19** ರಲ್ಲಿ ಜನಿಸಿದವರಿಗೆ 2024 ಅತ್ಯಂತ ಶುಭಪ್ರದ: ನೀವು ಜನಿಸಿದ ವರ್ಷಕ್ಕೆ 2024 ಹೇಗಿದೆ? ಜ್ಯೋತಿಷಿ ಸುರಭಿ ನೀಡುವ ಉತ್ತರ ಇದು

2023ರ ಅಂತ್ಯಕ್ಕೆ ದಿನಗಣನೆ ಆರಂಭವಾಗಿದೆ. ಇನ್ನೇನು ಕೆಲವೇ ದಿನಗಳಲ್ಲಿ 2024ರ ಹೊಸ ವರ್ಷ ಪ್ರಾರಂಭವಾಗುತ್ತದೆ. ಜ್ಯೋತಿಷ್ಯಶಾಸ್ತ್ರದ ಪ್ರಕಾರ 2024ನೇ ವರ್ಷ ಕೆಲವು ರಾಶಿಯವರಿಗೆ ಶುಭಫಲ ನೀಡಲಿದೆ.

ನೀವು 1995ರಲ್ಲಿ ಹುಟ್ಟಿದ್ದೀರಾ? ಹಾಗಾದರೆ 2024ರಲ್ಲಿ ನಿಮಗೆ 29 ವರ್ಷವಾಗುತ್ತದೆ. ಈ ವರ್ಷ ಅಂದರೆ 2024 ನಿಮಗೆ ಬಹಳ ಮುಖ್ಯವಾಗಿರುತ್ತದೆ ಎಂದು ಹೇಳುತ್ತಾರೆ ಜ್ಯೋತಿಷಿ ಮತ್ತು ಟ್ಯಾರೋ ಕಾರ್ಡ್ ತಜ್ಞೆ ಸುರಭಿ. ಅವರ ಪ್ರಕಾರ, 1995ರಲ್ಲಿ ಜನಿಸಿದವರ ಜೀವನದಲ್ಲಿ 2024 ಬಹುದೊಡ್ಡ ಬದಲಾವಣೆಯಾಗಲಿದೆ.

2024ರಲ್ಲಿ 29 ವರ್ಷಕ್ಕೆ ಕಾಲಿಡುವ ಜನರು ಅಂದರೆ 1995 ರಲ್ಲಿ ಜನಿಸಿದವರು ತಮ್ಮ ಜೀವನ ಮತ್ತು ವೃತ್ತಿಜೀವನದಲ್ಲಿ ದೊಡ್ಡ ಬದಲಾವಣೆಗಳನ್ನು ನಿರೀಕ್ಷಿಸಬಹುದು. ವೃತ್ತಿ ಬದಲಾವಣೆಯು ನಿಮ್ಮ ಜೀವನದ ಪ್ರಮುಖ ವಿಷಯಗಳಲ್ಲಿ ಒಂದಾಗಿದೆ.

ಅದಕ್ಕಾಗಿಯೇ 1995ರಲ್ಲಿ ಜನಿಸಿದವರಿಗೆ 2024 ಬಹಳ ಮುಖ್ಯವಾಗಿರುತ್ತದೆ. 1991, 1992, 1993 ಅಥವಾ 1994, 95 ರಲ್ಲಿ ಜನಿಸಿದವರು ಕೂಡ ತಮ್ಮ ಜೀವನದಲ್ಲಿ ದೊಡ್ಡ ಬದಲಾವಣೆಗಳನ್ನು ನೋಡಲಿದ್ದಾರೆ ಎಂದು ಸುರಭಿ ಹೇಳುತ್ತಾರೆ.

1995 ರಲ್ಲಿ ಹುಟ್ಟಿದವರ ಜೀವನದಲ್ಲಿ ಇಷ್ಟು ದೊಡ್ಡ ಬದಲಾವಣೆ ಏಕೆ ಬರುತ್ತದೆ ಎಂಬುದನ್ನೂ ಸುರಭಿ ವಿವರಿಸಿದ್ದಾರೆ. ಜ್ಯೋತಿಷಿ ಮತ್ತು ಟ್ಯಾರೋ ಕಾರ್ಡ್ ತಜ್ಞರಾದ ಇವರು ಈ ಬದಲಾವಣೆಯ ಹಿಂದೆ ಸಂಖ್ಯೆಗಳಿವೆ ಎಂದು ಹೇಳುತ್ತಾರೆ. ಶನಿಯು ಸುಮಾರು ಎರಡೂವರೆ ವರ್ಷಗಳಲ್ಲಿ ಒಂದು ರಾಶಿಯಿಂದ ಇನ್ನೊಂದು ರಾಶಿಗೆ ಚಲಿಸುತ್ತಾನೆ. ಅಂದರೆ ಶನಿಯು ತನ್ನ ರಾಶಿಯನ್ನು ಬದಲಾಯಿಸಲು ಸುಮಾರು ಎರಡೂವರೆ ವರ್ಷ ತೆಗೆದುಕೊಳ್ಳುತ್ತದೆ. ಶನಿದೇವನು 12 ರಾಶಿಗಳ (ಪೂರ್ಣ ಕಕ್ಷೆ) ಮೂಲಕ ಚಲಿಸಲು 29 ವರ್ಷಗಳನ್ನು ತೆಗೆದುಕೊಳ್ಳುತ್ತಾನೆ. ಹಾಗಾಗಿ 29 ಎನ್ನುವುದು ಬಹಳ ಮುಖ್ಯವಾದುದು.

