LSG vs MI Eliminator: ನವೀನ್, ಯಶ್ ಠಾಕೂರ್ ದರ್ಬಾರ್; ಕೊನೆಯಲ್ಲಿ ನೇಹಾಲ್ ವಧೇರಾ ಅಬ್ಬರ; ಲಕ್ನೋ ಗೆಲುವಿಗೆ ಬೇಕು 183 ರನ್
May 24, 2023 09:35 PM IST
ಲಕ್ನೋ ಸೂಪರ್ ಜೈಂಟ್ಸ್ ತಂಡದ ಆಟಗಾರರು
- 16ನೇ ಆವೃತ್ತಿಯ ಐಪಿಎಲ್ನ ಎಲಿಮಿನೇಟರ್ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ಸ್ಪರ್ಧಾತ್ಮಕ ಮೊತ್ತ ಕಲೆ ಹಾಕಿದೆ. ಸ್ಪಿನ್ ಪಿಚ್ನಲ್ಲಿ ಮುಂಬೈ, ಲಕ್ನೋ ಸೂಪರ್ ಜೈಂಟ್ಸ್ ತಂಡಕ್ಕೆ 183 ರನ್ಗಳ ಬೃಹತ್ ಗುರಿ ನೀಡಿದೆ.
ವೇಗದ ಬೌಲರ್ ನವೀನ್ ಉಲ್ ಹಕ್ ಅವರ ಮಾರಕ ಬೌಲಿಂಗ್ ದಾಳಿಯಿಂದ ಮುಂಬೈ ಇಂಡಿಯನ್ಸ್ ತತ್ತರಿಸಿತು. ಮಹತ್ವದ ಪಂದ್ಯದಲ್ಲಿ ಲಕ್ನೋ ಸೂಪರ್ ಜೈಂಟ್ಸ್ ಬೌಲಿಂಗ್ ಎದುರಿಸಲು ಪರದಾಟ ನಡೆಸಿತು. ಆದರೆ ಕೊನೆಯ ಓವರ್ನಲ್ಲಿ ನೇಹಾಲ್ ವಧೇರಾ ಸ್ಫೋಟಕ ಬ್ಯಾಟಿಂಗ್ ಬೃಹತ್ ಮೊತ್ತ ಕಲೆ ಹಾಕಲು ಸಾಧ್ಯವಾಯಿತು. ಚೆನ್ನೈನ ಚೆಪಾಕ್ ಮೈದಾನದಲ್ಲಿ ಲಕ್ನೋ ತಂಡಕ್ಕೆ 183 ರನ್ಗಳ ಟಾರ್ಗೆಟ್ ನೀಡಿದೆ.
ಕೇಳ್ರಪ್ಪೋ ಕೇಳಿ; ನೀವೂ ಬೆಂಗಳೂರು ಬುಲ್ಸ್ ತಂಡ ಸೇರಲು ಇಲ್ಲಿದೆ ಸುವರ್ಣಾವಕಾಶ, ನಿಯಮ ಮತ್ತು ಷರತ್ತುಗಳು ಅನ್ವಯ
ನಾನು ಹೇಳಿದ್ದು ತುಂಬಾ ಕಡಿಮೆ, ಆದರೂ ನಾನು ಮೌನಿಯಾಗಿದ್ದೇನೆ; ಸಾನಿಯಾ ಮಿರ್ಜಾ ಪೋಸ್ಟ್ನ ಅರ್ಥವೇನು?
