ಕನ್ನಡ ಸುದ್ದಿ / ಫೋಟೋ ಗ್ಯಾಲರಿ / 2024ರ ಸೀಸನ್ ಬಳಿಕ ಈ ದಿಗ್ಗಜ ಕ್ರಿಕೆಟಿಗರಿಗೆ ಇದೇ ಕೊನೆಯ ಐಪಿಎಲ್; ಅಗ್ರಸ್ಥಾನದಲ್ಲಿ ಎಂಎಸ್ ಧೋನಿ!

2024ರ ಸೀಸನ್ ಬಳಿಕ ಈ ದಿಗ್ಗಜ ಕ್ರಿಕೆಟಿಗರಿಗೆ ಇದೇ ಕೊನೆಯ ಐಪಿಎಲ್; ಅಗ್ರಸ್ಥಾನದಲ್ಲಿ ಎಂಎಸ್ ಧೋನಿ!

Apr 22, 2024 08:27 AM IST

MS Dhoni to Dinesh Karthik: ಎಂಎಸ್ ಧೋನಿ - ದಿನೇಶ್ ಕಾರ್ತಿಕ್ ಸೇರಿದಂತೆ ಪ್ರಮುಖ ಆಟಗಾರರು 2025ರ ಐಪಿಎಲ್ನಲ್ಲಿ ಆಡುವುದು ಬಹುತೇಕ ಅನುಮಾನ ಎನ್ನಲಾಗಿದೆ. ಅಂತಹ ಆಟಗಾರರ ಪಟ್ಟಿ ಇಲ್ಲಿದೆ ನೋಡಿ.

(1 / 11)

2024ರ ಐಪಿಎಲ್ನಲ್ಲಿ ಹಿರಿಯ ಆಟಗಾರರು, ಕಿರಿಯ ಆಟಗಾರರಿಗೆ ಸಮಾನವಾದ ಪೈಪೋಟಿ ನೀಡುತ್ತಾ ಅಬ್ಬರದ ಪ್ರದರ್ಶನ ನೀಡುತ್ತಿದ್ದಾರೆ. ಎಷ್ಟೇ ಪ್ರದರ್ಶನ ನೀಡುತ್ತಿದ್ದರೂ ಹಲವು ಆಟಗಾರರಿಗೆ ಇದೇ ಕೊನೆಯ ಐಪಿಎಲ್ ಆಗಲಿದೆ. ಅಂತಹ ಆಟಗಾರರ ಪಟ್ಟಿ ಇಲ್ಲಿದೆ.

(2 / 11)

ಎಂಎಸ್ ಧೋನಿ ಪ್ರಸಕ್ತ ಐಪಿಎಲ್ನಲ್ಲಿ ಅಬ್ಬರಿಸುತ್ತಿದ್ದಾರೆ. ಕೊನೆಯಲ್ಲಿ ಕಣಕ್ಕಿಳಿದು 200+ ಸ್ಟ್ರೈಕ್ರೇಟ್ನಲ್ಲಿ ಬ್ಯಾಟಿಂಗ್ ನಡೆಸುವ ಮೂಲಕ ಎದುರಾಳಿಗಳನ್ನು ನಡುಗಿಸುತ್ತಿರುವ ಸಿಎಸ್ಕೆ ಮಾಜಿ ನಾಯಕನಿಗೆ ಇದೇ ಕೊನೆಯ ಐಪಿಎಲ್. ಅದಕ್ಕೆ ಸಾಕ್ಷಿ ತನ್ನ ನಾಯಕತ್ವ ತ್ಯಜಿಸಿ ಋತುರಾಜ್ ಗಾಯಕ್ವಾಡ್ಗೆ ನೀಡಿರುವುದು. ಐಪಿಎಲ್ ಆರಂಭವಾದಾಗಿನಿಂದ ಸಿಎಸ್ಕೆ ಪರವೇ ಆಡುತ್ತಿರುವ 43 ವರ್ಷದ ಮಾಹಿ, ಮುಂದಿನ ವರ್ಷದಿಂದ ಶ್ರೀಮಂತ ಲೀಗ್ನಿಂದ ದೂರ ಉಳಿಯಲು ನಿರ್ಧರಿಸಿದ್ದಾರೆ. ಈವರೆಗೂ 257 ಐಪಿಎಲ್ ಪಂದ್ಯಗಳಲ್ಲಿ 5169 ರನ್ ಬಾರಿಸಿದ್ದು, ಇದರಲ್ಲಿ 24 ಅರ್ಧಶತಕ ಸೇರಿವೆ.