ಶನಿದೇವ ಪ್ರಸ್ತುತ ತನ್ನದೇ ಆದ ಕುಂಭ ರಾಶಿಯಲ್ಲಿದ್ದಾನೆ. ನ್ಯಾಯ ಮತ್ತು ಕರ್ಮಫಲಗಳನ್ನು ನೀಡುವ ಶನಿಯು 2025ರವರೆಗೆ ಕುಂಭ ರಾಶಿಯಲ್ಲಿ ಇರುತ್ತಾನೆ.

(ಗಮನಿಸಿ: ಇದು ನಂಬಿಕೆ ಮತ್ತು ಶಾಸ್ತ್ರವನ್ನು ಆಧರಿಸಿದ ಬರಹ. ಇದರಲ್ಲಿರುವ ಎಲ್ಲ ಅಂಶಗಳನ್ನೂ "ಹಿಂದೂಸ್ತಾನ್ ಟೈಮ್ಸ್ ಕನ್ನಡ" ಪುಷ್ಟೀಕರಿಸುವುದಿಲ್ಲ. ನಿಮ್ಮ ಸ್ವಂತ ವಿವೇಚನೆ ಬಳಸಿ ನಿರ್ಧಾರಗಳನ್ನು ತೆಗೆದುಕೊಳ್ಳಿ.)

ಇದನ್ನೂ ಓದಿ

Love Horoscope: ನಿಮ್ದು ಈ ರಾಶಿನಾ, ಹಾಗಾದ್ರೆ ಖಂಡಿತ ನಿಮ್ಗೆ ಹಳೇಪ್ರೇಮಿ ಜೊತೆ ಲವ್‌ ಆಗುತ್ತೆ, ಅದಕ್ಕೆ ಕಾರಣ ಇಲ್ಲಿದೆ

ಪ್ರೀತಿಯಲ್ಲಿ ವಿರಸ, ಜಗಳ ಸಾಮಾನ್ಯ. ಕೆಲವೊಮ್ಮೆ ಇದು ಅತಿಯಾದ್ರೆ ಅಂತ್ಯವಾಗುವುದು ಬ್ರೇಕಪ್‌ನಲ್ಲಿ. ಆದ್ರೆ ಜ್ಯೋತಿಷ್ಯದ ಪ್ರಕಾರ ಈ 3 ರಾಶಿಯವರು ಬ್ರೇಕಪ್‌ ನಂತರವೂ ಮಾಜಿ ಪ್ರೇಮಿಗಳ ಜೊತೆ ಮತ್ತೆ ಒಂದಾಗ್ತಾರಂತೆ. ಅದಕ್ಕೆ ಕಾರಣ ಸೂರ್ಯ ಹಾಗೂ ಶುಕ್ರ. ಇದರಲ್ಲಿ ನಿಮ್ಮ ರಾಶಿನೂ ಇದ್ಯಾ ನೋಡಿ.

ಈ ಲೇಖನವನ್ನು ಪೂರ್ತಿ ಓದಲು ಈ ಲಿಂಕ್‌ ಕ್ಲಿಕ್‌ ಮಾಡಿ

Astrology: ಈ ರಾಶಿಯವರಿಗೆ ಟ್ರಾವೆಲ್‌ ಮಾಡೋದು ಅಂದ್ರೇನೇ ಅಲರ್ಜಿಯಂತೆ; ಇದ್ರಲ್ಲಿ ನಿಮ್ಮ ರಾಶಿನೂ ಇದ್ಯಾ ನೋಡಿ

ಕೆಲವರಿಗೆ ಟ್ರಾವೆಲ್‌ ಮಾಡೋದು ಅಂದ್ರೆ ಪಂಚಪ್ರಾಣ. ಹೊಸ ಹೊಸ ಜಾಗಗಳನ್ನು ನೋಡೋದು ಖುಷಿ ಕೊಡುವ ವಿಚಾರವೂ ಹೌದು. ಆದರೆ ಕೆಲವು ರಾಶಿಯವರಿಗೆ ಟ್ರಾವೆಲ್‌ ಮಾಡೋದು ಅಂದ್ರೆ ಆಗೊಲ್ವವಂತೆ. ಹಾಗಾದರೆ ಆ ರಾಶಿಗಳು ಯಾರು, ಅವರಿಗೆ ಪ್ರಯಾಣ ಮಾಡೋದು ಯಾಕೆ ಇಷ್ಟವಾಗೊಲ್ಲ ನೋಡಿ.

ಸಂಪೂರ್ಣ ಲೇಖನಕ್ಕಾಗಿ ಇಲ್ಲಿ ಕ್ಲಿಕ್‌ ಮಾಡಿ