ದೇಶಕ್ಕಾಗಿ ಪದಕ ಗೆಲ್ಲುವುದೇ ನನ್ನ ಗುರಿ; ಅದಕ್ಕಾಗಿ ತೂಕ ಕಾಪಾಡಿಕೊಳ್ಳಬೇಕು ಎಂದ ವಿನೇಶ್ ಫೋಗಟ್
ಪ್ಯಾರಿಸ್ ಒಲಿಂಪಿಕ್ಸ್ಗೆ ಅರ್ಹತೆ ಗಳಿಸಿದ ಭಾರತದ 7 ಷಟ್ಲರ್ಗಳು; ಅರ್ಹತೆ; ಕನ್ನಡತಿ ಅಶ್ವಿನಿ ಪೊನ್ನಪ್ಪ, ಪಿವಿ ಸಿಂಧುಗೆ ಅವಕಾಶ
ಮಹತ್ವದ ಪಂದ್ಯದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ಆರಂಭಿಸಿದ ಮುಂಬೈ ಇಂಡಿಯನ್ಸ್ಗೆ ನಿರೀಕ್ಷಿತ ಆರಂಭ ಸಿಗಲಿಲ್ಲ. ಆರಂಭಿಕರಾಗಿ ಕಣಕ್ಕಿಳಿದ ರೋಹಿತ್ ಶರ್ಮಾ (15) ಮತ್ತು ಇಶಾನ್ ಕಿಶನ್ (12) ಪವರ್ ಪ್ಲೇ ಮುಗಿಯುವುದರೊಳಗೆ ತಂಡಕ್ಕೆ ಡಬಲ್ ಆಘಾತ ನೀಡಿದರು. ಈ ಹಂತದಲ್ಲಿ ಲಕ್ನೋ ಬೌಲರ್ಗಳು ಮೇಲುಗೈ ಸಾಧಿಸಿದರು.
ತಂಡಕ್ಕೆ ಆಸರೆಯಾದ ಗ್ರೀನ್-ಸೂರ್ಯ
4.2 ಓವರ್ಗಳಿಗೆ 38 ರನ್ ಗಳಿಸಿದ್ದಾಗ 2 ವಿಕೆಟ್ ಕಳೆದುಕೊಂಡಿದ್ದ ತಂಡಕ್ಕೆ ಕ್ಯಾಮರೂನ್ ಗ್ರೀನ್ - ಸೂರ್ಯಕುಮಾರ್ ಯಾದವ್ ಆಸರೆಯಾದರು. 3ನೇ ವಿಕೆಟ್ಗೆ 66 ರನ್ಗಳ ಜೊತೆಯಾಟವಾಡಿದರು. ಇದರೊಂದಿಗೆ ಆರಂಭಿಕ ಕುಸಿತದಿಂದ ಪಾರು ಮಾಡಿದ ಈ ಜೋಡಿ, ಬೃಹತ್ ಮೊತ್ತ ಕಲೆ ಹಾಕುವತ್ತ ಹೆಜ್ಜೆ ಹಾಕಿದರು.
10 ಓವರ್ಗಳಲ್ಲಿ 98 ರನ್ ಗಳಿಸಿದ್ದ ಮುಂಬೈ ತಂಡಕ್ಕೆ ಮತ್ತಷ್ಟು ಆಸರೆ ನೀಡಲು ಯತ್ನಿಸಿದರು. ಆ ಮೂಲಕ ಬೌಲರ್ಗಳ ಬಿಗಿ ಹಿಡಿತ ಸಾಧಿಸಲು ಮುಂದಾದರು. ಈ ವೇಳೆ ಸೂರ್ಯಕುಮಾರ್ 33 ರನ್ ಗಳಿಸಿ, ಕ್ಯಾಮರೂನ್ ಗ್ರೀನ್ 41 ರನ್ ಗಳಿಸಿ ಹೊರ ನಡೆದರು. ಇಬ್ಬರಿಗೂ ನವೀನ್ ಉಲ್ ಹಕ್ ಶಾಕ್ ನೀಡಿದರು.
ವದೇರಾ ಮಿಂಚು, ತಿಲಕ್ ಪರವಾಗಿಲ್ಲ, ಡಲ್ ಆದ ಡೇವಿಡ್
ಬ್ಯಾಕ್ ಟು ಬ್ಯಾಕ್ ವಿಕೆಟ್ಗಳು ಕಳೆದುಕೊಳ್ಳುತ್ತಿದ್ದಂತೆ, ಕ್ರೀಸ್ನಲ್ಲಿದ್ದ ತಿಲಕ್ ವರ್ಮಾ ಮತ್ತು ಟಿಮ್ ಡೇವಿಡ್ ನಿಧಾನವಾಗಿ ಬ್ಯಾಟ್ ಬೀಸಿದರು. ಬೃಹತ್ ಮೊತ್ತ ಕಲೆ ಹಾಕುವ ಲೆಕ್ಕಾಚಾರ ಹಾಕಿದ್ದ ಮುಂಬೈ ಕೊಂಚ ಹಿನ್ನಡೆ ಅನುಭವಿಸಿತು. ಸ್ಲೋ ಇನ್ನಿಂಗ್ಸ್ ಕಟ್ಟುತ್ತಿದ್ದ ಡೇವಿಡ್ 13 ರನ್ ಗಳಿಗೆ ಆಟ ಮುಗಿಸಿದರು.