(3 / 11)

ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ನಾಯಕ ಫಾಫ್ ಡು ಪ್ಲೆಸಿಸ್ ಅವರಿಗೆ ಪ್ರಸ್ತುತ 40 ವರ್ಷ. ಪ್ರಸ್ತುತ ಐಪಿಎಲ್ ಆರಂಭದಲ್ಲಿ ಕಳಪೆ ಪ್ರದರ್ಶನ ನೀಡಿ, ನಂತರ ಮಿಂಚಿದ ಪ್ಲೆಸಿಸ್ಗೂ ಇದೇ ಕೊನೆಯ ಐಪಿಎಲ್. 2025ರ ಮೆಗಾ ಹರಾಜಿನಲ್ಲಿ ಆರ್ಸಿಬಿ ಅವರನ್ನು ಕೈಬಿಡುವ ಸಾಧ್ಯತೆ ದಟ್ಟವಾಗಿದೆ. ಫ್ರಾಂಚೈಸಿಗಳು ಯುವಕರ ಮೇಲೆ ಗಮನ ಹರಿಸಿದ ಕಾರಣ ಪ್ಲೆಸಿಸ್ರನ್ನು ಖರೀದಿ ಮಾಡುವುದು ಕಷ್ಟ. 137 ಐಪಿಎಲ್ ಪಂದ್ಯಗಳಲ್ಲಿ 4365 ರನ್ ಬಾರಿಸಿದ್ದಾರೆ. 35 ಅರ್ಧಶತಕ ಸಿಡಿಸಿದ್ದಾರೆ. ಆರ್ಸಿಬಿಗೂ ಮುನ್ನ ಸಿಎಸ್ಕೆ, ರೈಸಿಂಗ್ ಪುಣೆ ಸೂಪರ್ ಜೈಂಟ್ಸ್ ಪರ ಆಡಿದ್ದರು.(ANI )

(4 / 11)

ದಿನೇಶ್ ಕಾರ್ತಿಕ್ ಈ ವರ್ಷ 39ನೇ ವರ್ಷಕ್ಕೆ ಕಾಲಿಡಲಿದ್ದಾರೆ. ಈ ವಯಸ್ಸಲ್ಲೂ ತಮ್ಮ ಬ್ಯಾಟಿಂಗ್ ಖದರ್ ತೋರಿಸುತ್ತಿದ್ದಾರೆ. ಬೆಂಕಿ ಬಿರುಗಾಳಿ ನಡೆಸುತ್ತಿರುವ ಡಿಕೆಗೆ ಇದೇ ಲಾಸ್ಟ್ ಐಪಿಎಲ್. ಈಗಾಗಲೇ ಈ ಬಗ್ಗೆ ಅವರೇ ಸುಳಿವು ನೀಡಿದ್ದಾರೆ. 249 ಐಪಿಎಲ್ ಪಂದ್ಯಗಳಲ್ಲಿ ಕಣಕ್ಕಿಳಿದು 4742 ರನ್ ಗಳಿಸಿದ್ದಾರೆ. 22 ಅರ್ಧಶತಕ ಸಿಡಿಸಿದ್ದಾರೆ. ಡೆಲ್ಲಿ ಡೇರ್ಡೆವಿಲ್ಸ್ (ಈಗಿನ ಡೆಲ್ಲಿ ಕ್ಯಾಪಿಟಲ್ಸ್), ಕಿಂಗ್ಸ್ XI ಪಂಜಾಬ್ (ಈಗಿನ ಪಂಜಾಬ್ ಕಿಂಗ್ಸ್), ಮುಂಬೈ ಇಂಡಿಯನ್ಸ್, ಆರ್ಸಿಬಿ, ಗುಜರಾತ್ ಲಯನ್ಸ್, ಕೆಕೆಆರ್ ತಂಡಗಳ ಪರ ಆಡಿದ್ದಾರೆ.(AFP)

