ಖುಷಿ ಕಪೂರ್‌ ಸೊಂಟದ ಮೇಲೆ ಬಿತ್ತು ಎಲ್ಲರ ಕಣ್ಣು: ಫೋಟೋ ಜೂಮ್‌ ಮಾಡಿ ನೋಡ್ತಿದ್ದಾರೆ ಫ್ಯಾನ್ಸ್‌, ಆ ಹೆಸರು ಯಾರದ್ದು?
ಬಾಲಿವುಡ್ ನಟಿ ಜಾಹ್ನವಿ ಕಪೂರ್‌ ಹಾಗೂ ತಂಗಿ ಖುಷಿ ಕಪೂರ್‌ ಇಬ್ಬರೂ ಡೇಟಿಂಗ್‌ನಲ್ಲಿದ್ದಾರೆ. ಖುಷಿ ಕಪೂರ್‌, ವೇದಾಂಗ್‌ ರೈನಾ ಜೊತೆಗೆ ದಿ ಆರ್ಚಿಸ್‌ ಸಿನಿಮಾದಲ್ಲಿ ನಟಿಸಿದ ನಂತರ ಇಬ್ಬರ ನಡುವೆ ಲವ್‌ ಶುರುವಾಗಿದ್ದು ಖುಷಿ ಕಪೂರ್‌ ತಮ್ಮ ಸೊಂಟದ ಮೇಲೆ ವೇದಾಂಗ್‌ ಪೆಟ್‌ ನೇಮ್‌ ಟ್ಯಾಟೂ ಹಾಕಿಸಿಕೊಂಡಿದ್ದಾರೆ ಎನ್ನಲಾಗುತ್ತಿದೆ.
ಬಾಲಿವುಡ್ ನಟಿ ಶ್ರೀದೇವಿ ಪುತ್ರಿಯರಾದ ಜಾಹ್ನವಿ ಕಪೂರ್‌, ಖುಷಿ ಕಪೂರ್‌ ಆಗ್ಗಾಗ್ಗೆ ಸುದ್ದಿಯಲ್ಲಿರುತ್ತಾರೆ. ಜಾಹ್ನವಿ ಕಪೂರ್‌ ದೇವರ ಸಿನಿಮಾ ಮೂಲಕ ಸುದ್ದಿಯಲ್ಲಿದ್ದಾರೆ. ಈ ಸಿನಿಮಾ ಮೂಲಕ ದಕ್ಷಿಣ ಚಿತ್ರರಂಗಕ್ಕೆ ಬಂದ ಖುಷಿ ಕಪೂರ್‌, ಚಿರಂಜೀವಿ ಪುತ್ರ ರಾಮ್‌ಚರಣ್‌ ಜೊತೆ ಮತ್ತೊಂದು ತೆಲುಗು ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಜಾಹ್ನವಿ ತಂಗಿ ಖುಷಿ ಕಪೂರ್‌ ಕೂಡಾ ಬಾಲಿವುಡ್ ಎಂಟ್ರಿಗೆ ರೆಡಿ ಇದ್ದಾರೆ.
ವೇದಾಂಗ್‌ ರೈನಾ ಜೊತೆ ಖುಷಿ ಡೇಟಿಂಗ್
ಖುಷಿ ಕಪೂರ್‌ ಸ್ಟಾರ್‌ ಕಿಡ್‌ ಎಂಬ ಕಾರಣಕ್ಕೆ ಅವರು ಏನು ಮಾಡಿದರೂ ಅದು ದೊಡ್ಡ ಸುದ್ದಿಯಾಗುತ್ತಿದೆ. ಖುಷಿ ಕಪೂರ್‌, ವೇದಾಂಗ್‌ ಎಂಬಾತನನ್ನು ಪ್ರೀತಿಸುತ್ತಿದ್ದು ಬಹಳ ದಿನಗಳಿಂದ ಇಬ್ಬರೂ ಡೇಟಿಂಗ್‌ನಲ್ಲಿದ್ದಾರೆ ಎಂಬ ಗುಸು ಗುಸು ಹರಿದಾಡುತ್ತಿದೆ. ಇದಕ್ಕೆ ಸಾಕ್ಷಿ ಎಂಬಂತೆ ಖುಷಿ ಇತ್ತೀಚೆಗೆ ಬಾಯ್‌ಫ್ರೆಂಡ್‌ ವೇದಾಂಗ್‌ ರೈನಾ ಹೆಸರು ಇರುವ ಬ್ರೆಸ್‌ಲೈಟ್‌ ಧರಿಸಿಸುವ ಫೋಟೋ ವೈರಲ್‌ ಆಗಿತ್ತು. ಎಷ್ಟೋ ಬಾರಿ ಈ ಜೋಡಿ ಜೊತೆಯಾಗಿ ಸಾರ್ವಜನಿಕವಾಗಿ ಕಾಣಿಸಿಕೊಂಡಿದ್ದಾರೆ. ಬ್ರೆಸ್‌ಲೈಟ್‌ ಧರಿಸುವ ಮೂಲಕ ಖುಷಿ ಕಪೂರ್‌ ಈ ವಿಚಾರವನ್ನು ಅಧಿಕೃತವಾಗಿ ಅನೌನ್ಸ್‌ ಮಾಡಿದ್ದಾರೆ ಎಂದು ಅಭಿಮಾನಿಗಳು ಮಾತನಾಡಿಕೊಳ್ಳುತ್ತಿದ್ದಾರೆ.
