡಿಕೊಳ್ಳುವವರು ಇದ್ದೇವೆ. ಇದು ನಾವು ಹೊಸತನಕ್ಕೆ ನಮ್ಮ ಮೈ- ಮನಗಳನ್ನು ಒಡ್ಡಿಕೊಳ್ಳುವ ಕ್ಷಣವೂ ಹೌದು. ನಮ್ಮೆಲ್ಲ ವೈಯಕ್ತಿಕ ಬೆಳವಣಿಗೆ ಹಾಗೂ ಸಾಧನೆಗಳಿಗೆ ಇಂತಹ ಖುಷಿ ಕ್ಷಣಗಳೇ ದಾರಿ ಮಾಡಿಕೊಡುತ್ತವೆ. ಹಳೆಯದನ್ನು ಮರೆಯದೇ ಹೊಸದರಲ್ಲಿ ಮೈ ಮರೆಯದೇ ನಾವು ಮುನ್ನಡೆಯೋಣ ಎನ್ನುವ ಸಂದೇಶವನ್ನು ಗೂಗಲ್‌ ಸಾರಿದೆ.