(5 / 11)

37 ವರ್ಷದ ಡೇವಿಡ್ ವಾರ್ನರ್ ಈಗಾಗಲೇ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ವಿದಾಯ ಹೇಳಿದ್ದು, ಈ ವರ್ಷ ಕಳಪೆ ಪ್ರದರ್ಶನ ನೀಡಿದ್ದಾರೆ. ಕಳೆದ ಎರಡು ಸೀಸನ್ಗಳಿಂದ ಅವರ ಆಟ ಕುಂದಿದೆ. ಡೆಲ್ಲಿ (2 ಸಲ) ಮತ್ತು ಸನ್ರೈಸರ್ಸ್ ಹೈದರಾಬಾದ್ ಪರ ಆಡಿರುವ ವಾರ್ನರ್, 182 ಐಪಿಎಲ್ ಪಂದ್ಯಗಳಲ್ಲಿ 6563 ರನ್ ಗಳಿಸಿದ್ದಾರೆ. 62 ಅರ್ಧಶತಕ, 4 ಶತಕ ಸಿಡಿಸಿದ್ದಾರೆ. (ANI)

(6 / 11)

39ರ ಹರೆಯದ ವೃದ್ಧಿಮಾನ್ ಸಾಹ ಈ ಬಾರಿ ವೈಫಲ್ಯ ಅನುಭವಿಸಿದ್ದು, 2025ರ ಐಪಿಎಲ್ ಮೆಗಾ ಹರಾಜಿಗೆ ಬರುವುದು ಬಹುತೇಕ ಅನುಮಾನ. ಈ ಹಿಂದೆ ಪಂಜಾಬ್ ಕಿಂಗ್ಸ್, ಎಸ್ಆರ್ಹೆಚ್ ಪರ ಆಡಿದ್ದ ಗುಜರಾತ್ ಟೈಟಾನ್ಸ್ ಆಟಗಾರ, 166 ಐಪಿಎಲ್ ಪಂದ್ಯಗಳಲ್ಲಿ 2876 ರನ್ ಗಳಿಸಿದ್ದಾರೆ. 13 ಅರ್ಧಶತಕ, 1 ಶತಕ ಸಿಡಿಸಿದ್ದಾರೆ.(PTI)

(7 / 11)

ಪಂಜಾಬ್ ಕಿಂಗ್ಸ್ ನಾಯಕನಾಗಿರುವ ಶಿಖರ್ ಧವನ್, ಈ ವರ್ಷವೂ ನಿರಾಸೆ ಮೂಡಿಸಿದ್ದಾರೆ. ಅಲ್ಲದೆ, ಇಂಜುರಿ ಸಮಸ್ಯೆಗೂ ಸಿಲುಕಿದ್ದಾರೆ. 38 ವರ್ಷದ ಆಟಗಾರ ಎಸ್ಆರ್ಹೆಚ್, ಡೆಲ್ಲಿ ಮತ್ತು ಪಿಬಿಕೆಎಸ್ ಪರ ಆಡಿದ್ದು, 222 ಪಂದ್ಯಗಳಲ್ಲಿ 6768 ರನ್ ಗಳಿಸಿದ್ದಾರೆ. 51 ಅರ್ಧಶತಕ, 2 ಶತಕ ಸಿಡಿಸಿದ್ದಾರೆ.(PTI)

(8 / 11)