ಮಾಲ್ಡೀವ್ಸ್‌ಗೆ ತೆರಳಿದ್ದ ಜೋಡಿ
ಇತ್ತೀಚೆಗೆ ಈ ಜೋಡಿ ಒಟ್ಟಾಗಿ ಮಾಲ್ಡೀವ್ಸ್‌ ತೆರಳಿದ್ದು ಆ ಫೋಟೋಗಳನ್ನು ಸೋಷಿಯಲ್‌ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಇದರಲ್ಲಿ ಖುಷಿ ಕಪೂರ್‌ ಕೆಂಫು ಬಣ್ಣದ ಬಿಕಿನಿ ಧರಿಸಿದ್ದಾರೆ. ಇದರಲ್ಲಿ ಖುಷಿ ಧರಿಸಿರುವ ಟ್ಯಾಟೂ ಬಹಳ ಕ್ಲಿಯರ್‌ ಆಗಿ ಕಾಣುತ್ತಿದೆ. ಅಲ್ಲದೆ ಸೊಂಟದ ಮೇಲೆ ಒಂದು ಟ್ಯಾಟೂ ಇದ್ದು ಅದು ಯಾರ ಹೆಸರು ಅಂತ ನೋಡಲು ನೆಟಿಜನ್ಸ್‌ ಆ ಫೋಟೋವನ್ನು ಜೂಮ್‌ ಮಾಡಿ ಮಾಡಿ ನೋಡುತ್ತಿದ್ದಾರೆ. ಅದು ವೇದಾಂಗ್‌ ರೈನಾ ಅವರ ಪೆಟ್‌ ನೇಮ್‌ ಅಂತ ಕೆಲವರು ಕಾಮೆಂಟ್‌ ಮಾಡಿದರೆ, ಇಲ್ಲ ಅದು ಖುಷಿ ಹೆಸರು ಎಂದು ಇನ್ನೂ ಕೆಲವರು ಹೇಳುತ್ತಿದ್ದಾರೆ. ಟ್ಯಾಟೂ ವಿಷ್ಯ ಏನೇ ಇರಲಿ, ಈ ಜೋಡಿ ಡೇಟಿಂಗ್ ಮಾಡ್ತಿರೋದಂತೂ ನಿಜ ಅಂತ ನೆಟ್ಟಿಗರು ಮಾತನಾಡಿಕೊಳ್ತಿದ್ದಾರೆ.
ದಿ ಆರ್ಚೀಸ್‌ ಸಿನಿಮಾದಲ್ಲಿ ನಟಿಸಿದ್ದ ಜೋಡಿ
ಖುಷಿ ಕಪೂ, ವೇದಾಂಗ್‌ ರೈನಾ ಇಬ್ಬರೂ ನೆಟ್‌ಫ್ಲಿಕ್ಸ್‌ನಲ್ಲಿ ಬಿಡುಗಡೆ ಆದ ದಿ ಆರ್ಚೀಸ್‌ ಎಂಬ ಸಿನಿಮಾದಲ್ಲಿ ನಟಿಸಿದ್ದಾರೆ. ಈ ಸಿನಿಮಾ ಚಿತ್ರೀಕರಣದ ಸಮಯದಲ್ಲಿ ಇಬ್ಬರ ನಡುವೆ ಲವ್‌ ಆಗಿದೆ. ಈ ಚಿತ್ರದಲ್ಲಿ ಶಾರುಖ್‌ ಖಾನ್‌ ಪುತ್ರಿ ಸುಹಾನಾ ಖಾನ್‌, ಅಮಿತಾಬ್‌ ಬಚ್ಚನ್‌ ಮೊಮ್ಮಗ ಅಗಸ್ತ್ಯ ಹಾಗೂ ಇನ್ನಿತರರು ನಟಿಸಿದ್ದಾರೆ. ಈ ನಡುವೆ ವೇದಾಂಗ್‌ ರೈನಾ ಆಲಿಯಾ ಭಟ್‌ ನಟಿಸಿರುವ ಜಿಗ್ರಾ ಸಿನಿಮಾದಲ್ಲಿ ಕೂಡಾ ಕಾಣಿಸಿಕೊಂಡಿದ್ದಾರೆ. ಪ್ರಮೋಷನ್‌ ಸಮಯದಲ್ಲಿ ತಮ್ಮ ವೈಯಕ್ತಿಕ ವಿಚಾರವನ್ನೂ ವೇದಾಂಗ್‌ ಮಾತನಾಡಿದ್ದಾರೆ. ನಾನು ಮೊದಲು ನನ್ನ ಕರಿಯರ್‌ ಕಡೆ ಗಮನ ನೀಡಬೇಕು. ನಂತರವೇ ಉಳಿದೆಲ್ಲಾ ಎಂದಿದ್ದಾರೆ.
