Happy Birthday Meena: ನಟಿ ಮೀನಾಳ ತದ್ರೂಪಿ ಈ ಪುಟಾಣಿ.. ಅವಳಿ ಅಮ್ಮ ಮಗಳು ಹೇಗಿದ್ದಾರೆ ನೋಡಿ..

ಬೊಗಸೆ ಕಂಗಳ ಚೆಲುವೆ ಮೀನಾ ಬರ್ತ್‌ಡೇ (ಸೆ. 16) ಸಂಭ್ರಮದಲ್ಲಿದ್ದಾರೆ. ಒಂದೇ ಭಾಷೆಗೆ ಸೀಮಿತವಾಗದೇ ಇಡೀ ಸೌತ್‌ ಸಿನಿ ದುನಿಯಾದಲ್ಲಿ ಮೀನಾ ಗುರುತಿಸಿಕೊಂಡಿದ್ದಾರೆ. ಹಿಂದಿಯಲ್ಲಿಯೂ ಮೋಡಿ ಮಾಡಿದ್ದಾರೆ. ಈಗಲೂ ಸಿನಿಮಾ ರಂಗದಲ್ಲಿ ಸಕ್ರಿಯರಾಗಿರುವ ಮೀನಾ, ಪೋಷಕ ಪಾತ್ರಗಳಲ್ಲಿ ನಟಿಸುತ್ತಿದ್ದಾರೆ. ಬಾಲ ನಟಿಯಾಗಿ ಸಿನಿಮಾರಂಗಕ್ಕೆ ಬಂದು, ಸ್ಟಾರ್‌ ನಟರ ಸಿನಿಮಾಗಳಿಗೆ ನಾಯಕಿಯಾಗಿಯೂ ನಟಿಸಿದ್ದಾರೆ. 'ಪುಟ್ನಂಜ' ಮೂಲಕ ಕನ್ನಡಕ್ಕೆ ಎಂಟ್ರಿ ಕೊಟ್ಟ ಮೀನಾವರನ್ನು ಕನ್ನಡಿಗರು ಸ್ವೀಕರಿಸಿದರು. ಈ ಸಿನಿಮಾ ನಂತರ 'ಚೆಲುವ', 'ಮೊಮ್ಮಗ', 'ಶ್ರೀ ಮಂಜುನಾಥ', 'ಗ್ರಾಮ ದೇವತೆ', 'ಸಿಂಹಾದ್ರಿಯ ಸಿಂಹ' ಸೇರಿ ಅನೇಕ ಕನ್ನಡ ಸಿನಿಮಾಗಳಲ್ಲಿ ಮೀನಾ ನಟಿಸಿದ್ದಾರೆ. 2010ರಲ್ಲಿ ತೆರೆ ಕಂಡ 'ಹೆಂಡ್ತೀರ್‌ ದರ್ಬಾರ್‌' ನಂತರ ಅವರು ಮತ್ತೆ ಕನ್ನಡಕ್ಕೆ ಬಂದಿಲ್ಲ. ಇದೀಗ ಬರ್ತ್‌ಡೇ ಪ್ರಯುಕ್ತ ಮೀನಾ ಮತ್ತವರ ಪಡಿಯಚ್ಚು ಪುತ್ರಿಯ ಫೋಟೋಗಳು ಇಲ್ಲಿವೆ.