ಅಫ್ಘಾನಿಸ್ತಾನ ತಂಡದ ಮೊಹಮ್ಮದ್ ನಬಿ ಐಪಿಎಲ್ನಲ್ಲಿ ಮುಂಬೈ ಇಂಡಿಯನ್ಸ್ ಪರ ಆಡುತ್ತಿದ್ದಾರೆ. ಕೇವಲ 21 ಪಂದ್ಯಗಳನ್ನಾಡಿದ್ದು, 184 ರನ್, 13 ವಿಕೆಟ್ ಪಡೆದಿದ್ದಾರೆ. 39 ವರ್ಷವಾಗಿದ್ದು, ಮುಂದಿನ ವರ್ಷ ಐಪಿಎಲ್ನಲ್ಲಿ ಕಾಣಿಸಿಕೊಳ್ಳುವುದು ಅನುಮಾನ.(AFP)

(9 / 11)

ಲಕ್ನೋ ಸೂಪರ್ ಜೈಂಟ್ಸ್ ಪರ ಆಡುತ್ತಿರುವ ಸ್ಪಿನ್ನರ್ ಅಮಿತ್ ಮಿಶ್ರಾ ಅವರಿಗೆ 41 ವರ್ಷ. 2024ರ ಐಪಿಎಲ್ನಲ್ಲಿ ಇನ್ನೂ ಕಣಕ್ಕಿಳಿಯದ ಮಿಶ್ರಾ ಈ ಹಿಂದೆ ಡೆಲ್ಲಿ ಮತ್ತು ಎಸ್ಆರ್ಹೆಚ್ ತಂಡದ ಪರ ಆಡಿದ್ದಾರೆ. 161 ಪಂದ್ಯಗಳಲ್ಲಿ 173 ವಿಕೆಟ್ ಕಿತ್ತಿದ್ದಾರೆ.

(10 / 11)

ಭಾರತದ ಮತ್ತೊಬ್ಬ ಸ್ಪಿನ್ನರ್ ಪಿಯೂಷ್ ಚಾವ್ಲಾಗೆ ಇನ್ನೂ 35 ವರ್ಷ. ಇದರ ನಡುವೆಯೂ ಅವರು ಮುಂದಿನ ವರ್ಷ ಮೆಗಾ ಹರಾಜಿಗೆ ಬಂದರೂ ಖರೀದಯಾಗುವುದು ಬಹುತೇಕ ಅನುಮಾನ. ಪ್ರಸ್ತುತ ಮುಂಬೈ ಇಂಡಿಯನ್ಸ್ ಪರ ಆಡುತ್ತಿರುವ ಚಾವ್ಲಾ, ಈ ಹಿಂದೆ ಕೆಕೆಆರ್, ಸಿಎಸ್ಕೆ ಪರವೂ ಆಡಿದ್ದಾರೆ. 185 ಪಂದ್ಯಗಳಲ್ಲಿ 181 ವಿಕೆಟ್ ಪಡೆದಿದ್ದಾರೆ.

(11 / 11)

ಕ್ಷಣಕ್ಷಣದ ಅಪ್ಡೇಟ್ಸ್ಗಾಗಿ ಹಿಂದೂಸ್ತಾನ್ ಟೈಮ್ಸ್ ಕನ್ನಡ ಓದಿ.

ಹಂಚಿಕೊಳ್ಳಲು ಲೇಖನಗಳು

ತಾಜಾ ಸುದ್ದಿ

ವಿಡಿಯೋ

ಮನರಂಜನೆ

ಕ್ರೀಡೆ

ಕ್ರಿಕೆಟ್

ಕರ್ನಾಟಕ

ರಾಷ್ಟ್ರ-ಜಗತ್ತು

ರಾಶಿ ಭವಿಷ್ಯ

ಜೀವನಶೈಲಿ

2024ರ ಸೀಸನ್ ಬಳಿಕ ಈ ದಿಗ್ಗಜ ಕ್ರಿಕೆಟಿಗರಿಗೆ ಇದೇ ಕೊನೆಯ ಐಪಿಎಲ್; ಅಗ್ರಸ್ಥಾನದಲ್ಲಿ ಎಂಎಸ್ ಧೋನಿ!