ಮತ್ತೊಂದೆಡೆ ಆಗ್ಗಾಗೆ ಚೆಂಡನ್ನು ಬೌಂಡರಿ ಗೆರೆ ಮುಟ್ಟಿಸುತ್ತಿದ್ದ ತಿಲಕ್ ವರ್ಮಾ ಕೂಡ ಹೆಚ್ಚು ಆಕರ್ಷಣೀಯ ಇನ್ನಿಂಗ್ಸ್ ಕಟ್ಟಲಿಲ್ಲ. ತಿಲಕ್ 22 ಎಸೆತಗಳಲ್ಲಿ 2 ಸಿಕ್ಸರ್ಗಳ ನೆರವಿನಿಂದ 26 ರನ್ ಗಳಿಸಿ ವಿಕೆಟ್ ಒಪ್ಪಿಸಿದರು. ಆದರೆ ನೇಹಾಲ್ ವಧೇರಾ ಕೊನೆಯಲ್ಲಿ ಅಬ್ಬರಿಸಿದರು. ಅದರಲ್ಲೂ 20ನೇ ಓವರ್ನಲ್ಲಿ ಬೌಂಡರಿಗಳ ಸುರಿಮಳೆಗೈದರು. 12 ಎಸೆತಗಳಲ್ಲಿ 22 ರನ್ ಗಳಿಸಿದರು.
ನವೀನ್ ಉಲ್ ಹಕ್ ದರ್ಬಾರ್
ಎಲಿಮಿನೇಟರ್ ಪಂದ್ಯದಲ್ಲಿ ಅದ್ಭುತ ಬೌಲಿಂಗ್ ಪ್ರಯೋಗಿಸಿದ ನವೀನ್ ಉಲ್ ಹಕ್, ಮುಂಬೈ ತಂಡದ ಪ್ರಮುಖ ವಿಕೆಟ್ಗಳನ್ನೇ ಉರುಳಿಸಿದರು. ಆರಂಭದಲ್ಲಿ ರೋಹಿತ್ ವಿಕೆಟ್ ಪಡೆದು ಲಕ್ನೋ ತಂಡಕ್ಕೆ ಮೇಲುಗೈ ತಂದುಕೊಟ್ಟರು. ನಂತರ ತಂಡದ ಹಾದಿ ತಪ್ಪುತ್ತಿದ್ದಾಗ ಗ್ರೀನ್ - ಸೂರ್ಯ, ತಿಲಕ್ ವಿಕೆಟ್ ಉರುಳಿಸಿ ಮತ್ತೆ ಮುನ್ನಡೆ ತಂದುಕೊಟ್ಟರು. 4 ಓವರ್ಗಳಲ್ಲಿ 38 ರನ್ ಬಿಟ್ಟುಕೊಟ್ಟು 4 ವಿಕೆಟ್ ಪಡೆದರು.
ನವೀನ್ ಉಲ್ ಹಕ್ಗೆ ಯಶ್ ಠಾಕೂರ್ ಮತ್ತು ಮೊಹ್ಸಿನ್ ಖಾನ್ ಸಾಥ್ ನೀಡಿದರು. ಯಶ್ ಠಾಕೂರ್ 3 ವಿಕೆಟ್ ಪಡೆದರೆ, ಮೊಹ್ಸಿನ್ ಅವರು 1 ವಿಕೆಟ್ ಪಡೆದರು. ಅಂತಿಮ ಮುಂಬೈ ಇಂಡಿಯನ್ಸ್ 20 ಓವರ್ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 182 ರನ್ ಗಳಿಸಿದೆ. ಈ ಪಿಚ್ನಲ್ಲಿ ನಡೆದ ಮೊದಲ ಕ್ವಾಲಿಫೈಯರ್ ಪಂದ್ಯದಲ್ಲಿ 172 ರನ್ಗಳನ್ನು ಚೆನ್ನೈ ಸೂಪರ್ ಕಿಂಗ್ಸ್ ಡಿಪೆಂಡ್ ಮಾಡಿಕೊಂಡು ಗೆದ್ದುಕೊಂಡಿತ್ತು.